Published:Updated:

கடிவாளத்தைக் கையில் எடுங்கள்!

கடிவாளத்தைக் கையில் எடுங்கள்!
பிரீமியம் ஸ்டோரி
கடிவாளத்தைக் கையில் எடுங்கள்!

கடிவாளத்தைக் கையில் எடுங்கள்!

கடிவாளத்தைக் கையில் எடுங்கள்!

கடிவாளத்தைக் கையில் எடுங்கள்!

Published:Updated:
கடிவாளத்தைக் கையில் எடுங்கள்!
பிரீமியம் ஸ்டோரி
கடிவாளத்தைக் கையில் எடுங்கள்!

னைவருக்கும் பசுமை வணக்கம்!

‘புலியூருக்குப் பயந்து எலியூருக்குப் போனால், எலியூரும் புலியூராகிவிட்டது’ என்கிற கதைபோல இருக்கிறது, பிரதம மந்திரியின் புதிய பயிர் காப்பீட்டுத் திட்டம்.

தேசிய வேளாண் காப்பீட்டுத் திட்டம், மாற்றியமைக்கப்பட்ட தேசிய வேளாண் காப்பீட்டுத் திட்டம், வானிலை அடிப்படையிலான பயிர் காப்பீட்டுத் திட்டம் என்று பல பயிர் காப்பீட்டுத் திட்டங்கள், விவசாயிகளுக்காகச் செயல்படுத்தப்பட்டு வந்தன. ‘இவற்றால் விவசாயிகளுக்குப் பெரிதாகப் பலன் இல்லை. காப்பீட்டு நிறுவனங்கள்தான் லாபம் அடைகின்றன’ என்கிற குற்றச்சாட்டு இந்தியா முழுக்கத் தொடர்ந்து முன்வைக்கப்பட்டது.

நரேந்திர மோடி தலைமையில் பிஜேபி ஆட்சிக்கு வந்ததும், அனைத்துக் காப்பீட்டுத் திட்டங்களையும் ஒருங்கிணைத்து, ‘பிரதம மந்திரியின் புதிய பயிர் காப்பீட்டுத் திட்டம்’ என்ற ஒரே திட்டம் அமலுக்கு வந்தது. ‘அரசு நிறுவனங்களோடு, தனியார் நிறுவனங்களையும் அனுமதித்தால்... வியாபாரப் போட்டியில் விவசாயிகளுக்குப் பலன்கள் கிடைக்கும்’ என்று சொல்லி, தனியார் நிறுவனங்களையும் பயிர் காப்பீட்டில் அனுமதித்தார்கள்.

தற்போது, அரசு நிறுவனங்களே பரவாயில்லை எனும் அளவுக்கு, தனியார் நிறுவனங்கள் செயல்படுவது விவசாயிகளை வேதனைக்குள்ளாக்கியுள்ளது. இழப்பீடு என்கிற பெயரில் ரூ.10, ரூ.20 எனக் காசோலைகளை வழங்கும் அவலமும் நடந்தேறி வருவது கொடுமை. பாதிக்கப்பட்ட விவசாயிகள் அரசாங்கத்திடம் கோரிக்கைகள் வைத்தும் பலனில்லாததால், நாள் கணக்கில் போராட்டம், சாலைமறியல் என்றெல்லாம் வருத்திக்கொண்டனர். அதன்பிறகுதான், உரிய இழப்பீடு கொடுக்கவே முன்வந்தது ஒரு தனியார் காப்பீட்டு நிறுவனம்.

நல்ல திட்டம் என்றாலும், ஓட்டைகளைப் பயன்படுத்தி, மீண்டும் மீண்டும் விவசாயிகளை ஏமாற்றிப் பணம் பார்க்கவே நினைக்கின்றன காப்பீட்டு நிறுவனங்கள் பலவும்.

மாநில மற்றும் மத்திய அரசுகள் கடிவாளத்தைக் கையில் எடுக்குமா?!

-ஆசிரியர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism