Published:Updated:

விவசாய மானியங்களைப் பெறுவது எப்படி?

விவசாய மானியங்களைப் பெறுவது எப்படி?
பிரீமியம் ஸ்டோரி
விவசாய மானியங்களைப் பெறுவது எப்படி?

சட்டப்பஞ்சாயத்து வழிகாட்டும் தொடர்... 7சட்டம்சிவ.இளங்கோ

விவசாய மானியங்களைப் பெறுவது எப்படி?

சட்டப்பஞ்சாயத்து வழிகாட்டும் தொடர்... 7சட்டம்சிவ.இளங்கோ

Published:Updated:
விவசாய மானியங்களைப் பெறுவது எப்படி?
பிரீமியம் ஸ்டோரி
விவசாய மானியங்களைப் பெறுவது எப்படி?

விவசாயத்தை ஊக்குவிக்கும் வகையில் விவசாய உற்பத்தியைப் பெருக்கும் நோக்கத்தில் மத்திய, மாநில அரசுகள் விவசாயிகளுக்கு விதைகள், இடுபொருள்கள், வேளாண் கருவிகள் மற்றும் வேளாண் சார்ந்த தொழில்கள் உள்ளிட்டவைகளுக்கு மானியம் வழங்கி வருகிறது. 

விவசாய மானியங்களைப் பெறுவது எப்படி?

இதைப் பெரும்பாலான விவசாயிகள் பயன்படுத்துவதில்லை அல்லது பயன்படுத்த விவரம் தெரிவதில்லை. இதனால், அரசு வழங்கும் இந்த மானிய திட்டத்தின் பயன் முழுமையாக விவசாயிகளைச் சென்று சேர்வதில்லை.  அரசு வழங்கும் இந்த மானிய திட்டத்தைத் தெரிந்துகொண்டு தேவையான மானியத்தைப் பெற்று, விவசாயம் செய்வதன் மூலம் உற்பத்தியைப் பெருக்கி லாபத்தை அதிகரிக்க முடியும். தமிழக அரசு விவசாயத்துக்குக் கொடுக்கும் மானியங்கள் என்னென்ன என்று பார்க்கலாம். 

ஒட்டுமொத்த விகடனுக்கும் ஒரே ஷார்ட்கட்!

விவசாய மானியங்களைப் பெறுவது எப்படி?

விதைகள், பண்ணை இயந்திரங்கள், சூரிய சக்தி பம்ப்செட், நிழல்வலைக் குடில், பசுமைக்குடில், சிப்பம் கட்டும் அறை, உயர்தர நாற்றங்கால், சிறிய நாற்றங்கால், புதிய திசு வளர்ப்புக் கூடம், பறவைத் தடுப்பு வலை, பிளாஸ்டிக் நிலப்போர்வை, தேனீப் பெட்டிகள், முன் குளிர்விப்பு அறை, குளிரூட்டப்பட்ட வாகனம், நகரும் விற்பனை வண்டி, வெங்காயச் சேமிப்புக் கிடங்கு, காளான் வளர்ப்பு, நுண்ணீர்ப் பாசனம், பழுக்க வைக்கும் அறை, தோட்டக்கலை நாற்றுகள், ஊன்றுகோல் / முட்டுக் கொடுத்தல், நிரந்தர மண்புழுக் கூடம், மண்புழுப் படுக்கை, குளிர்பதனக் கிடங்கு, நீர் சேமிப்புக் கட்டமைப்பு, பி.வி.சி குழாய்கள், வேளாண்மை இயந்திர வாடகை மையம் உள்ளிட்டவற்றுக்கு அரசு மானியத்தொகை வழங்கி வருகிறது.

ஒவ்வொருவரும் இந்த மானியத்தைப் பெற்றுப் பயன்படுத்திக்கொள்ள முடியும். இனி, என்னென்ன திட்டங்களுக்கு எவ்வளவு மானியம், தகுதிகள் என்னென்ன என்பதைப் ஒவ்வொரு திட்டம் வாரியாகப் பார்ப்போம். நெல், சோளம், மக்காச்சோளம், கம்பு, கேழ்வரகு, உளுந்து, பாசிப்பயறு, துவரை, பருத்தி, நிலக்கடலை உள்ளிட்ட விதைகளுக்கு அரசு மானியம் கொடுக்கிறது. சான்று நெல் விதை உற்பத்திக்கு ஊக்கத்தொகையாக ஒரு குவிண்டாலுக்கு 800 ரூபாய் வழங்கப்படுகிறது.  உயர்ரக நெல் வழங்குதல் திட்டத்தில் ஒரு குவிண்டாலுக்கு 1,000 ரூபாய் மானியம் வழங்கப்படுகிறது. சோளம், மக்காச்சோளம், கம்பு, கேழ்வரகு தானிய விதைகள் வழங்குதல் திட்டத்தில், ஒரு குவிண்டாலுக்கு 1,500 ரூபாய் மானியம் வழங்கப்படுகிறது. 5 ஏக்கருக்குள் நிலம் வைத்துள்ள விவசாயிகள் மட்டுமே, இந்த மூன்று திட்டங்கள் மூலம் பயன்பெற முடியும்.

விவசாய மானியங்களைப் பெறுவது எப்படி?

உளுந்து, பாசிப்பயறு, துவரை ஆகியவை தானிய விதைகள் உற்பத்தித் திட்டத்தில் ஒரு குவிண்டாலுக்கு 2,500 ரூபாய் மானியம் வழங்கப்படுகிறது 10 ஏக்கருக்குள் நிலம் உள்ள விவசாயிகள், இந்தத் திட்டத்தில் பயன்பெறலாம். ஆதார பருத்தி விதை உற்பத்தித் திட்டத்தில், ஒரு குவிண்டாலுக்கு 4,000 ரூபாய் மானியம் வழங்கப்படுகிறது.

ஆதார பருத்தி விதை வழங்குதல் திட்டத்தில் ஒரு குவிண்டாலுக்கு 4,200 ரூபாய் மானியம் வழங்கப்படுகிறது. பருத்திச் சாகுபடி செய்யும் விவசாயிகள் இதற்கு விண்ணப்பிக்கலாம். நில உச்சவரம்பு கிடையாது. அடுத்து, நிலக்கடலை சான்று விதை உற்பத்தி திட்டத்தில் ஒரு குவிண்டாலுக்கு 1,000 ரூபாய் மானியம் வழங்கப்படுகிறது. ஆதார நிலக்கடலை விதை உற்பத்தித் திட்டத்தில் ஒரு குவிண்டாலுக்கு 1,000 ரூபாய் மானியமாக வழங்கப்படுகிறது. சான்று நிலக்கடலை விதை வழங்குதல் திட்டத்தில், ஒரு குவிண்டாலுக்கு 2,500 ரூபாய் மானியமாக வழங்கப்படுகிறது. நிலக்கடலைச் சாகுபடி செய்யும் விவசாயிகள், இந்தத் திட்டத்தின் மூலம் பயன்பெறலாம். நில உச்சவரம்பு கிடையாது. அண்மையில் வெளிவந்த பசுமை விகடன் இதழில் ‘ஒரேமுறை முதலீடு தொடர்ந்து கொட்டும் வருமானம்’ என்ற தலைப்பில் தேனீ வளர்ப்புக் குறித்துக் கட்டுரை இடம்பெற்றிருந்தது. தேனீப் பெட்டிகளுக்கான தோட்டக்கலைத்துறை மூலம் மானியம் எவ்வளவு கொடுக்கப்படுகிறது என்பது குறித்தும் பார்ப்போம். அயல் மகரந்த சேர்க்கை ஊக்குவித்தல் திட்டத்தின் வாயிலாக ஒரு தேனீப் பெட்டிக்கு 1,600 ரூபாய் (40 சதவிகிதம்) மானியமாக வழங்கப்படுகிறது.

சென்னை, காஞ்சிபுரம், கரூர், நாமக்கல், நாகப்பட்டினம், திருவண்ணாமலை, திருவாரூர், தூத்துக்குடி, விருதுநகர் ஆகிய அதிக நெல் சாகுபடி செய்யும் மாவட்டங்கள் தவிர்த்து மற்ற மாவட்ட விவசாயிகளுக்கு தேனீப் பெட்டி மானியம் வழங்கப்படுகிறது. ஒரு விவசாயிக்கு அதிகபட்சமாக 50 தேனீப் பெட்டிகளுக்கான மானியத்தொகை வழங்கப்படுகிறது. 

விவசாய மானியங்களைப் பெறுவது எப்படி?

மானியம் பெற ஆதார் அட்டை நகல், குடும்ப அட்டை நகல், சிறு/குறு விவசாயச் சான்றிதழ், புகைப்படம், நிலம் தொடர்பான ஆவணங்கள், தண்ணீர் மற்றும் மண் பரிசோதனை அறிக்கை ஆவணங்கள் கொடுக்கவேண்டும்.

விவசாய மானியங்களைப் பெறுவது எப்படி?



காளான் வளர்ப்புக்கும் மானியம் உண்டு. காளான் வளர்ப்பு மானியம் பாதுகாக்கப்பட்ட பயிர் சாகுபடி திட்டத்தின் மூலம் 40 சதவிகிதம் 8 லட்சம் ரூபாய் வரை ஓர் அலகுக்கு வழங்கப்படுகிறது. சென்னை, காஞ்சிபுரம், கரூர், நாமக்கல், நாகப்பட்டினம், திருவண்ணாமலை, திருவாரூர், தூத்துக்குடி, விருதுநகர் ஆகிய மாவட்டங்கள் தவிர்த்து மற்ற மாவட்ட விவசாயிகளுக்குக் காளான் வளர்ப்புக்கான மானியம் வழங்கப்படுகிறது.

மானியம் பெற ஆதார் அட்டை நகல், குடும்ப அட்டை நகல், சிறு/குறு விவசாயச் சான்றிதழ், புகைப்படம், நிலம் தொடர்பான ஆவணங்கள், தண்ணீர் மற்றும் மண் பரிசோதனை அறிக்கை உள்ளிட்ட ஆவணங்கள் இணைக்கப்பட வேண்டும். அரசின் அறிவிப்புக்குத் தக்கப்படி மானியத்தொகை, விதிமுறைகள் ஆகியவை மாற்றத்திற்குரியது.

பண்ணை இயந்திரங்கள், சூரியசக்தி பம்ப்செட் உள்ளிட்டவைகளுக்கான மானியங்கள் குறித்து வரும் இதழ்களில் பார்ப்போம்.

மேலும் மானியம் குறித்த விபரங்களுக்கு மாவட்ட வேளாண்மை மற்றும் தோட்டக்கலைத் துறை உதவி இயக்குநரை அணுகி தெரிந்துகொள்ளலாம். சட்ட பஞ்சாயத்து இயக்கத்தை வார வேலை நாள்களில் காலை 10 மணி முதல் மாலை 5 மணி வரை 76671 00100 என்ற எண்ணில் தொடர்பு கொண்டும் தங்களது சந்தேகத்தைத் தெளிவுபடுத்தி கொள்ளலாம்.

-வழிகாட்டல் தொடரும்   

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism