Published:Updated:

அதிஅவசியம்!

அதிஅவசியம்!
பிரீமியம் ஸ்டோரி
அதிஅவசியம்!

அதிஅவசியம்!

அதிஅவசியம்!

அதிஅவசியம்!

Published:Updated:
அதிஅவசியம்!
பிரீமியம் ஸ்டோரி
அதிஅவசியம்!

அனைவருக்கும் பசுமை வணக்கம்!

‘ஒரே நாடு... ஒரே சந்தை’ என்ற கொள்கையின் அடிப்படையில், ‘இநாம்’ (eNAM) என்கிற ‘தேசிய விவசாய இணையச் சந்தை’ திட்டத்தை அறிமுகப்படுத்தியுள்ளது மத்திய அரசு.

விளைபொருள்களுக்கு உரியவிலை கிடைக்க வேண்டும் என்பதற்காக உருவாக்கப்பட்டிருக்கும் இந்த இணையதளத்தில் விவசாயிகள், வியாபாரிகள் இணைந்துகொள்ள முடியும். விளைபொருள்களுக்கு எங்கு தேவை உள்ளது, எவ்வளவு நாள்களுக்குத் தேவை இருக்கும், இருப்பு நிலவரம் எப்படி உள்ளிட்ட விவரங்களெல்லாம் இதன்மூலமாகத் தெரிந்துகொள்ளலாம். தமிழ், இந்தி உள்ளிட்ட 8 மொழிகளில் வடிவமைக்கப்பட்டிருக்கும் இந்த இணையதளத்தில் இந்தியாவிலுள்ள வேளாண் ஒழுங்குமுறை விற்பனைக் கூடங்கள் அனைத்தையும் இணைக்க, முயற்சிகள் எடுக்கப்பட்டுவருகின்றன. தமிழகத்தில் திண்டுக்கல், வேலூர் ஆகிய ஊர்களிலுள்ள ஒழுங்குமுறை விற்பனை மையங்கள் முதல்கட்டமாக இணைக்கப்பட்டுள்ளன.

விவசாயிகளுக்கும் வியாபாரிகளுக்கும் புதிதாகப் பாலம் அமைக்கும் இம்முயற்சிக்கு வரவேற்பு காட்ட வேண்டியது அவசியம். அதேசமயம், இதில் முன்வைக்கப்படும் சந்தேகங்களுக்கும் அரசு பதிலளிக்க வேண்டியது கட்டாயம்!

அதாவது, ‘இத்திட்டத்தினால் வியாபாரிகளும் பெரிய கார்ப்பரேட் நிறுவனங்களுமே லாபம் பார்க்க வாய்ப்புகள் இருக்கின்றன. நேரடி விற்பனையிலேயே வியாபாரிகளுக்குள் சிண்டிகேட் அமைத்துக்கொண்டு, விலையைக் குறைத்து, விவசாயிகளின் வயிற்றில் அடிக்கிறார்கள். இதுவே, மொத்தமாக அனைத்து விளைபொருள்களின் நிலவரமும் இணையதளத்தின்மூலமாக நொடிகளில் தெரிந்துவிட்டால், உட்கார்ந்த இடத்திலிருந்தே விளையாட்டு காட்டுவார்கள்’

- இப்படியெல்லாம் முன்வைக்கப்படும் கருத்துக்களைச் சீர்தூக்கிப் பார்த்து, விவசாயிகளின் அச்சங்களை மத்திய அரசு களைய வேண்டியது அதிஅவசியம்!

- ஆசிரியர்