Published:Updated:

ஒரு ஏக்கர்... ரூ.4 லட்சம்... செழிப்பான லாபம் கொடுக்கும் செவ்வாழை!

ஒரு ஏக்கர்... ரூ.4 லட்சம்... செழிப்பான லாபம் கொடுக்கும் செவ்வாழை!
பிரீமியம் ஸ்டோரி
ஒரு ஏக்கர்... ரூ.4 லட்சம்... செழிப்பான லாபம் கொடுக்கும் செவ்வாழை!

மகசூல்கு.ராமகிருஷ்ணன், படங்கள்: ம.அரவிந்த்

ஒரு ஏக்கர்... ரூ.4 லட்சம்... செழிப்பான லாபம் கொடுக்கும் செவ்வாழை!

மகசூல்கு.ராமகிருஷ்ணன், படங்கள்: ம.அரவிந்த்

Published:Updated:
ஒரு ஏக்கர்... ரூ.4 லட்சம்... செழிப்பான லாபம் கொடுக்கும் செவ்வாழை!
பிரீமியம் ஸ்டோரி
ஒரு ஏக்கர்... ரூ.4 லட்சம்... செழிப்பான லாபம் கொடுக்கும் செவ்வாழை!

ண்ணீர் வளம், மண்ணின் தன்மை, சுற்றுச்சூழல் ஆகியவற்றுக்கு ஏற்ற பயிர்களைக் கண்டுபிடித்து, அவற்றைச் சாகுபடி செய்தால்தான் செழிப்பான விளைச்சல் எடுக்க முடியும். அப்படித் தேர்ந்தெடுக்கும் பயிர், அருகிலுள்ள சந்தையில் தேவையிருக்கும் பொருளாக அமைந்துவிட்டால், விவசாயத்தில் தோல்வி என்பதே கிடையாது. இப்படிச் சாதுர்யமாகச் செயல்படும் விவசாயிகள்தான் மிக எளிதாக லாபம் ஈட்டி வருகிறார்கள். அவர்களில் ஒருவர்தான் தஞ்சாவூர் மாவட்டத்தைச் சேர்ந்த நாகராஜன்.

புதுக்கோட்டை மாவட்டம், கந்தர்வக்கோட்டை அருகேயுள்ள மூக்கப்புடையான்பள்ளம் கிராமத்தில்தான் நாகராஜனின் நிலம் உள்ளது. அறுவடை செய்த வாழைத்தார்களை வரிசையாக அடுக்கிக்கொண்டிருந்த நாகராஜனைச் சந்தித்துப் பேசினோம்.

ஒரு ஏக்கர்... ரூ.4 லட்சம்... செழிப்பான லாபம் கொடுக்கும் செவ்வாழை!

 செவ்வாழைத் தார்களுடன் நாகராஜன்...

ஒட்டுமொத்த விகடனுக்கும் ஒரே ஷார்ட்கட்!

“நான் ஸ்டேட் பேங்க்ல வேலை செஞ்சுட்டு இருந்தேன். அங்கிருந்து ரிட்டையர்டு ஆனப்புறம் விவசாயம் செய்ய ஆரம்பிச்சேன். விவசாயக் குடும்பத்துல பிறந்தவங்கிறதால, சின்ன வயசுலிருந்தே விவசாயத்துல பரிச்சயம் அதிகம். விவசாயம் செய்ய ஆரம்பிச்சு 16 வருஷம் ஆச்சு. இப்போ 3 வருஷமாத்தான் இயற்கை விவசாயம் செஞ்சுட்டிருக்கேன்.

இது செம்மண்ணும் மணலும் கலந்த நிலம். மொத்தம் 20 ஏக்கர் இருக்கு. பத்து ஏக்கர் நிலத்துல யூகலிப்டஸ் (தைல) மரம் இருக்கு. ரெண்டு ஏக்கர் நிலத்துல தென்னை இருக்கு. நாலு ஏக்கர் நிலத்துல மரவள்ளி போட்டிருக்கேன். மூணு ஏக்கர் நிலத்தை ஒவ்வொரு ஏக்கரா பிரிச்சு சுழற்சி முறையில் செவ்வாழைச் சாகுபடி பண்ணிட்டிருக்கேன்.  மூணு ஏக்கர் நிலத்துல ஒரு ஏக்கர்ல செவ்வாழை நடவு பண்ணி ஒரு மாசமும் இன்னொண்ணுல மூணு மாசமும் ஆகுது. அடுத்த ஒரு ஏக்கர்ல இப்போ அறுவடை முடிச்சிருக்கேன். மீதி ஒரு ஏக்கர் நிலம் சும்மாத்தான் இருக்கு. யூகலிப்டஸ் மரத்துக்குத் தண்ணீர் அதிகம் தேவைப்படுறதால, அதைக் குறைச்சுட்டு வேற ஏதாவது மரப்பயிர்களை நடவு செய்யலாம்னு இருக்கேன்” என்ற நாகராஜன் செவ்வாழைச் சாகுபடி குறித்துச் சொல்ல ஆரம்பித்தார்...

ஒரு ஏக்கர்... ரூ.4 லட்சம்... செழிப்பான லாபம் கொடுக்கும் செவ்வாழை!

“பொதுவா மலைச்சரிவு, மலையடிவாரப் பகுதிகள்லதான் செவ்வாழையை அதிகமாகச் சாகுபடி செய்வாங்க. டெல்டா மாவட்டங்கள்ல ரொம்பக் குறைவுதான். புதுக்கோட்டை மாதிரியான வெப்ப மண்டலப் பகுதிகள்ல மிகவும் குறைவாத்தான் செவ்வாழையைச் சாகுபடி செய்றாங்க. தஞ்சாவூர், புதுக்கோட்டை பகுதிகள்ல இருக்குற பழக்கடைகள்ல வருஷம் முழுக்கச் செவ்வாழைக்கு நல்ல வரவேற்பு இருக்கு. இந்தப் பகுதியில உற்பத்தி குறைவா இருக்கிறதால, நான் விளைவிக்கிற செவ்வாழைக்கு நல்ல விலை கிடைக்கிது. இதுக்குப் போட்டி இல்லாததால சந்தையில அதிகம் வரத்தாகி, திடீர்னு விலை குறைஞ்சுப் போறதுக்கான வாய்ப்பு இல்லை. எப்பவும் ஓரளவு கட்டுப்படியான விலை கிடைச்சுடும்.

மத்த வாழை ரகங்களைப்போல, செவ்வாழையை மொத்தமா அறுவடை செய்யணும்னு அவசியம் இல்லை. தேவையைப் பொறுத்து வாரம் ஒரு தடவை அறுவடை செய்யலாம். நான் வாரத்துக்கு ஒரு தடவை 100 தார்ல இருந்து 150 தார்களை அறுவடை செஞ்சு விற்பனைக்குக் கொண்டு போறேன். அதனால, அறுவடை வேலையும் குறைவா இருக்கு. விற்பனைக்குக் கொண்டுபோறதும் சுலபமா இருக்கு. செவ்வாழை மரங்கள் உயரமாவும் திடமாவும் இருக்குறதால புயல் அடிச்சாலும் சாயாது. அதனால, மரங்களுக்கு முட்டுக்கொடுக்க வேண்டியதில்லை. அதேமாதிரி பூச்சிகள், நோய்களும் அவ்வளவா வர்றதில்லை.

நான் இயற்கை முறையில சாகுபடி செய்றதால, சந்தையில என்னோட செவ்வாழைத் தார்களுக்குப் தனி மரியாதை உண்டு. இதுல சுவை, மணம் அதிகமா இருக்கு. என்கிட்ட மாடுகள் இல்லை. அதனால, உறவினர்கள்கிட்ட இருந்து இயற்கை இடுபொருள்களை விலைக்கு வாங்கிச் சாகுபடி செய்றேன்” என்ற நாகராஜன் நிறைவாக மகசூல் மற்றும் வருமானம் குறித்துச் சொன்னார்.

ஒரு ஏக்கர்... ரூ.4 லட்சம்... செழிப்பான லாபம் கொடுக்கும் செவ்வாழை!

“ஒரு ஏக்கர் நிலத்துல மொத்தம் 1,200 செவ்வாழைக் கன்னுகளை நடவு செஞ்சுருந்தேன். அதுல 1,045 தார்கள்தான் விற்பனைக்கேத்த தரத்துல கிடைச்சது.  இதுமூலமா மொத்தம் 4,07,100 ரூபாய் வருமானம் கிடைச்சது. இதுல 95,250 ரூபாய் செலவு போக 3,11,850 ரூபாய் லாபமா நின்னது” என்று சொன்னவர் வாழைத்தார்களை வண்டியில் ஏற்றுவதில் மும்முரமானார்.

தொடர்புக்கு:
நாகராஜன்,
செல்போன்: 98404 11011

இப்படித்தான் சாகுபடி செய்யணும்

ஒரு ஏக்கர் நிலத்தில் செவ்வாழைச் சாகுபடி செய்வது குறித்து நாகராஜன் சொன்ன விஷயங்கள் பாடமாக இங்கே...

தேர்வு செய்த ஒரு ஏக்கர் நிலத்தை நன்கு உழுது 6 அடி இடைவெளியில் குழிகள் எடுத்து, இரண்டடி இடைவெளியில் தண்ணீர் சொட்டுச்சொட்டாக விழுமாறு, சொட்டுநீர்க் குழாய்களை அமைக்க வேண்டும். அடுத்து, குழிக்கு ஒரு செவ்வாழைக்கன்று என நடவுசெய்து தண்ணீர் பாய்ச்ச வேண்டும். தொடர்ந்து மண் காயாத அளவுக்குத் தண்ணீர் பாய்ச்சி வர வேண்டும்.

நடவு செய்த 8-ம் நாளிலிருந்து 2 மாதங்களுக்கு ஒருமுறை, 10 லிட்டர் பஞ்சகவ்யா கரைசலைப் பாசன நீரில் கலந்து விட வேண்டும்.
 
30-ம் நாள் 4 டன் அளவு ஆட்டு எருவை நடவுசெய்த கன்றுகளைச் சுற்றிப் பரவலாக இட வேண்டும். பிறகு, வேர்கள் சேதமடையாத வகையில் பவர் டில்லர் மூலம் ஆட்டு எருவை மண்ணில் கலக்கச் செய்ய வேண்டும்.

32-ம் நாள் 1 லிட்டர் ஹியூமிக் அமிலத்தை (நிலக்கரிச் சாம்பல் திரவம்)100 லிட்டர் தண்ணீரில் கலந்து கன்றுகள்மீது தெளிக்க வேண்டும்.

40-ம் நாள் 4 டன் நெல் உமி சாம்பலைத் தூவி, பவர் டில்லர் மூலம் மண்ணில் கலக்கச் செய்ய வேண்டும்.

நடவு செய்த 45-ம் நாள் 5 லிட்டர் சுண்ணாம்பு நீரை (கொதிக்க வைத்து இறக்கிய 5 லிட்டர் தண்ணீரில் 1 கிலோ கிளிஞ்சல் சுண்ணாம்பைக் கலந்து, ஒருநாள் வைத்திருக்க வேண்டும். பிறகு மேலாகத் தெளியும் நீரைப் பயன்படுத்த வேண்டும்) 100 லிட்டர் தண்ணீரில் கலந்து கன்றுகளின்மீது தெளிக்க வேண்டும்.

60-ம் நாளிலிருந்து 2 மாதங்களுக்கு ஒருமுறை, 2 லிட்டர் பஞ்சகவ்யா கரைசலை 100 லிட்டர் தண்ணீரில் கலந்து கன்றுகள்மீது தெளிக்க வேண்டும்.

65-ம் நாள் 10 லிட்டர் கடல்பாசி திரவத்தைப் பாசன நீரில் கலந்து விட வேண்டும்.

75-ம் நாள் 1 லிட்டர் கடல்பாசி திரவத்தை 100 லிட்டர் தண்ணீரில் கலந்து கன்றுகள்மீது தெளிக்க வேண்டும்.

90-ம் நாளிலிருந்து 2 மாதங்களுக்கு ஒருமுறை 2 லிட்டர் மூலிகைப் பூச்சிவிரட்டியை 100 லிட்டர் தண்ணீரில் கலந்து தெளிக்க வேண்டும்.

3 மற்றும் 8-ம் மாதங்களில் கன்றுகளைச் சுற்றி மண் அணைத்து விட வேண்டும்.

நடவுசெய்த 8-ம் மாதம் 1 லிட்டர் மீன் அமினோ அமிலத்தை 100 லிட்டர் தண்ணீரில் கலந்து மரங்களின்மீது தெளிக்க வேண்டும்.
 
9-ம் மாதத்துக்குப் பிறகு தார்கள் வரத்துவங்கும். அப்போது 3 லிட்டர் பஞ்சகவ்யாவை 100 லிட்டர் தண்ணீரில் கலந்து தார்களின் குருத்துப் பகுதிகளில் தெளிக்க வேண்டும். இதுபோல் மாதம் ஒருமுறை தெளிக்க வேண்டும். 12-ம் மாதத்துக்குமேல், தார்களை அறுவடை செய்யலாம். செவ்வாழையில் மறுதழைவு செழிப்பாக இருக்காது என்பதால், அறுவடை முடிந்ததும் மரங்களைச் சிறுசிறு துண்டுகளாக வெட்டி நிலத்தில் பரப்பி உழுதுவிட வேண்டும். இதனால், மண்ணில் சத்துக்கள் அதிகரிக்கும்.

ரு ஏக்கர் நிலத்தில் செவ்வாழைச் சாகுபடி செய்ய நாகராஜன் சொல்லும் செலவு-வரவுக் கணக்கு (மதிப்பு ரூபாயில்

ஒரு ஏக்கர்... ரூ.4 லட்சம்... செழிப்பான லாபம் கொடுக்கும் செவ்வாழை!

ஒரு தாரின் விலை 240 - 600 ரூபாய் வரை

“மொத்தமுள்ள 1,045 தார்கள்ல 150 தார்களை ஒரு தார் 600 ரூபாய்னும், 130 தார்களை ஒரு தார் 510 ரூபாய்னும், 140 தார்களை ஒரு தார் 420 ரூபாய்னும், 145 தார்களை ஒரு தார் 360 ரூபாய்னும், 150 தார்களை ஒரு தார் 330 ரூபாய்னும், 130 தார்களை ஒரு தார் 300 ரூபாய்னும், 110 தார்களை ஒரு தார் 270 ரூபாய்னும், 90 தார்களை ஒரு தார் 240 ரூபாய்னும் விற்பனை செஞ்சதுல 4,07,100 ரூபாய் வருமானம் கிடைச்சது” என்கிறார் நாகராஜன்.