Published:Updated:

குறைந்த கட்டணத்தில் கால்நடைகளுக்கு மருத்துவம்!

குறைந்த கட்டணத்தில்  கால்நடைகளுக்கு மருத்துவம்!
பிரீமியம் ஸ்டோரி
குறைந்த கட்டணத்தில் கால்நடைகளுக்கு மருத்துவம்!

கால்நடைதுரை.நாகராஜன் - படங்கள்: இ.பால வெங்கடேஷ்

குறைந்த கட்டணத்தில் கால்நடைகளுக்கு மருத்துவம்!

கால்நடைதுரை.நாகராஜன் - படங்கள்: இ.பால வெங்கடேஷ்

Published:Updated:
குறைந்த கட்டணத்தில்  கால்நடைகளுக்கு மருத்துவம்!
பிரீமியம் ஸ்டோரி
குறைந்த கட்டணத்தில் கால்நடைகளுக்கு மருத்துவம்!

விவசாயத்தோடு இணைந்த முக்கிய உபதொழில் கால்நடை வளர்ப்பு. கால்நடைகள் பராமரிப்பில் முக்கியமான பிரச்னை அவற்றுக்கு வைத்தியம் செய்வதுதான். கால்நடைகளுக்கான தனியார் மருத்துவமனைகள் மிகக்குறைவாக இருப்பதால் அரசு கால்நடை மருந்தகங்கள், மருத்துவமனைகளைத்தான் நம்பியிருக்க வேண்டிய சூழ்நிலை. இந்நிலையில், கால்நடைகளுக்கு மிகக்குறைந்த செலவில் வைத்தியம் பார்த்துக்கொள்ளும் வகையில் ‘கால்நடை மருத்துவச் சேவா மையம்’ ஒன்றை ஆரம்பித்து நடத்தி வருகிறார் கால்நடை மருத்துவர் குமரன்.

குறைந்த கட்டணத்தில்  கால்நடைகளுக்கு மருத்துவம்!

காஞ்சிபுரம் மாவட்டம், மதுராந்தகம் அருகேயுள்ள சித்திரைவாடி கிராமத்தில் அமைந்துள்ளது கால்நடை மருத்துவச் சேவா மையம். பரபரப்பாகப் பணியாற்றிக்கொண்டிருந்த குமரனைச் சந்தித்துப் பேசினோம்.

“கால்நடை அறிவியல் பட்டம் படித்துவிட்டுச் சவுதி அரேபியாவில் குதிரைகளுக்கு மருத்துவம் பார்த்துக்கொண்டிருந்தேன். தமிழ்நாட்டில் ஒரு சிகிச்சை மையம் அமைக்க விரும்பி, கால்நடை மருத்துவ அறிவியல் பல்கலைக்கழகத்தில் பேராசிரியராக இருக்கும் நண்பர் குமரவேலிடம் பேசினேன். அவர்தான் இந்த மையத்தை அமைக்க ஏற்பாடுசெய்தார். இந்த மையம் அமைந்திருக்கும் இடம் ‘நயா திருப்பதி அறக்கட்டளை’க்குச் சொந்தமானது.

விவசாயிகளுக்கு உதவும் வகையில் இந்த மையத்தை ஆரம்பித்திருப்பதால், இலவசமாகவே இடத்தைக்கொடுத்துள்ளனர். முறையான அனுமதிபெற்று இந்தச் சிகிச்சை மையத்தை ஆரம்பித்துள்ளோம்.

ஒட்டுமொத்த விகடனுக்கும் ஒரே ஷார்ட்கட்!

குறைந்த கட்டணத்தில்  கால்நடைகளுக்கு மருத்துவம்!


நான் வெளிநாடுகளில் வேலைசெய்து நிறைவான வருமானம் ஈட்டிவிட்டேன். அதனால், பிறந்த மண்ணுக்குப் பிரயோஜனமாக இருக்க வேண்டுமென்று குறைந்த கட்டணத்தில் கால்நடைகளுக்குச் சிகிச்சையளித்து வருகிறேன். முழுக்க இலவசம் என்றால், அதைச் சந்தேகக் கண்ணுடனே பார்க்கும் பழக்கம் நம் மக்களுக்கு உண்டு. அதனால்தான் குறைந்த கட்டணம் வசூலிக்கிறேன். மருந்துகளுக்கு ஆகும் செலவுகளை மட்டும்தான் வாங்குகிறேன். கால்நடைகளைப் பரிசோதிக்க அல்ட்ரா ஸ்கேன் இயந்திரமும் இங்குள்ளது. அதன்மூலம் சினை மாடுகளின் வயிற்றிலுள்ள கன்றுக்குட்டிகளின் வளர்ச்சிகளைப் பரிசோதிக்க முடியும்.

ஒளிவு மறைவில்லாமல் நோய்கள் குறித்து விவசாயிகளிடம் பேசுவதால், எங்கள் மையத்தின்மேல் நம்பிக்கை அதிகமாகியுள்ளது இந்தப் பகுதி மக்களுக்கு. அதேசமயம் உடனுக்குடன் பரிசோதனை முடிவுகளையும் தெரிவித்துவிடுவோம். விவசாயிகளை அலைய வைப்பதில்லை. அதனால், நாளுக்கு நாள் எங்கள் மையத்துக்கு வரும் கால்நடைகளின் எண்ணிக்கை அதிகரித்துக்கொண்டே இருக்கிறது.

இப்பகுதியில் சினை நிற்காத மாடுகளை உடனே இறைச்சிக்காக விற்றுவிடுகிறார்கள். அவற்றில் பாரம்பர்ய மாடுகளும் அடக்கம். அதனால், விவசாயிகளிடம் அதுகுறித்து விழிப்பு உணர்வு ஏற்படுத்தி வருகிறோம். சினை தங்காத மாடுகளை நன்கு பரிசோதித்துச் சினை தங்காததற்கான காரணங்களை அறிந்து முறையான சிகிச்சை அளித்து வருகிறோம்” என்ற குமரன் நிறைவாக,

“அருகிலுள்ள கிராமங்களிலும் எங்கள் சிகிச்சை மையக் கிளைகளை அமைக்கும் முயற்சிகளை எடுத்து வருகிறோம். இதன்மூலம் அலைச்சலில்லாமல் விவசாயிகள் வைத்தியம் செய்துகொள்ள இயலும்” என்றார்.

தொடர்புக்கு,
குமரன்,
செல்போன்: 90033 77672.

குறைந்த கட்டணத்தில்  கால்நடைகளுக்கு மருத்துவம்!

இங்கு வந்துதான் சினை பிடிச்சது!

மாடுகளைச் சிகிச்சைக்கு அழைத்து வந்திருந்த அருணாச்சலம்- சந்திரா தம்பதி, “எங்க மாட்டுக்குச் சினை பிடிக்காம இருந்துச்சு. இங்க வைத்தியம் பார்த்த பிறகுதான் சினை பிடிச்சிருக்கு. இப்போ பரிசோதனை செய்யத்தான் மாட்டை அழைச்சிட்டு வந்திருக்கேன். எங்களால கொடுக்க முடியுற அளவுக்குத்தான் பணம் கேக்குறாங்க. சிகிச்சையும் தரமா இருக்கு. பக்கத்துலேயே ஆஸ்பத்திரி வந்ததால மாடுகளை அழைச்சிட்டு வர்றது சுலபமாயிருக்கு” என்றனர்.

குறைந்த கட்டணத்தில்  கால்நடைகளுக்கு மருத்துவம்!

சேவை என்பதால் வாடகை வாங்கவில்லை!

சிகிச்சை மையத்துக்கு நிலம் வழங்கிய நயா திருப்பதி அறக்கட்டளை நிர்வாகியான பேராசிரியர் பெருமாள்சாமி, “கால்நடைகளுக்குக் குறைந்த செலவில் தரமான சிகிச்சை வழங்குவதாக டாக்டர் குமரன் என்னிடம் சொன்னார். சேவை மனப்பான்மையுடன் இருந்ததால், எங்கள் நிலத்தில் வாடகை இல்லாமல் கால்நடைச் சேவா மையத்தை அமைக்க அனுமதிகொடுத்தோம். குமரன் விரும்பும் காலம்வரை, இந்த இடத்தைப் பயன்படுத்திக்கொள்ளலாம். எங்கள் கிராமத்தில் கால்நடை மையம் வந்திருப்பது, எங்களுக்குப் பெருமைதான்” என்றார்.