Published:Updated:

நிலத்தடி நீர்... உயிர் நீர் !

நிலத்தடி நீர்... உயிர் நீர் !

நிலத்தடி நீர்... உயிர் நீர் !

நிலத்தடி நீர்... உயிர் நீர் !

Published:Updated:
##~##

அனைவருக்கும் பசுமை வணக்கம்!

'தமிழகத்தில் இரண்டாம் பசுமைப் புரட்சியை ஏற்படுத்தும் வகையில், 80 சதவிகித மானியத்துடன், சூரியசக்தி மின்சக்தியில் இயங்கும் 2,000 பம்ப் செட்டுகள் விவசாயிகளுக்கு வழங்க அரசு முடிவு செய்துள்ளது’

ஒட்டுமொத்த விகடனுக்கும் ஒரே ஷார்ட்கட்!

-பலத்த மேஜைத் தட்டல்களுக்கு இடையே சட்டசபையில் இப்படியரு அறிவிப்பை வெளியிட்டிருக்கிறார் முதல்வர் ஜெயலலிதா.

இதையடுத்து, 'சூரியசக்தியைப் பயன்படுத்துவது நல்ல விஷயம்... முதல்வரின் இந்த அறிவிப்பு மூலம் விவசாயிகளின் தண்ணீர் தேவைக்குத் தீர்வு கிடைக்கும்' என்பது போன்ற பேச்சுக்கள் கேட்கின்றன. உண்மைதான். ஆனால், நிலத்தடி நீரை உறிஞ்சுவதற்கான உதவிகளை செய்தால் மட்டும் போதுமா?

ஏற்கெனவே, தமிழகம் முழுக்கவே விவசாயம், குடிநீர், தொழிற்சாலைகளின் தேவை... என பல்வேறு காரணங்களுக்காக நிலத்தடி நீரை உறிஞ்சிக் கொண்டே இருக்கிறோம். கோயம்புத்தூர், திருப்பூர், சேலம் மாவட்டங்களில் ஆயிரம் அடிக்குப் போனாலும்... வெறும் புகைதான் வருகிறது. டெல்டா மாவட்டங்களில், கடற்கரையிலிருந்து பல கிலோ மீட்டர் தொலைவில் உள்ள ஊர்கள் வரை நிலத்தடியில் கடல் நீர் ஊடுருவி விட்டது.

மழை நீரை சேமித்து வைக்கும் ஏரிகள், குளங்கள் பலவும் இப்போது இல்லாமலே போய்விட்டதுதான் முக்கிய காரணம். இருக்கின்ற ஏரி, குளங்கள், வாய்க்கால்களில் ஆக்கிரமிப்பு தொடர்கிறது.

எஞ்சியிருப்பவையும் பராமரிப்பின்றி, தூர்ந்தே கிடக்கின்றன. இதனால், கொஞ்சம்நஞ்சம் பெய்யும் மழையும், வீணே கடலுக்குள் ஓடி கலக்கிறது.

'சென்னையிலிருக்கும் வீடு உள்ளிட்ட அனைத்துக் கட்டடங்களிலும் மழைநீர்ச் சேகரிப்பு ஏற்பாடுகள் கட்டாயமாகச் செய்ய வேண்டும்' என்று இதே முதல்வர் முன்பொரு முறை போட்ட உத்தரவு காரணமாக... சென்னையில் நிலத்தடி நீர்மட்டம் உயர்ந்தது கண்கூடு. அதேபாணியில்... தமிழகம் முழுக்க ஏரி, குளங்கள் உள்ளிட்ட நீராதாரங்களில் மழைநீர்ச் சேகரிப்பை உறுதிப்படுத்தும் வகையில் தூர்வாரி, பாதுகாப்பதோடு... அனைத்து விவசாய நிலங்களிலும் மழைநீர்ச் சேகரிப்புக் குட்டையை அமைக்கவும் உதவ வேண்டும்.

உயிர்களின் அஸ்திவாரமான நிலத்தடி நீரைப் பாதுகாக்காமல், வேறு எதைச் செய்தாலும்... அது, கடல் மண்ணில் வீடு கட்டுவதற்கு சமமே!

ஆசிரியர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism