Published:Updated:

விகடன் தானே துயர் துடைப்பு அணி

துயர் துடைக்கும் தூரிகைகள் !

விகடன் தானே துயர் துடைப்பு அணி

துயர் துடைக்கும் தூரிகைகள் !

Published:Updated:
##~##

சென்னை, கிரீம்ஸ் சாலையில் உள்ள லலித் கலா அகாடமிக்கு ஓவியக் கண்காட்சிகள் புதிது அல்ல. ஆனால், மார்ச் 5-ம் தேதியன்று ஆரம்பமான நெகிழ்ச்சியான அந்த ஓவியக் கண்காட்சி... தமிழக ஓவியர்கள், ஓவிய ரசிகர்கள், பொதுமக்கள்... அனைவருக்குமே புதிது!

ஒரு புயல், நம் சொந்த உறவுகளை நம் கண் முன்னாலேயே அகதிகளைப் போல் ஆக்கிவிட்டது. 'தானே’ புயலின் கொடுமையான தாக்குதலால் பாதிக்கப்பட்ட மக்களுக்கு உதவ நிதி திரட்டும் ஒரு பகுதியாக 'விகடன் குழுமம்’, ஓவியக் கண்காட்சி மற்றும் விற்பனைக்கு ஏற்பாடு செய்யத் தொடங்கியபோது, அது தமிழகத்தின் மிகப்பிரமாண்டமான ஓர் கண்காட்சியாகும் என்று எதிர்பார்க்கவில்லை. சர்வதேசப் புகழ் பெற்ற முன்னணி ஓவியர்களில் தொடங்கி, ஓவியக் கல்லூரி மாணவர்கள் வரை, தங்கள் ஓவியங்களை மனமுவந்து நன்கொடையாக வழங்க... மொத்தம் 275 ஓவியர்கள், 357 ஓவியங்கள் மற்றும் சிற்பங்களுடன் பலரையும் கட்டிப் போட்டுவிட்டது இந்த ஓவியக் கண்காட்சி!

ஒட்டுமொத்த விகடனுக்கும் ஒரே ஷார்ட்கட்!

விகடன் தானே துயர் துடைப்பு அணி

''2003-ல் வானம் பொய்த்து, தமிழகம் பெரும் வறட்சியைச் சந்தித்த நேரத்தில், வாசகர்களுடன் கைகோத்து டெல்டா மாவட்டத்தை சேர்ந்த கிராமங்களில் ஆறு மாத காலம் அரிசி வழங்கியது விகடன் குழுமம். 2004-ல் சுனாமிப் பேரழிவின்போது நிதி திரட்டி முதல்வரின் பொது நிவாரண நிதியில் சேர்த்தோம். இப்போது 'தானே’ புயல் ஏற்படுத்தி இருக்கும் இழப்பில் இருந்து பாதிக்கப்பட்ட மக்கள் தலையெடுக்க இன்னும் பல தலைமுறைகள் ஆகும் என்ற சூழலில், எங்களுடைய பொறுப்பு இன்னும் பெரிதாகிறது'' என்று நிகழ்ச்சியின்போது விகடன் குழும நிர்வாக இயக்குநர் பா.சீனிவாசன் பேசியதைக் கூர்ந்து கவனித்தார், கண்காட்சியை திறந்து வைத்த தமிழக ஆளுநர் ரோசய்யா.

கண்காட்சியில் எல்லோரையும் நாம் எதிர்பார்த்தோம். என்றாலும். நாம் எதிர்பாராத ஆச்சர்ய வருகை... புயலால் பாதிக்கப்பட்ட மக்களின் வருகைதான்

விகடன் தானே துயர் துடைப்பு அணி

''எங்க ஜனத்துக்காக, எங்களுக்காக இவ்வளவு பெரிய காரியம் செய்றீங்க, நாங்க யாராவது வர வேணாமா?'' என்று உரிமையோடு ஒரு வேன் முழுக்க வந்து இறங்கினார்கள் கடலூர் மாவட்டம், தியாகவல்லி கிராம மக்கள். எவ்வளவோ இழப்புகளுக்கும் துயரங்களுக்கும் இடையிலும் முந்திரிக்கொட்டை உடைக்கும் தொழிலாளர் சங்கத்தைச் சேர்ந்த பெண்களும் வந்திருந்தனர்.

நம் பணி இன்னும் பெரிதாகிறது. வாருங்கள் வாசகர்களே... கை கொடுப்போம்... 'தானே’ துயர் துடைப்போம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism