Published:Updated:

வேளாண் கருத்தரங்குகள்!

வேளாண் கருத்தரங்குகள்!
பிரீமியம் ஸ்டோரி
News
வேளாண் கருத்தரங்குகள்!

நாட்டு நடப்புசி.ய.ஆனந்தகுமார், படங்கள்: என்.ஜி.மணிகண்டன்

72 நாடுகளுக்கு உணவளிக்கலாம்!

கடந்த டிசம்பர் 22, 23 ஆகிய தேதிகளில் திருச்சி, குமுளூர் வேளாண் பொறியியல் கல்லூரி மற்றும் ஆராய்ச்சி மையத்தில், வெள்ளிவிழா நிகழ்ச்சி மற்றும் கருத்தரங்கு நடைபெற்றது. நிகழ்ச்சியின் முதல் நாளன்று ‘நாட்டின் வளர்ச்சியில் வேளாண்மைப் பொறியியலின் பங்கு’ எனும் தலைப்பில் கருத்தரங்கு நடைபெற்றது. முனைவர் அழகு சுந்தரம் உள்ளிட்டோர் கலந்துகொண்டனர்.

நிகழ்ச்சியில் பேசிய வேளாண் பல்கலைக்கழகத் துணைவேந்தர் கே.ராமசாமி, “நாட்டின் வளர்ச்சியில் வேளாண் பொறியியல் துறை முக்கியப்பங்கு வகிக்கிறது. விவசாயத்துக்குப் பணியாள்கள் கிடைப்பது அரிதாகிவரும் இந்த நேரத்தில், அறுவடை உள்ளிட்ட பணிகளுக்கு இயந்திரங்களை எதிர்பார்க்கும் நிலைமை அதிகரித்துள்ளது. அதனால், வேளாண் பொறியியல் படிக்கும் மாணவர்களுக்குச் சிறப்பான எதிர்காலம் உள்ளது.

வேளாண் கருத்தரங்குகள்!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
வேளாண் கருத்தரங்குகள்!

கடந்த 5 ஆண்டுகளில் வெள்ளம், வறட்சி ஏற்பட்டபோதும் சிறந்த விவசாயப் விளைபொருள்கள் உற்பத்தியில் தமிழகத்துக்குத் தேசிய விருது கிடைத்துள்ளது. இவ்வளவு இருந்தாலும் விளைபொருள்களுக்கு விலை கிடைக்காததால், விவசாயிகள் வேறு தொழில் செய்யவேண்டிய நிர்பந்தம் ஏற்பட்டுள்ளது. தனிமனிதனின் சராசரி வருவாய் உயர்ந்த அளவுக்கு, விளைபொருள்களின் விலை உயரவில்லை என்பது வேதனையளிக்கிறது. இந்திய விவசாயிகளுக்குச் சரியான அளவில் தண்ணீரும் மின்சாரமும் கிடைத்தால் 72 நாடுகளில் உள்ள மக்களுக்கு உணவு விநியோகம் செய்யும் அளவுக்கு வளர்ச்சியை எட்ட முடியும்” என்றார்.

பசுமைக்குடில், பட்டுப்புழு

வளர்ப்புக்குக் கடன் உதவி!

‘உன்னத வளர்ச்சிக்கு உதவும் ஒருங்கிணைந்த பண்ணையம்’ என்ற தலைப்பில், ஒருநாள் கருத்தரங்கு ஒன்றைச் சமீபத்தில் நடத்தியது சிண்டிகேட் வங்கி. திருப்பூர் மாவட்டம், உடுமலைப்பேட்டை அடுத்துள்ள பெதப்பம்பட்டியில் நடந்த இக்கருத்தரங்கை சிண்டிகேட் வங்கியின் கோயம்புத்தூர் மண்டல மேலாளர் தேவராஜன் தொடங்கி வைத்தார்.

கருத்தரங்கில் பேசிய தேவராஜன் கோழிப்பண்ணை, பசுமைக்குடில், பட்டுப்புழு வளர்ப்பு மனை அமைப்பதற்கான கடன் வசதிகள் மற்றும் பண்ணைக் கருவிகளுக்கான கடன் வசதிகள் குறித்து விரிவாக விளக்கினார்.

வேளாண் கருத்தரங்குகள்!

‘ஏன் வேண்டும் இயற்கை விவசாயம்?’ என்கிற தலைப்பில் பேசினார் ‘வானகம்’ பண்ணையைச் சேர்ந்த செந்தில்குமார். இவர் பஞ்சகவ்யா தயாரிப்பு, மேட்டுப்பாத்தி அமைத்தல், பூச்சிவிரட்டித் தயாரிப்பு ஆகியவை பற்றிச் செயல்முறை விளக்கமும் அளித்தார். தொடர்ந்து இயற்கைமுறையில் பூச்சிக்கட்டுப்பாடுகள் குறித்துப் பெதப்பம்பட்டி வேளாண் துணை இயக்குநர் மகாலிங்கம் விரிவாகப் பேசினார்.

‘கொங்கல்நகரம்’ பழனிச்சாமி என்ற விவசாயி, ஜீரோபட்ஜெட் விவசாயம் குறித்து விரிவாகச் செயல் விளக்கம் அளித்தார். கருத்தரங்கையொட்டி கண்காட்சிக்கும் ஏற்பாடு செய்யப்பட்டிருந்தது. கருத்தரங்கில் கலந்துகொண்ட சிறப்பு விருந்தினர்கள் மற்றும் விவசாயிகள் அனைவருக்கும் சிண்டிகேட் வங்கி சார்பாகப் பசுமை விகடன் இதழ் வழங்கப்பட்டது.

- ஜி.பழனிச்சாமி