Published:Updated:

யுவர் அட்டென்ஷன் ப்ளீஸ்!

யுவர் அட்டென்ஷன் ப்ளீஸ்!

யுவர் அட்டென்ஷன் ப்ளீஸ்!

யுவர் அட்டென்ஷன் ப்ளீஸ்!

Published:Updated:
##~##

அனைவருக்கும் பசுமை வணக்கம்!

''டியர் ஃபார்மர்ஸ், ஐ வுட் லைக் டூ ஸ்பீக் அபவுட் அக்ரிகல்ச்சர் டெக்னாலஜி...''

ஒட்டுமொத்த விகடனுக்கும் ஒரே ஷார்ட்கட்!

-தமிழகத்தில் வேளாண்மை தொடர்பாக அரசு மற்றும் அதன் சார்பு நிறுவனங்களால் நடத்தப்படும் கருத்தரங்குகள், கூட்டங்கள் என எதுவாக இருந்தாலும், பெரும்பாலும் இப்படி அந்நிய மொழியில் பேசுவதுதான் வாடிக்கையாக இருக்கிறது. ஊர்க் காட்டிலிருந்து விவசாயிகளை அழைத்து வந்து உட்கார வைத்துவிட்டு, கோட்-சூட் போட்டுக் கொண்டு மைக் பிடிக்கும் விஞ்ஞானிகளும், அதிகாரிகளும்... இப்படி நுனிநாக்கு ஆங்கிலத்தில் பேசுவதையே பெருமையாகக் கொண்டுள்ளனர். இவர்கள் எல்லாம், ஏதோ வெளிநாட்டில்... வெளிமாநிலத்திலிருந்து வருபவர்கள் அல்ல. இந்தத் தங்கத் தமிழ்நாட்டின் குக்கிராமங்களில் பிறந்து, வளர்ந்து, படித்து, பட்டம்பெற்ற பச்சைத் தமிழர்கள்தான்!

ஆங்கிலேயர்கள் நம்மை ஆளும்போதுகூட... தமிழ் மொழியைக் கற்றுக்கொண்டு ஆட்சி செய்த வரலாறு இங்கே இருக்கிறதே! ஐ.ஏ.எஸ்., ஐ.பி.எஸ். என உயர் அதிகாரிகளாக தற்போது இங்கே பணியாற்ற வரும் வடமாநில சிங்குகள், சவுத்ரிகள்... எல்லாம்கூட தெள்ளு தமிழில் நாமே வியக்கும்படி பேசி அசத்துகிறார்களே!

மேடைப் பேச்சு, கருத்தரங்கு, பயிற்சிப் பட்டறை.... போன்றவை, எதிரில் இருப்பவர்களுடன் நம் சிந்தனைகளைப் பகிர்ந்து கொள்ளும் தளங்கள். ஆனால், விவசாயிகளுக்கென்று நடத்தப்படும் இத்தகைய நிகழ்வுகளில், துளிகூட விவசாயிகளால் புரிந்து கொள்ளமுடியாத அளவுக்கு, ஆங்கிலப் புலமையைக் காட்டுவது எந்த விதத்தில் நியாயம்?

தாய்மொழியில் பேசினால் மட்டுமே, விவசாயிகளுக்கு நீங்கள் சொல்லும் தொழில்நுட்ப விஷயங்கள் சென்று சேரும். அதை விடுத்து, இன்னும் ஆங்கிலத்தையே கட்டிக் கொண்டிருந்தால்... விவசாயிகளுக்கும், விஞ்ஞானிகளுக்கும் இடையேயான இடைவெளி...  அதிகமாகிக் கொண்டேதான் செல்லும்!

ஆசிரியர்