தமிழில் வானிலை அறிக்கை! - 2

த ற்போது உள்ளங்கையிலேயே அனைத்தும் கிடைக்கும் வாய்ப்பை ஏற்படுத்திக் கொடுத்திருக்கின்றன ஸ்மார்ட் போன்கள். ஸ்மார்ட் போனில் இயங்கும் வகையில் விவசாயிகளுக்குப் பயன்தரக்கூடிய பல செயலிகளும் சந்தையில் உள்ளன. அவற்றில் இயற்கை வேளாண்மை, தோட்டக்கலை, கால்நடை, வானிலை, வேளாண் காடுகள், சுற்றுச்சூழல் தொடர்பான தகவல்களை அளிக்கக்கூடிய செயலிகள் குறித்துப் பார்ப்போம்.

. நெல் நிபுணர் அமைப்பு (Paddy Expert System Tamil)

தமிழ்நாட்டின் முக்கியப் பயிரான நெல்லைப் பற்றி அனைத்துத் தகவல்களையும், இந்தச் செயலியின் மூலமாகப் பெற முடியும். இதைக் கோயம்புத்தூரில் உள்ள தமிழ்நாடு வேளாண்மைப் பல்கலைக்கழகமும் ஹைதராபாத்தில் உள்ள கணினி மேம்பாட்டு மையமும் இணைந்து உருவாக்கியிருக்கின்றன. செல்போனில் இந்தச் செயலி அதிக இடத்தை ஆக்கிரமித்துக்கொள்ளும் என்றாலும்... இதை இணைய இணைப்பு இல்லாமல்கூடப் பயன்படுத்த முடியும்.

இந்தச் செயலியில் ஆலோசகர், பயிர் மருத்துவர் மற்றும் தகவலகம் என்ற மூன்று பகுதிகள்

. கொடுக்கப்பட்டிருக்கின்றன. பயிர் மருத்துவர் பகுதியில் நெல் பயிரைத் தாக்கும் நோய்களைப் பற்றிய தகவல்கள், அவற்றுக்கான தீர்வுகள் ஆகியவற்றை அறிந்துகொள்ள முடியும். அதில் ஆலோசகர் மற்றும் தகவலகம் என்ற பகுதிகள் கிட்டத்தட்ட ஒரே தகவல்களைத்தான் கொண்டிருக்கின்றன. அதனுள்ளே பல பயனுள்ள தகவல்கள் பல பிரிவுகளில் பிரித்துக் கொடுக்கப்பட்டுள்ளன. தாவரவியல் பகுதியில் நெல் பயிரைப் பற்றிய அடிப்படைத் தகவல்கள் இருக்கின்றன. பருவம் மற்றும் ரகங்கள் என்ற பகுதியில் தமிழ்நாடு, கேரளா மற்றும் கர்நாடகா மாநிலங்களுக்கான நெல் சாகுபடிப் பருவங்கள், ரகங்கள் பற்றிய தகவல்களை அறிந்துகொள்ள முடியும்.

தமிழ்நாடு மாநிலம், 17 பிரிவுகளாகப் பிரிக்கப்பட்டுள்ளது. அவற்றில் நம் இடத்தைத் தேர்வு செய்து, பருவத்தையும் தேர்வு செய்தால், அந்தப் பருவத்துக்கு ஏற்ற நெல் வகைகள் காட்டுகின்றன. காலநிலைப் பக்கத்தில், நம்முடைய பகுதியில் நிலவும் காலநிலைக்கு ஏற்ற நெல் ரகத்தைத் தேர்ந்தெடுக்க முடியும். நாற்றங்கால் மேலாண்மை, ஊட்டச்சத்து மேலாண்மை, களை மேலாண்மை பற்றிய விரிவான தகவல்களும் இருக்கின்றன. நவீன இயந்திரங்கள் குறித்த தகவல்களும் அவற்றைப் பயன்படுத்தும் முறைகளும் கொடுக்கப்பட்டிருக்கின்றன. இந்தத் தகவல்கள், வீடியோ வடிவிலும் இருப்பதால் எளிதாகப் புரிந்துகொள்ள முடிகிறது.

அறுவடைக்குப் பிறகு, விளைபொருள்களைச் சேமித்து வைப்பது, விற்பனைசெய்யும் முறைகள் போன்றவை குறித்தும் தகவல்கள் இருக்கின்றன. அடிக்கடி கேட்கப்படும் கேள்விகளுக்கான பிரிவில் (FAQ) நெல் சாகுபடி தொடர்பாக எழும் பொதுவான கேள்விகளுக்குப் பதில்களை அறிந்துகொள்ள முடியும். இது தொடர்பான திட்டங்கள் மற்றும் பயன்பெறும் வழிமுறைகள் போன்ற தகவல்களும் உள்ளன.

சந்தை மேலாண்மைப் பகுதியில்... மத்திய, மாநில அரசுகளின் கொள்முதல் திட்டங்கள், ஏற்றுமதி, இறக்குமதி தொடர்பான தகவல்கள் போன்றவை குறித்துத் தெரிந்துகொள்ளலாம்.

. இந்தச் செயலியை h ttp://bit.ly/2EGuaEN என்ற முகவரியிலும் கூகுள் பிளேஸ்டோர் மூலமும் தரவிறக்கம் செய்து பயன்படுத்தலாம்.

. வானிலை முன்னறிவிப்பு (Weather Forecast Widgets Tamil)

வானிலை முன்னறிவிப்பு என்பது விவசாயிகளுக்கு அடிப்படைத் தேவைகளில் ஒன்று. அடுத்தடுத்த நாள்களுக்கான வானிலை நிலவரம் தெரிந்தால், சாகுபடிக்கான முன்னேற்பாடுகளை எளிதாகச் செய்ய முடியும். கூகுள் பிளே ஸ்டோரில் கிடைக்கும் செயலிகளில் தமிழ் மொழியில் வானிலை நிலவரம் கொடுக்கும் வெகு சில செயலிகளில் இதுவும் ஒன்று. நாம் விரும்பும் இடத்தின் வானிலை தொடர்பான அனைத்து விவரங்களையும் இந்தச் செயலி மூலம் அறிந்துகொள்ள முடியும். தேர்வு செய்யப்பட்ட இடத்தின் வெப்பநிலை, ஈரப்பதம், காற்றழுத்தம், காற்றின் வேகம், காற்றின் திசை ஆகியவற்றைத் தெரிந்துகொள்ள முடியும். இன்று முதல் அடுத்த ஐந்து நாள்களுக்கான வானிலை நிலவரத்தைத் தெரிந்துகொள்ளலாம்.

. வரைபடம் என்ற பிரிவில் வெப்பநிலை, மழை மற்றும் அழுத்தம் போன்றவற்றை வரைபட வடிவில் காணலாம். வானிலை வரைபடம் என்ற பிரிவில் மழை, காற்று, வெப்பநிலை, மேகங்கள் மற்றும் அழுத்தம் போன்ற தகவல்களை, ஒவ்வொரு பகுதிவாரியாகக் காண முடியும். தகவல் என்ற இடத்தில் வானிலை தொடர்பாக ஏதாவது முன்னறிவிப்புகள் இருந்தால் காட்டப்படும். அமைப்பு முறையில் சென்று வானிலை விவரங்கள் காட்டப்படும் அலகுகளை மாற்றிக்கொள்ளலாம்.

இந்தச் செயலியை http://bit.ly/2C34vFm என்ற முகவரியிலும் கூகுள் பிளே ஸ்டோர் மூலமும் தரவிறக்கம் செய்து பயன்படுத்தலாம்.

-விரியும்

தமிழில் வானிலை அறிக்கை! - 2

ஒட்டுமொத்த விகடனுக்கும் ஒரே ஷார்ட்கட்

மு.ராஜேஷ்Follow

Tamil News

Cinema News

Spiritual News

Vikatan TV

Business News

Sports News

Photo Story

Agriculture News

Automobile News

Health News

Lifestyle News

Vikatan's Choice

தமிழில் வானிலை அறிக்கை! - 2

ஒட்டுமொத்த விகடனுக்கும் ஒரே ஷார்ட்கட்

மு.ராஜேஷ்Follow

Tamil News

Cinema News

Spiritual News

Vikatan TV

Business News

Sports News

Photo Story

Agriculture News

Automobile News

Health News

Lifestyle News