Published:Updated:

ஆபத்தில் தென்னைச் சாகுபடி... கைகொடுக்குமா தென்னை வளர்ச்சி வாரியம்?

ஆபத்தில் தென்னைச் சாகுபடி... கைகொடுக்குமா தென்னை வளர்ச்சி வாரியம்?
பிரீமியம் ஸ்டோரி
ஆபத்தில் தென்னைச் சாகுபடி... கைகொடுக்குமா தென்னை வளர்ச்சி வாரியம்?

முறையீடுஎம்.புண்ணியமூர்த்தி - படங்கள்: தி.விஜய், வி.சதிஷ்குமார்

ஆபத்தில் தென்னைச் சாகுபடி... கைகொடுக்குமா தென்னை வளர்ச்சி வாரியம்?

முறையீடுஎம்.புண்ணியமூர்த்தி - படங்கள்: தி.விஜய், வி.சதிஷ்குமார்

Published:Updated:
ஆபத்தில் தென்னைச் சாகுபடி... கைகொடுக்குமா தென்னை வளர்ச்சி வாரியம்?
பிரீமியம் ஸ்டோரி
ஆபத்தில் தென்னைச் சாகுபடி... கைகொடுக்குமா தென்னை வளர்ச்சி வாரியம்?

கிராமங்களில் வேலைக்குப்போகாமல் ஊதாரியாகச் சுற்றும் ஆண் பிள்ளைகளிடம் ‘உன்னைய வளத்ததுக்கு ஒரு தென்னைய வளத்துருந்தாலாச்சும் அது எனக்குச் சோறு போட்டுருக்கும்’ என்று சொல்வார்கள். இப்படித் தென்னையை உயர்த்திப் பிடித்த சமூகம் நம்முடையது. ‘உலகத் தென்னை தினம்’ (செப்டம்பர் 2) கோலாகலமாகக் கொண்டாடப்பட்ட வேளையில், தென்னை மரங்களை வெட்டி விற்றுவருகின்றனர் தமிழக விவசாயிகள்.   

ஆபத்தில் தென்னைச் சாகுபடி... கைகொடுக்குமா தென்னை வளர்ச்சி வாரியம்?

சிலர் வெட்டி அப்புறப்படுத்துவதற்குக் கூட வழியில்லாமல் தவித்து வருகிறார்கள். இந்தியாவின் ஒட்டுமொத்தத் தென்னை உற்பத்தியில் கிட்டத்தட்ட பாதியளவு உற்பத்தி செய்து வந்த தமிழகத்தில் தற்போது, தென்னைச் சாகுபடிக்கு நெருக்கடி ஏற்பட்டுள்ளது. 

நசிந்துவரும் தென்னைச் சாகுபடி குறித்து மிகுந்த வேதனையோடு சில விஷயங்களைப் பகிர்ந்துகொண்டார் தமிழ்நாடு மாநிலத் தென்னை விவசாயக் கூட்டமைப்பு மற்றும் நட்பமைப்பின் மாநிலச் செயலாளர் செல்லத்துரை. “உலகத்துக்குத் தேவையான தேங்காய் அளவில் 91 சதவிகித அளவை 5 நாடுகள்தான் விளைவிக்கின்றன.

அவற்றில் இந்தியாதான் முதலிடத்தில் உள்ளது. இந்தியாவில் விளைவிக்கப்படும் மொத்தத் தேங்காயில் 92 சதவிகித அளவு நான்கு மாநிலங்களில் விளைவிக்கப் படுகின்றன. அதில் 34 சதவிகித அளவு தேங்காய் தமிழ்நாட்டில்தான் விளைவிக்கப்படுகிறது.

அப்படிப்பட்ட பெருமையுடைய நம் மாநிலத்தில், மிக வேகமாகத் தென்னைச் சாகுபடி அழிந்துவருகிறது. தமிழகத்தில் 4 லட்சத்து 60 ஆயிரம் ஹெக்டேர் நிலத்தில் தென்னைச் சாகுபடி நடந்துவந்தது. கடந்த 2015-ம் ஆண்டு 92 ஆயிரம் ஹெக்டேர் பரப்பில் தென்னைச் சாகுபடி பாதிக்கப்பட்டது.

இந்த ஆண்டு ஒன்றரை லட்சம் ஹெக்டேர் பரப்பில் தென்னைச் சாகுபடி பாதிக்கப்பட்டுள்ளது. இதனால், கிட்டத்தட்ட 60 சதவிகித உற்பத்தி இழப்பு ஏற்பட்டுள்ளது. மொத்தமுள்ள 4 லட்சத்து 60 ஆயிரம் ஹெக்டேர் பரப்பில் 85 ஆயிரம் ஹெக்டேர் பரப்பு கோயம்புத்தூர் மாவட்டத்திலும் 55 ஆயிரம் ஹெக்டேர் பரப்பு திருப்பூர் மாவட்டத்திலும் உள்ளன. இந்த இரண்டு மாவட்டங்களில்தான் தென்னை மரங்கள் பெருமளவில் பாதிக்கப்பட்டுள்ளன” என்ற செல்லத்துரை பாதிப்புகளுக்கான காரணங்களைப் பட்டியலிட்டார்.  

ஒட்டுமொத்த விகடனுக்கும் ஒரே ஷார்ட்கட்!

ஆபத்தில் தென்னைச் சாகுபடி... கைகொடுக்குமா தென்னை வளர்ச்சி வாரியம்?

“தென்னை விவசாயம் பாதிக்கப்படுவதற்கு முதல்காரணம் நீர் சேகரிப்பும் நீர் மேலாண்மையும் இல்லாமல் போனதுதான். எங்கெல்லாம் தென்னை செழித்திருக்கிறதோ, அங்கு நிலத்தடிநீர் இருக்கும் என்பதுதான் குறியீடு. ஆனால், இன்றைக்கு நிலைமையே மாறிவிட்டது. முன்பெல்லாம் ஆண்டுதோறும் நல்ல மழை பெய்யும். இப்போது போதுமான அளவுக்கு மழை பெய்வதில்லை.  இப்படிப்பட்ட நேரத்திலும் நாம் மழைநீரைச் சேமிப்பதில்லை. அதனால், வறட்சிக் காலங்களில் தண்ணீர் இல்லாமல் மரங்கள் கருகிப்போகின்றன. நம் மாநிலத்திலுள்ள பெரும்பாலான மரங்களுக்கு வயதாகிவிட்டதால் நோய் மற்றும் வறட்சியைத் தாங்க முடிவதில்லை. குறிப்பிட்ட ஆண்டுகளில் வயதான தென்னையை அழித்துவிட்டுப் புதிய கன்றுகளை வைத்திருந்தால் பாதிப்புகள் குறைந்திருக்கும்.

இன்னொரு முக்கியமான காரணம், தென்னை வளர்ச்சி வாரியம் கேரளாவில் இருப்பதுதான். இங்குள்ள நிலைமை வாரியத்துக்குச் சரிவர தெரியாததால், பல உதவிகள் கிடைப்பதில்லை. தமிழக அரசும் மத்திய அரசுக்கு எந்தக் கோரிக்கையும் வைப்பதில்லை. கடந்த இரண்டு ஆண்டுகளாகத்தான் தென்னை வளர்ச்சிக்கெனத் தமிழகத்துக்கு நிதி ஒதுக்கப்பட்டுவருகிறது. ஆனால், கடந்த ஏழு ஆண்டுகளில் கேரள மாநிலத்துக்கு 600 கோடி ரூபாய் வழங்கப்பட்டுள்ளது. தென்னை வளர்ச்சி வாரியத்தில் பணியாற்றுபவர்களில் 80 சதவிகிதம் பேர் கேரள மாநிலத்தைச் சேர்ந்தவர்கள் என்பதால், தங்கள் மாநிலத்துக்கு அள்ளி இறைக்கிறார்கள்.

2014-15-ம் ஆண்டில் தென்னை வளர்ச்சி வாரியத்துக்கு மத்திய அரசு 151 கோடி ரூபாயை ஒதுக்கியது. அதில் 60 சதவிகிதத் தொகை கேரளாவுக்குத்தான் செலவிடப்பட்டது. தமிழகத்துக்கு வெறும் 9.38 சதவிகித நிதிதான் வழங்கப்பட்டது. தமிழகத்துக்கு ஏன் நிதி கொடுக்கவில்லை என எங்கள் சங்கத்தினர் ஒரு மத்திய அமைச்சரிடம் கேட்டபோது, ‘உங்கள் மாநிலத்திலிருந்து நான்கு விவசாயிகள் வந்து எங்கள் மாநிலத்துக்கு 100 கோடி தேவை என்று கேட்டால் உடனே கொடுத்துவிட முடியுமா? உங்கள் மாநில அரசுமூலம் கேட்டனுப்பினால் நிதி ஒதுக்கப்போகிறோம்’ என்று பதில் சொன்னார்.  

ஆபத்தில் தென்னைச் சாகுபடி... கைகொடுக்குமா தென்னை வளர்ச்சி வாரியம்?

2014-ம் ஆண்டில் கேரள மாநிலத்தில் தென்னைக்கு 5,000 கூட்டுறவுச் சங்கங்கள் (சொசைட்டிகள்) இருந்தன. அப்போது தமிழகத்தில் வெறும் 246 சொசைட்டிகள்தான் இருந்தன. நமக்கான பாதிப்பு குறித்து முறையான கணக்கே இல்லை. இங்கு விவசாயிகளும் போதிய விழிப்பு உணர்வோடு இல்லை. நாட்டை ஆளும் அரசியல்வாதிகளும் அதிகாரிகளும் இதைக் கண்டுகொள்வதில்லை. அதனால்தான் இந்த நிலைக்குத் தள்ளப்பட்டிருக்கிறோம். இதனால்தான், பயனாளிகள் தேர்வு செய்யப்பட்ட பிறகும், நமக்கு ஒதுக்கிய நிதி இன்னும் விவசாயிகள் கைக்கு வந்து சேரவில்லை” என்ற செல்லத்துரை நிறைவாக,

“நிலத்தில் பள்ளமான பகுதியில் குழிகள் எடுத்து மழைநீரைச் சேமித்து நிலத்தடி நீர்மட்டத்தை உயர்த்த வேண்டும். அப்போதுதான் மழையில்லாத சமயங்களில் நிலத்தடிநீர் கைகொடுக்கும். அடுத்ததாக, தென்னை மரங்களுக்குக் கண்டிப்பாகக் காப்பீடு எடுக்க வேண்டும். அப்போதுதான் மரங்கள் காய்ந்துபோகும் நிலையில் உரிய இழப்பீடு கிடைக்கும்.

ஒரு மரத்துக்கான இன்ஷூரன்ஸ் கட்டணம் 14 ரூபாய்தான். அதிலும் 7 ரூபாயைத் தென்னை வளர்ச்சி வாரியமும், 3 ரூபாய் 50 பைசாவை மாநில அரசும் செலுத்திவிடும். நாம் ஒரு மரத்துக்கு 3 ரூபாய் 50 பைசா செலுத்தினாலே போதுமானது. இந்தத் தொகையைக் கட்டினால், மரம் பாதிப்புள்ளாகும்போது 1,900 ரூபாய் வழங்கப்படும். மரம் பட்டுப்போனால் மட்டும்தான் இழப்பீடு என்பதில்லை. கடந்த ஆண்டைவிட 30 சதவிகித உற்பத்தி குறைந்தாலே இழப்பீடு உண்டு. இனியாவது, தென்னை வளர்ச்சி வாரியம், தமிழ்நாட்டு விவசாயிகளுக்குத் தேவையான உதவிகளைச் செய்ய வேண்டும்’’ என்று முடித்தார்.

இதுகுறித்துத் தென்னை வளர்ச்சி வாரியத்தின் தமிழ்நாடு மண்டலத் துணை இயக்குநர் டி.பாலசுதாகரிடம் பேசினோம். ‘‘ தென்னை வளர்ச்சி வாரியம், நலத்திட்டங்களைச் செயல்படுத்துவதில் கேரள விவசாயிகள், தமிழக விவசாயிகள் என்று பாகுபாடு பார்ப்பதில்லை. சில ஆண்டுகளுக்கு முன்பு, தமிழ்நாடு மண்டல இயக்குநர் பதவியில், தமிழ்மொழி தெரியாதவர்கள் பணிபுரிந்தனர். இதனால், விவசாயிகளுக்கும் அதிகாரிகளுக்கும் மத்தியில் தகவல்தொடர்பு இடைவெளி ஏற்பட்டிருக்கலாம்.

இதனால்தான், தமிழ்நாட்டைப் பூர்வீகமாகக்கொண்ட என்னை, இந்தப் பதவியில் அமர்த்தியுள்ளார்கள். தற்போது, தமிழ்நாட்டில் தென்னைச் சாகுபடி சிறப்பாக நடைபெற உரிய ஏற்பாடுகள் செய்யப்பட்டுள்ளன. தென்னை வளர்ச்சி வாரியத்தின் நலத்திட்டங்களைப் பயன்படுத்திக்கொள்ள விரும்பும் விவசாயிகளுக்குத் தேவையான உதவிகளை வழங்கக் காத்திருக்கிறோம்’’ என்றார் உறுதியான குரலில்.