Published:Updated:

ஏக்கருக்கு ரூ.77,000 அள்ளிக் கொடுக்கும் புளியம்பூ கத்திரிக்காய் !

ஏக்கருக்கு ரூ.77,000 அள்ளிக் கொடுக்கும் புளியம்பூ கத்திரிக்காய் !
மகசூல்
ஜி.பழனிச்சாமி
ஏக்கருக்கு ரூ.77,000 அள்ளிக் கொடுக்கும் புளியம்பூ கத்திரிக்காய் !
ஏக்கருக்கு ரூ.77,000 அள்ளிக் கொடுக்கும் புளியம்பூ கத்திரிக்காய் !

பளிச்...பளிச்...

மணல் கலந்த வண்டல் பூமியில் நன்கு வரும்.
ஐந்து மாதங்கள் வரை அறுவடை.
உரமே தேவையில்லை.

உடுமலைப்பேட்டைக்கு அருகில் உள்ள அமராவதி அணைப் பகுதியில் 'கத்திரி செல்வராஜ்' என்று கேட்டால், தெரியாத ஆட்களே இல்லை. அந்தளவுக்கு பிரபலம். காரணம், கத்திரி. நான்கு வருடங்களாக தொடர்ந்து, இயற்கை முறையில் நாட்டுரகமான புளியம் பூ கத்திரிக்காயைப் பயிரிட்டு வருவதால், அவருடைய பெயருக்கு முன் கத்திரியும் சேர்ந்து விட்டது.

ஏக்கருக்கு ரூ.77,000 அள்ளிக் கொடுக்கும் புளியம்பூ கத்திரிக்காய் !

"கிணத்துப் பாசனத்தோட எனக்கு நிலமிருக்கு. கொஞ்சம் மணல் கலந்த வண்டல் பூமி. கத்திரி சாகுபடிக்கு ஏத்த பூமிங்கிறதால ஒரு ஏக்கராவுல மட்டும் 'புளியம் பூ கத்தரி'னு சொல்ற நாட்டுரக கத்திரி போட்டிருக்கேன். இயற்கை முறையில பண்றதால, நிலத்துல மண்வளமும் நல்லாவே கைகொடுக்குது. இதனால, என்னோட செலவெல்லாம் குறைஞ்சிருக்கு'' என்ற செல்வராஜ், சாகுபடி பாடத்தை நடத்த ஆரம்பித்தார்.

விதைநேர்த்தி முக்கியம்!

"நிலத்தைத் தேர்வு செய்தவுடன், 6 லோடு தொழுவுரத்தைப் போட்டு, டிராக்டர் மூலம் நான்கு உழவு போட்டு தயார்ப்படுத்த வேண்டும். பிறகு, நாற்றுத் தயாரிப்பில் இறங்கவேண்டும். ஒரு ஏக்கருக்கு 250 கிராம் விதைகள் தேவைப்படும். நன்றாக முற்றி 'மினுமினு'வென மின்னும் பழுத்த கத்திரிப் பழங்கள் பத்து எண்ணிக்கையில் எடுத்துக் கொள்ள வேண்டும். அதை நறுக்கி, தண்ணீர் உள்ள வாளியில் அமுக்கி கசக்கினால், விதைகள் பிரியும். நீரை வடித்து, விதைகளை எடுத்து, விதைநேர்த்திக்காக ஒரு லிட்டர் பஞ்சகவ்யாவில் சில நிமிடங்கள் ஊற வைத்து, நிழலில் உலர்த்த வேண்டும். நன்கு உலர்ந்த பின், பருத்திநூல் துணியில் கட்டி வைத்துக் கொள்ளவேண்டும்.

ஏக்கருக்கு ரூ.77,000 அள்ளிக் கொடுக்கும் புளியம்பூ கத்திரிக்காய் !
ஏக்கருக்கு ரூ.77,000 அள்ளிக் கொடுக்கும் புளியம்பூ கத்திரிக்காய் !

உயிர் தண்ணீர் அவசியம்!

மூன்று அடி அகலம், ஆறு அடி நீளம் கொண்ட முக்கால் அடி உயர மேட்டுப் பாத்தி அமைத்து, சிறு கற்கள், மணல் கட்டிகளையெல்லாம் அகற்றி, மண்ணைத் தூளாக்க வேண்டும். பின்னர் தூள் செய்யப்பட்ட 10 கிலோ தொழுவுரத்தைக் கூடையில் கொட்டி, பாத்திக்குள் லேசாகத் தூவி, அதன்மீது கத்திரி விதைகளையும் சீராக தூவி, உயிர்த் தண்ணீர் விடவேண்டும். தண்ணீர் விடாவிட்டால், விதைகளை எறும்பு மற்றும் சிறு பூச்சிகள் கவ்விக் கொண்டு போய்விடும். விதைகள் முளைத்தவுடன், பாத்தியில் ஈரம் காயாதபடி நீர் பாய்ச்ச வேண்டும். இடையிடையே, பாசன நீரில் கொஞ்சம் அமுதக்கரைசலைக் கலந்து விடவேண்டும். களைகள் முளைத்தால், கை களை எடுக்க வேண்டும். 2 முறை களை எடுக்க வேண்டியிருக்கும். 45ம் நாளில் நாற்றுகள் தயாராகி விடும்.

அள்ளிக் கொடுக்கும் அமுதக்கரைசல்!

ஏற்கெனவே உழவு செய்யப்பட்டு தயாராக உள்ள நிலத்தில், பாத்தி அமைத்து மூன்றடிக்கு மூன்றடி இடைவெளியில் நாற்றுகளை ஈர நடவு செய்ய வேண்டும். வாரம் ஒரு முறை நீர் பாய்ச்ச வேண்டும். 15 மற்றும் 30ம் நாளில் களையெடுக்க வேண்டும். இரண்டாவது களை எடுத்ததும், 10 நாட்களுக்கு தண்ணீர் பாய்ச்சாமல், செடிகளை வாடவிட்டு பிறகு, (40ம் நாளில்) 200 லிட்டர் அமுதக்கரைசலை பாசனநீரில் கலந்து கொடுக்க வேண்டும். அடுத்த சில நாட்களிலேயே பூ எடுக்க ஆரம்பிக்கும்.

ஏக்கருக்கு ரூ.77,000 அள்ளிக் கொடுக்கும் புளியம்பூ கத்திரிக்காய் !

வேறு எந்த பயிர் வளர்ச்சி ஊக்கிகளோ... உரமோ தேவையில்லை. 60ம் நாளிலிருந்து, காய்கள் அறுவடைக்குத் தயாராகிவிடும். அதிலிருந்து ஐந்து மாதங்கள் வரை காய் எடுக்கலாம். இடையிடையே தேவைப்பட்டால், களையெடுக்க வேண்டும்.

பூச்சிகளின் மீது கவனம்!

கத்திரியில், செம்பேன், காய்ப்புழு, தண்டுப் புழுத் தாக்குதல் அதிகம் இருக்கும். இவற்றை இயற்கை மூலிகைப் பூச்சிவிரட்டிகள் மூலமாகவே கட்டுப்படுத்தி விடலாம் (கடந்த ஆண்டு வரை மூலிகைப் பூச்சிவிரட்டி பயன்படுத்தி வந்த செல்வராஜ் தற்போது அதைப் பயன்படுத்துவதில்லை. அதேசமயம் தினமும் தோட்டத்தைச் சுற்றி வந்து, பாதிக்கப்பட்ட செடிகள், சொத்தைக் காய்களை உடனடியாக அப்புறப்படுத்தி, மாடுகளுக்கு தீவனமாகக் கொடுத்து வந்துள்ளார். இதனால், அவருக்கு பூச்சித் தாக்குதல் இல்லை).

விற்பனைக்கு அலைய வேண்டாம்

பாடத்தை முடித்த செல்வராஜ், "ஒரு ஏக்கரில் சராசரியாக 10 டன் கத்திரி கிடைக்கும். கேரள வியாபாரிகள், தோட்டத்துக்கே வந்து, எடை போட்டு வாங்கிக்கிறாங்க. இன்னிய நிலைமைக்கு ஒரு கிலோ 8 ரூபாயிலிருந்து 15 ரூபாய் வரை கொடுக்குறாங்க. இயற்கை விவசாய விளைபொருள் அங்காடி வெச்சுருக்கறவங்களும் தேடி வந்து வாங்குறாங்க. ஆனா, இயற்கை கத்திரிக்காய்னு கூடுதல் விலையெல்லாம் வெச்சுக் கொடுக்குறதில்ல. நஞ்சில்லாத காய்கறியை உற்பத்தி பண்ணி கொடுக்கறோம்ங்கிற மன நிறைவே எனக்கு போதுமானதா இருக்கு'' என்று சந்தோஷமாகச் சொன்னார்.

பூச்சிவிரட்டி தயாரிப்பது எப்படி?

வேப்பங்கொட்டை கரைசல் பூச்சிகளை விரட்டி அடிக்கவும், பயிர்களுக்கு நோய் எதிர்ப்புத் தன்மை உருவாகவும், ஏற்கெனவே இருக்கும் நோய்களைத் துரத்தவும் இது பயன்படும். பத்து கிலோ வேப்பங் கொட்டையை நன்கு தூளாக்கி, 20 லிட்டர் நீரில் கரைத்து 24 மணி நேரம் வைத்திருக்கவும். இதை வடிகட்டி 200 லிட்டர் நீருடன் 100 கிராம் காதி சோப்பு (கரைசல் பயிர்களின் மீது ஒட்டுவதற்காக) கலந்து, கைத்தெளிப்பான் கொண்டு காலை அல்லது மாலை வேளைகளில் தெளிக்கவும். ஏக்கருக்கு 10 முதல் 12 டேங்க் வரை பிடிக்கும்.


இதனால் கம்பளிப் புழுக்கள், அசுவிணி, தத்துப்பூச்சிகள், வெட்டுக்கிளிகள், புகையான், இலை சுருட்டுப்புழு, ஆனைக் கொம்பன், கதிர்நாவாய் பூச்சிகள் உள்ளிட்ட பலவும் கட்டுப்படுகின்றன. மேலும் சாம்பல் நோய், மஞ்சள் வைரஸ் நோய் போன்றவையும் கட்டுப்படும்.

ஏக்கருக்கு ரூ.77,000 அள்ளிக் கொடுக்கும் புளியம்பூ கத்திரிக்காய் !
ஏக்கருக்கு ரூ.77,000 அள்ளிக் கொடுக்கும் புளியம்பூ கத்திரிக்காய் !
ஏக்கருக்கு ரூ.77,000 அள்ளிக் கொடுக்கும் புளியம்பூ கத்திரிக்காய் !