Published:Updated:

கொடுக்க வேண்டியது ரூ.1,300... கொடுத்தது ரூ. 160...

கொடுக்க வேண்டியது ரூ.1,300...  கொடுத்தது ரூ. 160...
பிரீமியம் ஸ்டோரி
News
கொடுக்க வேண்டியது ரூ.1,300... கொடுத்தது ரூ. 160...

பிரச்னைகு.ராமகிருஷ்ணன், படங்கள்: கே.குணசீலன்

டந்த நான்கு ஆண்டுகளாகக் கரும்புக்குத் தமிழக அரசு அறிவித்த பரிந்துரை விலையைக் கொடுக்காமல் இழுத்தடித்து வருகின்றன தனியார் சர்க்கரை ஆலைகள். இந்தவகையில் தனியார் ஆலைகள், விவசாயிகளுக்குத் தர வேண்டிய நிலுவைத்தொகை கிட்டத்தட்ட 1,400 கோடி ரூபாய். பொதுத்துறை மற்றும் கூட்டுறவு ஆலைகள் விவசாயிகளுக்குத் தர வேண்டிய தொகை 230 கோடி ரூபாய். இந்தத் தொகையை வழங்கக்கோரி உண்ணாவிரதம், ஆர்ப்பாட்டம், பேரணி... எனப் பலவிதங்களில் விவசாயிகள் ஆண்டுக்கணக்கில் போராடி வருகிறார்கள். ஆனால், ஆலைகள் அவற்றைக் கண்டுகொள்வதேயில்லை.

இந்தப் பிரச்னை தொடர்பாகத் தமிழக அரசின் சார்பில் ஐந்து முத்தரப்புக் கூட்டங்கள் நடத்தப்பட்டுள்ளன. ஆனால், அரசு சார்பில் விவசாயிகளுக்கு நன்மை செய்யும் விதத்தில் எந்த உத்தரவும் பிறப்பிக்கப்படவில்லை. அதே சமயத்தில், ‘ஜனவரி 12-ம் தேதிக்குள் இந்தப் பிரச்னையில் சர்க்கரை ஆலைகள் இறுதி முடிவெடுக்க வேண்டும்’ என்று சொல்லப்பட்டது.

கொடுக்க வேண்டியது ரூ.1,300...  கொடுத்தது ரூ. 160...

அதைத் தொடர்ந்து, நிலுவைத்தொகை பிரச்னையை மோசடியான முறையில் முடிவுக்குக் கொண்டுவரும் முயற்சிகளில் சர்க்கரை ஆலைகள் இறங்கியுள்ளதாக விவசாயிகள் குற்றம்சாட்டுகிறார்கள். கடந்த நான்கு ஆண்டுகளுக்கும் சேர்த்து ஒரு டன் கரும்புக்கான நிலுவைத்தொகை 1,300 ரூபாய். ஆனால் வெறும் 160 ரூபாயை மட்டும் விவசாயிகளிடம் கொடுத்துவிட்டுச் சர்க்கரை ஆலைகள் விவசாயிகளை ஏமாற்றுவதாகச் சொல்லப்படுகிறது.

இதுகுறித்து நம்மிடம் பேசினார், இந்திய விவசாயிகள் கூட்டமைப்பின் தேசியத் தலைவர் விருத்தகிரி. “இந்தியாவிலேயே தமிழ்நாட்டில்தான் சர்க்கரை ஆலைகளில் அதிக நாள்கள் கரும்பு அரவை நடைபெற்று வந்தது. மற்ற மாநிலங்களில் ஆண்டுக்கு 110 நாள்கள்தான் அரவை நடக்கும். ஆனால், தமிழ்நாட்டில் 180 நாள்கள் சர்க்கரை உற்பத்தி நடந்து வந்தது. அந்தளவுக்குத் தமிழ்நாட்டில் கரும்புச் சாகுபடி பரந்து விரிந்து இருந்தது. ஆனால், கரும்பு விவசாயிகளுக்குத் தொடர்ந்து வந்த சோதனைகளால், 60 சதவிகித அளவு சாகுபடி குறைந்துவிட்டது. இப்போது, ஆலைகளில் மூன்று மாதங்கள்கூடச் சர்க்கரை உற்பத்தி இல்லை. அதனால், பொதுத்துறை மற்றும் கூட்டுறவு ஆலைகள் மூடப்படும் நிலை உருவாகி வருகிறது. இனியும் விவசாயிகளை ஏமாற்றும் அவலம் தொடர்ந்தால், தமிழ்நாட்டில் கரும்பு உற்பத்தியே இல்லாத நிலை ஏற்படும். 

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
கொடுக்க வேண்டியது ரூ.1,300...  கொடுத்தது ரூ. 160...

தமிழக அரசு கடந்த ஆண்டுகளில் அறிவித்த பரிந்துரை விலையின் நிலுவைத் தொகையை விவசாயிகள் இனியும் எதிர்பார்த்துக் காத்திருக்க முடியாது. இந்தத் தொகையைத் தமிழக அரசுதான் தர வேண்டும். அரசு அறிவித்த விலையை நம்பித்தான் நாங்கள் கரும்புச் சாகுபடியில் ஈடுபட்டோம். கர்நாடகா, உத்திரப் பிரதேசம் ஆகிய மாநிலங்களில் சர்க்கரை ஆலைகள், மாநில அரசின் பரிந்துரை விலையை ஏற்றுக் கொள்ளாததால், அந்தந்த மாநில அரசுகளே விவசாயிகளுக்குத் தொகையை வழங்கியுள்ளன. அதேபோலத் தமிழக அரசும் வழங்க வேண்டும்” என்று கோரிக்கை வைத்தார்.