Published:Updated:

காய்கறி நாற்றுகள் இலவசம்... நவீனத் தொழில்நுட்பம் கற்றுக்கொடுக்கும் இந்தோ-இஸ்ரேல் காய்கறி மையம்!

காய்கறி நாற்றுகள் இலவசம்... நவீனத் தொழில்நுட்பம் கற்றுக்கொடுக்கும் இந்தோ-இஸ்ரேல் காய்கறி மையம்!
பிரீமியம் ஸ்டோரி
காய்கறி நாற்றுகள் இலவசம்... நவீனத் தொழில்நுட்பம் கற்றுக்கொடுக்கும் இந்தோ-இஸ்ரேல் காய்கறி மையம்!

அறிவிப்பு

காய்கறி நாற்றுகள் இலவசம்... நவீனத் தொழில்நுட்பம் கற்றுக்கொடுக்கும் இந்தோ-இஸ்ரேல் காய்கறி மையம்!

அறிவிப்பு

Published:Updated:
காய்கறி நாற்றுகள் இலவசம்... நவீனத் தொழில்நுட்பம் கற்றுக்கொடுக்கும் இந்தோ-இஸ்ரேல் காய்கறி மையம்!
பிரீமியம் ஸ்டோரி
காய்கறி நாற்றுகள் இலவசம்... நவீனத் தொழில்நுட்பம் கற்றுக்கொடுக்கும் இந்தோ-இஸ்ரேல் காய்கறி மையம்!

வீன விவசாயத்தின் அடையாளமாக இருக்கும் நாடு, இஸ்ரேல். குறைவான தண்ணீரை வைத்து, சாதனை செய்துகொண்டிருக்கிறார்கள், அந்நாட்டு விவசாயிகள். உலகின் பல நாடுகளைச் சேர்ந்த விவசாயிகள், இஸ்ரேல் சென்று அந்நாட்டு விவசாயத் தொழில்நுட்பங்களைக் கற்று வருகிறார்கள். இஸ்ரேல் விவசாயிகளின் வெற்றிக்குக் காரணம், உயர் தொழில்நுட்பங்கள்தாம். அத்தொழில்நுட்பங்கள் இந்திய விவசாயிகளுக்குக் கிடைக்கும் வகையில், இஸ்ரேலுடன் ஓர் ஒப்பந்தம் செய்துள்ளது, இந்தியா.

காய்கறி நாற்றுகள் இலவசம்... நவீனத் தொழில்நுட்பம் கற்றுக்கொடுக்கும் இந்தோ-இஸ்ரேல் காய்கறி மையம்!

அதன்படி, இந்திய-இஸ்ரேல் கூட்டு முயற்சியில் இந்தியா முழுவதும் விவசாயம் தொடர்பாக 26 மையங்கள் தொடங்கப்பட்டுள்ளன. அவற்றில் 9 மையங்கள் காய்கறிச் சாகுபடி தொடர்பானவை.

அவற்றில் ஒன்று திண்டுக்கல் மாவட்டம், ரெட்டியார்சத்திரம் கிராமத்தில் உள்ள இந்தோ-இஸ்ரேல் காய்கறி மையம். இம்மையம் அரசுத் தோட்டக்கலைப்பண்ணையில் அமைந்துள்ளது. இம்மையத்தில் விவசாயிகளுக்குப் பயிற்சிகள் அளிப்பதோடு, காய்கறி நாற்றுகளையும் இலவசமாக வழங்கி வருகிறார்கள். இத்திட்டம் குறித்து, மையத்தின் திட்ட இயக்குநர் மற்றும் திண்டுக்கல் மாவட்டத் தோட்டக்கலைத்துறை துணை இயக்குநர் சீனிவாசனிடம் பேசினோம்.

ஒட்டுமொத்த விகடனுக்கும் ஒரே ஷார்ட்கட்!

காய்கறி நாற்றுகள் இலவசம்... நவீனத் தொழில்நுட்பம் கற்றுக்கொடுக்கும் இந்தோ-இஸ்ரேல் காய்கறி மையம்!

“இந்திய விவசாயிகள், உயர் தொழில்நுட்பங்களைப் பயன்படுத்தி அதிக மகசூல் எடுக்க வேண்டும் என்பதற்காகத்தான், இஸ்ரேல் நாட்டோடு ஒப்பந்தம் செய்து இம்மையம் அமைக்கப்பட்டுள்ளது. இங்கு காய்கறிச் சாகுபடி தொடர்பான உயர் தொழில்நுட்பங்களுடன் கூடிய மாதிரித் தோட்டங்கள் அமைக்கப்பட்டுள்ளன. விவசாயிகளுக்கான பயிற்சிகள், தோட்டக்கலைப் படிப்புகள் போன்றவையும் இம்மையத்தில் கற்றுக்கொடுக்கப்படுகின்றன. இம்மையம் 16 ஏக்கர் பரப்பில் அமைந்துள்ளது.

பசுமைக்குடில் தொழில்நுட்பங்களில் தற்போதைய உயர் தொழில்நுட்பமான ‘ஹைடெக் பாலிஹவுஸ்’, இம்மையத்தின் சிறப்புகளில் ஒன்று. ஹைடெக் பாலிஹவுஸ், 2,100 சதுரஅடியில் அமைந்துள்ளது. அதில் குழித்தட்டு முறையில் நாற்றுகளை உற்பத்தி செய்கிறோம். வழக்கமான பசுமைக்குடில்களும் இருக்கின்றன. அவற்றில் வெள்ளரி, தக்காளி, மிளகாய் உள்ளிட்ட பயிர்களைச் சாகுபடி செய்கிறோம். குறைந்த செலவில் பசுமைக்குடில் அமைப்பதற்கான மாதிரியும் இங்கு இருக்கிறது.

காய்கறி நாற்றுகள் இலவசம்... நவீனத் தொழில்நுட்பம் கற்றுக்கொடுக்கும் இந்தோ-இஸ்ரேல் காய்கறி மையம்!

மேலும், திறந்தவெளியில் நவீனத் தொழில்நுட்பங்களைப் பயன்படுத்திச் சாகுபடி செய்யும் முறைகளையும் கற்றுத் தருகிறோம். அதற்காக இரண்டு ஏக்கர் பரப்பில் காய்கறிகளைச் சாகுபடி செய்து வருகிறோம். உயர் தொழில்நுட்ப பாலிஹவுஸில் உற்பத்தி செய்யப்படும் நாற்றுகளை, தேசிய தோட்டக்கலை இயக்கம் திட்டத்தின் மூலமாகத் திண்டுக்கல் மாவட்ட விவசாயிகளுக்கு இலவசமாக வழங்கி வருகிறோம். மற்ற மாவட்ட விவசாயிகளுக்கு மிகக்குறைந்த கட்டணத்தில் வழங்கி வருகிறோம். நாற்றுகள் தேவைப்படும் விவசாயிகள் அந்தந்தப் பகுதியில் உள்ள தோட்டக்கலைத்துறை அலுவலர்களை அணுகலாம். இதற்குச் சாகுபடி நிலத்துக்கான சிட்டா, பட்டா, ஆதார் அட்டை நகல் மற்றும் இரண்டு பாஸ்போர்ட் புகைப்படங்களுடன் விண்ணப்பிக்க வேண்டும். ஒரு விவசாயிக்கு அதிகபட்சமாக ஐந்து ஏக்கர் வரை நடவு செய்வதற்கான நாற்றுகள் வழங்கப்படும். நடப்பு ஆண்டில், 550 ஹெக்டேர் பரப்பில் சாகுபடி செய்வதற்கான நாற்றுகளை வழங்கியிருக்கிறோம். இம்மையத்தின் மூலம் இதுவரை, கிட்டத்தட்ட ஆயிரம் விவசாயிகளுக்கு மேல் பயனடைந்திருக்கிறார்கள்.

காய்கறி நாற்றுகள் இலவசம்... நவீனத் தொழில்நுட்பம் கற்றுக்கொடுக்கும் இந்தோ-இஸ்ரேல் காய்கறி மையம்!

தக்காளி, கத்திரி, மிளகாய், காலிஃப்ளவர் போன்ற பயிர்களின் நாற்றுகள் இங்கு கிடைக்கின்றன. இந்நாற்றுகள், உயர் தொழில்நுட்பத்தில் உற்பத்தி செய்யப்படுவதால் சீரான வளர்ச்சி, சீரான மகசூல் ஆகியவற்றைக் கொண்டிருக்கும். வேர் வளர்ச்சியும் சிறப்பாக இருக்கும். வழக்கமான முறையில் 25 நாள்களில் நாற்றுகள் தயாராகும். ஆனால், உயர் தொழில்நுட்பக் குடிலில் உற்பத்தி செய்யும்போது 17 நாள்களிலேயே நாற்றுகள் தயாராகி விடுகின்றன. 

காய்கறி நாற்றுகள் இலவசம்... நவீனத் தொழில்நுட்பம் கற்றுக்கொடுக்கும் இந்தோ-இஸ்ரேல் காய்கறி மையம்!

இந்நாற்றுகளை நடவு செய்து முறையாகப் பராமரித்தால் ஒரு ஏக்கருக்குச் சராசரியாக 20 டன் வரை மகசூல் கிடைக்கும். மிளகாயில் குண்டு, சம்பா உட்பட நான்கு வகை நாற்றுகளைக் கொடுக்கிறோம். உயர் தொழில்நுட்ப மையம் வருவதற்கு முன்பாகத் திண்டுக்கல் தோட்டக்கலைத் துறை மூலமாக ஆண்டுக்கு அதிகபட்சம் 20 லட்சம் நாற்றுகள் வரை மட்டுமே கொடுக்கப்பட்டது. இந்தத் தொழில்நுட்பத்தில் உற்பத்தியைத் தொடங்கிய பிறகு, இந்த ஆண்டு மட்டும் ஒரு கோடியே பத்து லட்சம் நாற்றுகள் வழங்கியிருக்கிறோம்” என்று சொல்லி முடித்தார்.

தொடர்புக்கு, சீனிவாசன், செல்போன்: 94434 55477.

ஆர்.குமரேசன் - படங்கள்: வீ.சிவக்குமார்

டிப்ளமோ தோட்டக்கலை... தொழில்முனைவோர் பயிற்சி!

ம்மையத்தில் விவசாயிகளுக்கு அளித்து வரும் பயிற்சிகள் குறித்துச் சொன்னார், சீனிவாசன்.

“உயர் தொழில்நுட்பத்தில் காய்கறிச் சாகுபடி குறித்த பயிற்சி வகுப்புகளும் இங்கு உண்டு. அந்தந்த மாவட்டத் தோட்டக்கலைத் துறை மூலமாக விவசாயிகள் இங்கு வந்து பயிற்சி பெற்றுச் செல்கிறார்கள். தனியாகப் பயிற்சி பெற விரும்பும் விவசாயிகள், முன் அனுமதி பெற்று வரலாம். திறந்தவெளிச் சாகுபடியில் பூச்சி, நோய் தாக்குதல் அதிகம் வரும். வெப்பநிலை பாதிப்பு இருக்கும். பசுமைக்குடில் மூலமாகச் சாகுபடி செய்யும்போது 80 சதவிகிதம் வெளிச்சூழ்நிலையிலிருந்து பாதுகாப்பு கிடைக்கும். பூச்சி, நோய்த் தாக்குதல் இருக்காது. மகசூல் பல மடங்கு அதிகரிக்கும். தற்போது வழக்கமான பசுமைக்குடிலில் வெள்ளரி மற்றும் தக்காளி மட்டுமே சாகுபடி செய்கிறார்கள் விவசாயிகள். ஜூலை முதல் பிப்ரவரி வரை குடமிளகாய்ச் சாகுபடி செய்யலாம். இந்தக் காலத்தில் நல்ல விலை கிடைக்கும். இதற்குப் பெங்களூருவில் நல்ல சந்தை வாய்ப்பு இருக்கிறது. பசுமைக்குடிலில் விவசாயம் செய்யும் முறைகளையும் இங்கு கற்றுக் கொடுக்கிறோம்.

இந்த ஆண்டு முதல் இங்கு குறைந்த கட்டணத்தில் தோட்டக்கலைப் பட்டயப்படிப்பு தொடங்கப்பட்டுள்ளது. 40 மாணவர்கள் இங்கேயே தங்கிப் படித்துக் கொண்டிருக்கிறார்கள். பனிரெண்டாம் வகுப்பு முடித்த மாணவர்கள் இதற்கு விண்ணப்பிக்கலாம். முன்பு... தமிழ்நாடு வேளாண் பல்கலைக்கழகத்தின் கீழ் இயங்கும் பேச்சிப்பாறை கல்லூரி, மேல்மருவத்தூர் அருகே கலவையில் ஒரு கல்லூரி, சென்னை மாதவரத்தில் தோட்டக்கலைத் துறை சார்பாக ஒரு கல்லூரி என இப்படிப்புத் தமிழகத்தில் மூன்று கல்லூரிகளில் மட்டுமே இருந்தது.

2018-19-ம் ஆண்டு, திண்டுக்கல் மற்றும் தளியில் இப்படிப்பு துவங்கப்பட்டுள்ளது. இரண்டு இடங்களிலும் தலா 50 மாணவர்கள் படிக்க முடியும். எட்டாம் வகுப்பு படித்த, பதினெட்டு வயது நிரம்பியவர்களுக்காகத் தொழில்முனைவோர் பயிற்சியும் இங்கு இலவசமாக வழங்கப்படுகிறது. தொழில் முனைவோர் பயிற்சியில்... நர்சரி அமைக்கும் முறைகள், பொக்கே (பூங்கொத்து) தயாரிப்பு, சொட்டு நீர்ப் பாசனம் அமைப்பது உள்ளிட்ட பல்வேறு தொழில்நுட்பப் பயிற்சிகள் வழங்கப்படுகின்றன. காய்கறிச் சாகுபடியில் நவீனத் தொழில்நுட்பங்களைப் பற்றித் தெரிந்துகொள்ள விரும்பும் விவசாயிகள், டிப்ளமோ தோட்டக்கலைப் படிப்புப் பயில நினைக்கும் மாணவர்கள், தோட்டக்கலைத் துறையில் தொழில் வாய்ப்புகள் பற்றித் தெரிந்துகொள்ள நினைப்பவர்கள் போன்றோர் இந்த மையத்தைப் பயன்படுத்திக் கொள்ளலாம்” என்று அழைப்பு விடுத்தார்.    

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism