Published:Updated:

'விவசாயத்துக்குத்தான் எதிர்காலம்...'

புரிய வைத்த புத்தகக் கண்காட்சி ! த. ஜெயகுமார் படங்கள்: ஆ. முத்துகுமார்,ரா. மூகாம்பிகை

'விவசாயத்துக்குத்தான் எதிர்காலம்...'

புரிய வைத்த புத்தகக் கண்காட்சி ! த. ஜெயகுமார் படங்கள்: ஆ. முத்துகுமார்,ரா. மூகாம்பிகை

Published:Updated:

கண்காட்சி

##~##

ஆண்டுதோறும் சென்னையில் நடக்கும் புத்தகக் கண்காட்சி... உலகெங்கும் வாழும் தமிழர்களின் மனதில் பசுமையாகப் பதிந்திருக்கக் கூடிய நிகழ்வுகளில் ஒன்று! இந்த ஆண்டு, ஜனவரி 11-ம் தேதியிலிருந்து 23-ம் தேதி வரை நந்தனம், ஒய்.எம்.சி.ஏ மைதானத்தில் முப்பத்தாறாவது புத்தகக் கண்காட்சி நடைபெற்றது. வழக்கம்போல லட்சக்கணக்கான புத்தக ஆர்வலர்கள் குவிந்து, ஏகப்பட்ட புத்தகங்களை அள்ளிச் சென்றனர். இதில், விகடன் பிரசுரம் சார்பில் அமைக்கப்பட்ட அரங்குகளில்... 'பசுமை விகடன்’ சார்பாக வெளியிடப்பட்ட புத்தகங்களின் விற்பனை, முக்கிய இடத்தைப் பிடித்தது... ஆச்சரிய சங்கதி!

விவசாயிகள் மட்டுமல்லாமல்... வழக்கறிஞர்கள், பொறியாளர்கள், மென்பொருள் துறையினர்... என பல தரப்பட்டவர்களும் வியாபார ரீதியாகவும், இயற்கை விவசாயத்தைப் பற்றி தெரிந்து கொள்ளும் ஆர்வத்திலும் புத்தகங்களை அள்ளிச்சென்றனர்! அவர்களில் சிலருடைய கருத்துக்கள்...

'விவசாயத்துக்குத்தான் எதிர்காலம்...'

ரவி, போரூர்: ''பாரத் எலக்ட்ரிகல்ஸ் லிமிடெட்ல இன்ஜினீயரா இருக்கேன். நம்மோட பாரம்பரிய விவசாயத்தைச் செய்யணும்னு ரொம்ப விருப்பம். அதுக்காக இயற்கை விவசாயத்தைப் பத்தின அடிப்படை விஷயங்களைத் தெரிஞ்சுக்கணும்னு புத்தகங்களை வாங்கியிருக்கேன். குறிப்பா, நம்மாழ்வார் ஐயாவோட புத்தகங்களை அதிகமா வாங்கியிருக்கேன்.

சுகன், வழக்கறிஞர், வியாசர்பாடி: ''உத்திரமேரூர் பக்கம் ரெட்டமங்கலத்துல சொந்த நிலம் இருக்கு. அதை குத்தகைக்கு விட்டுருக்கேன். எதிர்காலத்துல நானே இயற்கை விவசாயம் செய்யணும்னு ஐடியா இருக்கு. அதுக்கு நம்மகிட்டேயும் விஷயம் இருக்கணும்ல்ல. அதுக்காகத்தான் 'உழவுக்கும் உண்டு வரலாறு’, 'வாழ்க மரம், வளர்க பணம்’ 'பணம் கொழிக்கும் பண்ணைத் தொழில்கள்’ மாதிரியான புத்தகங்களை வாங்கிஇருக்கேன்.''

'விவசாயத்துக்குத்தான் எதிர்காலம்...'

சுந்தர்ராஜ், தி.நகர்: ''சாஃப்ட்வேர் கம்பெனியில வேல செய்றேன். நண்பர்கள்லாம் சேர்ந்து விவசாயம் சம்பந்தப்பட்ட பிஸினஸ் பண்ணலாம்னு ப்ளான் பண்ணிருக்கோம். திருச்சி மாவட்டம், துறையூர் பக்கத்துல இருக்குற நண்பர் ஒருத்தரோட நிலத்துலதான் ஆரம்பிக்கப் போறோம். அதுக்காக, 'லாபம் தரும் வேளாண் வழிகாட்டி’, 'காய்கறி சாகுபடி’, 'ஆடு-மாடு வளர்ப்பு’ 'மானாவாரியிலும் மகத்தான லாபம்’ மாதிரியான புத்தகங்களை வாங்கியிருக்கேன்.''

கனவுகள் நனவாக வாழ்த்துக்கள்!