Published:Updated:

நெல் வயல் அழிப்பு... நீதி கிடைக்குமா?

நெல் வயல் அழிப்பு... நீதி கிடைக்குமா?
பிரீமியம் ஸ்டோரி
News
நெல் வயல் அழிப்பு... நீதி கிடைக்குமா?

பிரச்னைதுரை.நாகராஜன், படங்கள்: கா.முரளி

மீபத்தில், ‘நெல் வயலை அழிக்க வேண்டாம்’ என்று கதறியபடி ஓடும் ஒரு பெண் விவசாயி, டிராக்டருக்கு நடுவே விழும் காட்சியும், அதைத்தொடர்ந்து, காவல்துறை பெண் அதிகாரி ஒருவர் ‘உன் கையை ஒடித்துவிடுவேன்’ என மிரட்டும் காட்சியும் கொண்ட வீடியோ சமூக வலைதளங்களில் வெளியாகி வைரலானது.

அந்தச் சம்பவம் நடந்த இடம், திருவண்ணாமலை மாவட்டம், ஆரணி அருகில் உள்ள காமக்கூர் கிராமம். துணைக் காவல் கண்காணிப்பாளர் முன்னிலையில் நெல் வயல் அழிக்கப்படும் காட்சியைப் பார்த்த பலரும் கண்டனம் தெரிவித்ததோடு, ‘விளைந்த நெற்பயிரை அழிப்பது அநியாயம். உடனடியாகச் சம்பந்தப்பட்ட காவல் துறையினர்மீது நடவடிக்கை எடுக்க வேண்டும்’ எனச் சமூக வலைதளங்களில் கோரிக்கை வைத்தனர்.

நெல் வயல் அழிப்பு... நீதி கிடைக்குமா?

அதைத்தொடர்ந்து, சேதப்படுத்தப்பட்ட நெல் வயலைப் பார்வையிட்ட மனித உரிமைகள் ஆணைய மாவட்ட நீதிபதி மகிழேந்தி, “வழக்கு நிலுவையில் இருக்கும்போது நெற்பயிரில் டிராக்டர் ஓட்டும் நடவடிக்கை மனித உரிமைகளுக்கு எதிரானது” என்று தெரிவித்தார்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
நெல் வயல் அழிப்பு... நீதி கிடைக்குமா?

அந்த வயலில் நெல் பயிரிட்டு வளர்த்து வந்த சாவித்திரி, “அந்த நிலத்துல 20 வருஷமா நாங்கதான் பயிர் பண்றோம். எங்களுக்கும் எங்க உறவுக்காரர் சாமுண்டீஸ்வரிக்கும் அந்த வயல் உரிமையில் பிரச்னை இருக்கு. கோர்ட்ல கேஸ் நடந்துட்டு இருக்கு. திடீர்னு அன்னிக்கு வயலுக்கு வந்த டி.எஸ்.பி, டிராக்டரை இறக்கி நெல் பயிரை அழிக்க ஆரம்பிச்சுட்டாங்க. அதைத் தடுக்கிறதுக்காக நான் ஓடிப்போய் டிராக்டர் முன்னாடி விழுந்தேன். இதைத்தட்டிக்கேட்ட என்னோட சொந்தக்காரரைப் பார்த்து, ‘ஏற்கெனவே உனக்கு ஒரு கை இல்லை, இன்னொரு கையையும் ஒடச்சிடுவேன்’னு அந்த டிஎஸ்பி மிரட்டுனாங்க. அடுத்து என்னை வலுக்கட்டாயமா ஜீப்புல ஏத்திக் காமக்கூர் ஸ்டேஷனுக்குக் கூட்டிட்டுப் போய்க் கண்டபடி திட்டுனாங்க” என்றார்.

நெல் வயல் அழிப்பு... நீதி கிடைக்குமா?

சம்பவம் குறித்து, டி.எஸ்.பி ஜெரீனா பேகத்திடம் பேசினோம். “நாங்க நியாயமாத்தான் விசாரிச்சிட்டுருந்தோம். இந்தச் சம்பவத்தை சாவித்திரியோட சொந்தக்காரங்க வீடியோ எடுத்து எனக்கு எதிராகத் திருப்பிட்டாங்க. அவங்க பிரச்னையில நான் சிக்கிக்கிட்டேன். என்னை விசாரணைக்கு அழைச்சா, என் தரப்பு நியாயத்தைச் சொல்வேன். வயலில் டிராக்டர் ஓட்டி சேதப்படுத்தியது தொடர்பா, சாமுண்டீஸ்வரி, சதாசிவம் ரெண்டு பேர் மேலயும் மூணு பிரிவுகள்ல வழக்குப்பதிவு செஞ்சிருக்கோம்” என்றார்.