Published:Updated:

அடுத்த ஆண்டு முதல் விவசாய மானியங்கள் ரத்து?

அடுத்த ஆண்டு முதல்  விவசாய மானியங்கள் ரத்து?
பிரீமியம் ஸ்டோரி
அடுத்த ஆண்டு முதல் விவசாய மானியங்கள் ரத்து?

போராட்டம்துரை.நாகராஜன்

அடுத்த ஆண்டு முதல் விவசாய மானியங்கள் ரத்து?

போராட்டம்துரை.நாகராஜன்

Published:Updated:
அடுத்த ஆண்டு முதல்  விவசாய மானியங்கள் ரத்து?
பிரீமியம் ஸ்டோரி
அடுத்த ஆண்டு முதல் விவசாய மானியங்கள் ரத்து?

ரண்டு ஆண்டுகளுக்கு ஒருமுறை உலக வர்த்தக அமைப்பின் கூட்டம் நடைபெறுவது வழக்கம். இந்த ஆண்டு அந்தக் கூட்டம், கடந்த டிசம்பர் 7-ம் தேதி முதல் 14-ம் தேதி வரை அர்ஜென்டினாவில் உள்ள பியூனோஸ் அயர்ஸ் நகரில் நடைபெற்றது.

இந்தக் கூட்டத்தில் உலக வர்த்தக அமைப்பில் உள்ள 164 நாடுகளின் உறுப்பினர்கள் கலந்து கொண்டனர். இந்தக் கூட்டம் நடைபெற்ற சமயத்தில், உலகம் முழுவதிலும் இருந்து பல ஆயிரம் விவசாயிகள் ஒன்று திரண்டு போராட்டம் நடத்தினர். இவர்களின் போராட்டத்தால் உலக வர்த்தக அமைப்பின் கூட்டம் குழப்பத்தில் முடிந்துள்ளது.

அடுத்த ஆண்டு முதல்  விவசாய மானியங்கள் ரத்து?

கடந்த சில ஆண்டுகளாகவே உலக வர்த்தக அமைப்பு, விவசாயத்துக்கு வழங்கும் மானியத்தைக் குறைப்பதற்காகப் போராடி வருகிறது. 2001-ம் ஆண்டு நடைபெற்ற உலக வர்த்தக அமைப்பின் மாநாட்டில் இந்தியா சார்பாகக் கலந்துகொண்ட அப்போதைய மத்திய அமைச்சர் முரசொலி மாறன், ‘வளர்ந்த நாடுகள் தங்கள் நாட்டின் விவசாயிகளுக்கு மானியங்களை அள்ளித்தருவதை நிறுத்தும் வரை, விவசாயத்தை உலக வர்த்தக அமைப்பின் வரையறைக்குள் கொண்டுவரக் கூடாது’ என்று பேசியிருந்தார். அதனால், அப்போது உலக வர்த்தக அமைப்பால் விவசாயிகளுக்குக் கொடுக்கும் மானியத்தைக் குறைக்க முடியவில்லை.

கடந்த 2013-ம் ஆண்டு பாலி தீவில் நடைபெற்ற உலக வர்த்தக அமைப்பின் கூட்டத்தில், மத்தியத் தொழில் மற்றும் வர்த்தகத்துறை அமைச்சர் ஆனந்த் சர்மா பங்கேற்றார். அந்தக் கூட்டத்தில் ‘வளரும் மற்றும் ஏழை நாடுகளில் விவசாயிகளுக்குக் கொடுக்கப்படும் மானியம், ஒட்டுமொத்த உள்நாட்டு உற்பத்தியில் 10 சதவிகிதத்துக்கு மேல் இருக்கக் கூடாது’ என்ற ஒப்பந்தத்தை உருவாக்குவது என உலக வர்த்தக அமைப்பு முடிவு எடுத்தது. மேற்கண்ட முடிவுக்கு அமெரிக்கா, ஐரோப்பிய நாடுகள் ஆதரவு தெரிவித்தன.

ஆனால், இந்தியா ஆட்சேபனை தெரிவித்ததைத் தொடர்ந்து பல்வேறு நாடுகளும் எதிர்ப்புக் குரல் எழுப்ப, அந்தத் தீர்மானம் நான்கு ஆண்டுகள் காலத்துக்கு ஒத்திவைக்கப்பட்டது. கடந்த 2014-ம் ஆண்டு நாடாளுமன்றத்தில் பேசிய அப்போதைய மத்தியத் தொழில் மற்றும் வர்த்தகத்துறை இணை அமைச்சர் நிர்மலா சீதாராமன், ‘ஒருபோதும் இத்தீர்மானத்தை நிறைவேற்ற மத்திய அரசு ஒப்புக்கொள்ளாது’ என்றார். அதே ஆண்டில் மோடியின் அமெரிக்கப் பயணத்துக்குப் பிறகு ஜெனீவா சென்ற நிர்மலா சீதாராமன், அந்தத் தீர்மானத்துக்குச் சம்மதம் தெரிவித்தார்.

ஒட்டுமொத்த விகடனுக்கும் ஒரே ஷார்ட்கட்!

அடுத்த ஆண்டு முதல்  விவசாய மானியங்கள் ரத்து?

கடந்த 2015-ம் ஆண்டு, கென்யா நாட்டின் தலைநகர் நைரோபியில் நடைபெற்ற 10-ம் உலக வர்த்தக அமைப்பின் கூட்டத்தில் நிர்மலா சீதாராமன் கலந்துகொண்டார். நைரோபியில், ‘வேளாண் விளை பொருள்களுக்கு வழங்கப்படும் கொள்முதல் விலையில் உச்சவரம்பு நிர்ணயிக்கப்பட வேண்டும். விதைகள், மின்சாரம், உரம், பூச்சிக்கொல்லி ஆகியவற்றுக்கு அளிக்கப்படும் மானியத்தை, இப்போதுள்ள அளவிலிருந்து அதிகரிக்கக் கூடாது. உணவுத் தானியங்களை எதிர்காலத் தேவைக்காகச் சேமித்துவைக்கக் கூடாது என முக்கியத் தீர்மானங்கள் வலியுறுத்தப்பட்டுள்ளன. இதன்படி, 2018-ம் ஆண்டிலிருந்து உணவுத் தானியங்களை எதிர்காலத் தேவைக்காகச் சேமித்து வைப்பதை இந்தியா நிறுத்திக்கொள்ள வாய்ப்புண்டு. மேலும், விளைபொருள்களை இந்தியா ஏற்றுமதி செய்ய வேண்டுமானால் விவசாயத்துக்கு அளிக்கப்படும் மானியங்களை முற்றிலுமாக ரத்து செய்ய வேண்டிய கட்டாயம் ஏற்படும்.

இந்நிலையில், மத்திய அரசு என்ன செய்யப்போகிறது என்பதைப் பொறுத்திருந்துதான் பார்க்க வேண்டும் .

உறுதியளித்த மத்திய அமைச்சர்!

அர்ஜென்டினாவில் நடைபெற்ற போராட்டத்தில் கலந்துகொண்டு தமிழகம் திரும்பியிருக்கும் உழவர் உழைப்பாளர் கட்சித் தலைவர் ‘சொல்லேர் உழவன்’ கு.செல்லமுத்துவிடம் பேசினோம். “விவசாயம் என்பது வியாபாரம் அல்ல, வாழ்க்கை முறை. இது தெரியாமல் உலக வர்த்தக அமைப்பு, உலக நாடுகளில் விவசாயிகளுக்கான மானியத்தைக் குறைக்குமாறு அறிவுறுத்தி வருகிறது. இந்தியா போன்ற வளரும் நாடுகளில் விவசாயம் செய்ய மானியங்கள்தான் பக்கபலமாக இருக்கின்றன. இந்தியாவில் இவ்வளவு மானிய உதவிகள் இருந்தும், விவசாயிகள் தற்கொலைகளைத் தடுக்க முடியவில்லை. உலக வர்த்தக அமைப்பின் எண்ணம், ‘உலக நாடுகள் அனைத்தும் விவசாயத்தில் கட்டுப்பாடற்ற வர்த்தகத்தைக் கடைப்பிடிக்க வேண்டும்’ என்பதுதான். இதன் மூலம் வளர்ந்த நாடுகளின் விளைபொருள்கள் மிகக்குறைந்த விலையில் இந்தியாவில் விற்பனை செய்யப்படும். இதனால், இந்திய விவசாயிகள் பாதிக்கப்படுவார்கள்.

இந்த ஒப்பந்தங்களுக்குப் பணியாத நாடுகளுக்கு வேறு முறையில் அழுத்தம் தரப்படும். அதனால்தான், உலக வர்த்தக அமைப்பிலிருந்து விவசாயத்தை முற்றிலுமாக நீக்க வேண்டும் என்ற கோரிக்கையை வலியுறுத்தி அங்கு போராட்டங்கள் நடைபெற்றன. மொத்தம் 64 நாடுகளைச் சேர்ந்த ‘லா வியா கேம்பசினா’ (La-via-Campasina) என்ற உலக விவசாயிகள் சங்கத்தின் சார்பில் பல்லாயிரக்கணக்கான விவசாயிகள் கலந்துகொண்டனர். இது சம்பந்தமாக உலக வர்த்தக அமைப்பின் கூட்டம் நடக்கும் இடத்துக்கு உள்ளேயே நுழைந்து குரல் கொடுத்தோம்.

அடுத்த ஆண்டு முதல்  விவசாய மானியங்கள் ரத்து?

மேலும், அக்கூட்டத்தில் பங்கேற்க வந்திருந்த மத்திய வர்த்தகத்துறை அமைச்சர் சுரேஷ் பிரபுவைச் சந்தித்து, ‘உலக வர்த்தக அமைப்பின் கூட்டத்தில் விவசாயிகளுக்கு மானியம் தரக் கூடாது என்ற தீர்மானத்தை ஏற்றுக்கொள்ள வேண்டாம். இதனால், இந்திய விவசாயிகள் ஒட்டுமொத்தமாகப் பாதிக்கப்படுவர். இதுதவிர, உலகச் சுதந்திர வர்த்தகம் வந்தால் விவசாயம் ஒட்டுமொத்தமாகப் பாதிக்கப்படும்’ என எங்கள் தரப்பு கோரிக்கைகளை வைத்தோம். அவர், ‘இந்திய விவசாயிகளின் நலனுக்கு எதிராக இந்திய அரசு எப்போதுமே நடந்து கொள்ளாது’ என உறுதியளித்தார்.

உலக வர்த்தகக் கூட்டமைப்பில் ஒலித்த எங்கள் குரல், உலகின் முக்கியமான நாடுகளைச் சேர்ந்த அனைத்து அமைச்சர்களுக்கும் சென்று சேர்ந்துள்ளது. எங்கள் போராட்டத்தால் உலக வர்த்தக அமைப்பின் கூட்டத்திலிருந்து ஒரு நாள் முன்னதாகவே அமெரிக்கா வெளியேறியது ஆச்சர்யமளிக்கிறது” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism