Published:Updated:

விவசாயிகளுக்கு உதவும் செயற்கை நுண்ணறிவு நுட்பம்!

விவசாயிகளுக்கு உதவும்  செயற்கை நுண்ணறிவு நுட்பம்!
பிரீமியம் ஸ்டோரி
விவசாயிகளுக்கு உதவும் செயற்கை நுண்ணறிவு நுட்பம்!

தொழில்நுட்பம்துரை.நாகராஜன்

விவசாயிகளுக்கு உதவும் செயற்கை நுண்ணறிவு நுட்பம்!

தொழில்நுட்பம்துரை.நாகராஜன்

Published:Updated:
விவசாயிகளுக்கு உதவும்  செயற்கை நுண்ணறிவு நுட்பம்!
பிரீமியம் ஸ்டோரி
விவசாயிகளுக்கு உதவும் செயற்கை நுண்ணறிவு நுட்பம்!

“மேலை நாடுகளில், விவசாயத்தில் மேற்கொள்ளப்படும் நவீன தொழில்நுட்பங்கள், நாளுக்குநாள் அதிகரித்துக்கொண்டே வருகின்றன. அவற்றில் ‘செயற்கை நுண்ணறிவு’ என்றழைக்கப்படும் ‘ஆர்டிஃபிஷியல் இன்டெலிஜென்ஸ்’ (Artificial Intelligence),  செயற்கைக்கோள் படங்கள் மற்றும் மேம்படுத்தப்பட்ட பகுப்பாய்வு என்றழைக்கப்படும் ‘சாட்டிலைட் இமேஜினரி அண்டு அட்வான்ஸ்டு அனலிடிக்ஸ்’ (Satellite Imagery and Advanced Analytics). ‘கிளவுட் மெஷின் லேர்னிங்’ (Cloud Machine Learning), ஆகிய தொழில்நுட்பங்கள் அதிகமாகப் பயன்படுத்தப்படுகின்றன. இத்தொழில் நுட்பங்களைக் கடைப்பிடிப்பதின் மூலம், இந்தியாவில் சிறு விவசாயிகளின் மகசூல் மற்றும் விலை ஆகியவற்றை அதிகரிக்க முடியும்” என ‘மைக்ரோசாஃப்ட் இந்தியா நிறுவனம்’ அண்மையில் தெரிவித்திருக்கிறது.

அதோடு, மைக்ரோசாஃப்ட் நிறுவனம், ‘வறண்ட வெப்ப மண்டலப் பிரதேசங்களுக்கான சர்வதேசப் பயிர் ஆராய்ச்சி மைய’த்துடன் (ICRISAT) இணைந்து... ‘செயற்கை நுண்ணறிவு விதைப்புச் செயலி’ (AI-Sowing App) மூலம் விவசாயிகளுக்கான ஆலோசனைகளை வழங்கி வருகிறது. இதற்காக விவசாயிகள் தங்களின் வயலில் எந்த விதமான சென்சார்களையும் நிறுவ வேண்டியதில்லை. செல்போன் மூலமாகவே தகவல்களைத் தெரிந்துகொள்ள முடியும்.

விவசாயிகளுக்கு உதவும்  செயற்கை நுண்ணறிவு நுட்பம்!

ஏற்கெனவே தெலங்கானா, மகாராஷ்டிரா, மத்தியப் பிரதேசம் போன்ற மாநிலங்களில் உள்ள சில கிராமங்களில்... பூச்சித்தாக்குதல், வானிலை மற்றும் பயிர் நிலை ஆகியவற்றைத் தானியங்கி குரல் அழைப்புகள்மூலம் விவசாயிகள் தெரிந்துகொள்கின்றனர்.

இதுகுறித்த சில விவரங்களை நம்மிடம் சொன்னார், இயற்கை விவசாயியும், சென்னை ஐ.ஐ.டி கணினி அறிவியல்துறை பேராசிரியருமான வி.காமகோடி.  “செயற்கை நுண்ணறிவுத் தொழில் நுட்பத்தில் மூன்று வகைகள் உள்ளன. ஒரு மின்னணு இயந்திரத்தில் இந்த வேலைகளையெல்லாம் செய்ய வேண்டும் என புரோகிராம் செய்து (கட்டளையிட்டு) வைப்பது ஒரு வகை. அதாவது, ‘மூன்று நாள்களுக்கு ஒருமுறை தண்ணீர் பாய்ச்ச வேண்டும்’ என புரோகிராம் செய்து வைத்தால், மழை பெய்தாலும் பெய்யாவிட்டாலும் மூன்று நாள்களுக்கு ஒருமுறை மோட்டார் இயங்கித் தண்ணீர் பாய்ச்சப்படும்.

அடுத்தவகை, காலநிலையைப் பொறுத்து வேலைசெய்ய வைப்பது. இதில் சென்சார் மூலம் அறிந்து, தேவைப்படும் பட்சத்தில் மோட்டார் இயங்கி, தண்ணீர் பாய்ச்சப்படும்.

ஒட்டுமொத்த விகடனுக்கும் ஒரே ஷார்ட்கட்!

விவசாயிகளுக்கு உதவும்  செயற்கை நுண்ணறிவு நுட்பம்!

மூன்றாவதுவகை தானாகவே முடிவெடுத்துக்கொள்ளும் வகையில் எழுதப்படும் புரோகிராம். இதில் நாம் கணினியில் கொடுத்துள்ள தகவல்களின் அடிப்படையில் சென்சார்கள்மூலம் கிடைக்கப்படும் சிக்னல்களைக்கொண்டு தேவையான வேலைகள் செய்யப்படும். உதாரணமாக வயலின் நான்கு மூலைகளிலும் கேமராக்கள் வைத்து விட்டோமென்றால், பூச்சிகளின் நடமாட்டத்தைக் கண்டறிந்து, எந்த வகையான பூச்சி என்பதைத் தெரிந்து கொண்டு, அதற்கேற்ற முன்னெச்சரிக்கை நடவடிக்கை தானாகவே எடுக்கப்படும். நெல் வயலில் தண்ணீர் கட்ட வேண்டிய அளவு உயரத்துக்கு அளவீட்டுக் கருவிகளைப் பொருத்திவிட்டால், தேவையான அளவு தண்ணீர் பாய்ந்தவுடன் மோட்டார் இயக்கம் நிறுத்தப்படும். இதுபோன்ற பல தொழில்நுட்பங்கள் உள்ளன.

இத்தொழில்நுட்பங்களைப் பயன்படுத்தும் போது விவசாயிகளுக்குப் பல வகைகளில் நன்மைகள் கிடைக்கும். கால்நடைகளுக்கு வருகிற நோய்களைக் கண்காணிக்கக்கூடிய தொழில்நுட்பங்களும் இருக்கின்றன. இந்தத் தொழில்நுட்பங்கள் அனைத்துமே இந்தியாவுக்கு நன்றாகப் பொருந்தக் கூடியவைதான். அதனால், இந்தியாவுக்கு இத்தொழில்நுட்பங்கள் அவசியமானவை தான்” என்றார் காமகோடி.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism