Published:Updated:

கறவை நின்றாலும், கவலையில்லை... சாணம் மூலமும் சம்பாதிக்கலாம்..!

கறவை நின்றாலும், கவலையில்லை... சாணம் மூலமும் சம்பாதிக்கலாம்..!

கறவை நின்றாலும், கவலையில்லை... சாணம் மூலமும் சம்பாதிக்கலாம்..!

கறவை நின்றாலும், கவலையில்லை... சாணம் மூலமும் சம்பாதிக்கலாம்..!

Published:Updated:
கறவை நின்றாலும், கவலையில்லை... சாணம் மூலமும் சம்பாதிக்கலாம்..!
மதிப்புக்கூட்டல்
காசி.வேம்பையன்
கறவை நின்றாலும், கவலையில்லை... சாணம் மூலமும் சம்பாதிக்கலாம்...!
கறவை நின்றாலும், கவலையில்லை... சாணம் மூலமும் சம்பாதிக்கலாம்..!

ஒட்டுமொத்த விகடனுக்கும் ஒரே ஷார்ட்கட்!

'சாணம் விழுந்தா உரம் பாரு... எருவை எரிச்சா திருநீறு ..!
பளிச்... பளிச்...

கறவை நின்ற நாட்டுமாடுகளே போதும்...
சாணத்தை மதிப்புக்கூட்டினால் விபூதி தயார்.
ஒரு கிலோ ரூ.125.

கறவை நின்றாலும், கவலையில்லை... சாணம் மூலமும் சம்பாதிக்கலாம்..!

''மாடுகளுக்கு வயதாகி கறவை நின்று போனால், உடனடியாக 'அடிமாடா’கக் குறைந்த விலைக்கு விற்று விடத்தான் பெரும்பாலான விவசாயிகள் நினைக்கிறார்கள். ஆனால், 'பாலை மட்டுமே காசாகப் பார்க்காதீர்கள். மாட்டிலிருந்து கிடைக்கும் சாணத்தைக்கூட மதிப்புக்கூட்டி காசாக்கலாம்" என்கிறார், கோசாலை யைப் பராமரித்து வரும் 'ஆடிட்டர்' கணபதி சுப்ரமணியம்.

தமிழகத்தின் நாகப்பட்டினத்திலிருந்து, காரைக்கால் செல்லும் வழியில், புதுவை மாநில எல்லைப் பகுதியில் அமைந்திருக்கிறது மேலவாஞ்சியூர். இந்த கிராமத்தில் சங்கர மடத்தின் கட்டுப்பாட்டிலுள்ள ஸ்ரீவிஸ்வநாதஸ்வாமி கோயிலின் அறங்காவலராக இருக்கிறார், கணபதி சுப்ரமணியம். இவர்தான் கோயிலுக்குச் சொந்தமான கோசாலையையும் நிர்வகித்து வருகிறார்.

அடிமாடுகளிலும் அபரிமிதமான வருமானம்!

"எனக்குச் சொந்த ஊர் திருவாரூர் மாவட்டம், நெம்மேலி. சின்னவயசுல இருந்தே ஆன்மிகத்துல ஈடுபாடு வந்ததால, சங்கர மடத்தோட தொடர்பு வந்துச்சு. பிறகு, 2006-ம் வருஷத்துல இந்தக் கோயிலோட அறங்காவலர் பொறுப்பை ஏத்துக்கிட்டேன். அடிப்படையில நான் ஆடிட்டர். அதனால, அந்தப் பணியையும் பாத்துக்கிட்டிருக்கேன்.

கறவை நின்றாலும், கவலையில்லை... சாணம் மூலமும் சம்பாதிக்கலாம்..!

வயதான மாடுகளை, அதோட மதிப்புத் தெரியாம அடிமாடுகளா வித்துக்கிட்டிருக்கறது இங்க வழக்கமா இருக்கு. அந்த மாதிரி விற்பனைக்கு வந்த கிர், தார்பார்க்கர், உம்பளச்சேரி மாடுகளை வாங்கி மடத்தோட கோசாலையில வளர்க்க ஆரம்பிச்சேன். இப்போ அதுமாதிரி மொத்தம் 94 நாட்டு மாடுகள் இருக்கு. கோயிலுக்குச் சொந்தமா விவசாயமில்லாத 1,000 ஏக்கர் நிலம் இருக்கு. அதுலதான் இந்த மாடுகளை மேய்ச்சலுக்கு அனுப்புறோம். காலையில் எட்டு மணியில இருந்து, சாயங்காலம் ஆறு மணி வரைக்கும் மேய்ஞ்சுட்டு கொட்டகைக்குத் திரும்பிடும். ராத்திரி நேரத்துல மட்டும் வைக்கோல் கொடுப்போம். தீவனம் கொடுக்கறதுக்கு, கோஜலம் (மாட்டுச்சிறுநீர்) மற்றும் சாணம் சேகரிக்கிறதுக்கு மூணு ஆட்கள் இருக்காங்க. வாரத்துக்கொரு தடவை கால்நடை மருத்துவர்கள் வந்து மாடுகளைப் பரிசோதனை பண்ணிடுவாங்க.

இந்த மாடுகள் மூலமாகக் கிடைக்கற பால், கோஜலம், சாணத்தைப் பயன்படுத்தி, தைலம், பற்பொடி, விபூதி, சூர்ணம், பஞ்சகவ்யா, நெய்னு நிறைய பொருட்களை உற்பத்தி பண்றோம். அதிகமா விபூதியைத்தான் உற்பத்தி பண்றோம். இதெல்லாம் தயாரிச்சது போக மிச்சமிருக்குற கோஜலத்தை விவசாயத்துக்கு உரமா பயன்படும்னு இலவசமா கொடுத்துக்கிட்டு இருக்கோம்.

நாட்டு மாட்டுச்சாணம்தான் விபூதிக்கு ஏற்றது!

கறவை நின்றாலும், கவலையில்லை... சாணம் மூலமும் சம்பாதிக்கலாம்..!

விபூதின்னாலே... பெரும்பாலும் நெல் கருக்கா, காகிதம் மாதிரியானப் பொருட்களை எரிச்சுதான் தயாரிச்சு, விற்பனை பண்றாங்க. சில இடங்களில் சில வேதிப்பொருட்களைக் கலந்துகூட தயாரிச்சு விக்கிறாங்க. இதையெல்லாம் உபயோகிச்சா... தோல் நோய்கள் வர்றதுக்கான வாய்ப்பு இருக்கு. நாட்டு மாட்டுச்சாணத்தை எரிச்சுதான் விபூதி தயார் பண்ணணும். இதுல, சுண்ணாம்பு, பாஸ்பரஸ், கந்தகம், செம்பு, துத்தநாகம் எல்லாம் அடங்கியிருக்கறதால உடம்புக்கு நல்லது. நாங்க ஆன்மிகப்பணியில் இருக்கறதால முறைப்படி சுத்தமான விபூதியைத் தயார் பண்ணிட்டிருக்கோம். தமிழ்நாட்டுல ஏறத்தாழ ஒரு கோடி குடும்பங்கள் தினமும் விபூதியைப் பயன்படுத்துறாங்க. அதனால சுத்தமான விபூதிக்கு பெரிய அளவில் சந்தை வாய்ப்பு இருக்கு.

ஒரு மாட்டிலிருந்து ஆண்டுக்கு ஒரு லட்சம்!

ஒரு மாட்டில் இருந்து தினமும் சராசரியா 10 கிலோ அளவுக்கு சாணம் கிடைக்கும். அதுல 2 கிலோ விபூதி தயாரிக்க முடியும். ஒரு கிலோ விபூதி 200 ரூபாய் வரை விலை வெச்சு வெளியில கொடுக்கிறோம்.

மேலும், எங்க பகுதியில விவசாயிகள்கிட்ட இருக்குற வயதான நாட்டு மாடுகளை நாங்க வாங்கிக்கிட்டு, அதுக்குப் பதிலா வேற இளவயது மாடுகளை கடன் அடிப்படையில கொடுத்துக்கிட்டிருக்கோம். விவசாயிகள் அந்த மாடுகள் மூலமா உற்பத்தி பண்ற விபூதி உள்ளிட்ட பொருட்களை நாங்களே வாங்கிக்கிட்டு கடன் தொகையைக் கழிச்சுடுவோம். விவசாயிகளிடம், வயதான நாட்டு மாடுகள வளர்க்கச் சொல்லியும் அறிவுறுத்திக்கிட்டு இருக்கோம்.

விவசாயிகள் உற்பத்தி செய்ற விபூதியை நாங்களே ஒரு கிலோ 125 ரூபாய்னு வாங்கிக்கிறோம். ஒரு மாட்டு மூலமா கிடைக்கிற சாணத்துல விபூதி தயாரிச்சு, வருசத்துக்கு ஒரு லட்சம் ரூபாய் வரைக்கும் சம்பாதிக்க முடியும்.

எங்க கோசாலை மூலமா மாதம் 700 கிலோ வரை விபூதி கிடைக்குது. எங்க மடங்கள், மற்ற கோயில்களுக்குக் கொடுத்தது போக, மீதம் உள்ள விபூதியை விற்பனை செஞ்சுடுவோம்" என்றார்.

உபதொழில் தரும் உயர் வருமானம்!

கணபதி சுப்ரமணியத்தின் ஆலோசனைப்படி விபூதி தயாரித்து வரும் முப்பைத்தன்குடியைச் சேர்ந்த கண்ணகி\குமார் தம்பதியரை சந்தித்தோம். முதலில் பேசிய கண்ணகி, "என் வீட்டுக்காரர் 15 வருஷமா சவுதியில் வேலை பார்த்துட்டு வந்திருக்கார். ஆரம்பத்துல இருந்தே விவசாயம்தான் எங்க தொழில். உபத்தொழில் ஏதாவது செய்யலாம்ங்கற யோசனையில, காரைக்கால் கே.வி.கே. கொடுக்குற பயிற்சிகள்ல கலந்துக்குவேன். அங்க பயிற்சி எடுத்த நிறைய விஷயங்களை செயல்படுத்திப் பாத்தப்போ, எதுவுமே பெருசா எனக்கு சரிப்பட்டு வரல.

கறவை நின்றாலும், கவலையில்லை... சாணம் மூலமும் சம்பாதிக்கலாம்..!

இடையில ஒரு பயிற்சியில பேச வந்த கணபதி சுப்ரமணியம் சார், 'ஐந்தாயிரம் ரூபாய்க்கு விலை போகிற மாட்டோட சாணத்தில் இருந்து, விபூதி தயாரிச்சு வருஷத்துக்கு ஒரு லட்சம் சம்பாதிக்க முடியும்’னு சொன்னார். திரும்ப அவர்கிட்ட பேசிட்டு, அவர் சொல்லித் தந்த மாதிரி விபூதி தயாரிச்சு மடத்துக்குக் கொண்டு போனப்போ... கிலோ 125 ரூபாய்னு வாங்கிக்கிட்டாங்க. அடுத்தடுத்து எனக்கு நேரம் கிடைக்கிறப்போவெல்லாம் விபூதி தயாரிச்சுக் கொடுக்க ஆரம்பிச்சேன். ரெண்டரை மாசத்துக்குள்ள 250 கிலோ தயாரிச்சு, 30,000 ரூபாய் சம்பாதிச்சுட்டேன். அக்கம் பக்கம் இருக்கறவங்ககிட்ட, சின்னதா சாணத்துல வரட்டி தட்டித் தரச்சொல்லி விலைக்கு வாங்கி, விபூதி தயாரிக்கப் பயன்படுத்தறேன்" என்று பூரிப்புடன் சொன்னார்.

மாதம் 10,000 ரூபாய்!

மனைவியைத் தொடர்ந்த குமார், "எங்ககிட்ட ஆறு மாடுங்க இருக்கு. அதை மேய்ச்சலுக்கு அனுப்பறதால, பட்டியில இருக்குறப்ப கிடைக்கற சாணத்தை வெச்சு மட்டும்தான் விபூதி தயாரிக்கிறோம். அதன்படி பார்த்தா, ஆறு மாடுங்ககிட்ட இருந்து தினமும் 20 கிலோ சாணம் கிடைக்கும். அதை சாம்பலாக்கினா, மேற் பகுதியில சரியான வெப்பம் கிடைக்காம கொஞ்சம் கருப்பாகிடும். கீழே இருக்கிற பகுதி அதிக சூடுபட்டதால நிறம் மாறியிருக்கும். நடுவுல உள்ள பகுதியிலதான் தூய்மையான விபூதியா 2 கிலோ கிடைக்கும். ஒரு வாரத்துக்கு 14 கிலோ. மாசத்துக்கு 56 கிலோனு கிடைக்கும். கிலோ 125 ரூபாய் வீதம் 7,000 ரூபாய்க்கு கொடுக்கிறோம். முழுநேரத் தொழிலா செஞ்சா... இன்னும் கூடுதலா லாபம் பார்க்க முடியும். அதனால நாங்க இன்னும் இதை விரிவுபடுத்தலாம்னு இருக்கோம்" என்றார்.

'மடத்தில் விபூதி தயாரிக்கும்போது 10 கிலோ சாணத்துக்கு 2 கிலோ விபூதி கிடைக்கிறது. ஆனால், கண்ணகி-குமார் தம்பதி தயாரிக்கும்போது 20 கிலோ சாணத்துக்கே 2 கிலோ விபூதிதான் கிடைக்கிறது. இதற்கு என்ன காரணம்?' என்று கணபதி சுப்பிரமணியத்தை கேட்டோம். அவர் நம்மிடம், "சில பேர் விபூதியை முறையாக தயாரிக்கத் தெரியாமல் அவதிப்படுகிறார்கள். நாட்டுரக நெல் மூலம் கிடைக்கும் கருக்காவை எரித்து விபூதி தயாரித்தால்தான் அது நன்றாக எரியும். அதேபோல கடையில் விற்கப்படும் தீவனத்தை மாடுகளுக்குக் கொடுத்தால், சரியாக செரிக்காது. இதைத் தொடர்ந்து கிடைக்கும் சாணத்திலும் கோளாறு ஏற்பட்டு, அது முழுமையாக எரியாது. விபூதியும் தரமாகக் கிடைக்காது. மடத்தில் உள்ள மாடுகளுக்கு கடை தீவனம் கொடுப்பதில்லை. நாட்டு ரக கருக்காவை வைத்துதான் விபூதி தயாரிக்கிறோம். அதனால், 10 கிலோ சாணத்துக்கு

2 கிலோ விபூதி தாராளமாகக் கிடைக்கிறது" என்று விளக்கினார்.

படங்கள் செ. சிவபாலன்
தொடர்புக்கு, கணபதி சுப்ரமணியம்,
அலைபேசி 94437-77444,
குமார், அலைபேசி 91508-20709

விபூதி தயாரிப்பு எப்படி?

சுத்தமாக மண் இல்லாத சாணத்தை சேகரித்துக் கொள்ள வேண்டும். அதில் நாட்டுமாட்டுச் சிறுநீரைச் சேர்த்து நன்றாக பிசைந்து, உள்ளங்கை அளவுக்கு சிறுசிறு வரட்டிகளாகத் தட்டிக் கொள்ள வேண்டும். அதை சிமெண்ட் தரை அல்லது காட்டன் துணியில் மூன்று நாட்களுக்குக் காய வைக்க வேண்டும். நன்கு காய்ந்தவுடன், தரையில் அரை அடி ஆழத்தில் குழி எடுத்து, அதில் நெல் கருக்காவை மூன்று அங்குல உயரத்துக்குப் பரப்பி, அதன்மேல் வரட்டிகளைக் கோபுரம் போல அடுக்க வேண்டும். பின்னர், மண்ணைக் குழைத்து, சூளை கணக்காக அதன் மீது பூசி, சூடத்தைக் கொளுத்தி தீ மூட்ட வேண்டும். தொடர்ந்து ஐந்து நாட்கள் புகைந்து தானாக அடங்கி விடும். சாம்பலானது கட்டி கட்டியாக இருக்கும். அவற்றைத் தனியே எடுத்து, கைளால் தூளாக்கி, 'பாலிஸ்டர்' வேட்டியில் சலித்தால் விபூதி தயார்!'

கறவை நின்றாலும், கவலையில்லை... சாணம் மூலமும் சம்பாதிக்கலாம்..!
கறவை நின்றாலும், கவலையில்லை... சாணம் மூலமும் சம்பாதிக்கலாம்..!
                            
      
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism