Published:Updated:

'முதலில் செம்மொழி,பிறகு கள்...'

'முதலில் செம்மொழி,பிறகு கள்...'

'முதலில் செம்மொழி,பிறகு கள்...'

'முதலில் செம்மொழி,பிறகு கள்...'

Published:Updated:
'முதலில் செம்மொழி,பிறகு கள்...'
சந்தை
எஸ்.ராஜாசெல்லம்
விலை பள்ளத்தில்...எடை பாதாளத்தில்....
'முதலில் செம்மொழி,பிறகு கள்...'

ஒட்டுமொத்த விகடனுக்கும் ஒரே ஷார்ட்கட்!

கொள்ளை வியாபாரிகளிடம் தப்பித்த கிராமத்தின் கதை !

கள் உணவுப்பொருள் என்பதை ஒப்புக் கொண்டு, அதை விற்பனை செய்வதற்கு தமிழக அரசு அனுமதி அளிக்காவிட்டால், செம்மொழி மாநாட்டு வளாகத்தில் கள் விற்பனை செய்வோம்...'

-உலகத் தமிழ் செம்மொழி மாநாடு கோவையில் நடக்க இருக்கிறது என்ற அறிவிப்பு வெளியான கொஞ்ச நாட்களிலேயே, இப்படியரு அதிரடி அறிவிப்பை வெளியிட்டது தமிழ்நாடு கள் இயக்கம்.

'முதலில் செம்மொழி,பிறகு கள்...'

இந்நிலையில், செம்மொழி மாநாட்டுக்கான நாள் நெருங்கிக் கொண்டே இருக்க, அந்த அமைப்பின் நடவடிக்கைகளை உன்னிப்பாக கவனிக்க ஆரம்பித்த போலீஸார், பலவிதமான நடவடிக்கைகள் மூலம், அவர்களை அமைதிப்படுத்த முயன்றனர். ஆனால், அதெல்லாம் வெற்றியளிக்கவில்லை. மாறாக, 'சங்க கால மன்னன் அதியமானே, ஒளவைக்கு கள் கொடுத்திருக்கிறார். செம்மொழி மாநாடு நடத்தும் தமிழக அரசே கள் விற்பனைக்கு அனுமதி கொடு' என்றெல்லாம் தட்டி விளம்பரங்களை எழுதி ஆங்காங்கே வைத்தனர்.

அதேசமயம், எப்பாடுபட்டாவது போராட்டத்தைத் தடுத்தே தீருவது என்று தீர்மானித்து, அதற்கான வேலைகளைத் தீவிரமாக செய்ய ஆரம்பித்தது போலீஸ். இதற்காக கள் இயக்கத் தலைவர்களிடம் பல மாதிரி பேச்சுவார்த்தை நடத்தியது. 'நாங்களே விவசாயக் குடும்பம்தான். எங்களுக்கும் கள் விற்பனை செய்றது தப்பில்லைனுதான் தோணுது. ஆனாலும் அதுக்கு இது இடமில்லை' என்றெல்லாம் பேசிப்பார்த்தனர் போலீஸார். ஆனாலும் அசையவில்லை அமைப்பினர்.

பிறகு, மேற்கு மண்டலக் காவல்துறை டி.ஐ.ஜி-யான சிவனாண்டி உள்ளிட்ட உயர் அதிகாரிகள், கள் இயக்கத்தினருடன் பேச்சு வார்த்தை நடத்த... அதன் முடிவில், மாநாட்டுக்காக கோயம்புத்தூர் வந்த முதல்வர் கருணாநிதியுடன் கள் இயக்கத்

'முதலில் செம்மொழி,பிறகு கள்...'

தலைவர்களை சந்திக்க வைப்பது எனத் தீர்மானிக்கப்பட்டது. அதன்படி, கடந்த 22-ம் தேதி காலையில் முதல்வரை சந்தித்தனர் கள் இயக்கத் தலைவர்கள். அப்போது, "உங்கள் மனுவைக் காலையிலேயே படித்தேன். கள் முக்கியமானது, அவசியமானது, கவனிக்கிறேன். ஆனால், இப்போதைக்கு செம்மொழி மாநாட்டை சிறப்பாக நடத்துவோம்" என்று சொல்லி விடை கொடுத்திருக்கிறார் முதல்வர்.

இதையடுத்து பத்திரிகையாளர்களைச் சந்தித்த கள் இயக்க அமைப்பாளர் செ.நல்லசாமி, "கள் விஷயத்தில் முதல்வர் கொடுத்திருக்கும் உத்தரவாதத்தை ஏற்று, செம்மொழி மாநாட்டுத் திடலில் கள் விற்பனை செய்யப்போவதில்லை என தீர்மானித் திருக்கிறோம். ஆனால், மாநாட்டுக்குப் பிறகும் எங்களின் போராட்டம் தொடரும்" என்று சொன்னார்.

எது எப்படியோ... செம்மொழி மாநாட்டு வரலாற்றிலும் பதிவாகிவிட்டது கள்!

படம் வி. ராஜேஷ்

'முதலில் செம்மொழி,பிறகு கள்...'
'முதலில் செம்மொழி,பிறகு கள்...'
                            
      
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism