Published:Updated:

புகையிலைக்குத் தடை... புகையும் விவசாயிகள்!

ஜி. பழனிச்சாமி

புகையிலைக்குத் தடை... புகையும் விவசாயிகள்!

ஜி. பழனிச்சாமி

Published:Updated:

நாட்டு நடப்பு

##~##

புகையிலைக்குத் தடை... என்று மத்திய அரசு எடுத்திருக்கும் அதிரடி முடிவு, காலகாலமாக புகையிலை விவசாயத்தில் ஈடுபட்டிருப்பவர்களை அதிர வைத்துள்ளது. ஏற்கெனவே, விளைவித்து வைத்திருக்கும் புகையிலையை என்ன செய்வது என்று தெரியாமல், திண்டாடிக் கொண்டுள்ளனர் விவசாயிகள்.

ஒட்டுமொத்த விகடனுக்கும் ஒரே ஷார்ட்கட்!

'அடுத்தக் கட்டமாக என்ன செய்வது?' என்பதைத் தீர்மானிக்க... ஜூலை 18-ம் தேதி, திருப்பூர் மாவட்டம், பல்லடத்தில் ஆலோசனைக் கூட்டம் நடைபெற்றது. இதில், திருப்பூர், பல்லடம், நம்பியூர், கொடுவாய்... உள்ளிட்ட பகுதிகளைச் சேர்ந்த நூற்றுக்கும் மேற்பட்ட புகையிலை விவசாயிகள் கலந்து கொண்டனர். சிறப்பு அழைப்பாளராக, உழவர்-உழைப்பாளர் கட்சியின் தலைவர் செல்லமுத்து பங்கேற்றார்.

அதன்பிறகு நம்மிடம் பேசிய செல்லமுத்து, ''பான் பராக், குட்கா, வாசனைப் புகையிலை உள்ளிட்ட பலவற்றை அரசு தடை செய்துள்ளது. அவற்றை விற்பனை செய்து வரும் வியாபாரிகளிடம் பறிமுதலும் செய்கிறார்கள். அதேசமயம், புகையிலையால் தயாரிக்கப்படும் சிகரெட் விற்பனையை அனுமதித்துள்ளது அரசாங்கம். இது எத்தனை முரண்பாடான விஷயம்? அதாவது, உள்நாட்டு விவசாயிகள் புகையிலையை உற்பத்தி செய்து, அதன் மூலமாக லாபம் அடைந்துவிடக் கூடாது என்று தடுக்கும் அரசாங்கம், வெளிநாட்டு விவசாயிகள் லாபமடையும் வகையில், புகையிலை இறக்குமதி மற்றும் வெளிநாட்டு சிகரெட் இறக்குமதி என அனுமதி தந்து கொண்டிருக்கிறது? உண்மையிலேயே நடவடிக்கை எடுப்பது என்றால், ஒட்டுமொத்தமாக சிகரெட்டையே தடை செய்ய வேண்டியதுதானே?!

புகையிலையால் ஆபத்து வரும் என்பது உண்மை என்றாலும், அதை போதைக்கு மட்டுமே பயன்படுத்துவதில்லையே. அது மருத்துவ குணம் கொண்ட மூலிகையும்கூட. வேளாண்மையில், மூலிகைப் பூச்சிவிரட்டி தயாரிக்கவும் புகையிலை பயன்படுகிறது.

புகையிலைக்குத் தடை... புகையும் விவசாயிகள்!

பல நூறு வருடங்களாக, திருப்பூர், திண்டுக்கல், நாகப்பட்டினம், கரூர், ஈரோடு ஆகிய பகுதிகளில் நூற்றுக்கணக்கான ஏக்கர் நிலத்தில் புகையிலை சாகுபடி செய்யப்பட்டு வருகிறது. இங்கெல்லாம் அறுவடை செய்யப்பட்ட புகையிலை, தற்போது விற்பனையாகாமல் டன் கணக்கில் தேங்கியுள்ளது. இதனால், கடும் நெருக்கடிக்கு உள்ளாகியிருக்கிறார்கள், விவசாயிகள். தேங்கிக் கிடக்கும் புகையிலையை விற்பனை செய்வதற்கு அரசு வழிவகைகளை காண வேண்டும். புகையிலையை மூலிகையாக மட்டும் விளைவிக்கக் கட்டுப்பாடுகளுடன் அனுமதிக்க வேண்டும்.'' என்று கோரிக்கை வைத்தார்.

இந்த விஷயத்தை வேளாண்துறை அமைச்சர் தாமோதரன் கவனத்துக்கும் கொண்டு சென்றிருக்கிறார் செல்லமுத்து. அப்போது, ''வேளாண்துறை செயலரிடம் ஆலோசித்து முடிவு சொல்கிறேன்'' என்று பதில் தந்திருக்கிறார் அமைச்சர்.