Published:Updated:

உலகம் சுற்றும் உழவன்...

விவசாயம் செய்யாமல் இருக்க மானியம் ! அறச்சலூர் செல்வம் ஓவியம்: ஹரன்

உலகம் சுற்றும் உழவன்...

விவசாயம் செய்யாமல் இருக்க மானியம் ! அறச்சலூர் செல்வம் ஓவியம்: ஹரன்

Published:Updated:

ஜன்னல்

##~##

அமெரிக்க விவசாயிகள் மத்தியில் தற்போது பரபரப்பாக விவாதிக்கப்பட்டு வரும் விஷயம், அந்த நாட்டில் நடைமுறையில் இருக்கும் 'பண்ணைச் சட்டம்' பற்றித்தான்.

ஒட்டுமொத்த விகடனுக்கும் ஒரே ஷார்ட்கட்!

அமெரிக்கா, 1933-ம் ஆண்டில் மிகப்பெரிய பொருளாதாரப் பிரச்னையில் சிக்கித் தவித்தபோது, விவசாயிகளைக் காக்க வேண்டி, அப்போதைய அதிபர் 'ஃபிராங்க்ளின் ரூஸ்வெல்ட்’ என்பவரால் வடிவமைக்கப்பட்டதுதான் இந்தச் சட்டம். விவசாயிகளுக்கு, விவசாயம் செய்யாமல் இருக்க, மானியம் வழங்குவதுதான் இதன் நோக்கம். 'அதிக விளைச்சல் இருந்தால், விலை வீழ்ச்சி ஏற்பட்டு விடும்’ என்பதால், விவசாயம் செய்யாமல் இருக்க, அந்தக் கால கட்டத்தில் மானியம் வழங்கப்பட்டது. அன்றையச் சூழ்நிலையில், விவசாயிகளை வாழ வைத்த, அதே திட்டம்தான், இன்றைக்கு விவசாயிகளை விவசாயத்தை விட்டே வெளியேற்றி வருகிறது.

உலகம் சுற்றும் உழவன்...

இந்தச் சட்டம், ஐந்து ஆண்டுகளுக்கு ஒரு முறை விவாதத்துக்கு உள்ளாக்கப்பட்டு, புதிய திட்டம் மற்றும் செலவு மதிப்பீடு உருவாக்கப்படும். வருகிற செப்டம்பர் 30-ம் தேதி, அந்த ஐந்து ஆண்டு கெடு வருகிறது. அதனால்தான் இதைப்பற்றி விவாதித்துக் கொண்டிருக்கிறார்கள், அமெரிக்க விவசாயிகள்.

ஆயிரக்கணக்கான ஏக்கர் வைத்திருக்கும் பெரும் விவசாயிகள், குறைவான அளவே நிலம் வைத்திருக்கும் குறு விவசாயிகள் என அமெரிக்காவிலும் இரண்டு பிரிவுகள் உண்டு. 1990-ஆண்டு வரை விளைவிக்கும் பயிர்களுக்கு ஏற்ற மானியம் வழங்கப்பட்டு வந்தது. 1996-ம் ஆண்டில், இதை மாற்றி நிலத்தின் பரப்பளவைப் பொறுத்து மானியம் என்று நிர்ணயித்தார்கள். இதன்படி, விவசாய நிலம் இருந்தாலே போதும். விவசாயம் செய்தாலும், செய்யாவிட்டாலும் மானியம் கிடைக்கும். இது, பெரும் பண்ணையாளர்களுக்கு வசதியாகி விட்டது.

இதன் மூலம் வீட்டு மனைகளாக மாற்றப்பட்ட நிலங்களுக்கும் சேர்த்து மானியத்தைப் பெற்று வருகிறார்கள், பெரும் பண்ணையாளர்கள். அதனால், குறு விவசாயிகள் கடும் பொருளாதார நெருக்கடிக்கு ஆளாகி, விவசாயத்தை விட்டு வெளியேறும் சூழ்நிலை உருவாகியிருக்கிறது.

இத்தகைய நிலையை மாற்றும் வகையில், 'நிலத்துக்கு மானியம் என்பதற்கு பதிலாக, விவசாயம் செய்யும் விவசாயிகளுக்குதான் மானியம் வழங்க வேண்டும்’ என்கிற கோரிக்கை தற்போது வலுவாக ஒலிக்கிறது. தங்களுக்கான தேவை என்ன? என்பதை உறுதியான குரலில் விவசாயிகளே எடுத்து வைக்கிறார்கள். அதற்கேற்றவாறு அரசாங்கமும் செயல்படுகிறது.

ஆனால் நம் நாட்டில்..? அழுகின்ற குழந்தைக்குத்தானே பால் கிடைக்கும்.

-சுற்றுவோம்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism