Published:Updated:

வங்கதேசத்தை ஏமாற்றிய பி.டி கத்திரி!

வங்கதேசத்தை ஏமாற்றிய பி.டி கத்திரி!
பிரீமியம் ஸ்டோரி
வங்கதேசத்தை ஏமாற்றிய பி.டி கத்திரி!

சூழல்

வங்கதேசத்தை ஏமாற்றிய பி.டி கத்திரி!

சூழல்

Published:Updated:
வங்கதேசத்தை ஏமாற்றிய பி.டி கத்திரி!
பிரீமியம் ஸ்டோரி
வங்கதேசத்தை ஏமாற்றிய பி.டி கத்திரி!

தெற்கு ஆசியாவிலேயே வங்கதேசத்தில் தான் முதன்முதலாக மரபணு மாற்றப்பட்ட பி.டி கத்திரி அறிமுகப்படுத்தப்பட்டது. அப்போது விவசாயிகளுக்கு லாபத்தை அள்ளிக் கொடுக்கும், மகசூலை இரட்டிப்பாக்கும் எனச் சொல்லி வங்கதேச அரசு அறிமுகம் செய்தது. இதை நம்பி விவசாயிகள் முன்வந்து விரும்பிப் பயிர் செய்தனர். அப்போது மரபணு விதைக்கு எதிராகக் கண்டனக் குரல்களும் எழுந்தன. ஆனால், இப்போது வங்கதேசத்தில் நடத்தப்பட்ட ஆய்வில் மரபணு மாற்றப்பட்ட பி.டி கத்திரி பயிரிட்ட நான்கு பேரில் மூன்று பேர் நஷ்டத்தைச் சந்தித்திருக்கின்றனர் என்ற தகவல் வெளியாகி இருக்கிறது. வங்கதேசத்தில் இயங்கிவரும் யு.பி.ஐ.என்.ஜி அமைப்பு பி.டி விவசாயிகளைச் சந்தித்து நடத்திய ஆய்வில், இந்தத் தகவல் வெளியிடப்பட்டுள்ளது.

வங்கதேசத்தை ஏமாற்றிய பி.டி கத்திரி!

2015-ஆம் ஆண்டு 19 மாவட்டங்களைச் சேர்ந்த 110 விவசாயிகளை நேர்காணல் செய்தது, இந்த அமைப்பு. இவர்களில் 74 சதவிகிதம் விவசாயிகள் நஷ்டத்தைச் சந்தித்தாகச் சொல்லியிருக்கிறார்கள். அதனால், அடுத்து இந்த விதையைப் பயன்படுத்தமாட்டோம் எனவும் தெரிவித்துள்ளனர். 2019-ம் ஆண்டு மேற்கொள்ளப்பட்ட ஆய்வில் 19 மாவட்டங்களைச் சேர்ந்த உழவர்கள் 106 பேர் தேர்வுசெய்யப்பட்டனர். இவர்களில் இப்போது நான்கில் ஒரு விவசாயி மட்டுமே பி.டி கத்திரியைப் பயிரிட்டு வருகிறார்.

அந்த அறிக்கையிலுள்ள தகவலின்படி, 2014-15-ஆம் ஆண்டில் வங்கதேச வேளாண் ஆராய்ச்சி நிறுவனம் (BARI) மற்றும் வேளாண் விரிவாக்க மையம் (DAE) ஆகியவை நாற்றுகளை விநியோகித்தன. அப்போது நூற்றுக்கும் மேற்பட்ட விவசாயிகள் வாங்கிப் பயிர் செய்தனர். அந்த எண்ணிக்கை 2015-16-ஆம் ஆண்டில் 27 சதவிகிதமாகவும், 2016-17-ஆம் ஆண்டில் 10 சதவிகிதமாகவும், 2017-18-ஆம் ஆண்டில் 6 சதவிகிதமாகவும், 2018-19-ஆம் ஆண்டில் 4 சதவிகிதமாகவும் குறைந்திருக்கிறது.

மொத்தமாக பி.டி பயிரிட்ட விவசாயிகள் வருவாய், இந்திய மதிப்பில் அதிகபட்சமாக ஒரு விவசாயிக்கு 5,306 ரூபாய் லாபமும், அதிகபட்சமாக ஒரு விவசாயிக்கு 15,307 ரூபாய் இழப்பும் ஏற்பட்டுள்ளது. விவசாயிகளிடையே 66 சதவிகித விவசாயிகள் மிக மோசமான அனுபவம் எனக் குறிப்பிட்டுள்ளனர். மோசமான அனுபவத்தைப் பெற்ற விவசாயிகள் மீண்டும் பி.டி கத்திரியைப் பயிரிட விரும்பவில்லை எனத் தெரிவித்துள்ளனர். அரசாங்கத்தால் கொடுக்கப்படும் அறிக்கையில் உண்மை இல்லை. இதனால், விவசாய ஆர்வலர்கள், வல்லுநர்கள், அறிவியலாளர்கள், மரபணு மாற்று உணவுப் பயிர் உற்பத்தியில் பாதுகாப்புச் சிக்கல்கள் இருப்பதாகத் தங்களது அதிருப்தியை வெளிப்படுத்தி உள்ளனர். பி.டி கத்திரி சரியாக இல்லாத காலகட்டத்தில் வங்கதேச அரசு, மரபணு மாற்றப்பட்ட அரிசியைத் தங்க அரிசி எனும் பெயரில் கொண்டுவரத் தயாராகி வருகிறது என்பது குறிப்பிடத்தக்கது.

துரை.நாகராஜன்

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism