Published:Updated:

முன்னறிவிப்பு!

பசுமைக்குழு

முன்னறிவிப்பு!

பசுமைக்குழு

Published:Updated:

அலசல்

##~##

மாசிப் பட்டத்தில் விதைப்பு செய்ய வேண்டிய பயிர்கள்; தற்போதைய தட்பவெப்ப சூழ்நிலையில் பயிரைத் தாக்கக்கூடிய பூச்சிகள் மற்றும் நோய்கள், அவற்றைத் தடுக்கும் முறைகள் போன்றவற்றை வெளியிட்டுள்ளது, தமிழ்நாடு வேளாண்மைப் பல்கலைக்கழகத்தில் இயங்கி வரும் பயிர் பாதுகாப்பு மையம் மற்றும் உள்நாட்டு மற்றும் ஏற்றுமதிச் சந்தைத் தகவல் மையம்.

ஒட்டுமொத்த விகடனுக்கும் ஒரே ஷார்ட்கட்!

பருத்தி விலை சீராக இருக்கும்!

தமிழ்நாட்டின் சீதோஷ்ண நிலைப்படி மாசிப் பட்டம் (பிப்ரவரி-மார்ச் மாதங்கள்) பருத்தி சாகுபடிக்கு ஏற்றது. இந்தப் பட்டத்தில் பயிரிட்டால், ஜூன் மாதம் முதல் செப்டம்பர் மாதம் வரை அறுவடை இருக்கும். கடந்த 15 ஆண்டுகளாக அவினாசி மற்றும் கொங்கணாபுரம் சந்தைகளில் விற்பனை செய்யப்பட்ட விலைகள் பற்றிய ஆய்வு மூலம்... ஜூன் மாதம் முதல் செப்டம்பர் மாதம் வரை நீண்ட இழையுடைய பருத்தி ரகங்கள், ஒரு குவிண்டால் 4 ஆயிரத்து 300 ரூபாய் முதல், 4 ஆயிரத்து 600 ரூபாய் வரை விற்பனையாக வாய்ப்புகள் உள்ளன.

ஆவணிப் பட்டத்தில் பயிரிடப்பட்டு, தற்பொழுது அறுவடை செய்யப்பட்டு வரும் நீண்ட இழை ரக பருத்தி, அடுத்த மூன்று மாதங்களில் ஒரு குவிண்டால் 3 ஆயிரத்து 900 ரூபாய் முதல் 4 ஆயிரத்து 200 ரூபாய் வரை விற்பனையாக வாய்ப்புகள் உள்ளன.

முன்னறிவிப்பு!

உலக அளவிலான ஆய்வுகள்படி தற்சமயம் பருத்தி விலையேற வாய்ப்புகள் இல்லை. அதனால், தற்போது அறுவடை செய்யப்படும் பருத்தியை உடனே விற்பனை செய்துவிடுவது நல்லது என்று அறிவிக்கப்படுகிறது.

தேங்காய் இருப்பு வைக்க வேண்டாம்!

தமிழ்நாட்டில் தேங்காய்க்கான தேவை குறைவாகவும், உற்பத்தி அதிகமாகவும் இருக்கிறது. கடந்த ஆண்டு பொள்ளாச்சி சந்தையில் ஒரு தேங்காய் 10 ரூபாய் என்ற விலையில் விற்பனையானது. தற்போது, ஒரு தேங்காய் 5 ரூபாய் முதல் 7 ரூபாய் என விலை குறைந்துள்ளது. இதே நிலைமை நிலவும்பட்சத்தில் தேங்காய் விலையேற வாய்ப்புகள் இல்லை. அதனால், தேங்காயை இருப்பு வைக்காமல் விற்பனை செய்துவிட வேண்டும் என்பதை மனதில் கொள்ளவும்.

முன்னறிவிப்பு!

உருளைக் கிழங்குக்கு நிலையான விலை!

தற்போது, திண்டுக்கல், நீலகிரி, கிருஷ்ணகிரி மற்றும் ஈரோடு ஆகிய மாவட்டங்களில் உள்ள மலைப்பகுதியில் நீர்ப்பாசன மூலம் 'நீர் போக’ உருளைக்கிழங்கு பிப்ரவரி மாதம் மற்றும் மார்ச் மாதங்களில் பயிரிடப்படுகிறது. இவை, மே மற்றும் ஜூன் மாதங்களில் அறுவடைக்கு வரும். கடந்த 22 ஆண்டுகளாக நீலகிரி கூட்டுறவுச் சங்கத்தில் விற்பனை செய்யப்பட்ட விலைகள் பற்றிய ஆய்வு முடிவுகளின்படி, மே, ஜூன் மாதங்களில் ஒரு கிலோ 13 ரூபாய் முதல் 16 ரூபாய் வரை விற்பனையாக வாய்ப்புகள் உள்ளன.

பூச்சி மற்றும் நோய் உஷார்... உஷார்!

குருத்து ஈ ஜாக்கிரதை!

கன்னியாகுமரி மாவட்டத்தில் நெற்பயிரில் குருத்து ஈ தாக்குதல் காணப்படுகிறது. வேப்பங்கொட்டைச் சாறு தெளிப்பதன் மூலம் அதைக் கட்டுப்படுத்தலாம்.

பருத்தியில் மஞ்சள் பொறி!

முன்னறிவிப்பு!

விருதுநகர், தேனி, திருநெல்வேலி, சேலம் ஆகிய மாவட்டங்களில் சாறு உறிஞ்சும் பூச்சி மற்றும் காய்ப்புழுத் தாக்குதலும், வேர் அழுகல் நோய் தாக்குதலும் காணப்படுகிறது. சாறு உறிஞ்சும் பூச்சியை மஞ்சள் நிறப்பொறி அமைத்தும், காய்ப்புழுவை இனக்கவர்ச்சிப் பொறி அமைத்தும், வேப்பங்கொட்டைச்சாறு தெளித்தும் கட்டுப்படுத்தலாம். 50 கிலோ எருவுடன், இரண்டரை கிலோ டிரைக்கோடெர்மா விரிடி கலந்து தூவி, வேர் அழுகல் நோயைக் கட்டுப்படுத்தலாம்.

தண்டுத் துளைப்பானைத் தடுக்கும் முட்டை ஒட்டுண்ணி!

தஞ்சாவூர், திருவாரூர், சேலம், விருதுநகர் ஆகிய மாவட்டங்களில் கரும்பு தண்டுத் துளைப்பான் தாக்குதலுக்கு வாய்ப்பு இருக்கிறது. அப்படி தண்டுத்துளைப்பான் தென்பட்டால்... டிரைக்கோகிரம்மா முட்டை ஒட்டுண்ணி மூலம் கட்டுப்படுத்தலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism