Published:Updated:

எதிர்பார்த்தது 20... விளைந்தது 16... - மக்காச்சோள மகசூல் விளக்கம்!

எதிர்பார்த்தது 20... விளைந்தது 16... - மக்காச்சோள மகசூல் விளக்கம்!
பிரீமியம் ஸ்டோரி
எதிர்பார்த்தது 20... விளைந்தது 16... - மக்காச்சோள மகசூல் விளக்கம்!

விளக்கம்கு.ராமகிருஷ்ணன்

எதிர்பார்த்தது 20... விளைந்தது 16... - மக்காச்சோள மகசூல் விளக்கம்!

விளக்கம்கு.ராமகிருஷ்ணன்

Published:Updated:
எதிர்பார்த்தது 20... விளைந்தது 16... - மக்காச்சோள மகசூல் விளக்கம்!
பிரீமியம் ஸ்டோரி
எதிர்பார்த்தது 20... விளைந்தது 16... - மக்காச்சோள மகசூல் விளக்கம்!

டந்த 25.11.2017 தேதியிட்ட ‘பசுமை விகடன்’ இதழில்... ‘ஏக்கருக்கு ரூ.50 ஆயிரம் வருமானத்தோடு மண்ணுக்கும் உரமாகும் மக்காச்சோளம்’ என்ற தலைப்பில், தஞ்சாவூர் மாவட்டம், மாத்தூரைச் சேர்ந்த விவசாயி பிரதாபனின் இயற்கை விவசாயம் குறித்த கட்டுரை வெளியாகியிருந்தது.

அதில், ‘அறுவடை செய்றப்போ எப்படியும் 20 குவிண்டால் அளவுக்கு மகசூல் கிடைக்கும்னு எதிர்பார்க்கிறேன். ஒரு குவிண்டாலுக்குக் குறைந்தபட்சமா 2,500 ரூபாய் விலை கிடைச்சாலே 50 ஆயிரம் ரூபாய் கிடைச்சுடும்’ என்று விவசாயி சொல்லியிருந்தார் பிரதாபன்.

கட்டுரையைப் படித்துவிட்டு நம்மைத் தொடர்புகொண்ட வாசகர்கள் சிலர், ‘‘மக்காச்சோளத்தில் இவ்வளவு மகசூல் கிடைக்க வாய்ப்பில்லை’’ என்று வலியுறுத்திச் சொன்னார்கள். இதையடுத்து, பிரதாபனிடம் பேசியபோது, “அறுவடை முடிஞ்சுடிச்சி. வளமான காவிரிப்படுகை நிலம்கிறதால செழிப்பான விளைச்சல் கொடுக்கும்கிற நம்பிக்கையிலதான் ஏக்கருக்கு 20 குவிண்டாலுக்குமேல மகசூல் எடுக்கலாம்னு சொல்லியிருந்தேன்.

எதிர்பார்த்தது 20... விளைந்தது 16... - மக்காச்சோள மகசூல் விளக்கம்!

கருதுங்க முத்த ஆரம்பிச்சவுடனே கிளி, குருவி, மயில்னு பறவைகள் வந்து கொத்தித் தின்னுதுங்க. தொடர்ச்சியா மழையும் பெய்ததால விளைச்சல் குறைஞ்சுடுச்சி. அதாவது, 16 குவிண்டால்தான் கிடைச்சது. அதாவது 1,600 கிலோ தரமான மக்காச்சோள மணிகள் கிடைச்சிருக்கு. எந்த வகையிலும் சேதாரம் இல்லாமா இருந்திருந்தா, 20 குவிண்டாலுக்கு மேலயே கிடைச்சிருக்கும்.

ஏற்கெனவே, பால் கதிரா விற்பனை செய்த வகையில 9,500 ரூபாய் கிடைச்சிருக்கு. இப்ப அறுவடையான 1,600 கிலோவுக்கு, இப்போதைய சந்தை மதிப்புப்படி பார்த்தாலே கிலோ 30 ரூபாய்க்குமேல போகுது. 25 ரூபாய் மேனி பார்த்தாலே 40 ஆயிரம் ரூபாய் கிடைக்கும். ஆகமொத்தம் 49,500 ரூபாய் வருது. ஆனா, இப்போதைக்கு நான் விற்பனை செய்யப்போறதில்ல. கால்நடைத் தீவனத்துக்காக வாங்கறவங்க கிலோ 14 ரூபாய்க்குத்தான் வாங்குவாங்க. சோளப்பொரிக்கும் சோளமாவுக்கும் கொடுத்தாதான் குறைஞ்சபட்சம் 25 ரூபாய்க்கு விற்பனையாகும். அதனால, இருப்பு வெச்சி நல்லவிலை கிடைக்கும்போதுதான், விற்பனை செய்யப்போறேன். இதுதான் நிஜம்” என்று சொன்னவர்,

“இயற்கை மக்காச்சோளச் சாகுபடி பத்தித் தெரிஞ்சிக்க விரும்புற விவசாயிங்க, தோட்டத்துக்கு நேரிலேயே வந்து பார்க்கலாம்’’ என்று அழைப்புவிடுத்தார்.

தொடர்புக்கு,

பிரதாபன்,

செல்போன்: 98437 90737