Published:Updated:

குட்டை+நெட்டை இளநீர்... 600 மரங்கள்... ஆண்டுக்கு ரூ. 32,50,000 லாபம்!

குட்டை+நெட்டை இளநீர்... 600 மரங்கள்... ஆண்டுக்கு ரூ. 32,50,000 லாபம்!
பிரீமியம் ஸ்டோரி
குட்டை+நெட்டை இளநீர்... 600 மரங்கள்... ஆண்டுக்கு ரூ. 32,50,000 லாபம்!

மகசூல்

குட்டை+நெட்டை இளநீர்... 600 மரங்கள்... ஆண்டுக்கு ரூ. 32,50,000 லாபம்!

மகசூல்

Published:Updated:
குட்டை+நெட்டை இளநீர்... 600 மரங்கள்... ஆண்டுக்கு ரூ. 32,50,000 லாபம்!
பிரீமியம் ஸ்டோரி
குட்டை+நெட்டை இளநீர்... 600 மரங்கள்... ஆண்டுக்கு ரூ. 32,50,000 லாபம்!

று, ஏரி, குளம் எனப் பாசன வசதியுடைய நன்செய் நிலங்களில் மட்டும்தான் முன்பு தென்னைச் சாகுபடி செய்யப்பட்டு வந்தது. காலப்போக்கில் கிணற்றுப் பாசன நிலங்களிலும் நிரந்தரப் பயிரான தென்னைச் சாகுபடியைத் தொடங்கினர், விவசாயிகள். அந்த வகையில், தென்னைச் சாகுபடிக்கு மாறியவர்கள்தான், பொள்ளாச்சி சுற்றுவட்டாரப்பகுதி விவசாயிகள். அவர்களில் ஒருவர், கோயம்புத்தூர் மாவட்டம், பொள்ளாச்சி வட்டம், கொண்டேகவுண்டன்பாளையம் கிராமத்தைச் சேர்ந்த ரங்கராஜு. ‘பசுமை விகடன்’ இதழில் வெளிவந்த தென்னைச் சாகுபடிக் கட்டுரையைப் படித்துத் தென்னை விவசாயத்துக்கு வந்தவர். இவர் 20 ஏக்கர் தரிசு நிலத்தை மேம்படுத்தி, குட்டை நெட்டை வீரிய ஒட்டுரகத் தென்னையை நடவு செய்து இளநீர் விற்பனை செய்து வருகிறார். சூரியன் மெதுவாகத் தலைகாட்டிக் கொண்டிருந்த ஒரு காலை வேளையில், கொண்டேகவுண்டன்பாளையம் கிராமத்தில் உள்ள ரங்கராஜுவின் தோட்டத்துக்குச் சென்றோம். தகுந்த இடைவெளியில் வரிசை கட்டி நிற்கும் தென்னை மரங்கள். கையில் எட்டிப்பறிக்கும் உயரத்தில் பச்சை நிறத்தில் குலை குலையாகத் தொங்கும் இளநீர்க் காய்களை வேலையாள்கள் வெட்டி இறக்கிக் கொண்டிருந்தனர். அதை மேற்பார்வை செய்துகொண்டிருந்தார், ரங்கராஜு. அவரிடம் நம்மை அறிமுகப்படுத்திக் கொண்டதும் மகிழ்ச்சியாக வரவேற்றவர், இளநீர் கொடுத்து உபசரித்தார்.

குட்டை+நெட்டை இளநீர்... 600 மரங்கள்... ஆண்டுக்கு ரூ. 32,50,000 லாபம்!

“எனக்குப் பூர்வீகம் இந்த ஊர்தான். இன்னொரு இடத்தில பரம்பரை நெலம் இருக்கு. அதுலயும் தென்னைதான் இருக்கு. அதுவும் வீரிய ரகம்தான். ஒரு மரத்துல இருந்து வருஷத்துக்கு 140 தேங்காய்கள் வரை கிடைக்கும். அதைக் கொப்பரைக்காக விற்பனை செய்றேன். தண்ணீர் பாய்ச்சினோமா, தேங்காயை இறக்கி கொப்பரைக்கு விற்பனை செஞ்சோமானுதான் இருந்தேன். என்னை இளநீர் தென்னைச் சாகுபடிக்கு இழுத்துட்டு வந்தது, பசுமை விகடன்தான். ஓர் இதழ்ல, ஆழியார் பகுதியைச் சேர்ந்த ராஜேந்திரன் தென்னைச் சாகுபடி செய்றது பத்தின செய்தி வந்துருந்துச்சு. அதைப் படிச்சதுக்கப்புறம்தான் இளநீருக்கான தென்னை மரங்களை நடலாம்னு முடிவு செஞ்சேன்.

ஒட்டுமொத்த விகடனுக்கும் ஒரே ஷார்ட்கட்!

குட்டை+நெட்டை இளநீர்... 600 மரங்கள்... ஆண்டுக்கு ரூ. 32,50,000 லாபம்!

ஊரை ஒட்டி இருக்குற இந்த இடம் மொத்தம் 20 ஏக்கர். முழுக்கக் கரிசல் மண். மழை காலங்கள்ல உள்ளே கால் வைக்க முடியாது. முழங்கால் வரைக்கும் புதைஞ்சிடும். கொத்தமல்லி, கொண்டைக்கடலைனு மானாவாரி வெள்ளாமை மட்டும்தான் செய்வோம். இந்த 20 ஏக்கர்லயும் இளநீர்க்கான தென்னையை நடலாம்னு முடிவு செஞ்சேன். கரிசல் மண்ல வேர்பிடிப்பு இருக்காது. அதனால, சில தொழில்நுட்பங்களைக் கடைப்பிடிச்சேன். 28 அடி இடைவெளியில் 4 அடி சதுரம், 5 அடி ஆழத்துல குழிகள் எடுத்தேன். அந்தக்குழிகள்ல ‘கிராவல்’னு சொல்ற கிணத்து மண்ணை நிரப்பினேன். அதுக்கப்புறம் குழியோட மையத்துல 2 அடி சதுரம், 2 அடி ஆழம்னு குழி எடுத்து ஒவ்வொரு குழியிலயும் 10 கிலோ தொழுவுரத்தைப் போட்டு… இளநீர் ரகமான குட்டை நெட்டை வீரிய ரகக் கன்றுகளை நடவு செஞ்சேன். இடைவெளி அதிகமா இருக்குறதால, வேர் பரவலாகப் போகும். சூரிய வெளிச்சமும் நல்லாக் கிடைக்குது” என்ற ரங்கராஜு தோப்பைச் சுற்றிக் காட்டிக்கொண்டே பேச ஆரம்பித்தார்.

“முழுக்கச் சொட்டு நீர்ப்பாசனம் அமைச்சுருக்கேன். கன்றுகளுக்குத் தினமும் 50 லிட்டர் தண்ணீர் கொடுத்தேன். இப்போ தினமும் 100 லிட்டர் அளவு தண்ணீர் கொடுத்துட்டுருக்கேன். நடவு செஞ்ச ரெண்டரை வருஷத்துல காய்ப்புக்கு வந்துச்சு. ஆரம்பத்துல வருஷத்துக்கு 200-250 இளநீர்க் காய்கள் கிடைச்சது. இப்ப நடவு செஞ்சு 6 வருஷமாச்சு. வருஷத்துக்கு 250-300 காய்கள்வரை கிடைக்குது.  இந்த ரகம் 50 வருஷம் வரைக்கும் நின்னு பலன் கொடுக்கும்னு சொல்றாங்க. இவ்வளவு காய்களானு ஆச்சர்யப்பட வேண்டாம். சரியா தண்ணீர் கொடுத்து, தேவையான இடுபொருள்களைக் கொடுத்துப் பராமரிச்சா இந்த மகசூல் கண்டிப்பாகக் கிடைக்கும். 20-25 நாள்களுக்கு ஒருமுறை இளநீர்க் காய்களை வெட்டுறோம்.நான் தோப்புக்குள்ள களை எடுக்குறதேயில்லை. 4 மாசத்துக்கு ஒருமுறை செம்மறி ஆட்டுக்கிடை போடுவேன். ஆடுகள் புல் பூண்டுகளை மேய்ஞ்சுடும்.

ஆடுகளோட புழுக்கைகள் மரங்களுக்கு எருவாகிடும். 3 மாசத்துக்கு ஒருமுறை தலா ஒவ்வொரு மரத்துக்கும், 15 கிலோ தொழுஉரத்துல அரைக்கிலோ வேப்பம் பிண்ணாக்கைக் கலந்து கொடுத்துடுவோம். இங்க ரசாயன உரங்களையும் பூச்சிக் கொல்லியையும் பயன்படுத்துறதில்லை.சிவப்புக்கூன்வண்டு, காண்டாமிருக வண்டுகள் தாக்குதல் இருந்தா… அரைக்கிலோ சலிச்ச மணல்ல 50 மில்லி வேப்பெண்ணெயைக் கலந்து பிசைந்து குருத்துக்குள்ள போட்டுடுவேன். இனக்கவர்ச்சிப் பொறிகளை வெச்சும் பூச்சித்தாக்குதலைக் கட்டுப்படுத்துறேன். சுருள் வெள்ளை ஈக்களைச் சமாளிக்கத் தென்னை ஆராய்ச்சி நிலையத்துல இருந்து ஒட்டுண்ணிகள் வாங்கிட்டு வந்து பயன்படுத்துறேன். 9 லிட்டர் தண்ணீர்ல ஒரு லிட்டர் காதி சோப் கரைசல், 100 மில்லி நீம் ஆயில் கலந்து ஓலைகள் மேல தெளிச்சா வாடல் நோய் கட்டுப்படும். இங்க களை எடுக்குறதில்லைங்கிறதால, பூச்சிகளுக்குத் தேவையான உணவு கீழே இருக்குற செடிகள்லயே கிடைச்சுடுது. அதனால, பூச்சிகள் தென்னையைத் தாக்குறதில்லை” என்ற ரங்கராஜு நிறைவாக வருமானம் குறித்துச் சொல்ல ஆரம்பித்தார்.

குட்டை+நெட்டை இளநீர்... 600 மரங்கள்... ஆண்டுக்கு ரூ. 32,50,000 லாபம்!

“மொத்தம் 20 ஏக்கர் நிலத்துல தென்னை இருக்கு. இப்போதைக்கு 600 மரங்கள் பலன் கொடுத்துட்டுருக்கு. வருஷத்துக்கு 12 முறை காய் இறக்குறோம். ஒரு வருஷத்துக்கு ஒரு மரத்துல இருந்து 250-300 இளநீர்க் காய்கள் கிடைக்குது. குறைச்சே வெச்சுக்கிட்டாலும், 600 மரங்கள் மூலமா வருஷத்துக்கு 1,50,000 இளநீர்க்காய்கள் கிடைச்சுடும்.

ஒரு காயை வயல் விலைக்கு 20 ரூபாய்ல இருந்து 30 ரூபாய் வரை விலை வெச்சு விற்பனை செய்றேன். இன்னிக்கு வெட்டுற காய்க்கு ஒரு இளநீர்க்காய் 29 ரூபாய்னு மொத்த வியாபாரிகிட்ட விலை பேசியிருக்கேன். அவர் இளநீரை வாங்கி மும்பைக்கு அனுப்புறார். எப்படிப்பார்த்தாலும் ஒரு இளநீர்க் காய்க்குச் சராசரியா 25 ரூபாய் கிடைச்சுடும். அந்த வகையில 1,50,000 காய்கள் மூலமா, 37,50,000 ரூபாய் வருமானம் கிடைக்கும். அதுல இடுபொருள், வெட்டுக்கூலினு 5,00,000 ரூபாய் வரை செலவாகிடும். அதுபோக, 600 மரங்கள்ல இருந்து 32,50,000 ரூபாய் லாபம் கிடைக்கும். 600 மரங்கள்ங்கிறது கிட்டத்தட்ட 10 ஏக்கர் கணக்கு வரும்” என்று சந்தோஷமாகச் சொல்லி விடைகொடுத்தார்.

தொடர்புக்கு, ஆர்.ரங்கராஜு, செல்போன்: 99658 77700

ஜி.பழனிச்சாமி - படங்கள்: வ.இர.தயாளன்

ஒரு குலைக்கு 20 காய்கள்!

ந்திர மாநிலத்தில் சிறந்த ரகமாகக் கருதப்படும் ஆந்திரக் குட்டை மற்றும் கேரள மாநிலத்தின் மேற்குக் கடற்கரை நெட்டை ரகம் ஆகியவற்றின் மூலம், தமிழக விவசாயி ஒருவரால் உருவாக்கப்பட்டதுதான் இந்தக் குட்டை நெட்டை வீரிய ஒட்டு ரகம். இந்த ரக இளநீர் ஒவ்வொன்றும் தலா மூன்றரை கிலோ வரை எடை இருக்கும். ஒரு குலையில் 20 காய்கள்வரை இருக்கும்.

ஒரு காயில் 850 மில்லி இளநீர்! 

கே
ரள மாநில வேளாண் பல்கலைக்கழக விஞ்ஞானி முனைவர் இளங்கோவன் ராமசாமியிடம் தென்னை மகசூல் குறித்துக் கேட்டோம். “குட்டை நெட்டை வீரியரக தென்னையிலிருந்து ஆண்டுக்கு 300 இளநீர்க் காய்கள் வரை கிடைக்கும் என்று விவசாயி ரங்கராஜு கூறியுள்ளார். மண்வளம், மழைவளம் உரமேலாண்மை, நீர் மேலாண்மை சரியாகக் கொடுக்கும்பட்சத்தில் வீரிய ஒட்டுரக தென்னை மரங்கள் ஆண்டுக்கு 400 காய்கள்கூட காய்க்கும். இளநீரில் 850 மில்லி இளநீர்கூட இருக்கும். மேலும் தென்னையை நட்டோமா தண்ணியை விட்டோமா என்று இருந்தால், நல்ல மகசூல் எடுக்க முடியாது. 

குட்டை+நெட்டை இளநீர்... 600 மரங்கள்... ஆண்டுக்கு ரூ. 32,50,000 லாபம்!

25 வயதுக்கு மேலான தாய் மரங்களிலிருந்து தேர்வு செய்யப்பட்ட ஊக்கமான கன்றுகளை நடவு செய்ய வேண்டும். தென்னை நன்கு வளர சூரிய ஒளியும் காற்றும் மிக முக்கியம்.அதனால், மரங்களின் மட்டைகள் ஒன்றுக்கொன்று தொடாத தொலைவில் இருக்க வேண்டும். இதைத்தான் ‘அணில்தாண்டா தென்னை ஆயிரம் இருந்தால், அரசன்போல் வாழலாம்’ என்று நம் முன்னோர்கள் கூறியுள்ளார்கள். மேலும் நெல் எங்கெல்லாம் விளைகிறதோ அங்கெல்லாம் தென்னை விவசாயம் சிறப்பாக இருக்கும்.

குறைந்தபட்சம் நாள் ஒன்றுக்கு 65 லிட்டர் தண்ணீரை ஒரு மரத்துக்குக் கொடுக்கும் வசதியுள்ளவர்கள், தங்கள் நிலங்களில் தென்னையை நடவு செய்யலாம். எந்த ஒரு வீரிய ரகமும் வறட்சிக்குத் தாக்குப்பிடிக்காது என்பதை கவனத்தில் கொள்ளவேண்டும்” என்றார்.

இளநீருக்கு நல்ல சந்தை விலை

ன்னுடைய வருமானம் குறித்து பேசிய ரங்கராஜு, “பொள்ளாச்சியோட காலநிலை, மண்வளம், பராமரிப்பு, தென்னையோட ரகம்னு பல விஷயங்கள் என்னோட தோப்புல கிடைக்கும் மகசூலுக்குக் காரணமா இருக்கு. இதே மகசூல் மத்த இடங்கள்லயும் கிடைக்குமாங்கறதை உறுதியாகச் சொல்ல முடியாது. அதேமாதிரி ஒரு இளநீர் சராசரியா 25 ரூபாய்க்கு விக்கிறேன்.

பொதுவா பொள்ளாச்சி இளநீருக்குச் சந்தையில நல்ல விலை கிடைக்குது. இது கோடைக்காலங்கறதால, இன்னும் கூடுதல் விலை கிடைச்சிட்டு இருக்கு. மத்த காலங்கள்லயும் நல்ல விலைக்குத்தான் இளநீரை வித்துட்டு இருக்கேன்” என்றார் உறுதியாக.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism