Published:Updated:

இயற்கை வாரச்சந்தை... விவசாயிகளே விலை நிர்ணயம் செய்யலாம்!

இயற்கை வாரச்சந்தை... விவசாயிகளே விலை நிர்ணயம் செய்யலாம்!
பிரீமியம் ஸ்டோரி
இயற்கை வாரச்சந்தை... விவசாயிகளே விலை நிர்ணயம் செய்யலாம்!

முயற்சிஇ.கார்த்திகேயன், படங்கள்: ஆர்.எம்.முத்துராஜ்

இயற்கை வாரச்சந்தை... விவசாயிகளே விலை நிர்ணயம் செய்யலாம்!

முயற்சிஇ.கார்த்திகேயன், படங்கள்: ஆர்.எம்.முத்துராஜ்

Published:Updated:
இயற்கை வாரச்சந்தை... விவசாயிகளே விலை நிர்ணயம் செய்யலாம்!
பிரீமியம் ஸ்டோரி
இயற்கை வாரச்சந்தை... விவசாயிகளே விலை நிர்ணயம் செய்யலாம்!

‘விவசாயிகளே வியாபாரிகளாக மாறி நேரடி விற்பனையில் ஈடுபட வேண்டும்’ என்று தான்

இயற்கை வாரச்சந்தை... விவசாயிகளே விலை நிர்ணயம் செய்யலாம்!

கலந்துகொள்ளும் கூட்டங்களிலெல்லாம் வலியுறுத்தி வந்தார் ‘இயற்கை வேளாண் விஞ்ஞானி’ நம்மாழ்வார்.

ஒட்டுமொத்த விகடனுக்கும் ஒரே ஷார்ட்கட்!

அவரின் கொள்கையைப் பின்பற்றி இயற்கை விவசாயம் செய்துவரும் பலரும் மதிப்புக்கூட்டல், நேரடிவிற்பனை போன்ற விஷயங்களைச் செயல்படுத்திக் கூடுதல் வருமானம் ஈட்டி வருகிறார்கள். அந்த வகையில், சிறப்பாகச் செயல்பட்டு வரும் ஓர் இயற்கைச் சந்தைதான், ‘தேன்கனி இயற்கை உழவர் வாரச்சந்தை’.

விருதுநகர் மாவட்டம், சிவகாசியைச் சுற்றியுள்ள இயற்கை விவசாயிகள் ஒன்றிணைந்து ‘தேன்கனி இயற்கை விவசாயிகள் கூட்டமைப்பு’ என்ற அமைப்பைத் தொடங்கியுள்ளனர். இவ்வமைப்பின்மூலம் வாரந்தோறும் ஞாயிற்றுக்கிழமை அன்று, விவசாயிகள் தங்களின் பொருள்களை நேரடியாக விற்பனை செய்துவருகிறார்கள். இவர்களின் வாரச்சந்தைக்குப் பெயர்தான், தேன்கனி இயற்கை உழவர் வாரச்சந்தை. இச்சந்தையில் விவசாயிகளே தங்கள் பொருள்களுக்கு விலை நிர்ணயம் செய்கிறார்கள்.

இயற்கை வாரச்சந்தை... விவசாயிகளே விலை நிர்ணயம் செய்யலாம்!

நம்மாழ்வார் சிறப்பிதழுக்காகச் சமீபத்தில் கூடிய வாரச்சந்தைக்குச் சென்றிருந்தோம். சந்தையில் கீரை விற்பனையில் மும்முரமாக இருந்தார், சந்தையின் ஒருங்கிணைப்பாளர் கருப்பசாமி.

விற்பனைப் பணிகளை முடித்துவிட்டு நம்மிடம் பேசிய கருப்பசாமி, “சமூகத்துக்கு ஏதாவது சேவை செய்யணுங்கிற அடிப்படையில நண்பர்கள் ஏழு பேர் சேர்ந்து, ரத்ததான முகாம்களை நடத்திட்டு இருந்தோம். 2009-ம் வருஷம், நம்மாழ்வார் ஐயா எழுதி விகடன் பிரசுரம் வெளியிட்ட ‘உழவுக்கும் உண்டு வரலாறு’ புத்தகம் எங்களுக்குக் கிடைச்சது.

அதுலதான் ரசாயன உரம், பூச்சிக்கொல்லிகளோட தீமைகளையும், தொலைஞ்சு போன பாரம்பர்ய விவசாய முறைகளைப் பத்தியும் தெளிவா தெரிஞ்சுகிட்டோம். அதுக்கப்புறம் இயற்கை வேளாண்மை, சுற்றுச்சூழல் பக்கம் திரும்பிச் செயல்படணும்னு முடிவெடுத்தோம். அடுத்து ‘விதை இயக்கம்’ங்கிற அமைப்பை ஆரம்பிச்சு நிழல்தரும் மரக்கன்றுகளை நட ஆரம்பிச்சோம்.

அந்தச் சமயத்துல, சிவகாசியில் நடந்த ஒரு சுற்றுச்சூழல் விழிப்பு உணர்வு நிகழ்ச்சிக்கு நம்மாழ்வார் ஐயா வந்திருந்தார். அப்போதான் முதன்முதல்ல அவரை நாங்க நேர்ல பார்த்தோம். அந்தக் கூட்டத்துல இயற்கை விவசாயத்தை வலியுறுத்திப் பேசினார்.

அதுக்கப்புறம் எங்கள்ல மூணு பேர் வானகம் பண்ணைக்குப் போய் ஐயாகிட்ட இயற்கை விவசாயப் பயிற்சி எடுத்துக்கிட்டோம். அந்தப் பயிற்சி சமயத்துல, ‘ஒவ்வொரு மாவட்டத்துலயும் ஒரு மாதிரிப்பண்ணை அமைக்கணும். அதுமூலமா விவசாயிகளுக்குப் பயிற்சி கொடுக்கணும்’னு ஐயா சொன்னார். பயிற்சி முடிஞ்சு வந்தபிறகு விவசாயிகள்கிட்ட இயற்கை விவசாயம் பத்தி விழிப்பு உணர்வை ஏற்படுத்துற வேலைகளைச் செய்ய ஆரம்பிச்சோம். அப்போ நண்பர் ஒருவர், மாதிரிப் பண்ணை அமைக்கிறதுக்காக, எங்களுக்கு ஒரு ஏக்கர் நிலத்தைக் கொடுத்தார். அதுல மாதிரிப்பண்ணை அமைச்சு விவசாயிகளுக்குப் பயிற்சி களைக் கொடுத்துட்டு இருந்தோம்” என்ற கருப்பசாமி தொடர்ந்தார்...

இயற்கை வாரச்சந்தை... விவசாயிகளே விலை நிர்ணயம் செய்யலாம்!

“அந்த மாதிரிப்பண்ணையில் ஒரு களப்பயிற்சிக்கு ஐயாவைக் கூப்பிட்டிருந்தோம். அந்தப் பயிற்சியில, ‘விவசாயிகள்கிட்ட கொள்முதல் பண்ற விலைக்கும், சந்தையில் நுகர்வோருக்கு விற்பனை செய்ற விலைக்கும் மிகப்பெரிய வித்தியாசம் இருக்கு. இதனால, விவசாயிகளுக்கும் லாபமில்லை. நுகர்வோருக்கும் லாபமில்லை. இடைத்தரகர்தான் அதிக லாபம் சம்பாதிக்கிறாங்க. அதனால, விவசாயிகளே நேரடி விற்பனையில் ஈடுபடணும்’னு நம்மாழ்வார் ஐயா பேசினார். சந்தைப்படுத்தறது பத்தியே கிட்டத்தட்ட மூணு மணி நேரம் பேசினார். அந்தச் சமயத்துலதான் எங்களுக்கு இயற்கை விவசாயச் சந்தை தொடங்கணும்னு யோசனை வந்தது. அதை ஐயாகிட்ட சொன்னதும், ‘உடனே ஆரம்பிங்க. நாமதான் விவசாயிகளுக்குச் செஞ்சு காட்டிப் புரிய வைக்கணும்’னு சொன்னார். அதுக்கப்புறம்தான், தேன்கனி இயற்கை விவசாயிகள் கூட்டமைப்பை ஆரம்பிச்சு... போன 2014 மே மாசத்துல இருந்து தேன்கனி இயற்கை உழவர் வாரச்சந்தையை நடத்திட்டு இருக்கோம்” என்றார்.

தொடர்ந்து பேசினார், கூட்டமைப்பின் துணைத்தலைவர் நாராயணன். “நான் இயற்கை முறையில வாழை, நிலக்கடலை, கத்திரி, தக்காளினு சாகுபடி செய்றேன். அதையெல்லாம் சிவகாசியில உள்ள காய்கறி மார்கெட்லதான் விற்பனை செய்திட்டிருந்தேன். அங்க, இயற்கை விளைபொருள்னு கூடுதல் விலையெல்லாம் கிடைக்கலை. அன்னன்னிக்கு மார்க்கெட் விலையைத்தான் கொடுப்பாங்க. அந்த வியாபாரிகளை நாங்க எதிர்த்தே பேச முடியாது. ஒன்றரை வருஷத்துக்கு முன்னாடிதான் இந்தச் சந்தையைப் பத்திக் கேள்விப்பட்டுக் கருப்பசாமியைப் பார்த்துப் பேசினேன்.

‘உங்க காய்கறிக்கு இந்தச் சந்தையில நீங்களே விலை வெச்சு விற்பனை செய்யலாம். ஆனா, உங்க தோட்டத்தையும் விவசாய முறையையும் பார்த்த பிறகுதான், விற்பனைக்கு அனுமதி தருவோம்’னு கருப்பசாமி சொன்னார். அதுக்கப்புறம் கூட்டமைப்புல இருக்கிற நாலு விவசாயிகள் என்னோட தோட்டத்துக்கு வந்து, இடுபொருள்கள் பத்தியெல்லாம் விசாரிச்சுட்டு என்னையும் கூட்டமைப்புல சேர்த்துக்கிட்டாங்க.

இயற்கை வாரச்சந்தை... விவசாயிகளே விலை நிர்ணயம் செய்யலாம்!

அப்போ இருந்து என் விளைபொருள்களை இங்க விற்பனை செய்றேன். அந்தந்த விவசாயிகளே விளைபொருளுக்கு விலையை நிர்ணயம் செய்து நேரடியா விற்பனை செஞ்சுக்கலாம். சந்தைக்கு வர முடியாத விவசாயிகளோட விளைபொருள்களையும் விற்பனை செய்து கொடுப்போம். அதுக்காக அவங்க மொத்த விற்பனையில் பத்துச் சதவிகிதப் பணத்தைக் கூட்டமைப்புக்குக் கொடுத்திடணும்.

கூட்டமைப்புக்கு இப்படிச் சேருற பணத்தை வெச்சுத்தான் அமைப்புக்கான செலவுகளைச் செஞ்சுக்குறோம். இப்போ 36 இயற்கை விவசாயிகள் உறுப்பினர்களா இருக்காங்க. கூட்டமைப்பு விவசாயிகள் ஞாயிற்றுக்கிழமை சந்தைக்குக் கொண்டு வரப்போற பொருள்களோட பட்டியலை வியாழக்கிழமை அன்னிக்கே வாட்ஸ் அப் மூலமா அனுப்பிடுவாங்க. அதை வெச்சு சந்தையைத் திட்டமிட்டுக்குவோம். இங்க துணிப்பைகளை மட்டும்தான் பயன்படுத்துறோம். கூட்டமைப்பு மூலமா இயற்கை அங்காடிகளுக்கும் விளைபொருள்களை அனுப்பிக் கிட்டிருக்கோம்” என்றார்.

இயற்கை வாரச்சந்தை... விவசாயிகளே விலை நிர்ணயம் செய்யலாம்!
இயற்கை வாரச்சந்தை... விவசாயிகளே விலை நிர்ணயம் செய்யலாம்!

கூட்டமைப்பின் செயலாளர் முத்துக்குமார், “இயற்கை விவசாயிகள் மட்டும்தான் இந்தக் கூட்டமைப்பில் சேர முடியும். மண், இடுபொருள்கள், இடுபொருள்கள் தயாரிப்பு முறை எல்லாத்தையும் ஆய்வு பண்ணின பிறகுதான், சம்பந்தப்பட்ட விவசாயியைக் கூட்டமைப்பில் சேர்த்துக்குவோம். புதுசா சேர்ந்த உறுப்பினர்களை மாதா மாதம் நடக்கிற கூட்டங்கள்ல எல்லோருக்கும் அறிமுகப்படுத்துவோம். கூட்டமைப்புல சேர்றதுக்கோ, சந்தையில பொருள்களை விற்பனை செய்றதுக்கோ எந்தக் கட்டணமும் கிடையாது” என்றார்.

நம்மாழ்வாரின் வழியில் வெற்றிகரமாக இயற்கைச் சந்தை நடத்திவரும் அக்குழுவினருக்குப் பசுமை விகடன் சார்பாக வாழ்த்துகளைச் சொல்லி விடைபெற்றோம்.

பலவிதப் பயிற்சிகள்...

கூட்டமைப்பின் சார்பாக அளிக்கப்படும் பயிற்சிகள் குறித்துப் பேசிய இயற்கை விவசாயி சங்கர், “இயற்கை விவசாயம், மானாவாரி விவசாயம், மாடித்தோட்டம், இடுபொருள் தயாரிப்பு, மதிப்புக்கூட்டுதல், இயற்கை வாழ்வியல், பண்ணை வடிவமைப்பு, சந்தைப்படுத்துதல்னு ஒவ்வொரு மாசமும் பயிற்சி கொடுக்கிறோம்.

இயற்கை வாரச்சந்தை... விவசாயிகளே விலை நிர்ணயம் செய்யலாம்!

அடுத்ததா பள்ளி மாணவர்களுக்கும் இயற்கை விவசாயப் பயிற்சி கொடுக்கப்போறோம். முதல்கட்டமா 5 பள்ளிகளைத் தேர்ந்தெடுத்திருக்கோம். ஒவ்வொரு பள்ளியிலும் 20 மாணவர்களைத் தேர்ந்தெடுத்து மேட்டுப்பாத்தி காய்கறிகள், கீரைகளைப் பயிரிட வைக்கப்போறோம். அந்தக் கீரைகளைச் சத்துணவுல பயனபடுத்தி, மாணவர்களை நஞ்சில்லா உணவைச் சாப்பிட வைக்கலாம்னு இருக்கோம்” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism