Published:Updated:

இயற்கை விவசாயத்துக்கு வழிகாட்டும் மாதிரிப் பண்ணை!

இயற்கை விவசாயத்துக்கு வழிகாட்டும் மாதிரிப் பண்ணை!
பிரீமியம் ஸ்டோரி
இயற்கை விவசாயத்துக்கு வழிகாட்டும் மாதிரிப் பண்ணை!

பயிற்சி

இயற்கை விவசாயத்துக்கு வழிகாட்டும் மாதிரிப் பண்ணை!

பயிற்சி

Published:Updated:
இயற்கை விவசாயத்துக்கு வழிகாட்டும் மாதிரிப் பண்ணை!
பிரீமியம் ஸ்டோரி
இயற்கை விவசாயத்துக்கு வழிகாட்டும் மாதிரிப் பண்ணை!

‘பசித்தவனுக்கு மீனைக் கொடுக்காதே, மீன்பிடிக்கக் கற்றுக்கொடு’ என்பது சீனப் பழமொழி. அதைக்கடைப்பிடிக்கும் வகையில்... பசுமைப்புரட்சி கற்றுக் கொடுத்த விவசாயத்தால், நஷ்டத்துக்குள்ளான விவசாயிகளுக்கு இயற்கை விவசாயத்தைக் கற்றுக்கொடுத்து, விவசாயிகளின் வாழ்வை வளமாக்கிக் கொண்டிருக்கிறது, ‘ஹேண்ட் இன் ஹேண்ட்’ தொண்டு நிறுவனம். 

இயற்கை விவசாயத்துக்கு வழிகாட்டும் மாதிரிப் பண்ணை!

கிராமத்தைத் தத்தெடுத்து அக்கிராம மக்களுக்கு முழுமையான இயற்கை விவசாயத்தைக் கற்றுக்கொடுத்து விவசாயக் குழுக்களையும், உழவர் உற்பத்தியாளர் நிறுவனத்தையும் அமைப்பதில் தீவிரம் காட்டி வருகிறது, இந்த அமைப்பு.

காஞ்சிபுரம் மாவட்டம், மதுராந்தகம் அருகே உள்ள பெரும்பாக்கத்தில் அமைந்திருக்கிறது, இந்த அமைப்பின் பயிற்சிப்பண்ணை. ஹேண்ட் இன் ஹேண்ட் அமைப்பின் இயற்கை விவசாயப் பயிற்சித் திட்ட மேலாளர் முனைவர் ஜோவைச் சந்தித்து அவர்கள் வழங்கிவரும் பயிற்சிகள் குறித்துப் பேசினோம். “எங்கள் அமைப்பு, ‘ஹுமேனியம்’ நிறுவனத்துடன் இணைந்து விவசாயப் பண்ணையை அமைத்து விவசாயிகளுக்குப் பயிற்சி கொடுத்து வருகிறது. இது இரண்டு ஆண்டுத் திட்டம். இரண்டு ஆண்டுகளில் இக்கிராமத்தில் உள்ள விவசாயிகளை முழுமையாக இயற்கை விவசாயத்தின் பக்கம் திருப்புவதுதான் திட்டத்தின் நோக்கம். இரண்டு ஆண்டுகள் கழித்தும் இக்கிராமம் எங்கள் தொடர் கண்காணிப்பில் இருக்கும். பெரும்பாக்கம் கிராமத்தில் மாதிரிப் பண்ணையை அமைக்கச் சில காரணங்களும் உண்டு. இங்கு பால் சொசைட்டியும், பால் பதப்படுத்தும் கூடமும் இருக்கின்றன. இக்கிராமத்தில் பால் மாடுகள் அதிகளவில் இருப்பதால்தான் பால் பதப்படுத்தும் கூடம் அமைக்கப்பட்டுள்ளது. இயற்கை விவசாயத்துக்கு மாடுகள் முக்கியமென்பதால், நாங்களும் இக்கிராமத்தைத் தேர்ந்தெடுத்தோம். 

ஒட்டுமொத்த விகடனுக்கும் ஒரே ஷார்ட்கட்!

இயற்கை விவசாயத்துக்கு வழிகாட்டும் மாதிரிப் பண்ணை!

இக்கிராமம் முழுவதும் களர் மண் நிலங்கள்தான் உள்ளன. வளம் குறைந்த மண்ணிலும் இயற்கை விவசாயம் சாத்தியமே என்பதை நிரூபித்துக் காட்டுவதற்காகத்தான் இக்கிராமத்தைத் தேர்ந்தெடுத்தற்கான இன்னொரு காரணம். இங்கு நெல் போன்ற பொதுவான பயிர்களைத் தவிர்த்துவிட்டு... காய்கறிப் பயிர்கள், தீவனப் பயிர்கள் போன்றவற்றுக்கு முக்கியத்துவம் கொடுக்கிறோம். பண்ணையில் பயிற்சிக்காக அரை ஏக்கர் பரப்பில் கோ-4 புல், அவரைக்காய், பீர்க்கங்காய், பாகல், அரைக்கீரை, தண்டுக்கீரை, புளிச்சக்கீரை, சிறுகீரை, தக்காளி, பீன்ஸ், தட்டைப்பயறு, கத்திரி, வெண்டை போன்ற பயிர்களை இயற்கை முறையில் சாகுபடி செய்கிறோம்.

இங்கு மண்புழு உரம், பஞ்சகவ்யா, மீன் அமினோ அமிலம், அமுதக்கரைசல், இஞ்சி பூண்டுக்கரைசல் போன்றவற்றையும் தயாரித்து வருகிறோம். அசோலா வளர்ப்புக் கூடத்தையும் அமைத்துள்ளோம். இதை வைத்து விவசாயிகளுக்கு பயிற்சியும் கொடுக்கிறோம்” என்ற ஜோ பண்ணையைச் சுற்றிக்காட்டிக் கொண்டே பேச ஆரம்பித்தார். 

இயற்கை விவசாயத்துக்கு வழிகாட்டும் மாதிரிப் பண்ணை!

“இப்போது மாதிரி பண்ணை அமைத்துள்ள நிலம் குத்தகைக்கு எடுத்தது. இந்த நிலத்தின் உரிமையாளர், ‘நிலத்துல ரசாயனம் போட்டாலே ஒண்ணும் விளையாது. இயற்கை விவசாயத்துல என்ன விளையப்போகுது’ என்று சொல்லிதான் குத்தகைக்கே கொடுத்தார். இப்போது இயற்கை முறை சாகுபடியில் விளைந்து நிற்கும் பயிர்களைப் பார்த்து அவரே ஆச்சர்யப்படுகிறார். இந்தப் பயிர்களைப் பார்த்தபிறகுதான் நிறைய விவசாயிகள் பயிற்சிக்காக வர ஆரம்பித்துள்ளனர்.  இயற்கை விவசாயத்தைச் சொல்லிக் கொடுப்பதோடு, விளை பொருள்களைச் சந்தைப்படுத்தவும் சொல்லிக் கொடுக்கிறோம். அதற்காக, விவசாயிகளைச் சிறு சிறு குழுக்களாக ஒருங்கிணைக்கும் பணியைச் செய்து கொண்டிருக்கிறோம். தொடர்ந்து உழவர் உற்பத்தியாளர் நிறுவனத்தை ஆரம்பிப்பதற்கான வேலைகளையும் செய்து வருகிறோம். 

இயற்கை விவசாயத்துக்கு வழிகாட்டும் மாதிரிப் பண்ணை!

இயற்கை விவசாயம் நன்றாகச் செய்யும் விவசாயிகளுக்கு இத்திட்டத்தின் கீழ் 15 நாட்டுக்கோழிகளையும்  ஆடுகளையும் கொடுக்க இருக்கிறோம். நாங்கள் தரும் நாட்டுக்கோழி மற்றும் ஆடுகளுடன் அவர்கள் சொந்தமாகப் பணம் கொடுத்து
5 நாட்டுக்கோழிகளையும், 2 ஆடுகளையும் வாங்க வேண்டும் என்பதுதான் நிபந்தனை. அப்போதுதான் அவர்கள் அதை நிலையாக வைத்திருப்பார்கள். எங்கள் பயிற்சிப் பண்ணையில் விவசாயிகளுக்குச் சொல்லிக் கொடுக்கும் ஒரே மந்திரம், ‘நிலத்தில் இடப்படும் இடுபொருள்கள் எதையும் வெளியில் இருந்து வாங்கக்கூடாது. 

இயற்கை விவசாயத்துக்கு வழிகாட்டும் மாதிரிப் பண்ணை!

முடிந்தவரை அனைத்தையும் விவசாயிகளே உற்பத்தி செய்ய வேண்டும்’ என்பதுதான். அதேபோலத் தண்ணீரைச் சிக்கனமாகப் பயன்படுத்தும் முறைகளையும் சொல்லிக்கொடுக்கிறோம். விவசாயிகளைத் தற்சார்புள்ளவர்களாக மாற்றுவதற்கு இயற்கை விவசாயம் ஒன்றே வழி என்பதை அவர்களுக்குப் புரிய வைக்கிறோம். விரைவில், இக்கிராமத்தை முழு இயற்கை கிராமமாக மாற்றி விடுவோம்” என்றார் நம்பிக்கையுடன். 

தொடர்புக்கு ஜோ, செல்போன்: 92822 13702.

துரை.நாகராஜன் - படங்கள்: கா.முரளி

இயற்கை விவசாயத்துக்கு வழிகாட்டும் மாதிரிப் பண்ணை!

இயற்கை விவசாயத்தில் நம்பிக்கை தந்த லாபம்!

ம்மையத்தில் பயிற்சி எடுத்துக்கொண்ட சுப்பிரமணி என்பவரிடம் பேசினோம். “நான் பத்து வருஷமா ‘பசுமை விகடன்’ படிச்சுட்டுருக்கேன். புத்தகத்துல படிச்சதை, நிலத்துல செய்ய, இவங்க பயற்சியையும் வாய்ப்பையும் கொடுத்திருக்காங்க. இயற்கை விவசாயம் செஞ்சா லாபம் கிடைக்குமானு யோசிச்சுக்கிட்டே இருந்தேன். இப்போ லாபம் எடுக்க முடியும்னு நானே நிரூபிச்சுட்டேன். விவசாயிகள் கேக்குற தகவல்களை இந்த மையத்துல கொடுக்குறாங்க. இங்க இயற்கை இடுபொருள்கள் தயாரிக்கிறதுக்கு எடுத்துக்கிட்டப் பயிற்சி எனக்கு ரொம்ப உதவியா இருக்குது” என்றார் உற்சாகமாக.

 மற்றொரு விவசாயியான பார்த்திபன், “அடிக்கடி இங்க வந்து பார்த்துக்கிட்டிருந்ததுல எனக்கும் இயற்கை விவசாயம் ஒட்டிக்கிச்சு. மூணு மாசமா இயற்கை விவசாயம் செய்துகிட்டிருக்கேன். யூரியா போட்டாத்தான் பயிர் விளையும்னு நினைச்சுட்டுருந்தேன். இப்போ மாட்டு எரு போட்டாலே போதும்னு கத்துக்கிட்டேன். உரத்துக்கான செலவு எனக்கு மிச்சம்” என்றார் தெம்பாக.

அடுத்து பேசிய பாக்யராஜன் என்பவர், “நான் அதிகளவுல ரசாயனப் பூச்சிக் கொல்லிகளைத்தான் பயன்படுத்திட்டுருந்தேன். இங்க கத்துக்கிட்டதுக்கப்புறம், இஞ்சி பூண்டுக் கரைசலைத்தான் பயன்படுத்துறேன். இது அருமையான பூச்சிவிரட்டியா இருக்கு. இன்னும் ரெண்டு வருஷத்துல எங்க கிராமம் இயற்கை விவசாயத்துக்கு நிச்சயமா மாறிடும்னு எனக்கு நம்பிக்கை இருக்கு” என்றார் உறுதியாக. 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism