Published:Updated:

வெகுமதி தரும் நாட்டு வெள்ளரி! - 15 சென்ட்... 5 மாதங்கள்... ரூ. 40,000 லாபம்!

வெகுமதி தரும் நாட்டு வெள்ளரி! - 15 சென்ட்... 5 மாதங்கள்... ரூ. 40,000 லாபம்!
பிரீமியம் ஸ்டோரி
வெகுமதி தரும் நாட்டு வெள்ளரி! - 15 சென்ட்... 5 மாதங்கள்... ரூ. 40,000 லாபம்!

மகசூல்

வெகுமதி தரும் நாட்டு வெள்ளரி! - 15 சென்ட்... 5 மாதங்கள்... ரூ. 40,000 லாபம்!

மகசூல்

Published:Updated:
வெகுமதி தரும் நாட்டு வெள்ளரி! - 15 சென்ட்... 5 மாதங்கள்... ரூ. 40,000 லாபம்!
பிரீமியம் ஸ்டோரி
வெகுமதி தரும் நாட்டு வெள்ளரி! - 15 சென்ட்... 5 மாதங்கள்... ரூ. 40,000 லாபம்!

கோடைக்காலத்தில், அனைவரும் விரும்பி சாப்பிடும் காய்களில் ஒன்று வெள்ளரிக்காய். முன்பெல்லாம், வீட்டுத்தோட்டத்திலும் வயல் வரப்புகளிலும் நாட்டு வெள்ளரியை நடவு செய்து குடும்பத்தேவைக்கு வைத்துக் கொள்வார்கள் விவசாயிகள். சிலர் குறைந்த பரப்பில் நாட்டு வெள்ளரிச் சாகுபடியை மேற்கொண்டு வெள்ளரிக்காய், வெள்ளரிப்பழம் என விற்பனை செய்வார்கள். ஆனால், தற்போது நாட்டு வெள்ளரியைப் பார்ப்பதே அரிதாகிவிட்டது. 

வெகுமதி தரும் நாட்டு வெள்ளரி! - 15 சென்ட்... 5 மாதங்கள்... ரூ. 40,000 லாபம்!

பெரும்பாலும் வீரிய ரக வெள்ளரிதான் விற்பனைக்கு வருகிறது. ஆனாலும், கோடைக்காலத்தில் விற்பனை செய்யும் வகையில் நாட்டு வெள்ளரிச் சாகுபடி செய்யும் விவசாயிகளும் பலர் உண்டு. அவர்களில் ஒருவர்தான், தஞ்சாவூர் மாவட்டத்தைச் சேர்ந்த தங்கவேலு. இவர் 15 சென்ட் பரப்பில் நாட்டு வெள்ளரியை இயற்கை முறையில் சாகுபடி செய்து நேரடி விற்பனையிலும் ஈடுபட்டு வருகிறார்.

பாப்பாநாடு அருகில் உள்ள தொண்டராம்பட்டு மேற்கு கிராமத்தில் இருக்கிறது, தங்கவேலுவின் வெள்ளரி வயல். ஒரு பகல் பொழுதில் வயலில் இருந்த தங்கவேலுவைச் சந்தித்துப் பேசினோம்.

“நான்காம் வகுப்பு வரைதான் படிச்சேன். அதுக்கப்புறம் அப்பாகூட விவசாய வேலைகளைச் செய்ய ஆரம்பிச்சுட்டேன். எனக்கு மொத்தம் 66 சென்ட் நிலம் இருக்கு. மணலும் செம்மண்ணும் கலந்த இருமண்பாடு. சம்பாப் பருவத்துல ஆத்துத்தண்ணி கிடைச்சா நெல் சாகுபடி செய்வேன். கோடையில பக்கத்து விவசாயிகிட்ட இருந்து தண்ணீர் வாங்கி, வெள்ளரி, உளுந்துனு சாகுபடி செய்வேன். தோட்டத்துல எல்லா வேலைகளையும் நானே செஞ்சுடுவேன்.

ஒட்டுமொத்த விகடனுக்கும் ஒரே ஷார்ட்கட்!

வெகுமதி தரும் நாட்டு வெள்ளரி! - 15 சென்ட்... 5 மாதங்கள்... ரூ. 40,000 லாபம்!

நெல், உளுந்துக்குப் பூச்சிக்கொல்லி அடிக்கிறதில்லை. குறைஞ்ச அளவுலதான் ரசாயன உரங்களைப் பயன்படுத்துறேன். ஆனா, பத்து வருஷமா நாட்டு வெள்ளரியை மட்டும்... ஆட்டு எரு, மூலிகைக்கரைசல், பஞ்சகவ்யானு கொடுத்து இயற்கை முறையில்தான் சாகுபடி செய்றேன். நான் வளர்க்குற ரெண்டு ஆடுகளோட எருவே 15 சென்ட்டுக்குப் போதுமானதா இருக்குது. எரு பத்தாத காலங்கள்ல வெளியில வாங்கிக்குவேன்.

வீரிய ரக வெள்ளரி பார்க்கிறதுக்குச் சின்னதா இருந்தாலும், அதுல சுவையும் நீர்ச்சத்தும் குறைவாகத்தான் இருக்கும். ஆனா, நாட்டு வெள்ளரியில, பிஞ்சுகளே நீளமா திரட்சியா இருக்கும். நீர்ச்சத்தும் அதிகமா இருக்கும். அதுவும் இயற்கை முறையில விளையுற வெள்ளரி நல்ல சுவையா இருக்கறதோடு உடம்புக்குக் குளிர்ச்சியையும் கொடுக்கும்” என்ற தங்கவேலு மகசூல் மற்றும் வருமானம் குறித்துச் சொல்ல ஆரம்பித்தார்.

“இயற்கை முறையில வெள்ளரி செழிப்பா விளையுது. ஒவ்வொரு வருஷமும் 15 சென்ட் பரப்புல வெள்ளரி நடவு செய்வேன். தை மாச கடைசியில் விதைச்சா, சித்திரை மாசம் துவங்குறப்போ அறுவடைக்கு வந்துரும். தொடர்ந்து மூணு மாசம் வரைக்கும் பறிப்பு இருக்கும்.  எங்க ஊர்ல டாஸ்மாக் கடைக்குப் பக்கத்துல கடைபோட்டு நானே நேரடியா விற்பனை செஞ்சுடுவேன். வெள்ளரிப்பிஞ்சோட அளவை வெச்சு ஒரு பிஞ்சுக்கு 5 ரூபாய்ல இருந்து 15 ரூபாய் வரை நானே விலை நிர்ணயம் பண்ணி விற்பனை செய்வேன். அறுவடை செய்றதுல பெரும்பாலான பிஞ்சுகள், ஒரு பிஞ்சு 10 ரூபாய்னு விற்பனை ஆகிடும். 15 சென்ட் நிலத்துல மொத்தம் 5,000 பிஞ்சுகளுக்கு மேல மகசூல் கிடைக்கும். ஒரு பிஞ்சு 10 ரூபாய்னு விற்பனை செஞ்சா, மொத்தம் 50,000 ரூபாய் வருமானம் கிடைச்சுடும்.

எனக்கு உழவுக்கும் விதைக்கும் மட்டும்தான் செலவு. அதுக்கு 400 ரூபாய் வரை செலவாகும். மத்த வேலைகள் எல்லாத்தையும் நானே செஞ்சுக்குவேன். அதுகெல்லாம் ஒரு சம்பளம் போட்டு மொத்தச் செலவு 10,000 ரூபாய்னு வெச்சுக்கிட்டாலும் மீதி 40,000 ரூபாய் லாபமா நிக்கும்” என்ற தங்கவேலு நிறைவாக,

“இப்போ வயல்ல இருக்குற வெள்ளரியை நடவு செஞ்சு 45 நாளாகுது. பூ எடுத்துப் பிஞ்சு பிடிக்க ஆரம்பிச்சுடுச்சு. இன்னும் 10 நாள்கள்ல அறுவடைக்கு வந்துடும். பூ எடுத்துருக்குறதை வெச்சுப்பார்த்தா இந்த வருஷமும் 5,000 பிஞ்சுகளுக்குக் குறையாம மகசூல் கிடைச்சுடும்னு எதிர்பார்க்குறேன்” என்று நம்பிக்கையுடன் சொல்லி விடைகொடுத்தார்.

தொடர்புக்கு, தங்கவேலு, செல்போன்: 96262 97670.

கு.ராமகிருஷ்ணன் - படங்கள்: ம.அரவிந்த்

மூலிகைக் கரைசல்!

டாதொடை, எருக்கன், நொச்சி, வேம்பு, பீநாரி, நெய்வேலிக் காட்டாமணக்கு ஆகிய இலைகளைச் சமஅளவில் எடுத்து நறுக்கி... ஒரு பாத்திரத்தில் இட்டு அவை மூழ்கும் அளவுக்குத் தண்ணீர் சேர்த்துக் கொதிக்க வைக்க வேண்டும்.

 நன்கு கொதித்ததும் இறக்கி பாத்திரத்தின் வாயை ஒரு சணல் சாக்கால் கட்டி 24 மணி நேரம் வைக்க வேண்டும். பிறகு பாத்திரத்தில் தெளிந்த நிலையில் உள்ள கரைசலில் 1 லிட்டர் அளவு எடுத்து, 32 லிட்டர் தண்ணீரில் கலந்து கொடிகள்மீது தெளிக்க வேண்டும்.

வெகுமதி தரும் நாட்டு வெள்ளரி! - 15 சென்ட்... 5 மாதங்கள்... ரூ. 40,000 லாபம்!

இப்படித்தான் சாகுபடி செய்யணும்!

15
சென்ட் பரப்பில் இயற்கை முறையில் நாட்டு வெள்ளரிச் சாகுபடி செய்யும் முறை குறித்துத் தங்கவேலு சொன்ன விஷயங்கள் பாடமாக இங்கே...

தேர்ந்தெடுக்கப்பட்ட 15 சென்ட் நிலத்தில் களைகள் நீங்குமாறு 2 சால் உழவு ஓட்ட வேண்டும். பிறகு செடிக்குச் செடி 10 அடி, வரிசைக்கு வரிசை 20 அடி இடைவெளி இருக்குமாறு 2 அடி விட்டம், 2 அடி ஆழம் என்ற அளவில் குழிகள் எடுக்க வேண்டும். ஒவ்வொரு குழியிலும் 25 கிலோ ஆட்டு எருவுடன் நிலத்தின் மேல் மண்ணைக் கலந்து நிரப்பி 10 நாள்கள் ஆற விட வேண்டும். பிறகு குழியில் உள்ள மண்ணைக் கிளறிச் சமப்படுத்தி மண் ஈரமாகும் அளவுக்குத் தண்ணீர் ஊற்ற வேண்டும். பிறகு, குழியின் நான்கு மூலைகளிலும் ஒன்றரை அங்குல ஆழத்துக்குப் பள்ளம் பறித்து, ஒரு பள்ளத்துக்கு ஒரு விதை வீதம் விதைத்து லேசாகத் தண்ணீர் தெளிக்க வேண்டும். தொடர்ந்து ஒருநாள் விட்டு ஒருநாள் குழியை ஈரப்படுத்தும் அளவுக்குத் தண்ணீர் விட்டு வர வேண்டும். 15 நாள்களுக்குப் பிறகு 3 நாள்களுக்கு ஒருமுறை தண்ணீர் விட வேண்டும். 10 நாள்களுக்கு ஒருமுறை 10 லிட்டர் தண்ணீரில் 500 மில்லி பஞ்சகவ்யா கலந்து கொடிகள்மீது தெளிக்க வேண்டும்.

விதைத்த 7-ஆம் நாள், விதைகள் முளைக்கத் தொடங்கும். 30-ஆம் நாளுக்கு மேல் கொடிகள் படரத் தொடங்கும். கொடிகள் படரும் வரை அவ்வப்போது களைகளை அகற்றி வர வேண்டும். படர்ந்தபிறகு களைகளை அகற்றக் கூடாது. அந்தக் களைச்செடிகள் மீதுதான் வெள்ளரிக் கொடி படரும். நேரடியாக நிலத்தில் படர்ந்தால், வெப்பத்தைத் தாங்க முடியாமல் கொடிகள் வாடிவிடும். 35-ஆம் நாள், ஓர் அடி அகலம், அரையடி ஆழத்துக்கு வாய்க்கால் அமைத்து, மண்ணின் தேவைக்குத் தண்ணீர் பாய்ச்ச வேண்டும். பச்சைப்புழுத் தாக்குதல் தென்பட்டால் மூலிகைக்கரைசல் தெளித்துக் கட்டுப்படுத்தலாம்.

மஞ்சள் வண்டுகள் தென்பட்டால், அவற்றைப் பிடித்துப் பாட்டிலில் போட்டு அவை இறந்ததும் பாட்டிலில் தண்ணீரை நிரப்பி, கொடிகள்மீது தெளிக்க வேண்டும். இக்கரைசலில் வீசும் துர்நாற்றம் காரணமாக மஞ்சள் வண்டுகள் வராது. மெல்லிய துணியில் சாம்பலைக் கட்டி, கொடிகள்மீது தூவியும் மஞ்சள் வண்டுகளைக் கட்டுப்படுத்தலாம். 40-ஆம் நாளுக்கு மேல் பூவெடுத்துப் பிஞ்சுகள் தென்படும். 55-ஆம் நாளுக்கு மேல் அறுவடை செய்யலாம். தொடர்ந்து மூன்று மாதங்களுக்கு வெள்ளரியை அறுவடை செய்யலாம். 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism