Published:Updated:

நாற்று நடும் இயந்திரம்... ரூ 2 லட்சம் மானியம்!

நாற்று நடும் இயந்திரம்... ரூ 2 லட்சம் மானியம்!
பிரீமியம் ஸ்டோரி
நாற்று நடும் இயந்திரம்... ரூ 2 லட்சம் மானியம்!

நடவுதுரை.நாகராஜன் - படங்கள்: க.பாலாஜி

நாற்று நடும் இயந்திரம்... ரூ 2 லட்சம் மானியம்!

நடவுதுரை.நாகராஜன் - படங்கள்: க.பாலாஜி

Published:Updated:
நாற்று நடும் இயந்திரம்... ரூ 2 லட்சம் மானியம்!
பிரீமியம் ஸ்டோரி
நாற்று நடும் இயந்திரம்... ரூ 2 லட்சம் மானியம்!

மிழ்நாட்டில் பெரும்பான்மையாகச் சாகுபடி செய்யப்பட்டுவரும் பயிர் நெல். இந்த நெல் சாகுபடியில் முக்கியமானது நடவு செய்யும் பணி. நாற்றைப் பறித்துத் தனியாக நடவு செய்வதுதான் வழக்கம்.

இந்த நாற்று நடவுசெய்யும்முறையை  எளிமையாக்கும் வகையில் நெல் நாற்று நடவு செய்யும் இயந்திரம், தற்போது பரவலாகப் பயன்படுத்தப்பட்டு வருகிறது. இதற்கு மானியமும் வேளாண் பொறியியல் துறையால் வழங்கப்பட்டு வருகிறது என்பது குறிப்பிடத்தக்கது.இந்த நெல் நடவு இயந்திரம்மூலம் திருவள்ளூர் மாவட்டத்தில் அதிகளவில் நெல்  சாகுபடி நடைபெற்று வருகிறது. திருவள்ளூர் மாவட்டம், வெங்கல் கிராமத்தில் வாடகைக்கு நெல் நடவு செய்துகொண்டிருந்த கனகவேலைச் சந்தித்தோம். நாமக்கல்லில் உள்ள கிரீன் வேர்ல்டு அக்ரோடெக் நிறுவனத்தின் இயக்குநர் இவர்.

நாற்று நடும் இயந்திரம்... ரூ 2 லட்சம் மானியம்!

இந்த இயந்திரம் குறித்துப் பேசிய கனகவேல். “நெல் நாற்று நடவு இயந்திரங்கள் பல வடிவத்துல கிடைச்சிட்டிருக்கு. இதுல நாங்கள் பயன்படுத்துகிற நடவு இயந்திரம் குபேட்டா வகையைச் சேர்ந்தது. இதை வர்த்தக ரீதியான பயன்பாட்டுக்குத்தான் அதிகம் பயன்படுத்தி வருகிறோம். சுமார் 10 ஏக்கர்லிருந்து 100 ஏக்கர் பரப்பளவுல நடவு செய்றதுக்கு இந்த இயந்திரத்தைப் பயன்படுத்தலாம். இதைவிடச் சிறிய கருவி 4 வரிசை கொண்டது. அதை விவசாயிகளே கையாளலாம். அதை 5 ஏக்கர், 10 ஏக்கர் நிலத்தில் நடவுசெய்யப் பயன்படுத்தலாம். சிறிய நெல் நடவு செய்யும் கருவியின் விலை இரண்டரை லட்சம் ரூபாய் விலையில் கிடைக்கிறது. இப்போது நாங்கள் பயன்படுத்தும் 6 வரிசைக் கருவியின் விலை பத்தரை லட்சம் ரூபாய்” என்றவர் எவ்வளவு இடைவெளியில் இந்த இயந்திரத்தின்மூலம் நடவு செய்யலாம் என்பதையும் சொன்னார்.

ஒட்டுமொத்த விகடனுக்கும் ஒரே ஷார்ட்கட்!

நாற்று நடும் இயந்திரம்... ரூ 2 லட்சம் மானியம்!


“இந்த இயந்திரம் ஒற்றை நாற்று முறையில் நடவுசெய்ய ஏற்றது. வரிசைக்கு வரிசை 27 செ.மீ. பயிருக்குப் பயிர் 18 செ.மீ இடைவெளியில் நடவு செய்யுமாறு அமைக்கப்பட்டுள்ளது. இடைவெளியானது பயிர்களோட வாழ்நாளுக்கு ஏற்ப மாறுபடும். குறுகியகாலப் பயிர்களுக்கு 15 சென்டிமீட்டரும், நடுத்தரக் காலப் பயிர்களுக்கு 18 சென்டிமீட்டரும், நீண்டகாலப் பயிர்களுக்கு 21 சென்டிமீட்டரும் இருக்கும்.

இந்த இயந்திரத்தில ஒரே நேரத்தில் ஆறு வரிசையில் நடவுசெய்ய முடியும். ஒரு குத்துக்கு 3 நாத்திலிருந்து அதிகபட்சமாக 20 நாத்துகள் வரை நடவு செய்யலாம். மூணு நாத்துகள் வைத்து நடவுசெய்யும்போது, ஏறத்தாழ ஒற்றை நாற்று நடவுபோலவே இருக்கும். இயந்திரத்தின் வேகம் விநாடிக்கு 1.62 மீட்டர். பயிர்களை அதிகமாக வைத்துக்கொள்ளப் பக்கவாட்டில் ட்ரேக்களும், உள்ளே நாத்துகளை வைத்துக்கொள்ள இட வசதியும் இருக்கு.

நாற்று நடும் இயந்திரம்... ரூ 2 லட்சம் மானியம்!

இந்த இயந்திரத்தை நடவுக்குப் பயன்படுத்தும்போது பெட்ரோல், ஆட்கள் கூலி என ஏக்கருக்கு 1,500 ரூபாய் வரை செலவாகும். அதேபோல ஒரு ஏக்கருக்கு நடவுசெய்ய ஒண்ணேகால் மணிநேரமாகும். தொடர்ந்து பராமரிப்புச் செய்துகொண்டே இருக்க வேண்டும். இந்த இயந்திரம் மினி டிராக்டர் போலவே முன் சக்கரங்கள், பின் சக்கரங்கள் சிறியதா இருக்கும். இது ஜப்பான் நாட்டின் தொழில்நுட்பத்தைக்கொண்டது. 17 ஹெச்.பி வாட்டர் கூல்டு இன்ஜின் பொருத்தப்பட்டுள்ளது.

எவ்வளவு சேறானாலும் சக்கரங்கள் தொடர்ந்து ஓடிக்கொண்டிருக்கும். நான்கு வீல்களுக்கும் சஸ்பென்ஸ் கொடுக்கும் பலமான சஸ்பென்சர்களும், நவீனப் பவர் ஸ்டியரிங்கும் பொருத்தப்பட்டிருக்கு. பின்பக்கம் இரண்டு மேட் பலகைகள் இருக்கும். இதன்மீது பயிர்களை மொத்தமாக வைப்பதன்மூலம், பயிர் தானாகவே நடவுக்குக் கீழேச் செல்லும்.

நாற்று நடும் இயந்திரம்... ரூ 2 லட்சம் மானியம்!

இயந்திரத்தின் உள்ளே பலகைகள்மீது பாதுகாப்பாக நின்றுகொண்டு பயிர்களை எடுத்து மேட் பலகையின்மீது வைக்கலாம். நடவு செய்யும் முனையின் அளவு 100 மி.மீ அளவு அகலமாக இருக்கும். இந்த இயந்திரத்தின் மூலம் தமிழ்நாட்டின் அனைத்து பகுதிகளிலும் நடவுசெய்யலாம். இதற்கு வேளாண்மைப் பொறியியல் துறையிலிருந்து 2 லட்சம் ரூபாய் வரை மானியம் தர்றாங்க” என்றவர் நிறைவாக,

இந்த இயந்திரம்மூலம் நெல் நாத்துகளை நடவுசெய்யத் தனியாக ட்ரேக்களில் நாத்தை உற்பத்திசெய்ய வேண்டியது அவசியம். இந்த ட்ரேக்களின் அளவு 11 அங்குல அகலம், 22 அங்குல நீளம் இருக்கும்.

நாற்று நடும் இயந்திரம்... ரூ 2 லட்சம் மானியம்!

இதில் உற்பத்தி செய்து, இயந்திரத்தில் அதற்கென்று ஒதுக்கப்பட்டிருக்கும் இடத்தில் வைத்தால், நடவுசெய்துவிடும். நெல் நாற்று நடவு இயந்திரத்தைப் பொறுத்தவரை,  இதிலிருக்கும் சாதகப் பாதக அம்சங்களைத் தெரிந்துகொண்டு விவசாயிகள் வாங்குவது நல்லது. இயந்திர வாடகை மையம் அமைப்பவர்கள், விவசாயக் குழுக்கள் ஆகியோருக்கு மிகவும் பயன்படும்” என்றார்.

-வேளாண் பொறியியல்துறைமூலம் பண்ணைக் கருவிகளுக்கு வழங்கப்படும் மானியம் குறித்தான முழு விவரங்களைத் தெரிந்துகொள்ள... 42-ம் பக்கத்துக்குச் செல்லவும்.