Published:Updated:

அள்ளிக்கொடுக்கும் ஆடு வளர்ப்பு..!

ஆர். குமரேசன் படங்கள்: செ. சிவபாலன்

பிரீமியம் ஸ்டோரி

 பயிற்சி

##~##

'மீனைக் கொடுப்பதைவிட, மீன் பிடிக்கக் கற்றுக் கொடுப்பதே சிறந்தது’ என்பார்கள். அதைத்தான் தொடர்ந்து செய்து வருகிறது, 'பசுமை விகடன்’. தமிழகம் முழுவதும், விவசாயிகளின் பொருளாதார முன்னேற்றத்துக்காக, பல்வேறு அமைப்புகளுடன் இணைந்து, பலவிதமான பயிற்சி வகுப்புகளைத் தொடர்ந்து நடத்தி வருகிறோம். அந்த வகையில், 'தானே’ புயலால் தங்கள் வாழ்வாதாரத்தை இழந்து நிற்கும் கடலூர் மாவட்ட விவசாயிகளுக்காக... கடந்த 4-ம் தேதி காட்டுமன்னார்கோவில், ராணிமஹாலில் 'அள்ளிக் கொடுக்கும் ஆடு வளர்ப்பு’ என்கிற தலைப்பில் கருத்தரங்கம் நடத்தப்பட்டது.

நிகழ்வுக்கான ஏற்பாட்டில் வீராணம் பாசன விவசாயிகள் சங்கம் மற்றும் அம்மன் ஆட்டுப்பண்ணை ஆகியவையும் பசுமைவிகடனுடன் கைகோத்தன. இருநூறுக்கும் மேற்பட்ட விவசாயிகள் பங்கேற்ற இந்நிகழ்வில், தேனி மாவட்ட உழவர் பயிற்சி மையத்தின் தலைவர் மற்றும் பேராசிரியர் பீர்முகமது, சித்த மருத்துவர் ராஜமாணிக்கம், வீராணம் பாசன விவசாயிகள் சங்கத்தலைவர் இளங்கீரன், கால்நடை மருத்துவர் ராஜசேகரன், அம்மன் ஆட்டுப்பண்ணை உரிமையாளர் சதாசிவம் உள்பட பலரும் பங்கேற்றனர்.

வாழ்த்துரை வழங்கிப் பேசிய, காவிரி டெல்டா விளைபொருட்கள் விற்பனைக்குழு துணைத்தலைவர் கண்ணன், ''தமிழக விவசாயத்தில் பசுமை விகடன் நிகழ்த்தியுள்ள ஆரோக்கியமான மாற்றங்கள் ஏராளம். எங்கள் பகுதிக்கு நம்மாழ்வார் அய்யாவை அழைத்து வந்து பயிற்சி கொடுத்த பிறகு, பல விவசாயிகள் இயற்கை விவசாயத்துக்கு மாறியுள்ளார்கள். இயற்கை விவசாயத்துக்கு மாறும் விவசாயிகள் கண்டிப்பாக கால்நடைகளையும் வளர்க்க வேண்டும். அப்போதுதான் முழுமையான இயற்கை விவசாயியாக மாற முடியும்'' என்று அழுத்தம் திருத்தமாகக் குறிப்பிட்டார்.

அள்ளிக்கொடுக்கும் ஆடு வளர்ப்பு..!

அனுக்கிரகா அறக்கட்டளைத் தலைவரும் தொழிலதிபருமான மணிரத்தினம், ''இப்பகுதி மக்களின் பொருளாதார வளர்ச்சிக்கு ஆடு வளர்ப்பு அருமையான தொழில். மகளிர் சுய உதவிக்குழுக்கள் மூலமாக ஆடு வளர்ப்பில் ஈடுபட நினைத்திருந்த வேளையில், இக்கருத்தரங்கு மேலும் உத்வேகத்தைக் கொடுத்துள்ளது. எங்கள் பகுதிகளில் உள்ள மிகவும் பின்தங்கிய ஐந்து கிராமங்களை தத்தெடுத்து அங்குள்ள மக்களுக்கு ஆடு வளர்ப்பு மூலமாக பொருளாதார சுதந்திரத்தை அளிக்க முடிவு செய்துள்ளேன்'' என்று சொன்னார்.

ஆடு வளர்ப்பில் உள்ள நவீன தொழில்நுட்பங்கள், ஆட்டுப்பண்ணைத் தொழிலில் உள்ள பிரச்னைகள் அதற்கான தீர்வுகள், ஆடுகளைத் தாக்கும் நோய்களுக்கான கை வைத்தியம் என பல்வேறு விஷயங்கள் இக்கருத்தரங்கில் தெரிவிக்கப்பட்டன.

அவையெல்லாம்... அடுத்த இதழில்...

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு