Published:Updated:

ரூ.3 லட்சம் வருமானம்! - மேட்டுப்பாத்தியில் காய்கறி, அன்னாசி!

ரூ.3 லட்சம் வருமானம்! - மேட்டுப்பாத்தியில் காய்கறி, அன்னாசி!
பிரீமியம் ஸ்டோரி
ரூ.3 லட்சம் வருமானம்! - மேட்டுப்பாத்தியில் காய்கறி, அன்னாசி!

குறுந்தொடர்-4பக்கத்து வயல் ஆர்.குமரேசன்

ரூ.3 லட்சம் வருமானம்! - மேட்டுப்பாத்தியில் காய்கறி, அன்னாசி!

குறுந்தொடர்-4பக்கத்து வயல் ஆர்.குமரேசன்

Published:Updated:
ரூ.3 லட்சம் வருமானம்! - மேட்டுப்பாத்தியில் காய்கறி, அன்னாசி!
பிரீமியம் ஸ்டோரி
ரூ.3 லட்சம் வருமானம்! - மேட்டுப்பாத்தியில் காய்கறி, அன்னாசி!

ரு சென்ட் நிலமாக இருந்தாலும் சரி, நூறு ஏக்கர் நிலமாக இருந்தாலும் சரி... சரியாகத் திட்டமிட்டு விவசாயம் செய்தால்தான் லாபம் எடுக்க முடியும். கலப்புப் பயிர்ச் சாகுபடி, ஊடுபயிர்ச் சாகுபடி, பருவத்தில் பயிர் செய்தல், முறையான பராமரிப்பு எனக் கடைப்பிடித்தால் நஷ்டம் வருவதற்கான வாய்ப்புகள் குறையும்.

இந்தச் சூத்திரத்தைக் கைக்கொள்ளும் விவசாயிகள் நல்ல வருமானம் எடுத்து வருகிறார்கள். இதுபோன்றதொரு லாபகரமான திட்டத்தை அந்தமான் விவசாயிகளிடம் செயல் படுத்தியிருக்கிறார்கள் இந்திய வேளாண் ஆராய்ச்சி மைய விஞ்ஞானிகள். விவசாயிகளிடம் இத்திட்டத்தைக் கொண்டுசேர்த்து வருகிறார், போர்ட் பிளேயரில் உள்ள மத்திய வேளாண் ஆராய்ச்சி மையத்தின் இயற்கை வள மேலாண்மைத்துறையின் தலைவர் முனைவர் வேல்முருகன். இத்திட்டம் பற்றிப் பேசிய வேல்முருகன், “அந்தமானில் ஒரு ஹெக்டேரில் 144 தென்னை மரங்களை வளர்க்கிறார்கள்.

ரூ.3 லட்சம் வருமானம்! - மேட்டுப்பாத்தியில் காய்கறி, அன்னாசி!

இதன்மூலம் ஆண்டுக்கு 60 ஆயிரம் ரூபாய் முதல் 70 ஆயிரம் ரூபாய் வரைதான் வருமானம் கிடைத்து வந்தது. பல சமயங்களில் மண் அரிப்பு ஏற்பட்டால் இன்னமும் வருமானம் குறையும். அதனால்தான், விவசாயம் மோசமான ஒரு தொழில் என்ற எண்ணம் விவசாயிகளிடம் ஏற்பட்டது. அடுத்த தலைமுறையினரை விவசாயத்தில் ஈடுபட வைக்க அனைவரும் தயங்கினார்கள். விவசாயிகளின்  இந்த எண்ணத்தை மாற்றி, விவசாயத்தை லாபகரமாகச் செய்யும் முறைகளை அவர்களுக்குக் கற்றுக்கொடுக்க வேண்டிய அவசியம் ஏற்பட்டது. அதற்காக நாங்கள் செயல்படுத்திய திட்டம்தான் ‘ஊடுபயிர்ச் சாகுபடி’. தமிழ்நாட்டில் பல விவசாயிகள் தென்னையில் ஊடுபயிர்ச் சாகுபடியைச் சிறப்பாகச் செய்துவருகிறார்கள்.

ஒரு ஹெக்டேர் நிலத்தை ஐந்து பாகங்களாகப் பிரித்துக்கொள்ள வேண்டும். அவற்றில் ஒரு பாகத்தில் (20 சதவிகிதம்) நறுமணப் பொருள்களைச் சாகுபடி செய்ய வேண்டும். அந்தமானைப் பொறுத்தவரை கிராம்பு, ஜாதிக்காய் போன்றவை நன்றாக வளர்கின்றன. அதனால், அவற்றைப் பரிந்துரை செய்கிறோம். இரண்டாவது பாகத்தில் அன்னாசி, மூன்றாவது பாகத்தில் கிழங்கு வகைகள் (மரவள்ளி, சர்க்கரைவள்ளி), நான்காவது பாகத்தில் காய்கறிகள் எனச் சாகுபடி செய்ய வேண்டும். ஐந்தாவது பாகத்தில் கோழி மற்றும் வாத்து ஆகியவற்றை வளர்க்கப் பரிந்துரைக்கிறோம். ஏற்கெனவே இருக்கும் தென்னை மரங்களைத் தொந்தரவு செய்யாமல், இப்படி ஐந்து விஷயங்களை நடைமுறை படுத்தும்போது, வருமானம் அதிகரிக்கிறது.

இத்திட்டத்தின் மூலமாக ஐந்து நபர் உள்ள ஒரு குடும்பத்துக்குத் தேவையான உணவுப்பொருள்கள் (அரிசியைத் தவிர) கிடைக்க வேண்டும். அத்துடன் வருமானமும் அதிகரிக்க வேண்டும். இதன் மூலமாகத் தொழில்வாய்ப்புகள் உருவாக வேண்டும் என்ற எண்ணத்தில் தான் இத்திட்டத்தைச் செயல் படுத்தினோம். நாங்கள் எதிர் பார்த்ததைவிடச் சிறப்பான வெற்றி கிடைத்திருக்கிறது. இத்திட்டத்தை நடை முறைபடுத்திய விவசாயிகள், தற்போது ஒரு ஹெக்டேர் தென்னந்தோப்பிலிருந்து  ஆண்டுக்கு மூன்றரை லட்ச ரூபாய் அளவு வருமானம் எடுத்து வருகிறார்கள். நறுமணப் பொருள்களைத் தரம்பிரித்து விற்பனை செய்ய வேண்டும் என்பதால், பெண்களுக்கு வேலை வாய்ப்பும் கிடைக்கிறது. அந்தமான், சுற்றுலாப் பயணிகள் அதிகம் வரக்கூடிய இடம் என்பதால், நறுமணப் பொருள்களை பாக்கெட் போட்டு விற்பனை செய்யும் தொழிலும் சிறப்பாக நடக்கிறது. தென்னைக்குள் ஊடுபயிர்ச் சாகுபடி செய்யும் இத்திட்டத்தை, இயற்கை முறையில்தான் செயல்படுத்துகிறோம்” என்ற வேல்முருகன் தொடர்ந்தார்...

ரூ.3 லட்சம் வருமானம்! - மேட்டுப்பாத்தியில் காய்கறி, அன்னாசி!

“மேட்டுப்பகுதிகளில்தான் தென்னைச் சாகுபடி இருக்கும். தாழ்வான பகுதிகளில் நெல் சாகுபடிதான் அதிகமாக நடக்கும். நெல் விவசாயிகளுக்காக இத்திட்டத்தில் சிறிய மாற்றம் செய்தோம். உவர் நிலங்களுக்கு ஏற்ற வகையில் ‘அகலப் பாத்தி வாய்க்கால் முறை’ என்ற திட்டத்தைத் தயாரித்தோம். இதன்படி காய்கறி, பயறு வகைகள், மாட்டுத்தீவனம், நெல், மீன், பால்மாடு ஆகியவற்றைக்கொண்டு விவசாயிகளின் வருமானத்தை அதிகமாக்கினோம். தாழ்வான பகுதி மற்றும் உவர் நிலங்களில் தண்ணீர் இருந்துகொண்டே இருக்கும். அதனால், காய்கறிச் சாகுபடி சாத்தியமில்லாமல் இருந்தது. இந்தத் திட்டத்தின்படி... பள்ளம் எடுத்து அதில் நெல்லையும், பள்ளம் எடுத்த மண்ணைக் கொண்டு உருவாக்கிய மேட்டுப்பகுதியில் காய்கறி, பயறு வகைகள், மாட்டுத்தீவனம் போன்றவற்றையும் சாகுபடி செய்யப்

ரூ.3 லட்சம் வருமானம்! - மேட்டுப்பாத்தியில் காய்கறி, அன்னாசி!

பரிந்துரைக்கிறோம். இதைச் செயல்படுத்திய விவசாயிகள் நல்ல லாபம் ஈட்டி வருகிறார்கள்.

ஒரு ஏக்கர் நிலத்தில் ஆறு மீட்டர் அகலத்துக்குப் பள்ளம் பறிக்க வேண்டும்.  நிலத்தின் அமைப்புக்கேற்ப நீளத்தை முடிவு செய்து கொள்ளலாம். பள்ளம் பறிப்பதன் மூலம் கிடைக்கும் மண்ணைக்கொண்டு அருகே மேடாக்கிப் பாத்தி அமைக்க வேண்டும். ஒரு பள்ளத்துக்கும் அடுத்த பள்ளத்துக்கும் இடையே ஐந்து மீட்டர் அகலம் இருக்க வேண்டும். பிறகு, பள்ளமான பகுதியில் உழுது நெல் விதைக்க வேண்டும். நேரடி விதைப்பு அல்லது நாற்று நடவு எனச் சூழலுக்கேற்ப முடிவு செய்து கொள்ளலாம். தண்ணீர் தேங்கி நிற்கக்கூடிய இடங்களிலும் சிறப்பாக வளரக்கூடிய உயரமான நெல் ரகங்களான நவி, கேரி-5 ஆகியவற்றைப் பயிரிடப் பரிந்துரைக்கிறோம். குழிகளில் நெல்லுக்கு இடையே கட்லா, ரோகு, மிர்கால் போன்ற ரகங்களில் மீன் குஞ்சுகளை விட வேண்டும். தண்ணீர் வற்றுவதற்குள் மீன்கள்மூலமும் வருமானம் எடுத்துவிடலாம். இந்த மீன்களை அறுவடை செய்யும் முன்பாகவே, சேற்றில் வாழக்கூடிய கெளுத்தி மீன் குஞ்சுகளைப் பள்ளத்தில் விட்டுவிட வேண்டும்.

தண்ணீர் வற்றும்போது பள்ளங்கள் சேறும் சகதியுமாக மாறினாலும் கெளுத்தி மீன்கள் அவற்றில் உயிர் வாழும் தன்மையுடையது. மேலும், ஒவ்வொரு பள்ளத்திலும் ஓர் ஓரத்தில் இரண்டு மீட்டருக்கு இரண்டு மீட்டர் அளவில், ஒரு சிறிய குழி இருக்கும். இதன் பெயர் ‘ஃபிஷ் ஷெல்டர்’. பள்ளத்தில் தண்ணீர் வற்றும் காலங்களிலும் இக்குழிகளில் தண்ணீர் இருப்பதால், அந்தச் சமயங்களில் மீன்கள் இந்தக்குழிக்குள் வந்து உயிர் வாழும்.

ரூ.3 லட்சம் வருமானம்! - மேட்டுப்பாத்தியில் காய்கறி, அன்னாசி!

பள்ளத்தில் நெல் விதைத்து, மேட்டுப்பகுதியில் காய்கறி, தட்டை, உளுந்து, துவரை போன்ற பயிர்கள், மாட்டுக்குத் தேவையான நேப்பியர் புல் வகைகளைப் பயிர் செய்கிறார்கள். இரண்டு பால் மாடுகளுக்கு இவை போதுமானவை. இதன்மூலமாக ஒரு குடும்பத்துக்குத் தேவையான பால், காய்கறி, மீன், அரிசி அனைத்தும் கிடைக்கும். கூடுதலாக நெல், மீன், பால் விற்பனை மூலமாக வருமானமும் கிடைக்கும். உவர் நிலம் என்பதால் சாகுபடியே செய்யாமல் இருந்த நிலங்களிலிருந்து தற்போது லாபம் கிடைத்து வருவதால், மகிழ்ச்சியில் இருக்கிறார்கள் விவசாயிகள்” என்றார் வேல்முருகன்.

அந்தமான் தீவுகளில் உள்ள விவசாயம் சார்ந்த தொழில் வாய்ப்புகள், தொல்குடிகள், அந்தமான் காடுகளைப் பற்றிய வனத்துறை அதிகாரிகளின் கருத்துகளுடன் அடுத்த இதழில் இக்குறுந்தொடர் நிறைவு பெறும்.

தொடர்புக்கு,

முனைவர் வேல்முருகன்,

செல்போன்: 099332 70521

உவர் நிலத்துக்கு ஏற்ற கேரி-5

தண்ணீர் தேங்கி நிற்கும் நிலங்கள் மற்றும் உவர் நிலங்கள் ஆகியவற்றுக்கு ஏற்ற நெல் ரகம் கேரி-5. மத்திய வேளாண் ஆராய்ச்சி மையத்தின் கண்டுபிடிப்பு என்பதால் இதற்கு ‘கேரி’ என்று பெயர் வைத்திருக்கிறார்கள். இது மத்திய தர நெல் ரகம். 140 நாள்கள் வயது கொண்டது. ஒரு ஹெக்டேர் நிலத்தில் 5 டன் அளவு விளைச்சல் தரக்கூடியது. நோய் எதிர்ப்புசக்தி அதிகம் கொண்டது. கேரி-5 ரகம், தமிழ்நாட்டில் உள்ள ஏ.டி.டீ-36 ரகத்துக்கு நிகரானதுதான் என்றாலும்... ஏ.டி.டி-36 பள்ளமான பகுதிகளில் சிறப்பான மகசூல் கொடுப்பதில்லை.