Published:Updated:

பலன் கொடுத்த நேரடி களப்பயிற்சி!

பலன் கொடுத்த நேரடி களப்பயிற்சி!
பிரீமியம் ஸ்டோரி
News
பலன் கொடுத்த நேரடி களப்பயிற்சி!

பயிற்சிஜெ.லெவின் - படங்கள்: பெ.ராக்கேஷ்

பலன் கொடுத்த நேரடி களப்பயிற்சி!

‘பசுமை விகடன்’ மற்றும் பாரதி டிரஸ்ட் ஆகியவை இணைந்து... கடந்த மார்ச் 9-ஆம் தேதி திருவள்ளூர் மாவட்டம், திருத்தணி அடுத்த அத்திமாஞ்சேரி கிராமத்தில் உள்ள ‘சித்தம்மா இயற்கை விவசாயப் பண்ணை’யில் ‘இனியெல்லாம் இயற்கையே’ என்ற நேரடி களப்பயிற்சியை நடத்தின. இப்பயிற்சியில் சென்னை, வேலூர், திருவள்ளூர், நெய்வேலி உள்ளிட்ட பகுதியிலிருந்து மொத்தம் 46 பேர் கலந்துகொண்டனர்.

பலன் கொடுத்த நேரடி களப்பயிற்சி!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

பயிற்சிக்கு வந்திருந்தவர்கள் சுய அறிமுகம் செய்துகொண்ட பிறகு, பண்ணையின் உரிமையாளர் சித்தம்மா, அனைவருக்கும் ஒற்றை நாற்று நடவு முறை குறித்து நேரடிக் களப்பயிற்சி அளித்தார். தொடர்ந்து, பாரம்பர்ய நெல் சாகுபடி, விதை நேர்த்தி, நடவு, மண்புழு உரம், களை மேலாண்மை, அறுவடை, விற்பனை குறித்துத் தன்னுடைய அனுபவங்களைச் சொன்னார், சித்தம்மா.அடுத்ததாக, பள்ளிப்பட்டு வட்டார வேளாண் அலுவலர் சம்பத், நெல் சாகுபடி, உயிர் உரங்கள், பயறு வகைச் சாகுபடிக்கு அரசு வழங்கி வரும் மானியத் திட்டங்கள் குறித்து விளக்கினார். தொடர்ந்து பயிற்சியில் கலந்துகொண்டவர்கள் கேட்ட கேள்விகளுக்குப் பதிலளித்தார், சம்பத்.

பலன் கொடுத்த நேரடி களப்பயிற்சி!

அடுத்து, வேஸ்ட் டீகம்போஸர் குறித்துப் பயிற்சியளித்தார், திருவள்ளூர் மாவட்டம், சோழவரத்தைச் சேர்ந்த ஸ்டீபன் ஜெபக்குமார். “மாட்டுச்சாணம் கிடைக்காதவர்களுக்கு இயற்கை விவசாயம் செய்யக் கிடைத்த வரப்பிரசாதம்தான் வேஸ்ட் டீகம்போஸர். இதில் மாட்டுச்சாணத்தில் உள்ள மூலக்கூறுகள் அனைத்தும் இருக்கின்றன. 200 லிட்டர் தண்ணீர், 2 கிலோ வெல்லம் கலந்த கரைசலில் நாம் இந்த வேஸ்ட் டீகம்போஸரை சேர்த்து நன்றாகக் கலக்க வேண்டும். தொடர்ந்து 7 நாள்களுக்கு நிழலான இடத்தில் வைத்திருந்து தினமும் ஒருமுறை கலக்கி வந்தால் கரைசல் தயாராகிவிடும். இதில் 180 லிட்டரை எடுத்துப் பயிர்களுக்குப் பயன்படுத்த வேண்டும். மீதியிருக்கும் 20 லிட்டரில் 2 கிலோ வெல்லம், 180 லிட்டர் தண்ணீர் கலந்து மீண்டும் கரைசலைத் தயாரித்துக் கொள்ளலாம். இப்படியே வாழ்நாள் முழுவதும் கரைசலைப் பெருக்கிக் கொள்ளலாம்” என்றார், ஸ்டீபன் ஜெபக்குமார்.

மதிய உணவுக்குப் பிறகு பஞ்சகவ்யா, மூலிகைப் பூச்சிவிரட்டி ஆகியவற்றைத் தயாரிப்பது குறித்துப் பயிற்சியளித்தார் சித்தம்மா. “நாங்கள் பஞ்சகவ்யா தயாரிக்கும்போது நெய் பயன்படுத்துவதில்லை. ஏனென்றால், அரை லிட்டர் நெய்யின் விலை 200 ரூபாய்க்கு மேல் விற்கிறது. நெய்க்கு மாற்றாக அரைக்கிலோ ஊறவைத்த கடலைப் பிண்ணாக்கைப் பயன்படுத்துகிறேன். இதனால், பஞ்சகவ்யாவின் தரம் எந்தவிதத்திலும் மாற்றம் அடைவதில்லை” என்றார். தொடர்ந்து தன்னுடைய பண்ணை உருவான விதம் குறித்து விளக்கினார், சித்தம்மா. பயிற்சியில் கலந்து கொண்டவர்களின் நன்றி நவில்தலோடு பயிற்சி இனிதே முடிவுற்றது.

“அடுத்து நான் பயிற்சி கொடுப்பேன்!” 

பலன் கொடுத்த நேரடி களப்பயிற்சி!

“பசுமை விகடன் புத்தகம் என் வாழ்கையில் முக்கிய மாற்றத்தை ஏற்படுத்தி இருக்கு. அந்த மாற்றத்தின் பயனாக ஒரு மாணவனாக இந்தப் பயிற்சி வகுப்புல கலந்துகிட்டேன். நிறைய விஷயங்களை இந்தப் பயிற்சியில கத்துக்க முடிஞ்சது. மத்தவங்களோடு உரையாட முடிஞ்சது. சீக்கிரம் நானும் பயிற்சி கொடுக்குற அளவுக்கு மாறிடுவேன்” என்று பயிற்சி குறித்துத் தன் அனுபவங்களைப் பகிர்ந்து கொண்டார் சென்னையடுத்த ஹூண்டாய் கார் கம்பெனியில் பணிபுரியும் சுரேஷ்.