Published:Updated:

பரம்பராகட் கிரிஷி... ரூ.7 லட்சம் மானியம் - இயற்கை விவசாயத்துக்கு ஓர் இனிய திட்டம்!

பரம்பராகட் கிரிஷி... ரூ.7 லட்சம் மானியம் - இயற்கை விவசாயத்துக்கு ஓர் இனிய திட்டம்!
பிரீமியம் ஸ்டோரி
பரம்பராகட் கிரிஷி... ரூ.7 லட்சம் மானியம் - இயற்கை விவசாயத்துக்கு ஓர் இனிய திட்டம்!

திட்டம்த.ஜெயகுமார், படங்கள்: எம்.விஜயகுமார், க.தனசேகரன், சி.ரவிக்குமார்

பரம்பராகட் கிரிஷி... ரூ.7 லட்சம் மானியம் - இயற்கை விவசாயத்துக்கு ஓர் இனிய திட்டம்!

திட்டம்த.ஜெயகுமார், படங்கள்: எம்.விஜயகுமார், க.தனசேகரன், சி.ரவிக்குமார்

Published:Updated:
பரம்பராகட் கிரிஷி... ரூ.7 லட்சம் மானியம் - இயற்கை விவசாயத்துக்கு ஓர் இனிய திட்டம்!
பிரீமியம் ஸ்டோரி
பரம்பராகட் கிரிஷி... ரூ.7 லட்சம் மானியம் - இயற்கை விவசாயத்துக்கு ஓர் இனிய திட்டம்!

யற்கை விவசாயத்தைப் பரவலாக்கும் நோக்கில், கடந்த மூன்று ஆண்டுகளாக ‘பரம்பராகட் கிரிஷி விகாஸ் யோஜனா’ (Paramparagat Krishi Vikas Yojana-பாரம்பர்ய வேளாண் வளர்ச்சி திட்டம்) எனும் திட்டத்தை நாடு முழுவதும் செயல்படுத்திவருகிறது மத்திய அரசு. கடந்த நவம்பர் மாதம் 9-ம் தேதி புதுடெல்லி அடுத்த கிரேட்டர் நொய்டாவில் நடைபெற்ற இயற்கை விவசாய மாநாட்டில், மத்திய வேளாண்துறை அமைச்சர் ராதாமோகன் சிங், இத்திட்டம் குறித்துப் பெருமையாகப் பேசிய பிறகுதான், பலருக்கும் இப்படியொரு திட்டம் நடைமுறையில் இருப்பதே தெரிய வந்துள்ளது. “இத்திட்டத்தின் மூலமாக இதுவரை 2.25 மில்லியன் ஹெக்டேர் நிலங்கள் இயற்கை விவசாயத்தின்கீழ் கொண்டு வரப்பட்டுள்ளன. 2025-ம் ஆண்டுக்குள் 14 மில்லியன் ஹெக்டேர் நிலங்கள் இந்தத் திட்டத்தின்கீழ் கொண்டுவரப்படும்” என்று ராதாமோகன் சிங் தெரிவித்தார்.  தமிழகத்தில் இத்திட்டம் செயல்படுத்தப்படும் விதம் குறித்துத் தமிழக வேளாண்துறை இயக்குநர் தட்சிணாமூர்த்தியிடம் பேசினோம்.

பரம்பராகட் கிரிஷி... ரூ.7 லட்சம் மானியம் - இயற்கை விவசாயத்துக்கு ஓர் இனிய திட்டம்!

“பூச்சிக்கொல்லி, ரசாயன உரங்களின் பயன்பாட்டைக் குறைக்கவும், மண்ணின் வளத்தை மீட்டெடுக்கவும் அறிமுகப்படுத்தப் பட்டுள்ள திட்டம்தான் ‘பாரம்பர்ய வேளாண் வளர்ச்சித் திட்டம்’.இத்திட்டம் பங்கேற்பு உத்தரவாத சான்றளிப்புத்துறைமூலம்  இயற்கை விவசாயத்தைப் பிரபலப்படுத்தும் நோக்கில் செயல்படுத்தப்படுகிறது. முழுக்க முழுக்க இயற்கை விவசாயம் செய்பவர்களுக்காகக் கொண்டுவரப்பட்ட திட்டமிது. ரசாயன விவசாயத்திலிருந்து இயற்கை விவசாயத்துக்கு மாற நினைப்பவர்கள், மண் வளத்தை மேம்படுத்த நினைப்பவர்கள், சுற்றுச்சூழலில் ஆர்வமுள்ளவர்கள் என அனைவருக்குமான வரப்பிரசாதம் இத்திட்டம். தமிழகத்தில் இரண்டு ஆண்டுகளாக நடைமுறையிலுள்ளது. விவசாயிகள் குழுவாக இணைந்தால்தான் இத்திட்டத்தின்மூலம் பயன்பெற முடியும்.

ஒட்டுமொத்த விகடனுக்கும் ஒரே ஷார்ட்கட்!

பரம்பராகட் கிரிஷி... ரூ.7 லட்சம் மானியம் - இயற்கை விவசாயத்துக்கு ஓர் இனிய திட்டம்!

தமிழகத்தில் இதுவரை 42 குழுக்கள் உருவாக்கப்பட்டு 2 ஆயிரம் ஏக்கர் அளவு நிலங்கள் இயற்கை விவசாயத்தின்கீழ் கொண்டு வரப்பட்டுள்ளன. மேலும், 51 குழுக்கள் தோட்டக்கலைத்துறைமூலம் உருவாக்கப்பட்டு 2,550 ஏக்கரில் செயல்படுத்தப்பட்டுவருகிறது. நடப்பாண்டில் 500 இயற்கை விவசாயக் குழுக்களை உருவாக்க வேண்டும் எனத் திட்டமிடப்பட்டுள்ளது. இதன்மூலம் தமிழ்நாட்டில் 25 ஆயிரம் ஏக்கர் நிலங்கள் இயற்கை விவசாயத்தின்கீழ் கொண்டுவரப்படும். இயற்கை விவசாயத்துக்காகப் பாடுபட்டவர் இயற்கை வேளாண் விஞ்ஞானி நம்மாழ்வார். இந்த இயற்கை விவசாயத்துக்காக ஒரு திட்டம் கொண்டுவரப்படுகிறது. இதை விவசாயிகள் முழுமையாகப் பயன்படுத்திக்கொள்ள வேண்டும்” என்ற தட்சிணாமூர்த்தி திட்டத்தின் மூலம் கிடைக்கும் பலன்கள் குறித்துச் சொன்னார்.

பரம்பராகட் கிரிஷி... ரூ.7 லட்சம் மானியம் - இயற்கை விவசாயத்துக்கு ஓர் இனிய திட்டம்!

“இத்திட்டத்தின்மூலம், இடுபொருள்கள், விதைகள், பசுந்தாள் உரப் பயிர்கள், நுண்ணுயிர் உரங்கள் ஆகியவை வழங்கப்படுவதோடு மண்புழு உரத்தொட்டி கட்டவும் மானியங்கள் உண்டு. இயற்கை விவசாயச் சான்றிதழ் பெறுவது, பண்ணை கண்டுணர் சுற்றுலா செல்வது போன்றவற்றுக்கும் உதவித்தொகை உண்டு. முன்னோடி இயற்கை விவசாயிகளைக்கொண்டு பயிற்சிகள் அளிக்கவும் வழிவகைகள் செய்யப்பட்டுள்ளன. தமிழகத்தில் சென்னை மாவட்டத்தைத் தவிர்த்து, அனைத்து மாவட்டங்களிலும் இத்திட்டம் செயல்படுத்தப்படவுள்ளது. இயற்கை முறையில் எந்தப் பயிரைச் சாகுபடி செய்தாலும் இத்திட்டத்தில் இணையலாம். ஒரே கிராமம் அல்லது அருகருகே இருக்கும் கிராமங்களில் வசிக்கும் விவசாயிகள் கூட்டாகச் சேர்ந்து இத்திட்டத்தில் இணையலாம். மண்ணுக்கும், சுற்றுச்சூழலுக்கும், ஆரோக்கியத்துக்கும் உறுதுணையாக இருக்கும் இத்திட்டத்தில் இணைந்து விவசாயிகள் பயன்பெற வேண்டும். இந்தத் திட்டத்தில் இணைந்துகொள்ள ஆர்வமுடைய விவசாயிகள் அந்தந்த மாவட்ட வேளாண் துணை இயக்குநர் அலுவலகத்தில் பதிவு செய்து கொள்ளலாம்” என்றார். இத்திட்டம் குறித்து மேலும் சில தகவல்களைச் சொன்னார், வேளாண்துறை துணை இயக்குநர் (மானாவாரி பயிர்த் திட்டம்) அசோகன்.

பரம்பராகட் கிரிஷி... ரூ.7 லட்சம் மானியம் - இயற்கை விவசாயத்துக்கு ஓர் இனிய திட்டம்!

“இந்தத் திட்டத்தின் வெற்றி, விவசாயிகளின் முயற்சியில்தான் இருக்கிறது. ஒவ்வொரு குழுவிலும் 50 ஏக்கர் நிலம் இருக்க வேண்டும். ஒரு குழுவில் குறைந்தபட்சம் 10 பேர் உறுப்பினர்களாக இருக்க வேண்டும். ஒவ்வொர் உறுப்பினரும் குறைந்தபட்சம் ஒரு ஏக்கர் நிலமாவது வைத்திருக்க வேண்டும். அதிக நிலம் வைத்திருப்பவர்கள் தங்கள் நிலத்தின் ஒரு பகுதியை இத்திட்டத்துக்காக ஒதுக்கிக் கொண்டும் குழுவில் இணையலாம். மாடு இருக்க வேண்டும் என்பது கட்டாயமில்லை. இருப்பினும் ஒரு மாடு இருப்பது இயற்கை முறை விவசாயத்துக்கு அவசியம்.

பரம்பராகட் கிரிஷி... ரூ.7 லட்சம் மானியம் - இயற்கை விவசாயத்துக்கு ஓர் இனிய திட்டம்!

இத்திட்டத்தில் இணையும் விவசாயிகளுக்கு இடுபொருள் தயாரிப்பதற்கான டிரம், ஜக் உள்ளிட்ட உபகரணங்கள், பூச்சிகளைக் கட்டுப்படுத்தும் உபகரணங்கள் போன்றவற்றை வாங்க 25,000 ரூபாயும் மண்புழு உரத்தொட்டி கட்ட ஒரு தொட்டிக்கு 5,000 ரூபாயும் நிதியுதவி வழங்கப்படும். இயற்கை விவசாயப் பயிற்சி பெற ஒரு குழுவுக்கு 20,000 ரூபாயும் விதைகளுக்காக ஏக்கருக்கு 500 ரூபாயும் வழங்கப்படும். பஞ்சகவ்யா, ஜீவாமிர்தம், பீஜாமிர்தம் ஆகியவற்றைத் தயாரிக்க ஏக்கருக்கு 1,500 ரூபாய் வழங்கப்படும்.

இதுபோலப் பசுந்தாள் உரச் சாகுபடி, உயிர் உரங்கள், உயிரிப் பூஞ்சணக்கொல்லி ஆகியவற்றுக்கும் நிதியுதவிகள் உண்டு. பொருள்களைச் சந்தைக்குக் கொண்டுசெல்ல வாகனம் வாங்க 1,20,000 ரூபாய் நிதியுதவி வழங்கப்படும். இந்தச் சலுகைகளைப் பயன்படுத்தி மூன்று ஆண்டுகளில் முழு ஈடுபாட்டோடு உழைத்தால், இயற்கை விவசாயம்மூலம் நல்ல லாபம் ஈட்ட முடியும்” என்றார்.

தொடர்புக்கு,
அசோகன்,
செல்போன்: 99943 56878

‘‘பூச்சிக்கொல்லிகளைப் பயன்படுத்தக் கூடாது’’

ஆத்தூர் வட்டார வேளாண் அலுவலர் வேல்முருகன், “சேலம் மாவட்டத்தில் வேளாண்துறை மூலமா 5 குழுக்கள் உருவாக்கப் பட்டுள்ளன. அதில் இந்தக் குழு சிறப்பாகச் செயல்படுகிறது. இந்தத் திட்டத்தில் இணைவோர் ரசாயன உரங்கள், பூச்சிக்கொல்லிகளைப் பயன்படுத்தக் கூடாது. இயற்கை வேளாண் தொழில்நுட்பங்களை முறையாகக் கடைப்பிடிக்க வேண்டும். இயற்கை வேளாண் முறைகளுக்கு மாறும் அத்தனை விஷயங்களையும் ஆவணப்படுத்திக்கொள்ள வேண்டும். பண்ணைய இடுபொருள்கள் தவிர்த்து, உயிர் உரங்களை வேளாண் அலுவலகம்மூலமாகக் கொடுத்துவிடுவோம்.

பரம்பராகட் கிரிஷி... ரூ.7 லட்சம் மானியம் - இயற்கை விவசாயத்துக்கு ஓர் இனிய திட்டம்!

தமிழ்நாட்டில் இத்திட்டம் வேளாண்துறை, தோட்டக்கலைத்துறை மூலமாகச் செயல்படுத்தப்படுகிறது. தன்னார்வ நிறுவனங்கள் இத்திட்டத்தில் ஈடுபடுத்தப்படவில்லை. இத்திட்டத்தில் இணைய ஆர்வமுள்ளவர்கள் சிட்டா, ஆதார் கார்டு, வங்கிக்கணக்குப் புத்தகம், புகைப்படங்கள் ஆகியவற்றோடு வேளாண் உதவி இயக்குநர் அலுவலகத்தை அணுகவும்” என்றார்.

தொடர்புக்கு, வேல்முருகன்,
செல்போன்: 99524 17105

‘‘`15 லட்சம் கொடுத்தாங்க...!’’

பாரம்பர்ய வேளாண் வளர்ச்சித் திட்டத்தின் கீழ் சேலம் மாவட்டத்தில் இயற்கை விவசாயக் குழுக்கள் உருவாக்கப்பட்டுள்ளன. ஆத்தூர் வட்டம், ராமநாயக்கன்பாளையத்தில் ‘அங்கக பண்ணையம்-ராமநாயக்கன்பாளையம் நெல்’ என்கிற இயற்கை விவசாயக்குழு உருவாக்கப்பட்டுள்ளது. இக்குழுவின் தலைவர் சிங்காரத்திடம் பேசினோம்.

பரம்பராகட் கிரிஷி... ரூ.7 லட்சம் மானியம் - இயற்கை விவசாயத்துக்கு ஓர் இனிய திட்டம்!

“ரெண்டு வருஷத்துக்குமுன்ன இந்தக் குழுவைத் தொடங்கினோம். இந்தக் குழுவுல 50 பேர் உறுப்பினரா இருக்கோம். இதுல 30 பேர் குழுவுல சேருறதுக்காக, ரசாயன விவசாயத்துல இருந்து இயற்கை விவசாயத்துக்கு மாறியிருக்காங்க. நான் 15 வருஷமா இயற்கை விவசாயம்தான் செஞ்சிட்டு இருக்கேன். நம்மாழ்வார் ஐயாவோடு இயற்கை விவசாயம் சம்பந்தமா கலந்துரையாடியிருக்கேன். பசுமை விகடனில் வருகிற தகவல்கள் எங்க குழுவுக்குப் பயனுள்ளதா இருக்கு. இப்போ, மாப்பிள்ளைச் சம்பா, கறுப்பு கவுனி, சேலம் சன்னானு சாகுபடி செஞ்சிருக்கேன். எங்க குழுவுக்கு இடுபொருள் தயாரிப்பு, விற்பனை, விதைகள் என்று அவ்வப்போது மானியத்தொகை கொடுத்தாங்க. இப்படிக் கொடுத்ததே கிட்டத்தட்ட 15 லட்சம் ரூபாய் இருக்கும்.

அந்தத் தொகையைப் பயன்படுத்திப் பஞ்சகவ்யா, ஜீவாமிர்தம் தயாரிக்கிறதுக்கான டிரம்கள், ஸ்பிரேயர்னு வாங்கிப் பயன்படுத்திட்டிருக்கோம். ஒரு வருஷத்துக்கு எங்களோட விளைபொருள்களை விற்பனைசெய்றதுக்காகப் ‘பி.ஜி.எஸ் இந்தியா இயற்கை விவசாயச் சான்றிதழ்’ வாங்கிக் கொடுத்திருக்காங்க. மூணு வருஷத்துக்குப் பின்னாடி, இன்னொரு இயற்கை விவசாயச் சான்றிதழ் கொடுக்கிறதா சொல்லியிருக்காங்க. நெல்லைக் கைகுத்தல் அரிசியாக்கிறதுக்கான எந்திரமும் களையெடுக்கிறதுக்குப் பவர் வீடரும் கேட்டிருக்கோம். எங்க குழுவுல எல்லோரும் ஒற்றை நெல் சாகுபடி முறையிலதான் நடவு செஞ்சோம். நெல் அறுவடை முடிஞ்ச பிறகு கத்திரி, வெண்டைனு காய்கறி சாகுபடி செய்யப்போறோம். உண்மையில் இயற்கை விவசாயிகளுக்குப் பயன்படுற திட்டம்தான் இது” என்றார்.

தொடர்புக்கு, சிங்காரம்,
செல்போன்: 93447 53271

தோட்டக்கலையிலும் இத்திட்டம் உண்டு

வேளாண்துறைபோலவே தோட்டக்கலைத் துறையிலும் இத்திட்டம் செயல்படுத்தப்படுகிறது. காய்கறிகள், பழமரப் பயிர்கள் உள்ளிட்ட தோட்டக்கலையின்கீழ் வரும் பயிர்களைப் பாரம்பர்ய வேளாண் வளர்ச்சித் திட்டத்தில் இணைந்து சாகுபடி மேற்கொள்ளலாம். அந்தந்த மாவட்டத் தோட்டக்கலை உதவி இயக்குநர் அலுவலகத்தை அணுகி இதற்கான தகவல்களைப் பெறலாம்.

தொடர்புக்கு, தோட்டக்கலை மற்றும் மலைப்பயிர்கள் துறை, எழிலகம், சேப்பாக்கம், சென்னை- 600 005,

தொலைபேசி: 044 28513232/34

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism