Published:Updated:

பூவே... பூவே... மாம்பூவே!

பூக்களைப் பாதுகாக்க பலே யோசனைகள்!ஆலோசனைவீ.கே. ரமேஷ், படங்கள்: எம். விஜயகுமார்

பூவே... பூவே... மாம்பூவே!

பூக்களைப் பாதுகாக்க பலே யோசனைகள்!ஆலோசனைவீ.கே. ரமேஷ், படங்கள்: எம். விஜயகுமார்

Published:Updated:
##~##

 து மாமரங்களின் சூல் காலம். அதாவது, மா மரங்கள் பூவெடுக்கும் பருவம். பெண்ணின் கர்ப்ப காலம் போன்றது, மரங்களில் பூ பூக்கும் பருவம். பூக்கள் உதிர்ந்து விட்டால், மகசூல் கிடைக்காது என்பதால், மிகமிக கவனமாக கையாள வேண்டிய பருவம் இது. இயற்கை முறையில் மாமரங்களில் பூக்கள் உதிராமல் பராமரிக்கும் முறைகளைப் பற்றித் தெரிந்து கொள்ள சேலம், அக்கரப்பாளையம் கிராமத்தைச் சேர்ந்த வழக்கறிஞர் திருநாவுக்கரசை சந்தித்தோம்.

''வழக்கறிஞரா இருந்தாலும், அடிப் படையில நான் விவசாயி. எங்க குடும்பமே விவசாயத்து மேல ஈடுபாடு உள்ள குடும்பம். மண்ணைக் கெடுத்து, மனுசனையும் கெடுக்கும் ரசாயனத்தைப் போடாம, இயற்கை முறையிலதான் விவசாயம் செய்றோம். ரெண்டு ஏக்கர்ல இமாம்பசந்த், ரெண்டு ஏக்கர்ல சேலம்-பெங்களூரா ரக மரங்கள் இருக்கு. எல்லாத்தும் சொட்டு நீர் போட்டிருக்கேன்'' என முன்னுரை கொடுத்த திருநாவுக்கரசு தொடர்ந்தார்.

ஒட்டுமொத்த விகடனுக்கும் ஒரே ஷார்ட்கட்!

''பொதுவா, நமக்கான மகசூலைத் தீர்மானிக்கறது பூக்கள்தான். ஒரு மரம் பூத்திருக்கும்போது, கர்ப்பிணிப் பெண்ணைப் பாதுகாக்குற மாதிரி பாத்துக்கணும். உடம்பு ஆரோக்கியமா

பூவே... பூவே... மாம்பூவே!

இருந்தாத்தானே ஆரோக்கியமான குழந்தையைப் பெத்தெடுக்க முடியும். அதுமாதிரி, மரங்கள் ஆரோக்கியமா இருந்தாத்தான் அதிக பூக்கள் பூக்கும். பூத்தப் பூக்களும் உதிராம இருக்கும். அதனால, பூவெடுக்குறதுக்கு முன்னமே மரத்தைத் தயார் செஞ்சுடணும். பூக்குறதுக்கு மூணு மாசத்துக்கு முன்ன, உழவு போட்டு, மரத்தோட இலை-தழைகளையும், கால்நடைக் கழிவுகளையும் அடியுரமா போடணும். அப்பத்தான் மரத்துக்குத் தேவையான சத்துக் கள் கிடைக்கும். மரத்துல சத்து இல்லன்னா... பூ உதிர்ந்திடும்.

பூவெடுத்த பிறகு, மூடுபனி, காத்து, மழை அதிகமா இருந்தா பூக்கள் கொட்டிடும். இந்த இயற்கைச் சீற்றத்தை நம்மால தடுத்து நிறுத்த முடியாது. அதேநேரத்துல, பூத்த எல்லா பூக்களும் காயா மாறுனா, மரமும் தாங்காது. ஆயிரம் ஆண் பூக்களுக்கு, ஒண்ணு, ரெண்டு பெண் பூக்கள் என்ற கணக்குலதான் மா மரங்கள்ல பூ இருக்கும். வண்டுகளும், பூச்சிகளும் பூக்கள்ல மாறிமாறி உக்காரும்போது, ஆண் பூக்கள்ல இருக்கற மகரந்தத்தூள்கள், பெண் பூக்களோட சூல் பையில விழுந்து, பிஞ்சு உருவாகும். அந்த சமயத்துல பஞ்சகவ்யா, அரப்பு-மோர் கரைசல்களை ரெண்டு மூணு முறை, நல்லா பூக்கள் நனையிற மாதிரி தெளிக்கணும். இப்படி தெளிக்கிறப்போ, பெண் பூக்கள் வலுவானதா மாறும். பூச்சிகளும் வராது. மரத்துல பூ இருக்கும்போது வேர்கள்ல தண்ணி தேங்க விடக்கூடாது. அதே நேரத்துல காய்ஞ்சும் போயிடாம, ஈரப்பதம் இருக்கற மாதிரி பாத்துக்கிடணும். பாசனம் செய்றப்போ, அமுதக்கரைசலை பாசனத் தண்ணியில கலந்து விடணும்''

என்று சொன்ன திருநாவுக்கரசு,

பூவே... பூவே... மாம்பூவே!

''இதெல்லாமே எளிமையான வழிமுறைகள்தான். எல்லாத்தையும் முறையா செஞ்சாலே, ஏக்கருக்கு ஒண்ணரை டன்ல இருந்து ரெண்டு டன் காய் எடுக்கலாம்'' என்றார் தெம்பாக!.