Published:Updated:

பாராட்டு வாங்கித் தந்த... 'பசுமை’!

காசி. வேம்பையன் படங்கள்: கா. முரளி

பாராட்டு வாங்கித் தந்த... 'பசுமை’!

காசி. வேம்பையன் படங்கள்: கா. முரளி

Published:Updated:

கருத்தரங்கு

##~##

ஆகஸ்ட் 18-ம் தேதி, வேலூர் மாவட்டம், ஆற்காடு அருகே உள்ள தக்காங்குளம் கிராமத்தில், மாங்காடு உழவர் மன்றத்தின் சார்பில், இயற்கை விவசாயம் பற்றிய ஒரு நாள் கருத்தரங்கு, 'இயற்கை வேளாண் விஞ்ஞானி’ கோ. நம்மாழ்வார் தலைமையில் நடைபெற்றது.   மரம் வளர்ப்பு பற்றி, எழில்சோலை பா.சா. மாசிலாமணி பழ மரங்கள் பற்றி திருவாலங்காடு பாரதி; அசோலா வளர்ப்பு குறித்து சேவூர் பாலகிருஷ்ணன்; பூச்சி மற்றும் நோய் கட்டுப்பாடு பற்றி தக்கோலம் நீல. சம்பத்; ஆகியோர் தங்களின் அனுபவங்களைப் பகிர்ந்துகொண்டனர்!

ஒட்டுமொத்த விகடனுக்கும் ஒரே ஷார்ட்கட்!

சிறப்பு விருந்தினராக பங்கேற்ற தமிழக வனத்துறையின் ஆற்காடு பகுதி வனச் சரகர் விஜய், ''எங்கப்பாவும் வனத்துறை அலுவலர்தான். நான், ராணுவத் துக்குத் தேர்வாகியிருந்த நேரத்துல, அவர் திடீர்னு இறந்துடவே... கருணை அடிப்படையில வனத்துறை வேலை கிடைச்சுது. ஆரம்பத்துல, நாத்துகளைகூட பராமரிக்கத் தெரியாமத்தான் இருந்தேன். அதனால மேலதிகாரிகள்கிட்ட நிறைய திட்டு வாங்கியிருக்கேன். அப்போ, 'பசுமை விகடன்’ புத்தகம் கையில கிடைச்சது. அதன் மூலமா, இயற்கை விவசாயத் தொழில்நுட்பங்களை நிறையவே தெரிஞ்சுக் கிட்டேன்.

பாராட்டு வாங்கித் தந்த... 'பசுமை’!

இப்ப பெரும்பாலும் இயற்கை முறையிலதான் நாத்து உற்பத்தி பண்றோம். இயற்கை முறையில வளர்க்கிற நாத்துகளுக்கு வறட்சியைத் தாங்குற தன்மை கிடைக்குது. இப்போ, மேலதிகாரிங்கள் கிட்ட பாராட்டு வாங்கிக்கிட்டிருக்கேன். விவசாயம், மரம் வளர்ப்புனு எதைப் பத்தியும் தெரியாம இருந்த எனக்கு வழிகாட்டினது, 'பசுமை விகடன்’தான். மரம் வளர்ப்பு சம்பந்தமா விவசாயிகளுக்கு வழிகாட்டவும், உதவி செய்யவும் நான் எப்பவுமே தயாரா இருக்கிறேன்'' என்றார் உணர்ச்சிப பூர்வமாக. நிறைவாகப் பேசிய நம்மாழ்வார், ''ஷூமேக்கர் என்ற வெளிநாட்டுக்காரன் 'ஸ்மால் இஸ் பியூட்டிஃபுல்’னு புத்தகம் எழுதியிருக்கான். அதுல அவன் ஒரு கேள்வியை எழுப்பியிருப்பான். அதாவது, 'உலக அதிசயங்கள்ல ஒண்ணா இருக்குற தாஜ்மஹால் இந்தியாவுலதான் இருக்கு. அதைக் கட்டினதுக்கு எந்த மின்சாரம், சிமென்ட், கம்பிகளைப் பயன்படுத்தினாங்க?'னு கேட்டிருப்பான். ஆக, நம்மகிட்ட இல்லாத தொழில்நுட்பங்களே இல்லை. ஆனா, அதையெல்லாம் மறந்துட்ட நாம... சிமென்ட், மின்சாரம், கம்பினு நாட்டையே சுரண்டி சுடுகாடா மாத்திக்கிட்டிருக்கற இந்த மூணை மட்டும்தான் கட்டி அழுதுட்டிருக்கோம். இதோட பயன்பாடுகளைக் குறைச்சுக்கிட்டாலே... பெருமளவு சந்தோஷம் வந்து சேரும்'' என்று சொன்னார்!

தொடர்புக்கு, விஜய், செல்போன்: 95669-04949.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism