Published:Updated:

காவிரி நீர்... ஒன்றுகூடிய கட்சிகள்..!

காவிரி நீர்... ஒன்றுகூடிய கட்சிகள்..!
பிரீமியம் ஸ்டோரி
காவிரி நீர்... ஒன்றுகூடிய கட்சிகள்..!

கூட்டம்துரை - படங்கள்: கே.ஜெரோம்

காவிரி நீர்... ஒன்றுகூடிய கட்சிகள்..!

கூட்டம்துரை - படங்கள்: கே.ஜெரோம்

Published:Updated:
காவிரி நீர்... ஒன்றுகூடிய கட்சிகள்..!
பிரீமியம் ஸ்டோரி
காவிரி நீர்... ஒன்றுகூடிய கட்சிகள்..!

டந்த 2007-ம் ஆண்டுக் காவிரி நடுவர் மன்ற இறுதித் தீர்ப்பை எதிர்த்துத் தமிழகம், கேரளம், புதுவை, கர்நாடகம் ஆகிய மாநிலங்கள் உச்சநீதிமன்றத்தில்மேல் முறையீடு செய்தன. அண்மையில் 14.75 டி.எம்.சி தண்ணீரைக் குறைத்து 177.25 டி.எம்.சி தண்ணீரைத் தமிழகத்திற்கு வழங்கி உச்சநீதிமன்றம் தீர்ப்பளித்தது.

காவிரி நீர்... ஒன்றுகூடிய கட்சிகள்..!

இதனால், தமிழக டெல்டா விவசாயிகள் மிகுந்த அதிர்ச்சி அடைந்தனர். இத்தீர்ப்பு தமிழக அரசியல் கட்சித் தலைவர்களிடமும் கொந்தளிப்பை ஏற்படுத்தியது. காவிரி நதிநீர் குறித்து அனைத்துக் கட்சிக் கூட்டம் கடந்த பிப்ரவரி 22-ம் தேதி தமிழக அரசின் சார்பில், சென்னைத் தலைமைச் செயலகத்தில் நடைபெற்றது.

இதில் தமிழகத்தைச் சேர்ந்த முக்கிய அரசியல் கட்சித் தலைவர்களும் விவசாய அமைப்பைச் சேர்ந்த முக்கியத் தலைவர்களும் கலந்துகொண்டனர்.

இக்கூட்டத்தில் பேசிய முதலமைச்சர் எடப்பாடி பழனிசாமி, “காவிரி விவகாரத்தில் கருத்து வேறுபாடுகள் இருந்தாலும் தமிழக உரிமைகளை நிலைநாட்டப் பாடுபட வேண்டும். அனைத்துக் கட்சிகளும் தங்களுக்குள் இருக்கும் பாகுபாடுகளை மறந்து, தமிழக மக்களின் நலனுக்காக ஒற்றுமையுடன் செயல்பட வேண்டும். காவிரி விவகாரத்தில் அனைத்துக் கட்சியினரின் ஆக்கபூர்வமான கருத்துகளைச் சட்ட வல்லுநர்களுடன் ஆலோசித்து நடவடிக்கை எடுக்கப்படும்” என்றார்.

காவிரி நீர்... ஒன்றுகூடிய கட்சிகள்..!

எதிர்க்கட்சித் தலைவர் மு.க.ஸ்டாலின், “காவிரி விவகாரத்தில் மக்களின் நலனுக்காகத் தமிழக அரசு எடுக்கும் அனைத்து முயற்சிகளுக்கும் தி.மு.க துணை நிற்கும். காவிரி மேலாண்மை வாரியம் அமைக்கத் தமிழக முதலமைச்சர் அனைத்துக் கட்சித் தலைவர்களுடன் நேரடியாகச் சென்று பிரதமரைச் சந்தித்து வலியுறுத்த வேண்டும். நீர்ப்பாசனத்தைப் பொதுப்பணித் துறையிலிருந்து பிரித்து, அதற்குத் தனி அமைச்சகம் அமைத்துக் குளம், ஏரிகள், ஆறுகள், அணைகள் என அனைத்தையும் பராமரிக்க வேண்டும்” என்றார்.

தென்னிந்திய நதிகள் இணைப்புச் சங்கத்தலைவர் அய்யாக்கண்ணு “காவிரி மேலாண்மை வாரியத்தை உடனடியாக அமைக்க மத்திய அரசை வலியுறுத்த வேண்டும். சிறந்த வழக்கறிஞர்களை நியமித்துக் காவிரி நீரைப் பெற உரிய நடவடிக்கை எடுக்க வேண்டும். காவிரி விவகாரத்தில் தமிழக அரசு விரைந்து நடவடிக்கை எடுக்க வேண்டும்” என்றார்.

பல்வேறு அரசியல் கட்சி தலைவர்களும் விவசாயச் சங்கப் பிரதிநிதிகளும் தங்களின் கருத்துகளை அழுத்தமாகவே தெரிவித்தனர்.

மூன்று தீர்மானங்கள்!

அனைத்துக் கட்சிக் கூட்டத்தின் முடிவில் முக்கியமாக மூன்று தீர்மானங்கள் நிறைவேற்றப்பட்டன.

1. காவிரி மேலாண்மை வாரியம் மற்றும் காவிரிநீர் முறைப்படுத்தும் குழுவை 6 வாரத்துக்குள் அமைக்க வேண்டும்.

2. காவிரியில் தண்ணீர் குறைக்கப்பட்டது குறித்துச் சட்ட வல்லுநர்களின் ஆலோசனையுடன் நடவடிக்கை எடுக்கப்படும்

3. தமிழக முதல்வர் தலைமையில் அனைத்துக் கட்சித் தலைவர்கள், விவசாயச் சங்கத் தலைவர்கள், எம்.பி-க்கள் அடங்கிய குழுவுடன் பிரதமரைச் சந்தித்துக் காவிரி மேலாண்மை வாரியம் மற்றும் காவிரி நீர் முறைப்படுத்தும் குழு ஆகியவற்றை உடனடியாக அமைக்கக் கோரிக்கை வைக்கப்படும்.

உச்ச நீதிமன்றத் தீர்ப்பில் உள்ள தமிழகத்திற்குச் சாதகமான அம்சங்களை உடனடியாக நிறைவேற்ற வேண்டும் எனவும் வலியுறுத்தப்படும்.