Published:Updated:

யோசித்துப் பார்க்க வேண்டும்!

யோசித்துப் பார்க்க வேண்டும்!
பிரீமியம் ஸ்டோரி
யோசித்துப் பார்க்க வேண்டும்!

யோசித்துப் பார்க்க வேண்டும்!

யோசித்துப் பார்க்க வேண்டும்!

யோசித்துப் பார்க்க வேண்டும்!

Published:Updated:
யோசித்துப் பார்க்க வேண்டும்!
பிரீமியம் ஸ்டோரி
யோசித்துப் பார்க்க வேண்டும்!

னைவருக்கும் பசுமை வணக்கம்!

யோசித்துப் பார்க்க வேண்டும்!



‘தமிழகத்தில் கரும்பு, வாழை, மீன் வளர்ப்பு ஆகியவற்றுக்காக அமைக்கப்பட்டுள்ள மத்திய அரசின் ஆராய்ச்சி நிலையங்கள் மூன்றையும் மூடிவிடலாம்’ என மத்திய அரசுக்கு, நிதி ஆயோக் அமைப்பு பரிந்துரை செய்திருப்பது, தமிழக விவசாயிகள் உள்படப் பலரையும் அதிர்ச்சிக்குள்ளாக்கியிருக்கிறது.

‘ஒரே பயிருக்கு இருவேறு இடங்களில் செயல்படும் ஆராய்ச்சி மையங்களை இணைப்பதால், செலவுகள் குறையும், ஆராய்ச்சி மேம்படும்’ என்று சொல்லி, திருச்சியில் உள்ள வாழை ஆராய்ச்சி நிலையத்தைக் கர்நாடகா மாநிலத்தில் உள்ள தோட்டக்கலை ஆராய்ச்சி நிலையத்துடனும், கோயம்புத்தூர் கரும்பு இனப்பெருக்க மையத்தை, உத்தரப் பிரதேச மாநிலம் லக்னோவில் உள்ள கரும்பு ஆராய்ச்சி நிறுவனத்துடனும், சென்னையில் உள்ள உவர்நீர் மீன்வளர்ப்பு ஆராய்ச்சி நிலையத்தைக் கொச்சியிலிருக்கும் மீன் வளர்ப்பு நிறுவனத்துடனும் இணைக்கவிருப்பதாகத் தகவல்கள் வெளியாகி உள்ளன.

ஏற்கெனவே, ‘தென்னை வளர்ச்சி வாரியம், நறுமணப்பொருள்கள் வாரியம்... போன்றவை கேரளாவைத் தலைமையிடமாகக்கொண்டு செயல்படுவதால், தமிழ்நாட்டுக்கு நிதி ஒதுக்குவது தொடங்கிப் பல விஷயங்களிலும் பாகுபாடு பார்க்கப்படுகிறது. தமிழக விவசாயிகள் வஞ்சிக்கப்படுகிறார்கள்’ என்கிற குற்றச்சாட்டுகள் எழுந்த வண்ணம் உள்ளன.

இத்தகைய சூழ்நிலையில், நிர்வாகக் காரணங்களைக்காட்டி, ஆராய்ச்சி நிலையங்களை வெளிமாநிலங்களுக்குக் கொண்டுசென்றால், நிச்சயம் அது தமிழ்நாட்டு விவசாயிகளுக்கும், விவசாய வளர்ச்சிக்கும் ஆபத்தாக அமையும் என்பதில் துளிகூடச் சந்தேகமில்லை.

உலகமே டிஜிட்டல் மயமாகிக்கொண்டிருக்கும் சூழலில், ஆராய்ச்சி நிலையங்கள் என்பவை விவசாயிகளையும் விவசாய நிலங்களையும் தேடிச்செல்ல வேண்டுமே தவிர, விவசாயிகளை மாநிலம் விட்டு மாநிலம் அலைய வைப்பதாக இருக்கக் கூடாது என்பதை மத்திய அரசு யோசித்துப் பார்க்க வேண்டும்!

- ஆசிரியர்