Published:Updated:

பயிற்சி... ஆலோசனை... கடனுதவி... - பட்டையைக் கிளப்பும் பயிற்சி மையம்!

பயிற்சி... ஆலோசனை... கடனுதவி... - பட்டையைக் கிளப்பும் பயிற்சி மையம்!
பிரீமியம் ஸ்டோரி
பயிற்சி... ஆலோசனை... கடனுதவி... - பட்டையைக் கிளப்பும் பயிற்சி மையம்!

பயிற்சிதுரை.நாகராஜன் - படங்கள்: ஜெ.பரணிதரன்

பயிற்சி... ஆலோசனை... கடனுதவி... - பட்டையைக் கிளப்பும் பயிற்சி மையம்!

பயிற்சிதுரை.நாகராஜன் - படங்கள்: ஜெ.பரணிதரன்

Published:Updated:
பயிற்சி... ஆலோசனை... கடனுதவி... - பட்டையைக் கிளப்பும் பயிற்சி மையம்!
பிரீமியம் ஸ்டோரி
பயிற்சி... ஆலோசனை... கடனுதவி... - பட்டையைக் கிளப்பும் பயிற்சி மையம்!

டன் வாங்கிச் சுயதொழில்செய்ய நினைப்போர் வங்கியை நாடும்போது ‘கடன் கேட்பவர், சம்பந்தப்பட்ட துறையில் போதிய பயிற்சி எடுத்துள்ளாரா’ என்று விசாரிக்கப்படுவது வழக்கம். பலருக்கும் ஆர்வம் மற்றும் அனுபவ அறிவு ஆகியவை இருந்தாலும் முறையான பயிற்சி எடுத்துக் கொள்ளாததால் வாய்ப்புகள் கிடைக்காமல் போகலாம்.   

பயிற்சி... ஆலோசனை... கடனுதவி... - பட்டையைக் கிளப்பும் பயிற்சி மையம்!

அத்தகையோருக்காக முறையான பயிற்சியை அளித்துத் தகுதியுள்ளோருக்குக் கடனுதவி வழங்கவும் பரிந்துரை செய்து தருகிறது திருவள்ளூர் மாவட்டத்திலுள்ள ‘இந்தியன் வங்கி சுய வேலைவாய்ப்புப் பயிற்சி மையம்’. இம்மையத்தில் தொழிற்பயிற்சிகள் அளிக்கப்படுகின்றன. அதில் விவசாயப் பயிற்சிகளுக்கு அதிக முக்கியத்துவம் கொடுக்கப்பட்டுவருகின்றன. இம்மையத்தில் தேவைக்குத் தக்கபடி 13 நாள்கள் வரை விவசாயப் பயிற்சிகள் நடத்தப்படுகின்றன. முன்னோடி இயற்கை விவசாயிகள், வேளாண் அலுவலர்கள், பல்கலைக்கழக விஞ்ஞானிகள்... எனப் பல தரப்பினரும் பயிற்சியளிக்கின்றனர்.  

ஒட்டுமொத்த விகடனுக்கும் ஒரே ஷார்ட்கட்!

பயிற்சி... ஆலோசனை... கடனுதவி... - பட்டையைக் கிளப்பும் பயிற்சி மையம்!

ரசாயன உரங்கள் மற்றும் பூச்சிக் கொல்லிகளை இங்கே நடைபெறும் பயிற்சியில் பெரும்பாலும் பரிந்துரைப்பதில்லை என்பது குறிப்பிடத்தக்கது. மையத்தின் செயல்பாடுகள் குறித்து இதன் இயக்குநர் புருஷோத்தமன் நம்மிடம் சில தகவல்களைப் பகிர்ந்து கொண்டார். “மத்திய, மாநில அரசுகளின் உதவியோடு இந்தியன் வங்கி மூலமாக எங்கள் மையம் இயங்கி வருகிறது.  கணினி, தையல், தொழில் முனைவோர்ப் பயிற்சிகள் மற்றும் விவசாயம் தொடர்பான பயிற்சி... எனப் பல பயிற்சிகளை இலவசமாக அளித்து வருகிறோம்.  

பயிற்சி... ஆலோசனை... கடனுதவி... - பட்டையைக் கிளப்பும் பயிற்சி மையம்!



சமீபகாலமாக விவசாயம் தொடர்பான பயிற்சிகளுக்கு அதிக இளைஞர்கள் வருகிறார்கள். அதற்கு ‘பசுமை விகடன்’தான் முக்கியக் காரணம். பசுமை விகடனில் தண்டோரா பகுதியில் பயிற்சி குறித்த அறிவிப்பு வெளியான பிறகுதான் அதிகளவில் இளைஞர்கள் வர ஆரம்பித்தனர். அதற்காகப் பசுமை விகடனுக்கு நன்றியைச் தெரிவித்துக்கொள்கிறேன். இதுவரை 192 பயிற்சி வகுப்புகள் நடத்தியிருக்கிறோம். அவற்றில் சுமார் 4,500 பேர் பயிற்சி பெற்றிருக்கிறார்கள். இவர்களில் விவசாயப் பயிற்சி எடுத்துக் கொண்டவர்கள் 700 பேர். அவர்களில் பலர் வெற்றிகரமாக விவசாயம் செய்து வருகிறார்கள். மேலும், நூற்றுக்கும் மேற்பட்டவர்கள் விவசாயம் மேற்கொள்ள ஆயத்தமாக உள்ளனர்.  

பயிற்சி... ஆலோசனை... கடனுதவி... - பட்டையைக் கிளப்பும் பயிற்சி மையம்!

எங்கள் மையத்தில் ஒருங்கிணைந்த பண்ணையம், மண்புழு உரத் தயாரிப்பு, காளான் வளர்ப்பு, அசோலா உற்பத்தி, கால்நடைகளில் நோய் மேலாண்மை, பண்ணை நிர்வாகம், இடுபொருள் தயாரிப்பு, காய்கறி நர்சரி... எனப் பல பயிற்சிகளைக் கொடுத்து வருகிறோம். இப்பயிற்சிகள் சம்பந்தப்பட்ட துறைசார் வல்லுநர்கள்மூலம் செயல் விளக்கத்துடன் அளிக்கப்படுகின்றன.

தொழில்சார்ந்த பயிற்சி அளிப்பதோடு நிறுத்திக்கொள்ளமல் சந்தை வாய்ப்பு, திறன் மேம்பாடு, வர்த்தக உரையாடல் போன்றவற்றைக் குறித்தும் சொல்லிக்கொடுக்கிறோம். பயிற்சியோடு இரண்டு தகுதித்தேர்வுகளும் உண்டு. இந்தத் தேர்வில் வெற்றி பெற்றவர்களுக்குத்தான் தகுதிச் சான்றிதழ் கிடைக்கும்.  

பயிற்சி... ஆலோசனை... கடனுதவி... - பட்டையைக் கிளப்பும் பயிற்சி மையம்!

இந்தச் சான்றிதழ் பெற்றவர்களுக்கு வங்கிக்கடன் கிடைக்கவும் பரிந்துரை செய்கிறோம்” என்ற புருஷோத்தமன் நிறைவாக, “எங்கள் மையத்துக்கு மாவட்ட முன்னோடி வங்கி மற்றும் மாவட்ட நிர்வாகத்தின் உதவிகளும் கிடைக்கின்றன. விரைவில் தங்கும் வசதியுடன் கூடிய பயிற்சிகள் வழங்கவும் ஏற்பாடுகள் செய்து வருகிறோம்.

திருவள்ளூர் மாவட்டத்தில் இந்தியன் வங்கி சார்பில், இந்தப் பயிற்சி மையம் நடத்தப்படுகிறது. இதேபோல, ஒவ்வொரு மாவட்டத்திலும் முன்னோடி வங்கியின்மூலம் சுய வேலைவாய்ப்புப் பயிற்சி மையங்கள் நடத்தப்படுகின்றன. அங்கும் வாய்ப்புள்ளவர்கள் சென்று பயிற்சி பெறலாம்” என்றார் மகிழ்ச்சியுடன்.

இந்த மையத்தில் பயிற்சி பெற்றவர்களில் ஒருவரான சரவணன் பேசும்போது, ‘‘இங்கு பயிற்சிபெற்ற பிறகு, விவசாயம் குறித்த புரிதல் ஏற்பட்டுள்ளது. லாபகரமாக விவசாயம் செய்யும் நுட்பங்களைக் கற்றுக்கொண்டோம். தற்போது இளைஞர்கள் சேர்ந்து கூட்டுப் பண்ணை தொடங்கவும் ஏற்பாடுகள் செய்துவருகிறோம்’’ என்றார் நம்பிக்கையுடன்.  

பயிற்சி... ஆலோசனை... கடனுதவி... - பட்டையைக் கிளப்பும் பயிற்சி மையம்!
பயிற்சி... ஆலோசனை... கடனுதவி... - பட்டையைக் கிளப்பும் பயிற்சி மையம்!

‘பசியோடு இருப்பவனுக்கு மீனைக் கொடுக்காதே... மீன் பிடிக்கக் கற்றுக் கொடு’ என்ற வரியை நிஜமாக்கி வரும் இப்பயிற்சி மையத்தின் இயக்குநருக்கு வாழ்த்துகளைச்சொல்லி விடைபெற்றோம்.

தொடர்புக்கு, இந்தியன் வங்கி சுய வேலைவாய்ப்புப் பயிற்சி மையம், திருவள்ளூர்.

தொலைபேசி: 044 27645060.

பயிற்சி... ஆலோசனை... கடனுதவி... - பட்டையைக் கிளப்பும் பயிற்சி மையம்!

‘‘தொடர் வழிகாட்டுதல் உண்டு!’’

ம்மையத்தின் பயிற்சி ஒருங்கிணைப்பாளர் அனு கார்த்திகேயன் பேசும்போது, ‘‘அனுபவம் வாய்ந்த வல்லுநர்கள்மூலம் பயிற்சி நடத்தப்படுவதால், கற்றுக் கொண்டதைக் களத்தில் செய்ய உதவியாக உள்ளது. எங்கள் மையத்தில் பயிற்சியை முடித்து, தொழில் தொடங்கிய பிறகும் அடுத்தகட்டத்துக்கு முன்னேறிச் செல்ல வழிகாட்டுதல் வழங்கி வருகிறோம். பயிற்சியில் பங்கு கொள்பவர்களுக்குக் காலை, மாலை தேநீர் மற்றும் மதிய உணவு வழங்கப்படுகின்றன. திருவள்ளூர் மாவட்டத்தைச் சேர்ந்தவர்களுக்கு முன்னுரிமை அடிப்படையில் பயிற்சிகள் வழங்கப்படுகின்றன’’ என்றார்.