Published:Updated:

மா... தென்னை... எலுமிச்சை... காய்கறிகள்... ஆண்டுக்கு ரூ. 3,33,000 வருமானம்!

மா... தென்னை... எலுமிச்சை... காய்கறிகள்... ஆண்டுக்கு ரூ. 3,33,000 வருமானம்!
பிரீமியம் ஸ்டோரி
மா... தென்னை... எலுமிச்சை... காய்கறிகள்... ஆண்டுக்கு ரூ. 3,33,000 வருமானம்!

மகசூல்

மா... தென்னை... எலுமிச்சை... காய்கறிகள்... ஆண்டுக்கு ரூ. 3,33,000 வருமானம்!

மகசூல்

Published:Updated:
மா... தென்னை... எலுமிச்சை... காய்கறிகள்... ஆண்டுக்கு ரூ. 3,33,000 வருமானம்!
பிரீமியம் ஸ்டோரி
மா... தென்னை... எலுமிச்சை... காய்கறிகள்... ஆண்டுக்கு ரூ. 3,33,000 வருமானம்!

“நிறையபேர் இயற்கை விவசாயத்துல அதிக மகசூல் எடுக்க முடியாது... ரசாயன விவசாயத்துலதான் அதிக மகசூல் எடுக்க முடியும்னு நினைக்கிறாங்க. அப்படியெல்லாம் கிடையாது.  

மா... தென்னை... எலுமிச்சை... காய்கறிகள்... ஆண்டுக்கு ரூ. 3,33,000 வருமானம்!

நிலத்தை நல்லா வளப்படுத்தி, நம்பிக்கையோடும் பொறுமையோடும் இயற்கை விவசாயம் செஞ்சா... ரசாயன விவசாயத்துல எடுக்குற அளவுக்கு இயற்கை விவசாயத்துலயும் மகசூல் எடுக்க முடியும். அதுக்கு நானே உதாரணம்” என்று கண்களில் நம்பிக்கை பொங்கப் பேசுகிறார், வேலூர் மாவட்டத்தைச் சேர்ந்த கு.செந்தமிழ்செல்வன்.

வேலூர் மாவட்டம், காட்பாடியில் இருந்து லத்தேரி செல்லும் வழியில் உள்ள காளாம்பட்டு என்னும் கிராமத்தில்தான், செந்தமிழ்செல்வனின் தோட்டம் இருக்கிறது. வங்கி அதிகாரியாகப் பணியாற்றி ஓய்வுபெற்ற செந்தமிழ்செல்வன் தற்போது, முழுநேர இயற்கை விவசாயி.

ஒட்டுமொத்த விகடனுக்கும் ஒரே ஷார்ட்கட்!

மா... தென்னை... எலுமிச்சை... காய்கறிகள்... ஆண்டுக்கு ரூ. 3,33,000 வருமானம்!

“திருவண்ணாமலை மாவட்டம், செய்யாறுக்குப் பக்கத்துல இருக்குற அசனாம்பேட்டைங்குற கிராமம்தான் என்னோட பூர்வீகம். அப்பா அங்க விவசாயம் செய்துட்டுருந்தார். எனக்கும் சின்ன வயசுல இருந்தே விவசாயத்துல ஆர்வம் அதிகம். ஆனா, ஒரு கட்டத்துல வறுமை காரணமா நிலத்தை வித்துட்டு, கிராமத்தை விட்டு வெளியேறிட்டோம். அப்புறம் நான் படிப்பு முடிச்சுட்டு பேங்க் வேலைக்குப் போயிட்டேன். விவசாய அபிவிருத்தி மேலாளர், கிளை மேலாளர்னு பதவிகள்ல இருந்தப்போ நிறைய விவசாயிகளோட பழகுற வாய்ப்பு கிடைச்சது. அப்போ பல விவசாயிகள் விவசாயத்து மேல நம்பிக்கை இல்லாம இருந்ததை என்னால உணர முடிஞ்சது. நாங்க கடன் கொடுக்கத் தயாரா இருந்தப்பவும், விவசாயம் மூலமா கடனைத் திருப்பிக்கட்ட முடியாதுனு நினைச்சு கடனை நிராகரிச்ச விவசாயிகளும் உண்டு. 

மா... தென்னை... எலுமிச்சை... காய்கறிகள்... ஆண்டுக்கு ரூ. 3,33,000 வருமானம்!

அப்போதான், விவசாயத்தை லாபகரமான தொழிலா செஞ்சு காட்டணும்னு எனக்குத் தோணுச்சு. அதுவும் நஞ்சில்லாத விவசாயம் சாத்தியம்னும் நிரூபிச்சுக் காட்டணும்னு முடிவு செஞ்சேன். அதுக்காக வேலூர் நகரத்துல இருந்த வீட்டை வித்துட்டு, இந்த 3 ஏக்கர் நிலத்தை வாங்கினேன். அதுக்கே பல பேர் கேலி பேசுனாங்க. அதையெல்லாம் நான் காதுலயே வாங்கிக்கலை. நான் வாங்கினப்போ பராமரிப்பில்லாம கொஞ்சம் மா மரங்களும் தென்னை மரங்களும் இருந்துச்சு.  வாங்கினதும் நிலத்தைச் சீரமைச்சு, மரங்களுக்குத் தொடர்ந்து தண்ணி பாய்ச்சி, இயற்கை இடுபொருள்களைக் கொடுக்க ஆரம்பிச்சேன். நிலத்துக்கு வேலி போட்டுட்டு போர்வெல் அமைச்சேன். இந்த வேலைகளையெல்லாம் செஞ்சு முடிக்க ரெண்டு வருஷம் ஆச்சு. 

மா... தென்னை... எலுமிச்சை... காய்கறிகள்... ஆண்டுக்கு ரூ. 3,33,000 வருமானம்!

அந்த ரெண்டு வருஷத்துல விவசாயம் மூலமா பெருசா வருமானம் இல்லை. செலவுதான் கூடிகிட்டே இருந்துச்சு. ஆனா, அந்த ரெண்டு வருசத்துல நிலம் முழுக்க வளமாகிடுச்சு. அந்த நேரம் எனக்கு ரிட்டையர்டுமென்ட் வரவும், முழு இயற்கை விவசாயியா மாறிட்டேன்” என்று இயற்கை விவசாயத்துக்கு வந்த கதை சொன்ன செந்தமிழ்செல்வன், நிலத்தைச் சுற்றிக் காட்டிக்கொண்டே பேச ஆரம்பித்தார்.

“2 ஏக்கர் நிலத்துல தென்னை, மா ரெண்டும் இருக்கு. ரெண்டுக்கும் இடையில ஊடுபயிரா சப்போட்டா, எலுமிச்சை இருக்கு. மீதி இருக்குற 1 ஏக்கர் நிலத்துல தக்காளி, மிளகாய், கத்திரி, வாழை, மூலிகைகள், மலர்கள்னு சாகுபடி செஞ்சுட்டுருக்கேன். 21 அடி நீளம், 6 அடி அகலம், 3 அடி உயரத்துல ஒரு மண்புழு உரத்தொட்டி அமைச்சு, மண்புழு உரம் தயார் செஞ்சுப் பயன்படுத்துறேன். பஞ்சகவ்யா, அமுதக்கரைசல், இ.எம் கரைசல்னு நானே தயார் செஞ்சுக்குறேன். பூச்சிகள் வந்தா இயற்கைப் பூச்சிவிரட்டிகள் தெளிச்சோ, விளக்குப்பொறிகள் வெச்சோ கட்டுப்படுத்திடுவேன். இடுபொருள்கள் தயாரிப்புக்குத் தேவைப்படுற சிறுநீர், சாணத்துக்காக ஒரு நாட்டு மாட்டையும் வளர்த்துக்கிட்டு இருக்கேன். இயற்கை விவசாயங்கிறதால பராமரிக்கிறது எளிதா இருக்கு. வேலையாள்கள் தேவையும் குறைவாத்தான் இருக்கு. நல்ல விளைச்சல் எடுத்துக் கடனற்ற வாழ்வு வாழ்ந்துட்டு இருக்கேன். 

மா... தென்னை... எலுமிச்சை... காய்கறிகள்... ஆண்டுக்கு ரூ. 3,33,000 வருமானம்!

மரங்களுக்கு இயற்கை இடுபொருள்களைக் கொடுக்க ஆரம்பிச்ச பிறகு, வருஷத்துக்கு 4 டன் மாம்பழங்கள் காய்க்குது. ஆனா, இந்த ஊர்ல இயற்கைப் பழங்களுக்கு விற்பனை வாய்ப்பு இல்லை. தோட்டத்துக்கு வர்ற விவசாயிகள், ஒரு டன் மாம்பழத்துக்கு 8,000 ரூபாய் வரைதான் விலை கொடுத்தாங்க. ஆனா, நான் சென்னைக்கு கொண்டு போய் விற்பனை செஞ்சப்போ ஒரு டன் மாம்பழத்துக்கு 40,000 ரூபாய் வரை விலை கிடைக்குது.

மாந்தோப்புல வருஷம் ஒருமுறை உழவு ஓட்டி எள் விதைச்சு விடுவேன். அது வளர்ந்ததும் அதையும் உழுது விட்டுடுவேன். அடுத்து ஒவ்வொரு மரத்துக்கும் 10 கிலோ மண்புழு உரம் வைப்பேன். பூ எடுக்குற சமயத்துலயும் பூத்த பிறகும் பஞ்சகவ்யாவைத் தெளிப்பேன். அதுலயே மாமரங்கள் அருமையாகக் காய்க்கும். காய்ப்பு முடிஞ்சதும் கவாத்து செஞ்சு விட்டுடுவேன். தென்னை மரத்துல காய் இறக்குறப்பவே மட்டைகளைக் கழிச்சுடுவேன். ஒவ்வொரு மரத்துக்கும் 5 கிலோ மண்புழு உரம் கொடுத்துடுவேன். இந்த மாதிரி முறையாகப் பராமரிச்சா பங்கமில்லாம விளைச்சல் கிடைக்கும்” என்ற செந்தமிழ்செல்வன் நிறைவாக வருமானம் குறித்துச் சொல்ல ஆரம்பித்தார்.

மா... தென்னை... எலுமிச்சை... காய்கறிகள்... ஆண்டுக்கு ரூ. 3,33,000 வருமானம்!

“90 மா மரங்கள்ல இருந்து வருஷத்துக்கு 4,000 கிலோ அளவுக்கு மாம்பழங்கள் கிடைக்குது. ஒரு கிலோ 40 ரூபாய்னு விற்பனை செய்றது மூலமா 1,60,000 ரூபாய் வருமானம் கிடைக்குது. 110 தென்னை மரங்கள்ல ஒரு வருஷத்துக்கு 11,000 காய்கள் கிடைக்குது. ஒரு தேங்காய் 10 ரூபாய்னு விற்பனை செய்றது மூலமா 1,10,000 ரூபாய் வருமானம் கிடைக்குது. வாழை மரங்கள்ல வருஷத்துக்கு 100 தார்களுக்குக் குறையாமக் கிடைக்குது.

ஒரு தார் 300 ரூபாய்னு விற்பனை செய்றது மூலமா 30,000 ரூபாய் வருமானம் கிடைக்குது. எலுமிச்சை மரங்கள்ல இருந்து வருஷத்துக்கு 300 கிலோ மகசூல் கிடைக்குது. ஒரு கிலோ 60 ரூபாய்னு விற்பனை செய்றது மூலமா 18,000 ரூபாய் வருமானம் கிடைக்குது.

கத்திரி, தக்காளி, மூலிகைகள், சப்போட்டா மூலமா வருஷத்துக்கு 15,000 ரூபாய் வரை வருமானம் கிடைக்குது. ஆக மொத்தம் 3 ஏக்கர்ல இருந்து மொத்தமா வருஷத்துக்கு 3,33,000 ரூபாய் வருமானம் கிடைக்குது. இதுல சம்பளம், போக்குவரத்து, இடுபொருள்னு மொத்தமா 1,40,000 ரூபாய் செலவுபோக 1,93,000 ரூபாய் லாபமா நிக்கும்” என்றார்.

தொடர்புக்கு, செந்தமிழ்செல்வன், செல்போன்: 94430 32436

துரை.நாகராஜன் - படங்கள்: ச.மஹாவீர்   

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism