Published:Updated:

“பசுமை விகடனால்தான் எனக்கு விருது கிடைச்சது”

“பசுமை விகடனால்தான்  எனக்கு விருது கிடைச்சது”
பிரீமியம் ஸ்டோரி
“பசுமை விகடனால்தான் எனக்கு விருது கிடைச்சது”

சாதனைகு.ராமகிருஷ்ணன் - படம்: கே.குணசீலன்

“பசுமை விகடனால்தான் எனக்கு விருது கிடைச்சது”

சாதனைகு.ராமகிருஷ்ணன் - படம்: கே.குணசீலன்

Published:Updated:
“பசுமை விகடனால்தான்  எனக்கு விருது கிடைச்சது”
பிரீமியம் ஸ்டோரி
“பசுமை விகடனால்தான் எனக்கு விருது கிடைச்சது”

மிழ்நாடு வேளாண்மைப் பல்கலைக்கழகம் ஆண்டுதோறும் வழங்கிவரும் ‘வேளாண் செம்மல் விருது’, இந்த ஆண்டு (2017-18) தஞ்சாவூர் மாவட்டம், குருவாடிப்பட்டியைச் சேர்ந்த ஆசைத்தம்பி என்பவருக்கு வழங்கப்பட்டுள்ளது. பாரம்பர்ய நெல் சாகுபடி, கால்நடை வளர்ப்பு மற்றும் மண்புழு உரம் தயாரிப்பு ஆகியவற்றைச் சிறப்பாகச் செய்து வருவதோடு, மற்ற விவசாயிகளுக்கும் இத்தொழில்நுட்பங்களைச் சொல்லிக் கொடுத்து வருவதால், இவரை இவ்விருதுக்காகத் தேர்ந்தெடுத்துள்ளது வேளாண்மைப் பல்கலைக்கழகம்.

“பசுமை விகடனால்தான்  எனக்கு விருது கிடைச்சது”

நண்பர்கள், உறவினர்கள் எனப் பலரும் வாழ்த்தியதில் மிகுந்த மகிழ்ச்சியுடன் இருந்த ஆசைத்தம்பியைச் சந்தித்துப் ‘பசுமை விகடன்’ சார்பாக வாழ்த்துகளைத் தெரிவித்தோம். மலர்ந்த முகத்துடன் நன்றி சொன்ன ஆசைத்தம்பி உற்சாகமாகப் பேச ஆரம்பித்தார்.

“இந்த விருது கிடைக்கக் காரணமே பசுமை விகடன் இதழ்தான். அதைப் படிக்க ஆரம்பிச்ச பிறகுதான் பாரம்பர்ய நெல் ரகங்களைப் பத்தி நான் தெரிஞ்சுக்கிட்டேன். நவீன ரகங்கள்ல மட்டும்தான் அதிக மகசூல் கிடைக்கும்னு நம்பி, அதை மட்டும் சாகுபடி செஞ்சுட்டுருந்தேன். பசுமை விகடன்ல வெளியான மகசூல் கட்டுரைகளைப் படிச்சுட்டு பாரம்பர்ய நெல் சாகுபடி செய்ற விவசாயிகள்கிட்டபேசினபிறகுதான் எனக்கு நம்பிக்கை வந்தது. அது மாதிரியான விவசாயிகள்கிட்ட இருந்து விதைநெல்லை வாங்கி பாரம்பர்ய நெல் சாகுபடியை ஆரம்பிச்சேன்.

ஒட்டுமொத்த விகடனுக்கும் ஒரே ஷார்ட்கட்!

“பசுமை விகடனால்தான்  எனக்கு விருது கிடைச்சது”

ஆறு வருஷமா காலாநமக், தங்கச்சம்பா, சீரகச்சம்பா, மாப்பிள்ளைச்சம்பானு நல்ல மகசூல் எடுத்திட்டுருக்கேன். என்னைப்பத்தி (10.3.2016-ம் தேதியிட்ட இதழில்) பசுமை விகடன்ல கட்டுரையும் வந்திருக்கு. அது எனக்குக் கிடைச்ச மிகப் பெரிய அங்கீகாரம். என்னைப் பார்த்து எங்க பகுதியில நிறைய பேர் பாரம்பர்ய நெல் சாகுபடியில ஆர்வமா இறங்கியிருக்காங்க” என்ற ஆசைத்தம்பி நிறைவாக,

“வழக்கமா நவீன நெல் ரகங்களைச் சாகுபடி செய்ற விவசாயிகளுக்குதான் இதுவரைக்கும் பல்கலைக்கழகம் சார்பா விருதுகளைக் கொடுத்துட்டுருந்தாங்க. இந்த வருஷம்தான், பாரம்பர்ய நெல் சாகுபடி செய்ற விவசாயியான எனக்கு விருது கொடுத்திருக்காங்க. வேளாண்மைப் பல்கலைக்கழகம் பாரம்பர்ய ரகங்கள் மேல கவனம் செலுத்தறது நல்ல மாற்றம். எனக்கு இந்த விருது கிடைச்சதுக்குப் பசுமை விகடனுக்கு நன்றி சொல்லியே ஆகணும்” என்று நெகிழ்ச்சியாகச் சொல்லி விடைகொடுத்தார்.
 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism