Published:Updated:

மூங்கில் சாகுபடி... வந்தது சட்டத்திருத்தம்!

மூங்கில் சாகுபடி... வந்தது  சட்டத்திருத்தம்!
பிரீமியம் ஸ்டோரி
மூங்கில் சாகுபடி... வந்தது சட்டத்திருத்தம்!

வனம்ஆர்.குமரேசன்

மூங்கில் சாகுபடி... வந்தது சட்டத்திருத்தம்!

வனம்ஆர்.குமரேசன்

Published:Updated:
மூங்கில் சாகுபடி... வந்தது  சட்டத்திருத்தம்!
பிரீமியம் ஸ்டோரி
மூங்கில் சாகுபடி... வந்தது சட்டத்திருத்தம்!

மூங்கில் இதுவரை மரங்களின் பட்டியலில்தான் இருந்து வந்தது. அதனால், ‘இந்திய வனச்சட்டம் 1927’-ன்படி, மூங்கிலை வெட்டவோ, ஓர் இடத்திலிருந்து இன்னோர் இடத்துக்குக் கொண்டுசெல்லவோ அரசிடம் அனுமதிபெற வேண்டிய கட்டாயம் இருந்தது.

விவசாயிகளின் வருமானத்தை 2020-ம் ஆண்டுக்குள் இருமடங்காக உயர்த்தும் வகையில் மத்திய அரசு சில திட்டங்களை முன்னெடுத்து வருகிறது. அதில் ஒருபகுதியாக, மூங்கிலை மரங்கள் பட்டியலிலிருந்து நீக்கம் செய்ய முடிவுசெய்தது. இதன்படி வனச்சட்டத்தில் திருத்தம் செய்து அவசரச்சட்டம் ஒன்றைக் கடந்த நவம்பர் மாதம் 23-ம் தேதி உருவாக்கியது. ஜனாதிபதி ராம்நாத் கோவிந்த் இந்தச் சட்டத்துக்கு ஒப்புதல் அளித்துள்ளார். அதைத் தொடர்ந்து, இந்த அவசரச்சட்ட மசோதாவை, நாடாளுமன்றத்தில் தாக்கல் செய்திருந்தார் மத்தியச் சுற்றுச்சூழல் மற்றும் வனத்துறை அமைச்சர் ஹர்ஷவர்தன். கடந்த டிசம்பர் 20-ம் தேதி இந்த அவசரச்சட்டத்துக்கு நாடாளுமன்ற உறுப்பினர்களின் ஒப்புதல் கிடைத்ததை அடுத்து, இந்தச் சட்டம் நிறைவேறியுள்ளது. இதனால், நாட்டில் மூங்கில் சாகுபடி அதிகரிக்கவும் அது தொடர்பான தொழில் வாய்ப்புகள் பெருகவும் வாய்ப்புகள் உள்ளன.

மூங்கில் சாகுபடி... வந்தது  சட்டத்திருத்தம்!

இது சம்பந்தமாக முன்னாள் உதவி வனப் பாதுகாவலர் ராஜசேகரனிடம் பேசினோம். “சீனாவைப்போல இனி, இந்தியாவிலும் மூங்கில் தொடர்பான தொழில்கள் அதிக அளவில் வளரக்கூடும்.

காகித உற்பத்தியில் மூங்கிலின் பங்கு முதன்மையானது. தேவையான அளவு மூங்கில் கிடைக்காததால்தான் யூகலிப்டஸ், வாட்டில் போன்ற மரங்களைக் காகித ஆலைகள் பயன்படுத்திவருகின்றன. இன்றைக்கும் ரூபாய் தாள்போன்ற தரமான காகிதங்கள், மூங்கில் கூழில் இருந்துதான் தயாரிக்கப்படுகின்றன. ஒருமுறை மூங்கிலை நடவுசெய்தால் ஐந்தாவது ஆண்டிலிருந்து நூறாண்டுகளுக்குமேல் அறுவடைசெய்யலாம்.

ஒட்டுமொத்த விகடனுக்கும் ஒரே ஷார்ட்கட்!

மூங்கில் சாகுபடி... வந்தது  சட்டத்திருத்தம்!

ஒவ்வொரு குருத்தில் இருந்தும், ஆண்டுக்கு இரண்டு குருத்துகள் உருவாகிக்கொண்டே இருக்கும். மூங்கில் சாகுபடிக்குப் பெரிய அளவில் பராமரிப்பு தேவைப்படாது. இதன் இலைகள் சிறந்த மூடாக்காக மாறி, நிலத்தில் ஈரப்பதத்தைக் காப்பதால், தண்ணீர்த் தேவையும் குறைவுதான். மூங்கில் வளர்ப்பு தொடர்பான ஆலோசனைகள் தேவைப்படுபவர்கள், அந்தந்த மாவட்டங்களில் உள்ள வனவிரிவாக்க அலுவலகத்தை அணுகலாம்” என்ற ராஜசேகரன் நிறைவாக,

“மத்திய அரசு கொண்டுவந்திருக்கும் இந்தச் சட்டம் விவசாயம் மற்றும் தனியார் நிலங்களில் வளர்க்கப்படும் மூங்கில் மரங்களுக்கு மட்டும்தான். அதேசமயம் பட்டா இருக்கும் காடுகளில் வளரும் மூங்கில்களுக்கும் இந்தச் சட்டம் பொருந்தும்.  வனப்பகுதிகளில் உள்ள மூங்கில் மரங்களை வெட்டுவது தண்டனைக்குரியதாக எடுத்துக் கொள்ளப்படும். அதனால், வனப்பகுதியாக அறிவிக்கப்பட்டுள்ள பகுதிகளைத் தவிர்த்து, மற்ற பகுதிகளில் மூங்கில் வளர்ப்பில் ஈடுபடலாம்” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism