Published:Updated:

நாட்டு நடப்பு

நாட்டு நடப்பு
பிரீமியம் ஸ்டோரி
நாட்டு நடப்பு

ஜி.பழனிச்சாமி, படங்கள்: அ.அ.சூர்யபாரதி

நாட்டு நடப்பு

ஜி.பழனிச்சாமி, படங்கள்: அ.அ.சூர்யபாரதி

Published:Updated:
நாட்டு நடப்பு
பிரீமியம் ஸ்டோரி
நாட்டு நடப்பு

ஆனைமலையாறு அணைக்காக ஆர்ப்பாட்டம்!

‘சமூக மீட்பு இயக்கம்’ சார்பில் ஆனைமலையாறு திட்டத்தை விரைந்து செயல்படுத்த வேண்டும் என்று கோரி, திருப்பூர் மாவட்டம், உடுமலைப்பேட்டையில் சமீபத்தில் கவன ஈர்ப்பு ஆர்ப்பாட்டம் நடத்தப்பட்டது. ஆயிரக்கணக்கான விவசாயிகள் பங்கேற்ற இந்த ஆர்ப்பாட்டத்தைச் சமூக மீட்பு இயக்கத்தின் மாநில ஒருங்கிணைப்பாளர் துரைசாமி முன்னின்று நடத்தினார்.

நாட்டு நடப்பு

அப்போது பேசிய துரைசாமி, “கடுமையான வறட்சி காரணமாக விவசாயம் பெரும்சோதனைக்கு உள்ளாகிவருகிறது. இந்நிலையில் இத்திட்டத்தைச் செயல்படுத்தினால் 4 லட்சம் ஏக்கர் பரப்பு நிலங்களுக்குப் பாசன வசதி கிடைக்கும். மேலும் கோயம்புத்தூர், திருப்பூர், ஈரோடு மாவட்டங்களில் நிலத்தடி நீர்மட்டம் உயர வாய்ப்பும் உள்ளது.

ஒட்டுமொத்த விகடனுக்கும் ஒரே ஷார்ட்கட்!

நாட்டு நடப்பு

‘ஆனைமலையாறு அணைத்திட்டத்தை நிறைவேற்ற எங்களுக்கு எந்தவித ஆட்சேபனையும் கிடையாது’ என்று கேரள அரசு கூறியுள்ள நிலையிலும், தமிழக அரசு இத்திட்டத்தை நிறைவேற்ற மெத்தனம் காட்டிவருவது, வேதனையான விஷயம். அரசு உடனடியாக இந்தத் திட்டத்தை நிறைவேற்றி விவசாயத்தைக் காக்க நடவடிக்கை எடுக்க வேண்டும்” என்றார்.

பொள்ளாச்சியில் விவசாயக் கண்காட்சி!

பொள்ளாச்சியில் கடந்த டிசம்பர் 15-ம் தேதி முதல் 17-ம் தேதி வரை ‘அக்ரிஷோ 2017’ என்ற பெயரில் விவசாயக் கண்காட்சி நடைபெற்றது. திருப்பூரைச் சேர்ந்த ‘ஹைடெக் இன்டர்நேஷனல்’ என்ற நிறுவனம் இந்த விவசாயக் கண்காட்சிக்கு ஏற்பாடு செய்திருந்தது.

கண்காட்சி குறித்துப் பேசிய ஹைடெக் இன்டர்நேஷனல் நிறுவனத்தின் செயல் அலுவலர் ராம்பிரசாத், “எங்கள் நிறுவனம் பின்னலாடை இயந்திரங்கள் சம்பந்தமான கண்காட்சியைப் பல ஆண்டுகளாகத் திருப்பூரில் நடத்திவருகிறது. இதன் அடுத்தக்கட்டமாக நாடு முழுவதும் விவசாயக் கண்காட்சிகளை நடத்தத் திட்டமிட்டோம். அதன்படிதான் இந்த அக்ரிஷோ 2017 கண்காட்சியைப் பொள்ளாச்சியில் நடத்தினோம்.

நாட்டு நடப்பு

இக்கண்காட்சியில், நாட்டு ரக விதைகள், பால் கறவை உபகரணங்கள், இயற்கை இடுபொருள்கள், பண்ணை இயந்திரங்கள், சோலார் பம்ப்செட்கள், மோட்டார்கள், பாசனக்குழாய்கள், சொட்டுநீர்க் கருவிகள், கால்நடைத் தீவனங்கள்... எனப் பலவகை அரங்குகள் இடம்பெற்றிருந்தன” என்றார்.

கண்காட்சியை ஒட்டிப் பல்வேறு தலைப்புகளில் மூன்று நாள்களும் கருத்தரங்குகளும் நடைபெற்றன. ‘பண்ணைக் கருவிகள்’ என்ற தலைப்பில் இந்திய வேளாண்மை ஆராய்ச்சி மையத்தின் விஞ்ஞானி டாக்டர் டி.செந்தில்குமார், ‘நீர் மேலாண்மை’ என்ற தலைப்பில் வல்லுநர் பொம்முராஜ், ‘ஏன் இயற்கைக்கு மாறவேண்டும்?’ என்ற தலைப்பில் இயற்கை விவசாயி மது.ராமகிருஷ்ணன் ஆகியோர் உரையாற்றினர்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism