Published:Updated:

‘மனவளம் இருந்தால் வாழ்க்கை சிறக்கும்’ ‘மண்வளம் இருந்தால் நாடு சிறக்கும்!’

 ‘மனவளம் இருந்தால் வாழ்க்கை சிறக்கும்’   ‘மண்வளம் இருந்தால் நாடு சிறக்கும்!’
பிரீமியம் ஸ்டோரி
‘மனவளம் இருந்தால் வாழ்க்கை சிறக்கும்’ ‘மண்வளம் இருந்தால் நாடு சிறக்கும்!’

இயற்கைஜி.பழனிச்சாமி, படங்கள்: ரமேஷ் கந்தசாமி

‘மனவளம் இருந்தால் வாழ்க்கை சிறக்கும்’ ‘மண்வளம் இருந்தால் நாடு சிறக்கும்!’

இயற்கைஜி.பழனிச்சாமி, படங்கள்: ரமேஷ் கந்தசாமி

Published:Updated:
 ‘மனவளம் இருந்தால் வாழ்க்கை சிறக்கும்’   ‘மண்வளம் இருந்தால் நாடு சிறக்கும்!’
பிரீமியம் ஸ்டோரி
‘மனவளம் இருந்தால் வாழ்க்கை சிறக்கும்’ ‘மண்வளம் இருந்தால் நாடு சிறக்கும்!’

ய்வறியா போராளியான ‘இயற்கை வேளாண் விஞ்ஞானி’ நம்மாழ்வார், இந்த மண்ணைவிட்டுப்

 ‘மனவளம் இருந்தால் வாழ்க்கை சிறக்கும்’   ‘மண்வளம் இருந்தால் நாடு சிறக்கும்!’

பிரிந்தாலும், அவர் கற்றுத்தந்த தொழில் நுட்பங்கள், வாழ்வியல் முறைகள், தற்சார்பு வேளாண்மை முறைகள் ஆகியவை மக்கள் மனதைவிட்டு மறையவில்லை. பல்லாயிரக்கணக்கானோர் அவற்றைப் பின்பற்றிப் பல்வேறு வடிவங்களில் நடைமுறைப்படுத்தி வருகிறார்கள். அதோடு பலருக்கும்  அவற்றைப் பரப்பி வருகிறார்கள். அப்படிப்பட்டவர்களில் ஒருத்தர்தான் திருப்பூர் அடுத்துள்ள ஊத்துக்குளி எனும் ஊரைச் சேர்ந்த அழகேஸ்வரி.

“உடுமலைப்பேட்டைக்குப் பக்கத்துல இருக்கிற போத்தநாயக்கனூர் கிராமம்தான் எனக்குப் பூர்வீகம். அமராவதி பாசனத்துல கரும்பும் நெல்லும் போட்டிபோட்டு வெளையுற செழிப்பான ஊரு. ஆனா, எனக்கு விவசாயம் பிடிக்கலை. வேலைக்குப் போற ஆசையிலதான் இருந்தேன். பல்லடத்துல இருக்கிற கோழிப்பண்ணையில் கணக்கு எழுதுற வேலையில் சேர்ந்தேன். அது சரிப்பட்டு வராததால, அடுத்து திருப்பூர்ல ஒரு பருத்தி ஆடை தயாரிக்கிற கம்பெனில சேர்ந்தேன்.

ஒட்டுமொத்த விகடனுக்கும் ஒரே ஷார்ட்கட்!

 ‘மனவளம் இருந்தால் வாழ்க்கை சிறக்கும்’   ‘மண்வளம் இருந்தால் நாடு சிறக்கும்!’

அந்தச் சமயத்துல கம்பெனி ஊழியர்களுக்காக ‘மனவளக்கலை மன்றம்’ மூலமா ஒரு யோகா பயிற்சியை ஏற்பாடு செஞ்சிருந்தாங்க. அதுல நானும் கலந்துகிட்டேன். தொடர்ந்து பயிற்சி எடுத்துக்கிட்டேன். வேதாத்திரி மகரிஷியோட தத்துவங்கள் என்னை ஈர்த்ததால, மனவளக்கலை மன்றத்துல இணைஞ்சு தீவிரமா செயல்பட ஆரம்பிச்சேன். முறைப்படி யோகா கலையைப் படிச்சு எம்.ஏ பட்டம் வாங்கி, முழு நேர யோகா பயிற்சி ஆசிரியரா வேலை செஞ்சுட்டு இருந்தேன்.

அந்தச் சமயத்துல ஊத்துக்குளி கிராமத்துல ஒரு மரம் நடும் விழாவுல கலந்துகிறதுக்காக நம்மாழ்வார் ஐயா வந்திருந்தார். எதேச்சையா அந்த விழாவுக்கு நானும் போயிருந்தேன். அந்த விழாவுலதான் அவரை முதல்முறையா பார்த்தேன். எனக்கு அவரைப்பத்தி எதுவும் தெரியாததால பெரிசா கவனம் இல்லாமதான் உக்காந்திருந்தேன். ஆனா, அவர் குழந்தைகளுக்குக்கூடப் புரியுற மாதிரி இயற்கை வாழ்வியல் பத்திப் பேசினதைக் கேட்டதும், அப்படியே உக்காந்து அவரோட முழுப்பேச்சையும் கேட்டேன்.

 ‘மனவளம் இருந்தால் வாழ்க்கை சிறக்கும்’   ‘மண்வளம் இருந்தால் நாடு சிறக்கும்!’

அவர் பேசி முடிச்சதும், நிகழ்ச்சியை ஏற்பாடு செய்த குழுவில் இருந்த ‘குக்கூ’ சிவராஜ்கிட்ட ஐயாவை சந்திக்கணும்னு கேட்டு, ஐயாகிட்ட அறிமுகமாகிக்கிட்டேன். அடுத்தடுத்து ஐயா கலந்துகிட்ட சில கூட்டங்களுக்குப் போய் அவரோட பேச்சைக் கேட்க ஆரம்பிச்சேன். ‘மனவளம் நல்லா இருந்தால் வாழ்க்கை சிறக்கும்’னு நினைச்சுட்டு இருந்த எனக்கு, ‘மண்வளம் நல்லா இருந்தா நாடே சிறக்கும்’ங்கிற நம்மாழ்வாரோட சித்தாந்தம் புதிய தாக்கத்தை ஏற்படுத்திடுச்சு. இயற்கை முறையில செய்யப்படுற தற்சார்பு விவசாயம் பத்தி, ஐயா சொன்ன கருத்துகள் எல்லாமே கிட்டத்தட்ட மனவளக்கலை வாழ்வியலை ஒட்டிதான் இருந்துச்சு.

அடுத்ததா ‘வானகம்’ மையத்துல நடந்த ஐந்து நாள்கள் களப் பயிற்சியிலயும் கலந்துகிட்டேன். அந்தப் பயிற்சியில ஐயாகூட நெருங்கிப் பழகிறதுக்கான வாய்ப்பு கிடைச்சது. அதுக்கப்புறம் முழு நேரமும் நம்மாழ்வார் ஐயா வழியில பயணிக்கலாம்னு முடிவு செஞ்சுட்டேன். 

ஊத்துக்குளிக்கு வீட்டை மாத்திட்டு குக்கூ அமைப்போட சேர்ந்து, குழந்தைகள் மேம்பாடு, சுற்றுச்சூழல், பாரம்பர்ய விதைச் சேகரிப்பு, வன உருவாக்கம்னு வேலைகளைச் செய்ய ஆரம்பிச்சேன்” என்ற அழகேஸ்வரி தொடர்ந்து பேசினார்.

“எங்க நூலகம் பக்கத்திலேயே ஒரு சதுர கிணறு இருந்துச்சு. ஐந்நூறு வருஷம் பழைமையான கிணறு அது. நேர்த்தியா சுற்றுச்சுவர், படிக்கட்டுகள்லாம் இருக்கும். ஆனா, அந்தக் கிணத்துல குப்பைகள்தான் இருந்துச்சு. அந்தக் கிணற்றை இயல்வாகை நண்பர்கள் மூலமா தூர்வாரி, குப்பைகளை அகற்றினோம். அடுத்து பெய்த மழையில கிணத்துல தண்ணி ஊறிடுச்சு. இப்போ ஊர் மக்கள் அந்தத் தண்ணியைப் பயன்படுத்துறாங்க. குழந்தைகள் கிணத்துல குதிச்சு நீந்தி விளையாடுறாங்க.

அடுத்து குழந்தைகளுக்காக ‘இயல்வாகை’ங்கற பெயர்ல ஒரு நூலகம் தொடங்கினோம். அதோட முதலாம் ஆண்டு விழாவுக்கு நம்மாழ்வார் ஐயாவை அழைத்திருந்தோம்.

 ‘மனவளம் இருந்தால் வாழ்க்கை சிறக்கும்’   ‘மண்வளம் இருந்தால் நாடு சிறக்கும்!’

பனை மரங்கள் சூழ்ந்த காட்டுக்குள்ளதான் விழா நடத்தினோம். ஐயா வரும்போது, கொம்பு வாத்தியம் ஊதி, மத்தளம் அடிச்சு வரவேற்பு கொடுத்தோம். அந்த மத்தள இசைக்குக் குழந்தைகள் ஆடினாங்க. ஐயாவும் அவங்களோட சேர்ந்து உற்சாகமா ஆடினார். அந்த நிகழ்ச்சியில பனை ஓலைப் பாய் விரிச்சுதான் எல்லாரும் உக்காந்தோம். பதநீர், நுங்கு, கருப்பட்டி காபி, கம்பங்கூழ்னு கொடுத்தோம். இயற்கைச் சூழல்ல நடந்த அந்த விழா, ஐயாவுக்கு ரொம்பப் பிடிச்சுப்போச்சு.

அதுக்கப்புறம் நேரம் கிடைக்கிறப்பல்லாம் வானகம் போய் ஐயாவைப் பார்த்துப் பேசிட்டிருப்பேன். ஒவ்வொரு தடவை அவரைச் சந்திக்கிறப்பவும் ஒரு புது விஷயத்தைத் தெரிஞ்சுக்க முடியும். அது மாதிரிப் பேசுற சமயங்கள்ல ‘குழந்தைகளுக்கான பணியில விவசாயத்தையும் சேர்க்கணும். அடுத்த தலைமுறை விவசாயிங்க அவங்கதான்’னு சொல்வார். அதனால, மாவட்ட முதன்மைக் கல்வி அலுவலர்கிட்ட அனுமதி வாங்கி, பள்ளி சிறுவர்களுக்குப் பள்ளி வளாகத்துல இயற்கை முறையில தோட்டம் அமைக்கிறது பத்திச் சொல்லிக் கொடுக்க ஆரம்பிச்சேன். அந்த முயற்சியால இப்போ பல பள்ளிகள்ல தோட்டம் அமைஞ்சிருக்கு.
இயற்கை விவசாயம் மட்டுமில்லாம மருந்தில்லா மருத்துவ முறைகளையும் ஐயா வலியுறுத்துவார். ‘உணவுப்பழக்கங்கள் மூலமாகவே நோய்களை விரட்ட முடியும். வரும் நோய்களைத் தடுக்க முடியும்’னு சொல்வார். அதே மாதிரி விவசாயிகள் வியாபாரிகளா மாறணும்னு ஐயா சொல்வார். அதுக்காக ‘நம்ம ஊர் சந்தை’ங்கிற பெயர்ல ஒரு நேரடி விற்பனை சந்தையையும் ஏற்பாடு பண்ணிருக்கோம்” என்ற அழகேஸ்வரி நிறைவாக,

“ஐயா இயற்கையோடு கலக்குறதுக்கு, ஒரு மாசம் முன்னாடி அவரைச் சந்திச்சுப் பேசினேன். அப்போ, ‘ஊத்துக்குளியில கொட்டுன முரசு பெருசா ஒலிக்கணும்’னு சொல்லி என் தலைமேல கை வெச்சு ஆசிர்வாதம் செஞ்சார். அடுத்த மாசம் அவர் இயற்கையில கலந்தவுடனே, நான் என்னோட வேலையை விட்டுட்டு ஐயாவோட வழியில் இயற்கை சேவை செய்ய ஆரம்பிச்சிட்டேன். எனக்கு வேப்பமரங்களைப் பார்க்கும் போதெல்லாம் ஐயாவோட நினைவு வரும். வழியில் இருக்கிற வேப்ப மரங்கள் எல்லாமே ஐயாவா இருந்து, எனக்குத் துணைக்கு இருக்கிறதா நினைச்சுக்குவேன்” என்று உருக்கமாகச் சொல்லி விடைகொடுத்தார்.

தொடர்புக்கு,
எஸ்.அழகேஸ்வரி, செல்போன்: 99421 18080

திருப்பூரில் ‘நம்ம ஊர் சந்தை!’

இயல்வாகை அமைப்பு திருப்பூர் மாவட்டச் சுற்றுவட்டாரப் பகுதிகளில், இயற்கை வேளாண்மை மேற்கொண்டு வரும் விவசாயிகளை ஒருங்கிணைத்து, அவர்களே நேரடியாக விற்பனை செய்யும் வகையில் ‘நம்ம ஊர் சந்தை’ என்ற பெயரில் நடத்த ஆரம்பித்திருக்கின்றனர். இந்தச் சந்தை கடந்த நவம்பர் 17-ம் தேதி ஞாயிறன்று திருப்பூர் கே.எஸ்.சி அரசு பள்ளியில் நடைபெற்றது.

 ‘மனவளம் இருந்தால் வாழ்க்கை சிறக்கும்’   ‘மண்வளம் இருந்தால் நாடு சிறக்கும்!’

பாரம்பரிய அரிசி வகைகள், சிறுதானியங்கள், காய்கறிகள், பயறு வகைகள், விதைகள், தேன், கருப்பட்டி, பனைஓலைப் பொருள்கள், சணல் பொருள்கள் எனப் பல்வேறு இயற்கை உணவுப் பொருள்கள் விற்பனைக்கு வைக்கப்பட்டிருந்தன. மேலும் கற்பூரவள்ளி, வேப்பம் பூ உள்ளிட்ட அரிய ஊறுகாய் வகைகளை, மந்தாரை இலைகளில் வைத்து விற்பனை செய்தார்கள். சிறுதானியப் பண்டங்கள், சுத்தமான பதநீர், பழைய சோறு, நாட்டு மாதுளைப் போன்றவற்றைக் குழந்தைகள் ஆர்வமுடன் வாங்கி உண்டனர்.

இந்நிகழ்வை ஏற்பாடு செய்திருந்த இயல்வாகை அமைப்பைச் சேர்ந்த அழகேஸ்வரி பேசும்போது, “நம்மாழ்வார் ஐயாவின் வேளாண்மை அறிவுறுத்தல்களைப் பின்பற்றி நடக்கும் பல்வேறு அமைப்புகள், இதுபோன்ற சந்தை நிகழ்வுகளைத் தமிழகமெங்கும் நடத்திக்கொண்டு இருக்கிறார்கள். அதேபோல, திருப்பூரிலும் நடத்த வேண்டும் என்ற உந்துதல் கடந்த நான்கு ஆண்டுகளாகவே இருந்து வந்தது. திருப்பூர் மாவட்டத்தின் சுற்றுவட்டாரப் பகுதிகளில் இன்னமும் விவசாயம் நடைபெறுகிறது. விவசாயத் தொடர்பே அற்றுப்போன திருப்பூர் மாநகரப் பகுதியில், இந்தச் சந்தை நிகழ்ச்சியை நடத்த முடிவெடுத்தோம். இதுபோன்ற இயற்கை முறையில் விளைந்த உணவுப் பொருள்களை வாங்க, நம் மக்கள் ஏங்கிக் கிடக்கிறார்கள் என்பதை இந்தச் சந்தை வாயிலாக அறிய முடிந்தது. திருப்பூரில் முதல்முறையாக நடத்தப்பட்ட இந்நிகழ்வு மக்களிடமும் பொருள்களை விற்பனை செய்த விவசாயிகளிடமும் நல்ல வரவேற்பைப் பெற்றிருக்கிறது. இனிவரும் காலங்களில், மாதத்தில் ஒருநாள் இந்த நம்ம ஊர் சந்தை கூடும்” என்றார்.

- தி.ஜெயபிரகாஷ்
படங்கள்: அ.அ.சூர்யபாரதி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism