Published:Updated:

காட்டுக் காடை,கெளதாரிகளை பண்ணையில் வளர்க்கலாமா?

காட்டுக் காடை,கெளதாரிகளை பண்ணையில் வளர்க்கலாமா?

காட்டுக் காடை,கெளதாரிகளை பண்ணையில் வளர்க்கலாமா?

காட்டுக் காடை,கெளதாரிகளை பண்ணையில் வளர்க்கலாமா?

Published:Updated:
காட்டுக் காடை,கெளதாரிகளை பண்ணையில் வளர்க்கலாமா?
நீங்கள் கேட்டவை
புறா பாண்டி
"காட்டுக் காடை, கௌதாரிகளை பண்ணையில் வளர்க்கலாமா?"
காட்டுக் காடை,கெளதாரிகளை பண்ணையில் வளர்க்கலாமா?

ஒட்டுமொத்த விகடனுக்கும் ஒரே ஷார்ட்கட்!

"அசோலா வளர்க்க விரும்புகிறேன். அதற்கு, 'ரசாயன உரங்கள் போட வேண்டும்' என்கிறார்கள் சிலர். அது அவசியமா?''

பி.பி.சாமி, பாங்கல்.

கன்னியாகுமரி விவேகானந்தா கேந்திராவின் அசோலா ஆராய்ச்சியாளர் டாக்டர். கமலாசனன் பதில் சொல்கிறார்.

காட்டுக் காடை,கெளதாரிகளை பண்ணையில் வளர்க்கலாமா?
காட்டுக் காடை,கெளதாரிகளை பண்ணையில் வளர்க்கலாமா?

"அசோலாவை பல வகைகளில் வளர்த்துப் பார்த்து, சரியான முறை ஒன்றை நாங்கள் கண்டுபிடித்துள்ளோம். மரங்களுக்கு இடையில் இருக்கும் நிழற்பாங்கான பகுதியைச் சமப்படுத்தி, 2 மீட்டர் நீளம், 1 மீட்டர் அகலத்துக்கு செங்கற்களை வரிசையாக அடுக்கி தொட்டி போன்ற அமைப்பை உருவாக்க வேண்டும். அதன் உள் பகுதியில் பழைய பிளாஸ்டிக் சாக்குகளை விரித்து அதன் மீது பாலித்தீன் ஷீட்டை விரித்து தண்ணீர் ஊற்றினால், நிரம்பி நிற்கும்படி செய்ய வேண்டும். ஏறத்தாழ இது ஒரு உயரம் குறைவானத் தொட்டி போன்று இருக்கும்.

வளமான மண் 15 கிலோ அளவில் எடுத்துக் கொண்டு அதில் பரப்பி, 10 லிட்டர் நீரை விட்டு, 1 கிலோ பசுஞ்சாணி, இருபது கிராம் ராக்பாஸ்பேட் ஆகியவற்றைக் கரைத்து விடவேண்டும். பிறகு, அரைக்கிலோ அசோலாவை விதையாகத் தூவிவிட வேண்டும்.

இங்கே குறிப்பிடப்படும் 'ராக்பாஸ்பேட்' என்பதைத்தான் ரசாயனம் என்று கூறியிருப்பார்கள் என நினைக்கிறேன். இது, இயற்கையாகக் கிடைக்கும் பொருள்தான். கிடைக்காதபட்சத்தில், ஆழ்துளைக்கிணறு அமைக்கும்போது வெளிவரும் கல்தூள் அல்லது பாறைகளை உடைக்கும் தொழிற்சாலைகளில் கிடைக்கும் கிரஷர் பவுடர் எனப்படும் கல்தூளைப் பயன்படுத்தலாம். ஆரம்ப காலங்களில் ரசாயன பாஸ்பேட் உரங்களைத்தான் பயன்படுத்தி வந்தோம். ஆனால், அதைக்காட்டிலும் ராக்பாஸ்பேட் போடும்போது அசோலாவின் வளர்ச்சி நன்றாக உள்ளது என்பது குறிப்பிடத்தக்கது.

இந்தத் தொட்டியில் பத்து சென்டி மீட்டர் அளவுக்கு நீர் நின்று கொண்டே இருக்கும்படி பார்த்துக் கொள்ள வேண்டும். பத்து நாட்கள் கழித்து தினமும் ஒரு கிலோ அசோலாவை இதில் இருந்து அறுவடை செய்யலாம். தொடர்ந்து ஐந்து நாட்களுக்கு ஒரு முறை இருபது கிராம் ராக்பாஸ்பேட், அரைக் கிலோ சாணம் ஆகியவற்றை தொட்டியில் கரைத்து விட வேண்டும். தினமும் அசோலாவை அறுவடை செய்யாவிட்டால், தொட்டிக்குள் இடநெருக்கடி ஏற்பட்டு அசோலாவின் வளர்ச்சி பாதிக்கப்படும்.

இதில் புரதச்சத்து நிறைந்து காணப்படுகிறது. இதை நெல் வயலில் இடும்போது, காற்றில் உள்ள தழைச்சத்துக்களைக் கிரகித்து விளைச்சலை அதிகப்படுத்துவதோடு, களைகளையும் கட்டுப்படுத்துகிறது. ஆடு, மாடு, கோழி, மீன், பன்றி... என அனைத்துக் கால்நடைகளுக்கும் தீவனத்தோடு கலந்து கொடுக்கலாம். கறவை மாடுகளுக்குத் தினமும் இரண்டு கிலோ அளவில் கொடுத்து வந்தால், பாலின் தரம் கூடுவதோடு, பாலின் அளவும் கூடும். தவிர அசோலோவைக் கொடுக்க ஆரம்பித்தால், பிண்ணாக்கின் அளவையும் பாதியாகக் குறைத்துக் கொள்ளலாம். அசோலாவைப் பயன்படுத்தி வடை செய்து மனிதர்கள் சாப்பிடலாம்.''

தொடர்புக்கு, தொலைபேசி 04652246296.

"காடுகளில் உள்ள காடை, கௌதாரிகளைப் பிடித்து, வணிகரீதியாக வளர்க்க முடியுமா?''

எஸ்.செந்தில்குமார், தேவூர்.

சென்னை, கால்நடை மருத்துவ அறிவியல் கல்லூரியின் முதல்வர் டாக்டர். பிரபாகரன் பதில் சொல்கிறார்.

காட்டுக் காடை,கெளதாரிகளை பண்ணையில் வளர்க்கலாமா?

"இந்திய வன விலங்குச் சட்டம் 1972ன்படி காடுகளில் உள்ள காடை, கௌதாரிகளை யாரும் பிடிக்கக்கூடாது என்று அறிவுறுத்தப்பட்டுள்ளது. காடை, கௌதாரிகளைப் பிடித்து இறைச்சிக்காகக் கொன்றால்... அது சட்டப்படிக் குற்றமாகும். ஆகையால், பண்ணைகளில் வைத்து வளர்ப்பதற்கு ஏற்ற காடை இனத்தை 1984ம் ஆண்டு ஜப்பான் நாட்டில் இருந்து கொண்டு வந்தோம். அந்த இனத்தில் இருந்து புதிய இனத்தை நமது விஞ்ஞானிகள் உருவாக்கியுள்ளார்கள். அதன்படி நந்தனம் காடை1, நந்தனம் காடை2, நந்தனம் காடை3... என்று வரிசையாக அறிமுகப்படுத்தப்பட்டு விவசாயிகளால் வளர்க்கப்பட்டு வருகிறது.

ஜப்பானியக் காடை 5 வாரத்தில் 110 கிராம் எடை வரும். நந்தனம் காடை3 என்கிற ரகம், 5 வாரத்துக்குள் 200 கிராம் எடை வருகிறது. இந்த காடை இனங்களைப் பண்ணைகளில் விவசாயிகள் வளர்க்கலாம். அதற்கு முன்பு அருகில் உள்ள கால்நடை மருத்துவர் அல்லது கால்நடை மருத்துவ அறிவியல் பல்கலைக்கழகத்தின் ஆராய்ச்சி மற்றும் பயிற்சி மையத்தில் 'பல்கலைக்கழகம் வெளியிட்ட காடைதான் வளர்க்கப்படுகிறது' என்று சான்றிதழ் பெறுவது அவசியம். அது வனத்துறையினர் பண்ணையை ஆய்வு செய்ய வரும்போது, உங்களுக்கு உதவியாக இருக்கும்.''

"மழைநீரில் தாதுஉப்புக்கள் (மினரல்) இருக்கிறதா? காற்று மாசுபட்டுள்ள இந்தக் காலகட்டத்தில் மழைநீரை அப்படியே குடிக்கலாமா?''

கே. கோமதி, திருச்சி.

மழைநீர்ச் சேமிப்பு குறித்த ஆய்வு செய்து வரும் வரதராஜன் பதில் சொல்கிறார்.

"மழைநீர் மட்டும்தான் மனிதனுக்கான நீர். இதில் சுமார் 18 விதமான தாது உப்புகள் உள்ளன. என்னதான் கணிப்பொறி வைத்துக் கணித்து, மினரல் வாட்டர் தயாரித்தாலும், அது மழைநீருக்கு ஈடாகாது. அந்தக் காலத்தில் நம் முன்னோர்கள் மழைநீரைப் பிடித்து நேரடியாக பயன்படுத்தும் பாக்கியம் பெற்று இருந்தார்கள். ஆனால், இன்று ஐம்பூதங்களும் கெட்டுக் கிடப்பதால், மழைநீரை நேரடியாகப் பயன்படுத்த முடியாத சூழ்நிலைதான் இருக்கிறது.

காட்டுக் காடை,கெளதாரிகளை பண்ணையில் வளர்க்கலாமா?

வழக்கமாக மொட்டை மாடியில் இருந்து மழைநீர் கீழே செல்ல குழாய் இருக்கும். அந்தக் குழாய் வரும் பகுதியில் உள்ள ஜன்னலின் வெளியே மழை, வெயிலுக்காக வைக்கப்படும் தடுப்பின் மீது, சிறிய பிளாஸ்டிக் வடிதொட்டியை வைத்துவிட வேண்டும். இந்த வடிதொட்டி, மொட்டைமாடியின் பரப்பளவில் 5% அளவு கொண்டதாக இருக்க வேண்டும். இந்தத் தொட்டியின் அடியில் கோழிக் கூண்டுக்கு அடிக்கப்படும் வலையைப் போட வேண்டும். இதன் மீது இரண்டு அடுக்காக கொசுவலையைப் பரப்ப வேண்டும். அதன் மீது மூங்கில், தேங்காய் சிரட்டை ஆகியவற்றை எரித்த கரியைப் போட்டு, அதன் மீது அவல் ஜல்லியைப் போட்டு, அதன்மீது மீண்டும் இரண்டு அடுக்கு கொசுவலையைப் பரப்ப வேண்டும். அதன் மீது மூன்று அங்குல உயரத்துக்கு நன்றாக சலித்த மணலைப் பரப்பி விட்டால்... மழைநீர் வடிகட்டி தயார். வடிகட்டியின் கீழே குழாய் அமைத்து, மழைநீரைச் சேகரித்து வைத்தும் பயன்படுத்தலாம். காற்று, வெளிச்சம் புகாதத் தொட்டியில் மழைநீரைச் சேமித்து வைத்தால்... ஆண்டுகள் பலவானாலும் கெட்டுப் போகாமல் சுவையுடன் இருக்கும்.''

தொடர்புக்கு, அலைபேசி 9443152675.

"எனக்கு திண்டுக்கல் அருகே 10 ஏக்கர் நிலம் (செம்மண் பூமி) உள்ளது. இதில் எந்த வகையான மா மரங்களை நடவு செய்யலாம்?''

சதீஷ்குமார், திண்டுக்கல்.

திண்டுக்கல் மாவட்டம், பழநியைச் சேர்ந்த தமிழ்நாடு மா சாகுபடியாளர் சங்கத்தின் தலைவர் சௌந்தர்ராஜன் பதில் சொல்கிறார்.

காட்டுக் காடை,கெளதாரிகளை பண்ணையில் வளர்க்கலாமா?

"ஒவ்வொரு ரகமும் குறிப்பிட்ட மண்வகை, தட்பவெப்பநிலையில்தான் வளரும். அப்போதுதான் நல்ல விளைச்சலை எடுக்க முடியும். உதாரணத்துக்கு அல்போன்சா மா ரகம் இரவுக்கும் பகலுக்கும் உள்ள வெப்பநிலையில் 4 டிகிரி செல்சியஸ் வித்தியாசம் உள்ள இடத்தில்தான் நல்ல விளைச்சலைக் கொடுக்கும். இந்தத் தட்ப வெப்பநிலை, திண்டுக்கல் மாவட்டத்தில் சில குறிப்பிட்ட பகுதிகளில் நிலவுகிறது. ஆகவே, அதை மனதில் கொண்டு அல்போன்சா பயிர் செய்ய வேண்டும். பத்து ஏக்கர் நிலத்திலும் ஒரே ரகத்தைப் பயிர் செய்யாமல் மூன்று, நான்கு ரகங்களைக் கலந்து சாகுபடி செய்ய வேண்டும். இதன் மூலம் ஒரு ரகத்தில் விளைச்சல் குறைந்தாலும் மற்றொரு ரகம் கை கொடுக்கும். திண்டுக்கல் பகுதிக்கு செந்தூரம் என்று சொல்லப்படும் ரகம் ஏற்றதாக உள்ளது. இதன் நாற்றுகள் குற்றாலம் பகுதியில் கிடைக்கும்.''

தொடர்புக்கு, அலைபேசி 9842128882.

"அபீடா அலுவலகம் எங்கு உள்ளது?"

வெ. துரைராஜ், ஈரோடு.

விவசாய மற்றும் பதப்படுத்தப்பட்ட உணவுப் பொருட்களின் ஏற்றுமதி வளர்ச்சி முகமை எனும் நிறுவனத்தைத்தான் 'அபீடா' (APEDAAgricultural and Processed Food products Export Development Authority ) என்று சொல்கிறோம். தமிழ்நாடு உள்ளிட்ட தென் மாநிலங்களுக்கான அலுவலகம் பெங்களூருவில் செயல்படுகிறது. இங்கு விவசாயப் பொருட்கள் ஏற்றுமதிக்கு உதவி செய்கிறார்கள்.

தொடர்புக்கு

Agricultural and Processed Food Products Export Development Authority (APEDA)
12/1/1, Palace Cross Road, Bangalore, Karnataka 560020.
08023343425, 08023368272

08023343425, 08023368272

விவசாயம், கால்நடை, மீன்வளம் மற்றும் சுற்றுச்சூழல் என்று பல துறைகள் பற்றி வாசகர்களின் சந்தேகங்களுக்கான பதில்களை உரிய நிபுணர்களிடம் பெற்றுத் தருவதற்காகவே 'புறா பாண்டி' சும்மா 'பறபற'த்துக் கொண்டிருக்கிறார். உங்கள் கேள்விகளை 'நீங்கள் கேட்டவை'

பசுமை விகடன்,

757, அண்ணா சாலை, சென்னை-2

என்ற முகவரிக்கு தபால் மூலமும் pasumai@vikatan.com என்ற முகவரிக்கு இ-மெயில் மூலமும் றிக்ஷினிகி PVQA (space) உங்கள் கேள்வி (space) உங்கள் பெயர் டைப் செய்து 562636 என்ற எண்ணுக்கு செல்போன் மூலமும் அனுப்பலாம்.

 

காட்டுக் காடை,கெளதாரிகளை பண்ணையில் வளர்க்கலாமா?
காட்டுக் காடை,கெளதாரிகளை பண்ணையில் வளர்க்கலாமா?
                            
      
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism