Published:Updated:

மூழ்கிய நெற்பயிர்கள் - கைவிட்ட குடிமராமத்து... கலக்கத்தில் விவசாயிகள்!

மூழ்கிய நெற்பயிர்கள் -  கைவிட்ட குடிமராமத்து... கலக்கத்தில் விவசாயிகள்!
பிரீமியம் ஸ்டோரி
மூழ்கிய நெற்பயிர்கள் - கைவிட்ட குடிமராமத்து... கலக்கத்தில் விவசாயிகள்!

பிரச்னைகு.ராமகிருஷ்ணன், படங்கள்: க.சதீஷ்குமார்

மூழ்கிய நெற்பயிர்கள் - கைவிட்ட குடிமராமத்து... கலக்கத்தில் விவசாயிகள்!

பிரச்னைகு.ராமகிருஷ்ணன், படங்கள்: க.சதீஷ்குமார்

Published:Updated:
மூழ்கிய நெற்பயிர்கள் -  கைவிட்ட குடிமராமத்து... கலக்கத்தில் விவசாயிகள்!
பிரீமியம் ஸ்டோரி
மூழ்கிய நெற்பயிர்கள் - கைவிட்ட குடிமராமத்து... கலக்கத்தில் விவசாயிகள்!

‘பெய்ந்தும் கெடுக்கும்... காய்ந்தும் கெடுக்கும்’ என்று கிராமங்களில் சொல்வார்கள். இதன்படி கடந்த சில ஆண்டுகளாகக் கடுமையான வறட்சியால் டெல்டா மாவட்டங்களில் நெல் சாகுபடி பொய்த்துப்போய் கடும் நெருக்கடிக்கு ஆளானார்கள் விவசாயிகள். இந்த ஆண்டு வடகிழக்குப் பருவமழை கைகொடுக்கும் என நம்பி நெல் சாகுபடியில் ஈடுபட்டனர் தஞ்சாவூர், திருவாரூர், நாகப்பட்டினம் மாவட்டங்களைச் சேர்ந்த விவசாயிகள். ஆனால், பரவலாகப் பெய்த பருவமழையால் ஆயிரக்கணக்கான ஏக்கர் பரப்பில் நெல் பயிர்கள் வெள்ளத்தால் சூழப்பட்டுப் பாதிப்புக்குள்ளாகியிருக்கின்றன.

“பயிர்ப் பாதிப்புக்கு இயற்கையைக் குறைசொல்ல முடியாது. வடகிழக்குப் பருவமழைக்கு முன்பே, நீர்நிலைகளைத் தூர்வாரும் பணிகளை அரசாங்கம் சரியாகச் செய்திருந்தால், வெள்ளப் பாதிப்பு ஏற்பட்டிருக்காது’’ என்று குற்றம் சாட்டுகிறார்கள் பாதிக்கப்பட்டிருக்கும் விவசாயிகள்.

மூழ்கிய நெற்பயிர்கள் -  கைவிட்ட குடிமராமத்து... கலக்கத்தில் விவசாயிகள்!

இதுகுறித்துப் பேசிய இயற்கை உழவர் இயக்கத்தின் திருவாரூர் மாவட்டச் செயலாளர் வரதராஜன், “குடிமராமத்துப் பணிக்காகத் தமிழக அரசு 100 கோடி ரூபாய் ஒதுக்கியது. அதில் திருவாரூர் மாவட்டத்துக்கு மட்டும் 5.92 கோடி ரூபாய் நிதி ஒதுக்கி 72 இடங்களில் பணிகள் நடைபெறும் என அறிவிக்கப்பட்டது. ஆனால், ஓர் இடத்தில்கூட ஒழுங்காகப் பணி நடக்கவில்லை. விவசாயிகளைக்கொண்ட குழுக்கள் அமைத்து குடிமராமத்துப் பணி நடைபெறும் என அரசு அறிவித்திருந்தும், ஒரு விவசாயியைக்கூட அதிகாரிகள் அழைக்கவில்லை.

மூழ்கிய நெற்பயிர்கள் -  கைவிட்ட குடிமராமத்து... கலக்கத்தில் விவசாயிகள்!
மூழ்கிய நெற்பயிர்கள் -  கைவிட்ட குடிமராமத்து... கலக்கத்தில் விவசாயிகள்!

ஆனால், 72 இடங்களில் தூர்வாரும் பணி நடைபெற்றதாக அதிகாரிகள் சொல்கிறார்கள். நாங்கள், பணிகள்

மூழ்கிய நெற்பயிர்கள் -  கைவிட்ட குடிமராமத்து... கலக்கத்தில் விவசாயிகள்!

நடந்த இடங்களின் விவரங்களைக் கேட்டால் தர மறுக்கிறார்கள். ஒழுங்காகத் தூர்வாராததால், திருவாரூர் மாவட்டத்தில் மட்டும் 41 ஆயிரம் ஏக்கர் பரப்பில் நெல் பயிர்கள் மழை வெள்ளத்தால் சேதமடைந்துள்ளன” என ஆதங்கப்பட்டார்.

நாகப்பட்டினம் மாவட்டத்தைச் சேர்ந்த காவிரி விவசாயிகள் பாதுகாப்புச் சங்கத் தலைவர் சேரன், “எங்க பகுதிகள்ல இருக்கிற மதிவுள்ளான் வாய்க்காலைத் தூர்வாராததால, மழைநீர் தேங்கி என்னோட 10 ஏக்கர் நெல் பயிர்கள் தண்ணீர்ல மூழ்கிடுச்சி. இதுமாதிரி நிறைய பேர் பாதிப்புக்கு உள்ளாகியிருக்காங்க. இந்த வருஷம் பெரிய அளவுல கனமழை பெய்யல. அதுக்கே இந்தளவு பாதிப்பு. இதிலிருந்தே குடிமராமத்துப் பணியோட லட்சணத்தைத் தெரிஞ்சுக்கலாம்” என்றார்.

நாகப்பட்டினம் மாவட்டத்தில் கொள்ளிடம், வெண்மணி, ஆச்சாள்புரம், மகேந்திரபள்ளி, கீழையூர், சீர்காழி, தலைஞாயிறு, வேதாரண்யம் உள்ளிட்ட பல பகுதிகளில் ஆயிரக்கணக்கான ஏக்கர் பரப்பில் நெல் பயிர்கள் தண்ணீரில் மூழ்கியதால் விவசாயிகள் பாதிக்கப் பட்டுள்ளனர்.

மூழ்கிய நெற்பயிர்கள் -  கைவிட்ட குடிமராமத்து... கலக்கத்தில் விவசாயிகள்!

தஞ்சாவூர் மாவட்டத்தில் ஏற்பட்டுள்ள பாதிப்புகள் குறித்துப் பேசிய தஞ்சை மாவட்டக் காவிரி விவசாயிகள் பாதுகாப்புச் சங்கத்தின் செயலாளர் சுவாமிமலை விமல்நாதன், “எங்க பகுதியில், பாபநாசம் வட்டம் கூனஞ்சேரியில துவங்கி உமையாள்புரம், பாபுராஜபுரம், உடைப்பான்கரை, அளவந்தி புரம், தியாகசமுத்திரம், சுவாமிமலை, நாககுடி, மருத்துவக்குடி, தளிகையூர், கொட்டையூர், இன்னாம்பூர் உள்ளிட்ட கிராமங்கள் வழியாகச் சீர்காழி வரை ஓடிக் கடல்ல கலக்குது ‘பலவாறு’. இந்த ஆற்றின் பாதையில் கிட்டத்தட்ட 15 கிலோமீட்டர் தூரத்துக்குப் புதர் மண்டிக் கிடக்கு.

இதுல அரை கிலோமீட்டர் தூரத்துக்கு மட்டும் பெயரளவுக்குத் தூர்வாரிட்டு அப்படியே விட்டுட்டாங்க. அதனால, ஆத்துல ஓட வேண்டிய தண்ணி வயல்கள்ல புகுந்து, இந்த 15 கிராமங்கள்லயும் ஆயிரக்கணக்கான ஏக்கர் பரப்புல நெல் பயிர்கள் தண்ணீர்ல மூழ்கிடுச்சு. இனி, வருங்காலத்திலயாவது தமிழக அரசு தூர்வாரும் பணிகள்ல முறையா கவனம் செலுத்தணும்” என்றார்.

‘‘ஆய்வு செய்தால்தான் தீர்வு காண முடியும்!’’

சுவாமிமலை விமல்நாதன் சொன்ன விஷயங்கள் குறித்து, தஞ்சாவூர் மாவட்ட சார் ஆட்சியர் பிரதீப்குமாரிடம் பேசினோம். “பலவாறு தூர்வாரும் பணிக்கும் அந்தப் பகுதியில் உள்ள விவசாய நிலங்கள் பாதிக்கப்பட்டதற்கும் சம்பந்தமேயில்லை. அரை கிலோமீட்டர் மட்டும்தான் தூர்வாரப்பட்டது என்று சொல்வதும் தவறான தகவல். பலவாற்றைத் தூர்வாரும் பணிகள் விரைவாக நடந்து வருகின்றன” என்றார் பிரதீப்குமார்.

திருவாரூர் மாவட்டத்தில் ஏற்பட்டுள்ள பாதிப்புகள் குறித்து மாவட்ட ஆட்சியர் நிர்மல்குமாரிடம் பேசியபோது, “திருவாரூர் மாவட்டம் முழுவதும் ஒரே சமயத்தில் தூர்வாரும் பணிகள் நடைபெற வேண்டுமானால், அது மிகப்பெரிய திட்டமாகத்தான் செய்ய முடியும். அது சாத்தியமில்லை. அரசு ஒதுக்கிய நிதியில் பணிகள் படிப்படியாக நடந்து கொண்டுதான் இருக்கின்றன.

முத்துப்பேட்டை பகுதியில் ஓடக்கூடிய வளவனாற்றில் 38 சதவிகித அளவு பணி முடிந்துள்ளது. 2019-ம் ஆண்டு முழுதாகப் பணி நிறைவடையும். அரிச்சந்திரா ஆறு, அடைப்பாறு ஆகியவற்றிலும் தூர்வாரப்பட்டுள்ளன. சுள்ளான் ஆற்றில் வருவாய்த்துறை சார்பில் தூர்வாரும் பணி, கடந்த ஆண்டு நடைபெற்றது. நூறுநாள் வேலைத் திட்டத்தின்கீழ் கடந்த ஆண்டு ஏ மற்றும் பி சேனல்களிலும் இந்த ஆண்டு சி மற்றும் டி சேனல்களிலும் எனச் சேர்த்து, மொத்தம் 262 கிலோமீட்டர் தூரத்துக்குத் தூர்வாரும் பணிகள் நடந்துள்ளன. இன்னும் 138 கிலோமீட்டர் மீதியுள்ளது. தூர்வாரிய சில மாதங்களிலேயே செடி கொடிகள் மண்டிவிடுகின்றன. அதனால்தான் விவசாயிகளுக்குப் பாதிப்பு ஏற்படுகிறது. அறிவியல்பூர்வமாக ஆய்வுசெய்து கண்டுபிடித்தால்தான் இப்பிரச்னைக்கு நிரந்தரத் தீர்வு காண முடியும்” என்றார்.