Published:Updated:

அதி அவசியம்!

அதி அவசியம்!
பிரீமியம் ஸ்டோரி
அதி அவசியம்!

அதி அவசியம்!

அதி அவசியம்!

அதி அவசியம்!

Published:Updated:
அதி அவசியம்!
பிரீமியம் ஸ்டோரி
அதி அவசியம்!

அனைவருக்கும் பசுமை வணக்கம்!

‘நீர்ப்பாசன உரிமையில் கடைமடை விவசாயிகளுக்குத்தான் உரிமை அதிகம்’

- மன்னர்கள் காலம் தொடங்கி, ஐக்கிய நாடுகள் சபை வரை பின்பற்றப்படும் உலக நீதி. ஆனால், இந்திய உச்சநீதிமன்றத்தில் இந்த நீதி வழுக்கியிருக்கிறது.

காவிரி நதிநீர்ப் பகிர்வு தொடர்பாக 40 ஆண்டுகளுக்கும் மேலாக நடந்துவரும் நியாய, தர்ம, சட்டப் போராட்டத்தின் முடிவில், தற்போது தமிழகத்துக்கு அநீதி இழைக்கப்பட்டுள்ளது. நீதிமன்றத்தால் விசாரிக்க முடியாத பிரச்னை என்பதற்காகத்தான், சிறப்பு ஏற்பாடாகக் காவிரி நடுவர்மன்றம் உருவாக்கப்பட்டது. பலதரப்பட்ட வகையிலும் விசாரித்து, நிபுணர்களை நேரில் அனுப்பி ஆய்வுசெய்து உறுதிப்படுத்திக்கொண்டுதான், உறுதியான ஒரு தீர்ப்பைக் கொடுத்தது நடுவர்மன்றம். அதிலேயே தமிழகத்தின் பங்கு குறைக்கப்பட்டதால்தான் உச்சநீதிமன்றத்துக்கே ஓடியது தமிழகம். ஆனால், அதிலும் 14.75 டி.எம்.சி தண்ணீரைக் குறைத்து 177.25 டி.எம்.சி என்று இப்போது ஒரேயடியாகக் கதவைச் சாத்திவிட்டது நீதிமன்றம்.

‘‘நடுவர்மன்றத் தீர்ப்பின்படி காவிரி மூலமாகத் தமிழ்நாட்டுக்கு வழங்கவேண்டிய நீரை வழங்காமல், கடந்த 10 ஆண்டுகளுக்கு மேலாகப் போக்குக்காட்டி வருகிறது கர்நாடக அரசு. இதனால், நிலத்தடி நீரை அதிக அளவு பயன்படுத்த வேண்டிய கட்டாயத்துக்குத் தள்ளப்பட்டுள்ளனர் டெல்டா மாவட்ட விவசாயிகள். இதனால், கடல் நீர் பல கி.மீ தூரத்துக்கு ஊடுருவி, நிலத்தடி நீர் மொத்தமும் உப்பு நீராகிவிட்டது’’ என ஆதாரங்களுடன் ஆதங்கப்படுகிறார் பொதுப்பணித்துறை மூத்த பொறியாளர் சங்கத்தின் மாநிலச் செயலாளர் அ.வீரப்பன்.

ஆக, காவிரியில் உரிய நீரைப்பெறாமல், இனி டெல்டாவுக்கு வாழ்க்கை இல்லை என்பதே நிதர்சனம். இதற்கான போராட்டங்களை முன்னெடுக்க வேண்டியது அதி அவசியம்.

-ஆசிரியர்