Published:Updated:

சுவற்றிலும்கூட செய்யலாம் விவசாயம்!

மா.அ. மோகன்பிரபாகரன் படங்கள்: க. ரமேஷ்

பிரீமியம் ஸ்டோரி
##~##

'வீட்டிலும் செய்யலாம் விவசாயம்' என்றொரு அழகானத் தலைப்புடன், 'பசுமை விகடன்’, 'அவள் விகடன்’ ஆகிய இதழ்களின் சார்பில், ஆகஸ்ட் 18-ம் தேதி திருப்பூர் தெற்கு ரோட்டரி சங்க திருமண மண்டபத்தில் ஒரு நாள் பயிற்சிக் கருத்தரங்கு நடைபெற்றது. வீட்டிலிருந்தபடியே... தோட்டம், காளான் வளர்ப்பு மற்றும் தேனீ வளர்ப்பு என்று அசத்தலாக விவசாயம் செய்வதைக் கற்றுத்தருவதற்காக நடத்தப்பட்ட இந்நிகழ்வுக்கு... திருப்பூர் தெற்கு ரோட்டரி சங்கம், திருப்பூர் தெற்கு இன்னர்வீல் சங்கம் மற்றும் பாரத ஸ்டேட் வங்கி ஆகியவை தங்களின் ஆதரவை வழங்கியிருந்தன. ரோட்டரி சங்கத் தலைவர் ஜெயபாலன் தலைமை ஏற்க, 500 பேர் கலந்து கொண்டனர்.

வீட்டுத் தோட்டம் அமைப்பதில் நெடிய அனுபவம் வாய்ந்தவரும், சுற்றுச்சூழல் ஆர்வலருமான 'கோயம்புத்தூர்’ வின்சென்ட், ''விவசாயம் செய்றதுக்கு நிலமோ, பணமோ தேவையில்லீங்க. மனம் இருந்தா போதும். இடமே இல்லனாலும்... வீட்டு மொட்டைமாடி, காம்பவுண்ட் சுவர்னு விவசாயம் செய்யலாம். அட, அது கூட இல்லைனா... சுவத்துலகூட விவசாயம் செய்ய முடியும்.

சுவற்றிலும்கூட செய்யலாம் விவசாயம்!

நம்ம ஊர்க்காட்டுல... 'ஆடு மேய்ச்ச மாதிரியும் ஆச்சு... அண்ணனுக்கு பொண்ணு பாத்த மாதிரியும் ஆச்சு’னு சொலவடை சொல்லுவாங்க. இதேபோலத்தான் வீட்டுக்கு முன்னால ஒரு குழி எடுத்து, நாலு அவரை, பீர்க்கன் விதைகளை நட்டு வெச்சுட்டா போதும். 'சமையலுக்கு காய் கிடைச்ச மாதிரியும் ஆச்சு... வீட்டுக்கு நிழலும் கிடைச்சுடும். நம்ம, பாட்டன், முப்பாட்டன், அப்பன், ஆத்தா காலத்திலிருந்தே இதை வழக்கமா வெச்சுருந்தாங்க. அதைத்தான் இன்னிக்கு 'வீட்டுத்தோட்டம்’னு

சுவற்றிலும்கூட செய்யலாம் விவசாயம்!

பேர் வெச்சு, பயிற்சி எடுக்க வந்திருக்கோம்'' என்று தன் ஆதங்கத்தையும் வெளியிட்டவர், வீட்டுத் தோட்டம் அமைக்கும் முறைகளை படக்காட்சிகளுடன் விரிவாக விளக்கினார்.

அவரைத் தொடர்ந்து, தேனீ வளர்ப்பு பற்றி, திருப்பூர்- திருஞானசம்பந்தம் மற்றும் சிவகிரி- தண்டாயுதபாணி ஆகியோரும், காளான் வளர்ப்பு பற்றி திண்டுக்கல் கவிதா-மோகன்தாஸ் தம்பதியும் பயிற்சி அளித்தனர்.

பங்கேற்றவர்களில் பலரும் நிகழ்ச்சி முடிந்ததும், நெகிழ்ச்சியுடன் தங்களின் நன்றிகளை பசுமை விகடன் மற்றும் அவள் விகடனுக்குச் சொல்லிக் கலைந்தனர்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு