Published:Updated:

எது வாங்கினாலும் 5 ரூபாய்... மக்களைக் கவர்ந்த 'நல்ல சோறு’!

மாவட்ட ஆட்சியரின் அசத்தல் முயற்சி... - ஆர். குமரேசன், படங்கள்: உ. பாண்டி

எது வாங்கினாலும் 5 ரூபாய்... மக்களைக் கவர்ந்த 'நல்ல சோறு’!

மாவட்ட ஆட்சியரின் அசத்தல் முயற்சி... - ஆர். குமரேசன், படங்கள்: உ. பாண்டி

Published:Updated:
##~##

'உணவே மருந்து, மருந்தே உணவு’ என்பதுதான் தமிழகப் பாரம்பரிய உணவின் அடிநாதம். அப்படிப்பட்ட நம் பாரம்பரிய உணவுகளை உண்டு மகிழும் வாய்ப்பு, ராமநாதபுரம் மக்களுக்குக் கிடைத்தது. முதன் முறையாக இங்கே புத்தகத் திருவிழாவை நடத்தியதுடன், சிறுதானியங்களில் சமைக்கப்பட்ட உணவுப் பொருட்களைக் கொண்டு, 'நல்ல சோறு’ என்ற பெயரில் ஓர் உணவகத்தையும் அமைத்து, சிறுதானியங் களைப் பற்றிய விழிப்பு உணர்வையும் ஏற்படுத்தி இருக்கிறார், மாவட்ட ஆட்சியர் நந்தகுமார்.

இதைப் பற்றி பேசிய நல்ல சோறு அமைப்பின் ஒருங்கிணைப்பாளர் ஏகாம்பரம், ''ஜனவரி 25 முதல் பிப்ரவரி 2 வரை புத்தகத் திருவிழா நடந்துச்சு. இதுக்காக வர்ற மக்கள் பசியாறும் வகையிலதான்... நல்ல சோறு ஏற்பாடானது. கேட்டரிங் கல்லூரி மாணவர்கள், மகளிர் சுய உதவிக் குழுவினர், சத்துணவுப் பணியாளர்கள் எல்லாரையும் ஒருங்கிணைச்சு... 'நல்ல சோறு’ங்கற பெயரில் ஒரு குழுவை அமைச்சு, சிறுதானிய உணவுகளைச் சமைச்சு வழங்கினோம்.

ஒட்டுமொத்த விகடனுக்கும் ஒரே ஷார்ட்கட்!

எது வாங்கினாலும் 5 ரூபாய்... மக்களைக் கவர்ந்த 'நல்ல சோறு’!

மாவட்ட ஆட்சியரோட இந்த முயற்சி, மக்கள்கிட்ட சிறுதானியங் களைப் பத்தின விழிப்பு உணர்வை நல்லாவே ஏற்படுத்தி யிருக்கு. புத்தகத் திருவிழா நடந்த பத்து நாளும்... 'நல்ல சோறு' கடையில கூட்டமா நின்னு வாங்கி சாப்பிட்டுக்கிட்டே இருந் தாங்க. மக்கள் விரும்பி சாப்பிடணும்ங்கிறதுக் காகவே 5 ரூபாய்க்கு மேல எந்தப் பொருளுக்கும் விலை வைக்கல. மூலிகை சூப், சிறுதானிய தோசை, பிஸ்கட், முறுக்கு, தேன்-தினை மாவு, லட்டுனு விதவிதமா கொடுத்ததால மக்கள் ஆர்வமா திரும்பத் திரும்ப வந்து வாங்கி சாப்பிட்டாங்க. கிட்டத்தட்ட 65 ஆயிரம் டோக்கனுக்கு மேல விற்பனையாகி இருக்கு.

இந்த நிகழ்ச்சியோட பலனா, இன்னிக்கு ராமநாதபுரத்துல இருக்கற எல்லா டிபார்ட் மெண்ட் ஸ்டோர்லயும் சிறுதானியங்கள் கிடைக்கும்னு போர்டு தொங்க விட்டிருக் காங்க. ரெண்டு பேர் சிறுதானிய உணவுகள் தினமும் கிடைக்கறதுக்காகவே புதுசா கடையே திறக்கப் போறாங்க'' என்றார்.

எது வாங்கினாலும் 5 ரூபாய்... மக்களைக் கவர்ந்த 'நல்ல சோறு’!

வழக்கமாக இதுபோன்ற நிகழ்வு களில் பஜ்ஜி, போண்டா, ஐஸ்கிரீம், பாப்கார்ன்... போன்ற கடைகள்தான் அதிகமாக இருக்கும். ஆனால், இந்தப் புதிய முயற்சி, மக்களிடம் பெரும் வரவேற்பைப் பெற்றுள்ளது. 'அடுத்தத் திருவிழா எப்போ?' என இப்போதே எதிர்பார்ப்புடன் காத்திருக்கிறார்கள்.