Published:Updated:

ஆராய்ச்சி... புதிய ரக உற்பத்தி... சான்றிதழ்ப் படிப்பு... அசத்தும் தென்னை ஆராய்ச்சி நிலையம்!

ஆராய்ச்சி... புதிய ரக உற்பத்தி... சான்றிதழ்ப் படிப்பு... அசத்தும் தென்னை ஆராய்ச்சி நிலையம்!
பிரீமியம் ஸ்டோரி
ஆராய்ச்சி... புதிய ரக உற்பத்தி... சான்றிதழ்ப் படிப்பு... அசத்தும் தென்னை ஆராய்ச்சி நிலையம்!

தொழில்நுட்பம்

ஆராய்ச்சி... புதிய ரக உற்பத்தி... சான்றிதழ்ப் படிப்பு... அசத்தும் தென்னை ஆராய்ச்சி நிலையம்!

தொழில்நுட்பம்

Published:Updated:
ஆராய்ச்சி... புதிய ரக உற்பத்தி... சான்றிதழ்ப் படிப்பு... அசத்தும் தென்னை ஆராய்ச்சி நிலையம்!
பிரீமியம் ஸ்டோரி
ஆராய்ச்சி... புதிய ரக உற்பத்தி... சான்றிதழ்ப் படிப்பு... அசத்தும் தென்னை ஆராய்ச்சி நிலையம்!

கோயம்புத்தூரில் உள்ள தமிழ்நாடு வேளாண்மைப் பல்கலைக்கழகம்... அதிக விளைச்சல் தரக்கூடிய பயிர் ரகங்களைக் கண்டுபிடித்தல், புதிய வேளாண் தொழில்நுட்பங்களைக் கண்டுபிடித்தல் போன்ற பணிகளுக்காகப் பல ஆராய்ச்சிகளை மேற்கொண்டு வருகிறது. நெல், பருத்தி, மஞ்சள், வாழை, மக்காச்சோளம், கரும்பு, ஆமணக்கு, மானாவாரிப் பயிர்கள், சிறுதானியங்கள் என்று ஒவ்வொரு பயிருக்கும் தனித்தனியாக வெவ்வேறு இடங்களில் ஆராய்ச்சி மையங்கள் செயல்பட்டு வருகின்றன. அந்த வகையில் தென்னைக்காகக் கோயம்புத்தூர் மாவட்டம், பொள்ளாச்சிக்கு அருகில் உள்ள ஆழியார் நகரில் ஓர் ஆராய்ச்சி நிலையம் செயல்பட்டு வருகிறது.

ஆராய்ச்சி... புதிய ரக உற்பத்தி... சான்றிதழ்ப் படிப்பு... அசத்தும் தென்னை ஆராய்ச்சி நிலையம்!

தென்னை ஆராய்ச்சி நிலையத்தின் செயல்பாடுகளை அறிந்துகொள்ளும் விதமாக, ஆராய்ச்சி நிலையத்தின் தலைவர் மற்றும் பேராசிரியர் முனைவர் வெங்கடேசனைச் சந்தித்துப் பேசினோம்.

“1960-களில் பொள்ளாச்சிப் பகுதியில் மானாவாரி விவசாயம் மட்டும்தான் பிரதானமாக இருந்தது. அதனால், மானாவாரிச் சாகுபடி செய்யும் விவசாயிகளுக்காக 1963-ம் ஆண்டு இந்த வேளாண்மை ஆராய்ச்சி நிலையம் நிறுவப்பட்டது. 1965-ம் ஆண்டில் ஆழியார் அணை கட்டி முடிக்கப்பட்ட பிறகு, பரம்பிக்குளம்-ஆழியார் பாசனத்திட்டம் துவக்கப்பட்டதால், மானாவாரி நிலங்கள் எல்லாம் இறவைப் பாசன நிலங்களாக மாறின. அதனால், இப்பகுதிகளுக்கு ஏற்ற பயிர்கள் மற்றும் அவற்றுக்கான தொழில்நுட்பங்களைக் கண்டறியும் பணியில், இந்த ஆராய்ச்சி நிலையம் ஈடுபட்டு வந்தது. காலப்போக்கில் நல்ல தண்ணீர் வசதி இருந்தும் ஆள் பற்றாக்குறை காரணமாகப் பல விவசாயிகள் தென்னைச் சாகுபடிக்கு மாற ஆரம்பித்தனர். அதனால், கடந்த 2002-ஆம் ஆண்டில் வேளாண்மை ஆராய்ச்சி நிலையம் என்ற பெயரைத் தென்னை ஆராய்ச்சி நிலையம் என்று மாற்றியது, வேளாண்மைப் பல்கலைக்கழகம்.

ஒட்டுமொத்த விகடனுக்கும் ஒரே ஷார்ட்கட்!

ஆராய்ச்சி... புதிய ரக உற்பத்தி... சான்றிதழ்ப் படிப்பு... அசத்தும் தென்னை ஆராய்ச்சி நிலையம்!

பரம்பிக்குளம்-ஆழியார் நீர்ப்பாசனத் திட்டத்தில் பயன்பெறும் பகுதிகளுக்கு ஏற்ற பயிர்த்திட்டங்களைத் தேர்வு செய்தல், இப்பகுதிக்கான புதிய ரகங்களை மேம்படுத்துதல், தென்னையில் ஒருங்கிணைந்த பூச்சி மற்றும் நோய் மேலாண்மை உத்திகளை மேம்படுத்துதல், ஒட்டுரகத் தென்னங்கன்றுகளை உற்பத்தி செய்து விவசாயிகளுக்கு வழங்குதல் போன்றவைதான் இந்த நிலையத்தின் முக்கியப் பணிகள்.

இங்கு மண்ணியல், சுற்றுச்சூழல் அறிவியல், தோட்டக்கலை, நோயியல் மற்றும் பூச்சியியல் ஆகிய துறைகளைச் சேர்ந்த விஞ்ஞானிகள்மூலம் 35 ஆராய்ச்சிகள் மேற்கொள்ளப்பட்டு வருகின்றன. பல்கலைக்கழகத்தின் ஆராய்ச்சித்திட்டங்கள், பிற முகமைகளின் ஆராய்ச்சித் திட்டங்கள், இந்திய வேளாண் ஆராய்ச்சிக்கழகத்தின் அகில இந்திய ஒருங்கிணைந்த பயிர் மேம்பாட்டுத்திட்டத்தின் ஆராய்ச்சிகள் எனப் பல திட்டங்கள் செயல்பாட்டில் உள்ளன.

ஆராய்ச்சி... புதிய ரக உற்பத்தி... சான்றிதழ்ப் படிப்பு... அசத்தும் தென்னை ஆராய்ச்சி நிலையம்!

தென்னை ரகங்கள் மற்றும் தேர்வு செய்யப்பட்ட கலப்பினங்களைத் திறனாய்வு செய்தல், அதிக மகசூல் மற்றும் எண்ணெய்த் திறன் கொண்ட கலப்பின ரகங்களை உருவாக்குதல், தென்னையில் ஊடுபயிராகச் சாகுபடி செய்யக்கூடிய இஞ்சி ரகங்களைத் தேர்வு செய்தல், தென்னையில் ஒருங்கிணைந்த உர நிர்வாகம், கோகோ மற்றும் குறுமிளகு ஆகிய ஊடுபயிர்களில் விளைச்சலை அதிகரித்தல் போன்றவை குறித்த ஆராய்ச்சிகள் நடைபெற்று வருகின்றன” என்ற வெங்கடேசன் ஆராய்ச்சி நிலையத்தைச் சுற்றிக் காட்டிக்கொண்டே தொடர்ந்து பேசினார்.

“பொள்ளாச்சி மற்றும் அதன் சுற்றுவட்டாரப் பகுதிகளில் நூற்றுக்கணக்கான தென்னைநார்த் தொழிற்சாலைகள் உள்ளன. அவற்றில், மஞ்சி, கயிறு, காயர்பித் போன்ற பொருள்கள் உற்பத்தி செய்யப்படுகின்றன. இத்தொழிற்சாலைகளிலிருந்து வெளியேற்றப்படும் கழிவுநீரால் சுற்றுச்சூழல் மாசுபட வாய்ப்புண்டு. அதனால், இந்தக் கழிவுநீரைச் சுத்திகரித்து மறுசுழற்சி செய்து மீண்டும் தொழிற்சாலைக்குப் பயன்படுத்துவது குறித்த ஆராய்ச்சியும் இங்கு நடைபெறுகிறது.

தென்னையைத் தாக்கும் காண்டா மிருக வண்டு, சிவப்புக்கூண் வண்டு, கருந்தலைப்புழு, வெள்ளை ஈக்கள் உள்ளிட்ட பூச்சிகளின் தாக்குதல் அளவுகளைக் கண்காணித்தல், அவற்றுக்கான எதிரிப்பூச்சிகளைக் கண்டறிந்து அவற்றை அதிகப்படுத்துதல், உயிரியல் முறையில் ஒட்டுண்ணிகள் தயாரித்து விவசாயிகளுக்கு வழங்குதல், உயிர் உரங்களைத் தென்னைக்குப் பரிந்துரைத்தல் போன்ற பணிகளும் இங்கு நடைபெறுகின்றன.

எங்கள் ஆராய்ச்சி நிலையத்திலிருந்து மூன்று தென்னை ரகங்கள் வெளியிடப்பட்டுள்ளன. அரசம்பட்டி நெட்டையிலிருந்து தேர்வு செய்யப்பட்ட ஆழியார்-1 என்கிற ரகம், ஒரு மரத்திலிருந்து சராசரி மகசூலாக ஆண்டுக்கு 125 காய்கள்வரை கொடுக்கும். அதிகப்பட்ச மகசூல் ஆண்டுக்கு 185 காய்கள். மேற்குக் கடற்கரை நெட்டை, கிழக்குக் கடற்கரை நெட்டை, வேப்பங்குளம்-3 ஆகிய நெட்டை ரகங்களைவிட 66 சதவிகிதம் கூடுதல் மகசூல் கொடுக்கும் ரகமிது. இளநீர்ப் பயன்பாட்டுக்கும் ஏற்றது. ஒரு காயில் 310 மில்லி இளநீர் கிடைக்கும். ஒரு மரத்திலிருந்து ஆண்டுக்கு 16.5 கிலோ கொப்பரை கிடைக்கும். தண்டழுகல் மற்றும் குருத்தழுகல் நோய்களைத் தாங்கும் திறன் கொண்டது. இந்த ரகம், தமிழ்நாடு கேரளா, கர்நாடகா, ஆந்திரா ஆகிய மாநிலங்களில் மேற்குக் கடற்கரை ரகத்துக்கு மாற்று ரகமாக உள்ளது. இதுவரை 20 ஆயிரத்துக்கும் அதிகமான கன்றுகள், இங்கு உற்பத்தி செய்யப்பட்டு விவசாயிகளுக்கு வழங்கப்பட்டுள்ளன.

திப்தூர் நெட்டை ரகத்திலிருந்து தேர்வு செய்யப்பட்டது ஆழியார்-2 என்கிற ரகம். ஒரு மரத்திலிருந்து ஆண்டுக்கு 109 முதல் 120 காய்கள்வரை கிடைக்கும். ஒரு மரத்திலிருந்து ஆண்டுக்கு 14 கிலோ கொப்பரை கிடைக்கும். எண்ணெய்ப் பிழிதிறன் சத்து 64.7 சதவிகிதம். இது வறட்சியைத் தாங்கும் திறன் கொண்டது. காண்டாமிருக வண்டு, சிவப்புக்கூன்வண்டு மற்றும் இலைக்கருகல் நோய் ஆகியவற்றுக்கு எதிர்ப்புத்திறன் கொண்டது. இது நீர்ப்பற்றாக்குறை உள்ள பகுதிகளுக்குப் பரிந்துரைக்கப்படுகிறது. இந்த ரகம் 2010-ஆம் ஆண்டு வெளியிடப்பட்டது. இதுவரை 5,000 கன்றுகள் உற்பத்தி செய்யப்பட்டு விவசாயிகளுக்கு வழங்கப்பட்டுள்ளன.

ஆராய்ச்சி... புதிய ரக உற்பத்தி... சான்றிதழ்ப் படிப்பு... அசத்தும் தென்னை ஆராய்ச்சி நிலையம்!

ஆழியார்-3 என்கிற ரகம், சாவக்காடு ஆரஞ்சு குட்டை ரகத்துக்குச் சிறந்த மாற்று. வணிகரீதியாக இளநீர் உற்பத்திக்குச் சிறந்த ரகம். ஆண்டுக்கு மரம் ஒன்றிலிருந்து 86 முதல் 121 காய்கள்வரை கிடைக்கும். ஒரு காயிலிருந்து 420 மில்லி இளநீர் கிடைக்கும். அதிகப் பொட்டாசியம் கொண்டது. சாவக்காடு குட்டை ரகத்தைவிட 34.1 சதவிகிதம் மற்றும் மலேசியன் மஞ்சள் குட்டை ரகத்தைவிட 37.9 சதவிகிதம் அதிக மகசூல் கொடுக்கக்கூடியது. இது ஈரியோபைட் சிலந்தித் தாக்குதலுக்கு எதிர்ப்புத்திறன் கொண்டது” என்ற வெங்கடேசன், மேம்படுத்தப்பட்ட தொழில் நுட்பங்கள் குறித்துச் சொல்ல ஆரம்பித்தார்.

“தென்னை நாற்றங்காலில் விதைத்த 6 மற்றும் 9-ஆம் மாதங்களில் தழை, மணி, சாம்பல் சத்துக்களை இட்டால் தரமான கன்றுகள் கிடைக்கும். தென்னையில் சொட்டு நீர்ப்பாசனம் சிறந்த முறையாகக் கண்டறியப்பட்டுள்ளது. கோகோ, இஞ்சி, வாழை, சித்தரத்தை மற்றும் எலுமிச்சைப்புல் ஆகியவை தென்னையில் அதிக லாபம் ஈட்டும் ஊடுபயிர்கள் எனக் கண்டறியப் பட்டுள்ளன. தென்னைமரங்களைத்தாக்கும் வண்டுகளைக் கட்டுப்படுத்த சுற்றுச்சூழலை மாசுபடுத்தாத கவர்ச்சிப்பொறிகள் கண்டுபிடிக்கப்பட்டுள்ளன.

தற்போது தென்னை விவசாயத்தில் மிகப்பெரிய பாதிப்பை ஏற்படுத்தி வருபவை, வெள்ளை ஈக்கள். இவற்றை ‘என்கார்சியா’ என்ற ஒட்டுண்ணியைக் கண்டறிந்து அவற்றைப் பெருக்கும் வழிமுறைகள் கண்டறியப்பட்டுள்ளன.

வெள்ளை ஈக்களைக் கட்டுப்படுத்தும் வழிமுறைகளை விவசாயிகளுக்குச் சொல்லிக் கொடுத்ததோடு, என்கார்சியா ஒட்டுண்ணிகளையும் ஆராய்ச்சி நிலையம் மூலமாக வழங்கப்பட்டுள்ளன” என்ற வெங்கடேசன் நிறைவாக,

“இங்கு 2006-ஆம் ஆண்டிலிருந்து தென்னைச் சாகுபடி தொழில்நுட்பங்கள் குறித்த சான்றிதழ்ப் படிப்பு நடத்தப்பட்டு வருகிறது. தென்னையில் ஒருங்கிணைந்த நோய் மற்றும் பூச்சி மேலாண்மை குறித்த விழிப்பு உணர்வு நிகழ்ச்சிகள் நடத்தப்பட்டு வருகின்றன. கோகோ மற்றும் தென்னைச் சாகுபடி தொழில்நுட்பங்கள், உயிரி இடுபொருள் உற்பத்தி, மண்புழு உர உற்பத்தி போன்ற பல்வேறு பயிற்சிகளும் இங்கு வழங்கப்படுகின்றன. விவசாயிகள் இவற்றைப் பயன்படுத்திக்கொள்ள வேண்டும்” என்று சொல்லி விடைகொடுத்தார்.

தொடர்புக்கு,
முனைவர் வெங்கடேசன்,
செல்போன்: 94438 99822.
தொலைபேசி: 04253 288622.


ஜி.பழனிச்சாமி - படங்கள்: தி.விஜய்  

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism